تازا ترين
  • *ملڪ ۾ ڪورونا وائرس وڌيڪ 67 ڄڻن کان حياتيون کسي ورتيون*
  • *سنڌ جي مختلف شهرن ۾ رولو ۽ ڇتن ڪتن جو آزار گهٽجي نه سگهيو، 20 کان وڌيڪ ٻاڙن ۽ عورتن کي ڇتن ڪتن ڏاڙهي زخمي ڪري ڇڏيو*لاڙڪاڻي ۾ ڪتن ٻن ٻارڙن سميت 4 ڄڻن کي ڏاڙهي وڌو، متاثرن ۾ 6 ورهين جي خوشبو شيخ، 13 سالن جو ناصر، 50 سالن جو اختيار ۽ ٻيا شامل*موري ۾ راند ڪندڙ نينگر کي رولو ڪتي ڏاڙهي زخمي ڪري ڇڏيو، زخمي نينگر کي سندس والد کڻي اسپتال پهتو جتي وئڪسين نه ملڻ ڪري واپس گهر روانو ٿي ويو*

سنڌ ۾ ماڪڙ وڌيڪ هزارين ايڪڙ فصل کائي ڇڏيا، ڍل معاف ۽ قرض ڏيڻ جو مطالبو

ڪراچي (نمائندن وٽان) مرزا پور، ڪنري، اسلام ڪوٽ، ننگرپارڪر، نبي سر روڊ، پٿورو، کپرو، ورڪشاپ، جهڏو، اڳڙا، فقير آباد، پيرجوڳوٺ، ٺري ميرواهه، فيض گنج، سوئي گيس سميت ٻين شهرن ۾ ماڪڙ تباهي مچائي ڇڏي آهي، ڪنري ۾ پلانٽ پروٽيڪشن پاڪستان طرفان ماڪڙ مار اسپري ڪرڻ وارو جھاز ڇورڪينٽ ايئرپورٽ تي مسلسل موجود آھي جيڪو وقفي وقفي کان ڪجھ ھنڌن تي اسپري ڪري نالو ڪرڻ ۾ مصروف آھي. اسلام ڪوٽ ۾ ماڪر سبب موٽر سائيڪل تي هلڻ مشڪل بڻيل آهي، ٺري ميرواهه ۾ ماڪڙ مار اسپري نه ڪرائڻ خلاف اسسٽنٽ ڪمشنر جي آفيس آڏو ڌرڻو هنيو ويو. فيض گنج ۾ ماڪڙ مار اسپري نه ڪرائڻ خلاف آبادگارن ۽ سول سوسائٽي پاران مهراڻ نيشنل هاءِ وي تي ٽائرن کي باهه ڏئي ڌرڻو هنيو ويو، کپرو ۾ به آبادگارن شھيد چوڪ وٽ ڌرڻو هنيو، ماڪڙ لوسڻ، ڪمند، لوسڻ، جوئر، ڪڻڪ، سرنھن، ٻاجھر، ڄانڀو، اسپنگر، گوار ۽ موٺ، تر جو فصل، ڀاڄيون، بصر، هيرڻ، مرچ، وڏف کائي چٽ ڪري ڇڏيا آهن، آبادگارن جو چوڻ هو ته ماڪڙ تي ضابطو نه آيو، ته وڌيڪ نقصان جو انديشو آهي، هوڏانهن آبادگارن مطالبو ڪيو ته ماڪڙ متاثر علائقن کي آفت سٽيل قرار ڏئي ڍل معاف ڪري هارين کي قرض ڏنو وڃي، ٻئي طرف ھاري ماڪڙ کي ڀڄائڻ توڙي مارڻ لاءِ مختلف ۽ انوکا طريقا استعمال ڪندي ٺڪاء ڪرڻ، باھ ٻاري دونھون ڪرڻ ۽ جلال چانڊيو جا ڪلام ھلائڻ سميت سمورا ذريعا ڪتب آڻڻ باوجود ماڪڙ وڃڻ لاءِ تيار ناهي.

Bookmark the permalink.