تازا ترين
  • *ڪشمير هر پاڪستاني جي دل ۾ ڌڙڪندو آهي ۽ وزيراعظم ڪشمير جو ڪيس هڪ نئين رخ ۾ پيش ڪيو: ڪشمير ڪميٽي جو چيئرمين شهريار آفريدي * ڪشمير ڪميٽي جي چيئرمين شهريار آفريدي لائن آف ڪنٽرول تي چَڪوٺِي سيڪٽر جو دورو ڪيو * جي او سي ميجر جنرل عامر احسن نواز شهريار آفريدي کي ايل ايو سي جو دورو ڪرايو ۽ بريفنگ ڏني *
  • *ڪراچي جهاز حادثي جي جاچ ٽيم واقعي واري هنڌ جو دورو ڪري فرانزڪ لاءِ نمونا گڏ ڪري ورتا * ڪراچي: رينجرز جهاز حادثي ۾ هٿ آيل سامان پي آءِ اي اختيارين حوالي ڪري ڇڏيو *ڪراچي: قانون لاڳو ڪندڙ ادارن حادثي واري هنڌ کي مڪمل طور تي سيل ڪري رکيو آهي *
  • *ڪراچي: پنجاب مان آيل ٽيم جهاز حادثي بابت جاچ لاءِ آئي آهي، ان جو مڙهن جي سڃاڻپ سان ڪو تعلق نه آهي: سنڌ جي صحت واري وزير عذرا پيچوهو * ڪراچي: گورنر عمران اسماعيل پيش آيل سانحي تي سياست ڪرڻ ۽ بيان بازي کان پاسو ڪري: عذرا پيچوهو * ڪراچي: عمران اسماعيل کي ڄاڻ ئي نه آهي ته ڪراچي ۽ ڄامشوري ۾ فارنزڪ ليب موجود آهي: صحت واري وزير *
  • *لاڙڪاڻو: پ پ چيئرمين بلاول ڀٽو زرداري ۽ وڏي وزير مراد علي شاهه ۾ فون تي رابطو * لاڙڪاڻو: مراد علي شاهه جي جهاز حادثي بعد امدادي ڪمن ۽ ڪورونا جي صورتحال بابت آگاهي لاڙڪاڻو: * بلاول ڀٽو زردار طرفان ٻارن ۾ ڪورونا تيزي سان پکڙجڻ تي ڳڻتي جو اظهار
  • *ڪراچي: سنڌ حڪومت صوبي ۾ شراب جا گتا کولڻ جي اجازت ڏئي ڇڏي آهي * ڪراچي: نوٽيفڪيشن موجب سنڌ ۾ عيد جي ٽئين ڏهاڙي کان شراب جا گتا کلي ويندا * ڪراچي: شراب جا گتا کولڻ لاءِ ڪورونا وائرس کان بچاءَ بابت احتياطي اپائن لاءِ قاعدا ۽ ضابطا پڻ جوڙيا ويا *
  • *صوبائي خودمختياري خلاف ڳالهائيندڙن جي دماغ جو مٿيون پاسو خالي آهي: مولا بخش چانڊيو*
  • *منهنجو دوست شهباز شريف خطري ۾ آهي، کيس مشورو آهي ته نيب ۾ وڃي پيش ٿئي: شيخ رشيد*
  • *مان چاهيان ٿو ته عوام هن ڀيري روايت کان هَٽِي ڪري عيد ملهائَي: وزيراعظم*
  • *عيد الفطر مذهبي عقيدت ۽ احترام سان ملهائي پئي وڃي*

سنڌ ۾ وري ڌاڙيل گردي: 4 مهينن ۾ 83 ڄڻا اغوا ٿي چڪا، 8 ڪروڙ 83 لک رپيا ڀنگ وصول

فون ذريعي ماڻهن کي عورتاڻي آواز تي هرکائي اغوا وارن واقعن ۾ تيزي اچي وئي، اغوا ٿيل نوجوانن جو پتو نه پيو

ڌاڙيل عورتن کي نمبر ڏئي ماڻهن کي ڦاسائڻ جو ٽاسڪ ڏين ٿا، عورتون تصديق لاءِ ماڻهن کي واٽس ايپ تي وڊيوز ڪال ڪن ٿيون

چڪ(اسپيشل رپورٽ:آزاد انور مهر) سنڌ ۾ عورتاڻي آواز تي هرکجڻ توڙي ڀنگ لاءِ اغوائن جي ٻين طريقن سان ٿيندڙ وارداتن ۾ خوفناڪ اضافو ٿي ويو آهي، سنڌ پوليس جي عدم دلچسپيءَ سبب شڪارپور، گهوٽڪي، ڪشمور ضلعن جي ڪچي وارا علائقا ڳڙهي تيغو، مڇي ٻنڊو، راونتي ۽ شاهه ٻيلي وارا علائقا اغوا وارداتن جي مرڪز طور مشهور آهن، گذريل سال ڳڙهي تيغو ۽ شاهه ٻيلي، ڪشمور ۽ گهوٽڪيءَ جي ڪچي ۾ شروع ڪيل آپريشن پوليس آفيسرن جي شهادت ۽ ڪچي اندر پاڻيءَ ۾ چاڙهه سبب عارضي طور بند ڪيو ويو هو، هلندڙ سال 2020ع جي چئن مهينن دوران سڄي سنڌ مان 83 ماڻهو اغوا ٿيا، جن جي بازيابي لاءِ ڌاڙيلن 8 ڪروڙ 83 لک ڀنگ طلب ڪيو ويو جنهن مان مغوين جي وڏي اڪثريت ڪروڙين رپيا ڀنگ ڀري جڏهن ته ڪجهه مغوي راڄوڻي ڪوششن ذريعي آزاد ٿيا. عورتاڻي آواز تي هرکائي اغوا وارن واقعن ۾ تيزي آئي آهي، پوليس چئن مهينن دوران عورتاڻي آواز تي هرکجي پهتل 36 عاشقن کي اغوا ٿيڻ کان بچايو، ڌاڙيل جديد ٽيڪنالاجيءَ جو فائدو وٺندي ڪال ٽريسنگ جي تڪڙي خطري کان بچڻ لاءِ ڀنگ جي پئسن جي ڏيتي ليتي به واٽس ايپ ذريعي ڪن ٿا، مهانگين موبائيل فونن جا مڪمل انگلش ايپ کي مهارت سان استعال ڪندي وائيس چينجر ذريعي ماڻهن سان رابطا ڪن ٿا ، ڌاڙيلن جي ڪجهه ٽولن پاران ماهوار پگهار تي عورتون رکيل آهن جن کي نمبرن جي لسٽ ڏئي ماڻهن کي ڦاسائڻ جو ٽاسڪ ڏنو وڃي ٿو، اغوا بعد مليل ڀنگ جو 10 سيڪڙو رقم عورتن ڏانهن ايزي پئسا ذريعي پڻ موڪلڻ جا انڪشاف سامهون آيا آهن. ٻين صوبن جون عورتون به ڌاڙيلن جون ساٿاري بڻيل آهن، 1990 کان 2000 واري ڏهاڪي ۾ بدنام ڌاڙيل شهرن توڙي نيشنل هاءِ ويز تي اچي ماڻهو اغوا ڪرڻ سان گڏ ڦر جون وارداتون به ڪندا هئا اڪثر وڏن ۽ ناليوارن ڌاڙيلن جي مارجڻ بعد سرعام ڏوهي وارداتن ۾ گهٽتائي آئي جنهن کان پوءِ ڌاڙيلن نه صرف سنڌ اغوائن جي وارداتن ۾ تبديلي آندي پر اغوا کان ويندي ڀنگ جي ڊيل توڙي ماڻهو ڇڏڻ وارا طريقا به تبديل ڪيا. تازو واقعن ۾ ڏوهاري ماڻهو هڪ ضلعي مان اغوا ڪن ٿا نشاندهي طور گاڏي ٻي ضلعي ۾ ڇڏين ٿا جڏهن ته ڀنگ جي ڏيتي ليتي واري رقم ڪنهن ٽئين ضلعن ۾ طئي ڪن ٿا جنهن ڪري پوليس پارٽي کيس ڏوهارين جي لوڪيشن ٽريس ڪرڻ ۾ گهڻيون مشڪلاتون پيش اچن ٿيون. ڳڙهي تيغو کان شاهه ٻيلي تائين ڌاڙيل ڪامياب ڪارروائين تي جشن وارا ٽڪ ٽاڪ تي وڊيوز به ٺاهين ٿا، ڳرن خطرناڪ هٿيارن جي نمائش وارا ٺاهيل وڊيو پيغام عام ماڻهو هزارن جي تعداد ۾َ شيئر ڪن ٿا جنهن ڏوهارين جي نه صرف مقبوليت وڌي ٿي پر حوصلا افزائي به ٿئي ٿي.

Bookmark the permalink.