تازا ترين
  • سنڌ ۾ ٽئين ڏينهن به برسات جو سلسلو جاري، ڪيترن ئي علائقن ۾ روڊن رستن بيٺل پاڻي نيڪال نه ٿي سگهيو*ڪراچي، سيوهڻ، فيض گنج، مورو،جوهي، ڦل خيرپور، گهوٽڪي، حيدرآباد، لاڙڪاڻو، ڪنڌڪوٽ، سکر،ن وشهروفيروز، دادو، سانگهڙ ۽ ٻين شهرن ۾ برسات *يونيورسٽي روڊ، شاهراهه فيصل، کارادر، سنڌ اسيمبلي، سنڌ هاءِ ڪورٽ ۽ ٻين روڊن تي پاڻي بيٺل هجڻ سبب شهرين کي ڏکيائيون پيش*

فيصل رحمان سان رومانوي سين ڪرڻ سڀ کان ڏکيو هو: حنا الطاف

ڪراچي (شوبز نيوز) اداڪارا ۽ ميزبان حنا الطاف جو چوڻ آهي ته اداڪار فيصل رحمان سان رومانوي سين ڪرڻ سڀ کان ڏکيو رهيو ڇو ته هو ڪجهه وڌيڪ ئي رومانوي ٿي ويندو آهي. اداڪارا ناشپاتي پرائم جي شو ٽو بي اونسٽ ۾ ڪجهه مهينا اڳ هڪ انٽرويو ڏنو هو جنهن جي مڪمل قسط هاڻي يوٽيوب تي رليز ڪئي وئي آهي. هن ويب شو جي هڪ ڪلپ سوشل ميڊيا تي وائرل ٿي رهي آهي جنهن ۾ اداڪارا حنا الطاف فيصل رحمان سان رومانوي سين جي حوالي سان ڳالهايو آهي. نجي ٽي وي ويب سائيٽ موجب انٽرويو ۾ اداڪارا کان فواد خان سان رومانوي سين ڪرڻ جي حوالي سان هڪ سوال پڇيو ويو جنهن تي هن چيو ته مان عماد عرفاني سان به رومانوي سين ڪيا آهن پر اداڪار فيصل رحمان سان رومانوي سين ڪرڻ سڀ کان ڏکيو هو. حنا الطاف چيو ته فيصل رحمان حد کان وڌيڪ رومانوي ٿي ويندو آهي يعنيٰ جيڪڏهن ڪنهن سين ۾ آڱر پڪڙڻي هجي ته هو هٿ پڪڙيندو آهي، مونکي پنهنجو الارم آن رکڻو پوندو آهي ته بس هاڻي ڪجهه به ٿي ويندو، جنهن تي شو جي ميزبان مزاحيا انداز ۾ چيو ته هي رومانٽڪ ناهي ان کي ڪيس چوندا آهن ڇو ته اوهان کيس آڱر ڏيو ٿيون ۽ هو هٿ پڪڙي ٿو. جنهن تي اداڪارا حنا الطاف چيو ته مان ته فيصل رحمان کي مي ٽو چئي ڊيڄارڻ شروع ڪري ڇڏيو هو.

Bookmark the permalink.