تازا ترين
  • خورشيد شاهه خلاف آمدني کان وڌيڪ اثاثا ڪيس، ٻڌڻي 5 آڪٽوبر تائين ملتوي*
  • آصف زرداري جي اپيلن تي فيصلو 23 سيپٽمبرتي ٻڌايو ويندو*نيب جيڪي الزام لڳايا، انهن سان واسطو ئي ناهي، آصف زرداري جي وڪيل دليل مڪمل ڪري ورتا *

سنڌ ۾ لاڪ ڊائون جي ڀڃڪڙين جو سلسلو شروع، مختلف شهرن ۾ نيشنل بينڪز ٻاهران قطارون لڳائي پگهار ۽ پينشن وصول

نوشهري فيروز، پني عاقل، هالا ۽ ٻين شهرن ۾ ماڻهن نيشنل بئنڪن ٻاهران قطارون لڳايون

قلم 144 لاڳو هئڻ باوجود بينڪن ٻاهران قطارن تي انتظاميا، پوليس توڙي رينجرز به خاموش

ڪراچي (نمائندن وٽان) سنڌ ۾ لاڪ ڊائون جي ڀڃڪڙين جو سلسلو شروع ٿي ويو، قلم 144 لاڳو هئڻ باوجود مختلف شهرن ۾ ماڻهن نيشنل بينڪن ٻاهران قطارون لڳائي پگهار ۽ پينشن وصول ڪئي، جنهن تي انتظاميا جيان پوليس ۽ رينجرز به خاموشي جو مظاهرو ڪيو. نوشهري فيروز، پني عاقل، هالا ۽ ٻين شهرن ۾ ايڊوانس پگهارون ۽ پينشن وٺڻ لاءِ ماڻهن نيشنل بئنڪن ٻاهران وڏيون وڏيون قطارون لڳايون. صوبي ۾ قلم 144 لاڳو هئڻ باوجود بينڪن ٻاهران وڏين وڏين قطارن تي انتظاميا جيان پوليس ۽ رينجرز به خاموشي جو مظاهرو ڪيو. صحت ايمرجنسي دوران ماڻھن کي گهٽ ۾ گهٽ ۾ 3 فوٽن جو مفاصلو رکڻو آھي، پر بئنڪ انتظام ان تي عملدرآمد لاءِ ڪي به قدم نه کنيا. سنڌ واسين سرڪار کان مطالبو ڪيو آهي ته لاڪ ڊائون تي مڪمل طور عمل ڪرايو وڃي، جيئن قاتل ڪورونا وائرس کي پکڙجڻ کان روڪي سگهجي. ياد رهي ته سنڌ حڪومت ڪورونا وائرس جي پکيڙ روڪڻ خاطر صوبي ۾ 15 ڏينهن لاءِ لاڪ ڊائون ڪيو آهي.

Bookmark the permalink.