تازا ترين
  • سنڌ ۾ ٽئين ڏينهن به برسات جو سلسلو جاري، ڪيترن ئي علائقن ۾ روڊن رستن بيٺل پاڻي نيڪال نه ٿي سگهيو*ڪراچي، سيوهڻ، فيض گنج، مورو،جوهي، ڦل خيرپور، گهوٽڪي، حيدرآباد، لاڙڪاڻو، ڪنڌڪوٽ، سکر،ن وشهروفيروز، دادو، سانگهڙ ۽ ٻين شهرن ۾ برسات *يونيورسٽي روڊ، شاهراهه فيصل، کارادر، سنڌ اسيمبلي، سنڌ هاءِ ڪورٽ ۽ ٻين روڊن تي پاڻي بيٺل هجڻ سبب شهرين کي ڏکيائيون پيش*

عمرڪوٽ: غذائي کوٽ ۽ نمونيا وگهي مهيني اندر 6 ٻارڙا فوت، 30 اسپتال ڀيڙا

سول اسپتال ۾ هلندڙ مهيني دوران غذائي کوٽ ۽ نمونيا وگھي 6 ٻارڙا فوت ٿي ويا

فوتي ٻارڙن ۾ 3 مهينن جي سنيتا، 2 مهينن جي پوجا، پرڪاش، پير بخش ۽ ٻيا شامل

عمرڪوٽ (رپورٽ: محمد علي ڪنڀر) عمرڪوٽ ۾ غذائي کوٽ ۽ نمونيا وگهي 6 ٻارڙا فوت، 30 کان وڌيڪ اسپتال داخل. خبر موجب سول اسپتال عمرڪوٽ ۾ هلندڙ مهيني دوران غذائي کوٽ ۽ نمونيا وگھي 6 ٻارڙا فوت ٿي ويا آھن. فوتي ٻارڙن ۾ 3 مهينن جي سنيتا، 2 مهينن جي پوجا، هڪ ڏينهن ٻارڙي، 6 مهينن جو پير بخش، 6 مھينن جو پرڪاش، نظير احمد جو هڪ ڏينھن جو ٻارڙو شامل آهن، جڏهن ته نمونيا ۾ مبتلا 30 کان وڌيڪ ٻارڙا اسپتال ۾ داخل آھن. ان ڏس ۾ ٻارڙن جي وارثن جو چوڻ آهي ته اسپتال ۾ بيڊن جي کوٽ آهي، جنهن ڪري ھڪ ئي بيڊ تي 2 کان 3 ٻارڙن کي رکيو ويو آهي. وارثن موجب اسپتال ۾ علاج جون سھولتون پڻ نه ھئڻ برابر آھن ۽ اڪثر دوائون خانگي ميڊيڪل اسٽورن تان آڻڻيون پون ٿيون. ان حوالي سان پنھنجي اخبار سان ڳالھائيندي سول اسپتال جي ايم ايس ڊاڪٽر اعظم کوسو چيو ته ٻارڙن جي فوت ٿيڻ جو ڪارڻ نمونيا ۽ غذائي کوٽ آھي. هن چيو ته ٻارڙن کي وارث ڪمزور حالت ۾ اسپتال کڻي اچن ٿا، جنهن ڪري هو علاج دوران فوت ٿي وڃن ٿا.

Bookmark the permalink.