تازا ترين
  • خورشيد شاهه خلاف آمدني کان وڌيڪ اثاثا ڪيس، ٻڌڻي 5 آڪٽوبر تائين ملتوي*
  • آصف زرداري جي اپيلن تي فيصلو 23 سيپٽمبرتي ٻڌايو ويندو*نيب جيڪي الزام لڳايا، انهن سان واسطو ئي ناهي، آصف زرداري جي وڪيل دليل مڪمل ڪري ورتا *

فريدآباد مان نينگري کي مبينا طور اغوا ڪرڻ جي ڪوشش، مزاحمت تي سندس چاچو زخمي، 4 جوابدارن خلاف اين سي داخل

چئن جوابدارن گهر ۾ گهڙي نياڻي تبسم کي اغوا ڪرڻ جي ڪوشش ڪئي: فريادي

جاچ ڪئي آهي، اغوا واقعو ناهي، سڱاوتي تڪرار تان ڌرين ۾ جهيڙو ٿيو: پوليس

فريدآباد(ن پ ا) فريدآباد مان نينگري کي مبينا طور اغوا ڪرڻ جي ڪوشش، مزاحمت تي سندس چاچو، زخمي. پوليس واقعي کي سڱاوتي تڪرار تان جهيڙو قرار ڏئي ڇڏيو. ڏيرا پاڙي جي رهواسي الله بخش ڏيرو ٿاڻي تي پهچي اين سي داخل ڪرائيندي موقف اختيار ڪيو ته چئن جوابدارن غلام حسين، مور، نياز ۽ ضمير ڏيرو گهر ۾ گهڙي سندس 14 ورھين جي نياڻي تبسم ڏيرو کي اغوا ڪرڻ جي ڪوشش ڪئي وئي. هن چيو ته مزاحمت ڪرڻ تي جوابدارن سندس ڀاءُ غلام علي ڏيرو کي ڪهاڙين جا وار ڪري زخمي ڪري ڇڏيو، جنهن کي نازڪ حالت ۾ ميهڙ جي اسپتال ۾ داخل ڪرايو ويو. فريدآباد پوليس جو چوڻ آهي ته واقعي جي جاچ ڪئي وئي آهي، اغوا جو ڪو به واقعو پيش ناهي آيو، نينگري جي پيءُ پاران سندس سڱ ٻئي هنڌ ڪرڻ تان سندن مائٽ ناراض ٿيا، جنهن تان ٻنهي ڌرين ۾ جهيڙو ٿيو.

Bookmark the permalink.