تازا ترين
  • *ميهڙ ۾ ٽن ڏينهن کان نوجوان گُم: وارثن کي اغوا جو شڪ*
  • *روهڙي ۾ سڱاوتي تڪرار تان جيڪب آباد واسي ڪُهي قتل*

سنڌ هاءِ ڪورٽ جو ميرپور خاص جي نظربند سماجي اڳواڻ کي آزاد ڪرڻ جو حڪم

حيدرآباد (بيورو رپورٽ) سنڌ هاءِ ڪورٽ ميرپور خاص جي نظربند ڪيل سماجي اڳواڻ واجد لغاري کي فوري طور آزاد ڪرڻ جو حڪم ڏئي ڇڏيو. واجد لغاري کي نظربند ڪرڻ خلاف سندس پُٽ طرفان سنڌ هاءِ ڪورٽ سرڪٽ بئنچ حيدرآباد ۾ پٽيشن داخل ڪرائي وئي هئي. عدالت درخواست تي ٻڌڻي بعد ايم پي او تحت نظربند ڪيل سماجي اڳواڻ واجد لغاري کي فوري طور آزاد ڪرڻ جو حڪم ڏئي ڇڏيو.
واضح رهي ته ميرپور خاص جي سماجي اڳواڻ بيبي مري ۽ پوليس موبائيل جي مبينا حادثي ۾ ٻن قيدين جي فوت ٿيڻ وارن واقعن تي ٿيل مظاهرين جي اڳواڻي ڪئي هئي. اختيارين مٿس ڏڦيڙ پکيڙڻ جو الزام لڳائيندي کيس نظربند ڪري ڇڏيو هو. 28 سيپٽمبر تي ٻيهر هڪ آرڊر جاري ڪندي واجد لغاري کي ايم پي او تحت وڌيڪ ٻن مهينن لاءِ نظربند ڪيو ويو هو.

Bookmark the permalink.