تازا ترين
  • خورشيد شاهه خلاف آمدني کان وڌيڪ اثاثا ڪيس، ٻڌڻي 5 آڪٽوبر تائين ملتوي*
  • آصف زرداري جي اپيلن تي فيصلو 23 سيپٽمبرتي ٻڌايو ويندو*نيب جيڪي الزام لڳايا، انهن سان واسطو ئي ناهي، آصف زرداري جي وڪيل دليل مڪمل ڪري ورتا *

فيشن انڊسٽري جي مشهور ماڊل ايمان سليمان شادي جو اعلان ڪري ڇڏيو

ڪراچي (شوبز نيوز) پاڪستان فيشن انڊسٽري جي مشهور ماڊل ايمان سليمان سوشل ميڊيا ذريعي پنهنجي شادي جو اعلان ڪري ڇڏيو. ايمان سليمان تازو انسٽاگرام تي هڪ پوسٽ ذريعي مداحن کي پنهنجي شادي جي خبر ٻڌائي. ايمان سليمان پنهنجي پوسٽ ۾ هڪ مزاحيه انداز ۾ ٻڌايو ته هاڻي جلد پنهنجي دوست سان شادي ڪندي. ماڊل چيو ته مان پنهنجي دوست جميل سان شادي ڪنديس جيڪو سٺو ڇوڪرو آهي ۽ گڏوگڏ ماڊل مداحن کي ٻنهي لاءِ دعا ڪرڻ جو به چيو. هن لکيو ته سندس دوست پيشي کان مارشل آرٽسٽ آهي. هوڏانهن مشهور ماڊل ايمان سليمان سرمد کوسٽ جي هدايتڪاري ۾ ٺهندڙ فلم زندگي تماشا ۾ به اداڪاري جا جوهر ڏيکاريندي جنهن جي ايندڙ سال رليز ٿيڻ جو امڪان آهي. ماڊل سوشل ميڊيا تي سماجي مسئلن تي ڳالهائڻ کان به ناهي لنوائيندي ۽ سوشل ميڊيا تي سماجي مسئلن جي حوالي سان ڳالهائڻ ۾ سرگرم نظر ايندي آهي.

Bookmark the permalink.