تازا ترين
  • سنڌ ۾ ٽئين ڏينهن به برسات جو سلسلو جاري، ڪيترن ئي علائقن ۾ روڊن رستن بيٺل پاڻي نيڪال نه ٿي سگهيو*ڪراچي، سيوهڻ، فيض گنج، مورو،جوهي، ڦل خيرپور، گهوٽڪي، حيدرآباد، لاڙڪاڻو، ڪنڌڪوٽ، سکر،ن وشهروفيروز، دادو، سانگهڙ ۽ ٻين شهرن ۾ برسات *يونيورسٽي روڊ، شاهراهه فيصل، کارادر، سنڌ اسيمبلي، سنڌ هاءِ ڪورٽ ۽ ٻين روڊن تي پاڻي بيٺل هجڻ سبب شهرين کي ڏکيائيون پيش*

سپر ماڊل جي جي حديد، زين ملڪ کي ٻيو موقعو ڏئي ڇڏيو، ٻيهر ويجهڙائي

آمريڪي سپر ماڊل جي جي حديد ۽ 27 سالن جو زين ملڪ مارچ 2018ع ۾ ڌار ٿي ويا هئا

ڪراچي (شوبز نيوز) فلسطيني ڄائي آمريڪي سپر ماڊل 24 سالن جي جي جي حديد ۽ پاڪستاني ڄائي 27 سالن جي زين ملڪ جي جوڙي کي دنيا جي مشهور ۽ رومانوي جوڙين ۾ ڳڻيو ويندو رهيو آهي. مارچ 2018ع ۾ ٻنهي جي عليحدگي سڄي دنيا ۾ موجود ٻنهي جي مداحن کي مايوس ڪري ڇڏيو هو. هاڻي اها خبر سامهون آئي آهي ته ٻنهي ٻيهر لاڳاپا رکي ورتا آهن ۽ هڪ ٻئي سان گهرڀاتين سان گڏ ملاقات ڪري نئين زندگي جي شروعات ڪئي آهي. شوبز ويب سائيٽ اي نيوز پنهنجي رپورٽ ۾ ٻڌايو ته زين ملڪ ۽ جي جي حديد نيو يارڪ ۾ ملاقات ڪئي ۽ ٻنهي گڏ ڊنر ڪيو. ڊنر لاءِ جي جي حديد نيو يارڪ ۾ هڪ سٺي مقام تي جاءِ ڪرائي تي حاصل ڪيئ هيئ جتي هن پراڻي دوست زين ملڪ ۽ گهرڀاتين سان سٺو وقت گذاريو. رپورٽ ۾ ٻڌايو ويو ته ٻنهي مارچ 2018ع کانپوءِ پهرين ملاقات ڪئي ۽ ان کان اڳ زين ملڪ ڊسمبر 2019ع ۾ جي جي حديد سان رابطو ڪري لاڳاپا بحال ڪرڻ جو چيو هو. رپورٽ موجب جي جي حديد زين ملڪ کي ٻيون موقعو ڏيندي ساڻس لاڳاپا بحال ڪيا ۽ ٻئي نيو يارڪ ۾ مليا جتي هنن سالگرهه پارٽي به منعقد ڪئي. جي جي حديد سان ماءُ يالندا حديد ماڊل جي ننڍي ڀيڻ 23 سالن جي بيلا حديد، ڀاءُ 22 سالن جو انور حديد ۽ سندس ڀاءُ جي گرل فرينڊ 24 سالن جي آمريڪي ڳائڻي دعا ليپا به موجود هئي. ان موقعي تي يالندا حديد جي 56هين سالگرهه به ملهائي وئي.

Bookmark the permalink.