تازا ترين
  • حڪومت ٻڌائي ته بزرگ شهرين کي ڪهڙيون سهولتون مليون؟سنڌ جي هر ضلعي ۾ اولڊ ايج هومز ٺاهڻ ۽ بزرگ شهرين کي طبي سهولتون ڏيڻ جو حڪم*سنڌ سرڪار اولڊ ايج هومز ٺاهڻ لاءِ گهربل فنڊز جاري ڪري: سنڌ هاءِ ڪورٽ بزرگ شهرين لاءِ طبي سهولتون يقيني بڻائڻ جو به حڪم ڏنو*بزرگ شهرين کي سندن قانون جو به پتو ناهي: عدالت طرفان قانون تي عمل لاءِ جاڳرتا مهم هلائڻ ۽ شڪايتون ٻڌڻ لاءِ ڪميٽي جوڙڻ جو حڪم*
  • لاهور اسپتال تي حملي ۾ گرفتاريون: پنجاب ۾ وڪيلن جي هڙتال*پنجاب بار ڪائونسل جي سڏ تي سموري صوبي ۾ وڪيلن جي هڙتال، مظاهرا ۽ ريليون*

شاگردياڻي سان ڇو ٿو ڳالهائين؟شاهه لطيف يونيورسٽي ۾ جهيڙو

خيرپور ۾ جهيڙي دوران شاگردياڻي بيهوش: يونيورسٽي گيٽ آڏو احتجاج: پوليس گاڏي تحويل ۾ وٺي ڇڏي

سکر (بيورو رپورٽ) خيرپور جي شاهه عبداللطيف يونيورسٽيءَ ۾ شاگردياڻي سان ڳالهائڻ تي ٻن شاگردن ۾ جهيڙو ٿي پيو. شاگردياڻي بيهوش ٿي وئي. شاگردياڻي ڪشف چيو آهي ته کيس اغوا ڪرڻ جي ڪوشش نه ڪئي وئي هئي. يونيورسٽي انتظاميا به اغوا جي ڪوشش وارين ڳالهين کي رد ڪري ڇڏيو.
شاهه عبداللطيف يونيورسٽيءَ جي شاگردياڻي ڪشف ڌيءُ محمد حنيف آرائين کي بيهوشي جي حالت ۾ سول اسپتال خيرپور منتقل ڪيو ويو، جتي طبي امداد بعد کيس هوش آيو. اُن موقعي تي پبلڪ ايڊمنسٽريشن شعبي جي آخري سال جي شاگردياڻي ڪشف بيان رڪارڊ ڪرائيندي ٻڌايو ته تنوير وساڻ ۽ آفتاب سومرو سندس ڪلاس فيلو آهن، هوءَ جڏهن پوائنٽ بس جو انتظار ڪري رهي هئي ته آفتاب ساڻس ڳالهائي رهيو هو، جنهن تي تنوير آيو ۽ ڳالهائڻ کان روڪيو ته ٻنهي ۾ جهيڙو ٿي پيو، جنهن کانپوءِ هوءَ بيهوش ٿي ويئي.
شاگردياڻي چيو ته کيس ڪنهن به اغوا ڪرڻ جي ڪوشش نه ڪئي آهي، باقي بيهوش ٿيڻ کانپوءِ کيس ڪنهن به شئي جي خبر نه پئي. هُن اغوا ڪوشش واري واقعي جو ڪيس داخل ڪرائڻ کان به انڪار ڪري ڇڏيو.
يونيورسٽي جي گيٽ آڏو احتجاج
شاهه عبداللطيف يونيورسٽيءَ جي شاگردياڻي کي مبينا طور اغوا ڪرڻ جي ڪوشش واري واقعي کانپوءِ شاگردن ۽ شاگردياڻين طرفان احتجاج ڪيو ويو. يونيورسٽيءَ جي گيٽ آڏو احتجاج دوران نعريبازي پڻ ڪئي وئي. شاهه عبداللطيف يونيورسٽيءَ جي ترجمان جو چوڻ آهي ته شاگردياڻي جي اغوا ڪوشش جو ڪوبه واقعو پيش نه آيو آهي.
يونيورسٽيءَ جي سيڪيورٽي انتظاميا جو بيان
ٻئي پاسي يونيورسٽيءَ جي سيڪيورٽي انتظاميا جو چوڻ آهي ته گاڏي نمبر بي پي ايم 074 واري گاڏي وڃي رهي هئي ته سيڪيورٽي گارڊز اُن کي روڪيو، جنهن بعد گاڏي اندر شاگردياڻي ڪشف بيهوش نظر آئي ته شاگرد آفتاب کوسو ۽ تنوير وساڻ فرار ٿي ويا. جنهن کانپوءِ گاڏي کي يونيورسٽيءَ وٽ بيهاري شاگردياڻي کي ايمبولينس ذريعي اسپتال منتقل ڪيو ويو هو.

Bookmark the permalink.