تازا ترين
  • پ پ ايم پي اي علي مردان شاهه لاڏاڻو ڪري ويو*عمر ڪوٽ سان تعلق رکندڙ علي مردان شاهه ڪيترائي ڀيرا وزير ۽ ايم پي اي رهيو*علي مردان شاهه صوبائي وزير سردار شاهه جو مامو ۽ ضلعي چيئرمين نور علي شاهه جو ڀاءُهو
  • *سنڌ سرڪار طرفان فلور ملز تائين ڪڻڪ نه پهچائڻ سبب کوٽ پيدا ٿي، 4 لک مان هڪ لک ٽن ڪڻڪ ڏئي ڇڏي آهي: فردوس اعواڻ*
  • *سنڌ ۾ صوبائي حڪومت جي نااهليءَ سبب اٽي جو بحران ٿيو آهي (وفاقي سرڪار) زراعت واري وزير طرفان اڱاري تائين بحران ختم ٿيڻ جو آسرو*
  • *اٽي بحران جي ذميوار سنڌ حڪومت آهي(وفاقي حڪومت) وفاق ڪڻڪ افغانستان اماڻي بحران پيدا ڪيو: سنڌ سرڪار*
  • *قاضي احمد: پول تي بجليءَ جي تار ٺاهڻ دوران ڪرنٽ لڳڻ سبب پورهيت فوت*
  • *ڏهرڪي: ڪنٽينر سان ٽڪر بعد آئل ٽئنڪر ليڪ: پيٽرول ضايع*

سنڌ نظرانداز: اڌ کان وڌيڪ پنجاب مان سفير مقرر هجڻ جو اعتراف

سي اين جي يونين پاران گيس بحران خلاف سڀاڻي ڌرڻي جو اعلان

اسلام آباد(بيورو رپورٽ) قومي اسيمبلي ۾ پيپلزپارٽي جي نواب يوسف ٽالپر جي سوال جو لکت ۾ جواب ڏيندي پرڏيهي وزير طرفان موجوده حڪومت پاران مختلف 44 ملڪن ۾ مقرر ڪيل سفيرن، هاءِ ڪمشنرن جا تفصيل پيش ڪيا ويا. قومي اسيمبلي کي اهو ٻڌايو ويو آهي ته موجوده حڪومت دنيا جي 44 ملڪن ۾ سفير ۽ هاءِ ڪمشنر مقرر ڪيا آهن. جن مان ٻهراڙي سنڌ مان رڳو 6 سفير ۽ هاءِ ڪمشنر مقرر ڪيا ويا آهن، جن ۾ رورل سنڌ سان تعلق رکندڙن ۾ يونان اندر مقرر سفير محمد نديم خان، بنگلاديش ۾ مقرر ٿيل عمران احمد صديقي، سينيگال ۾ مقرر ڊاڪٽر علي احمد آرائين، ملائيشيا ۾ مقرر آمنه بلوچ، عمان ۾ مقرر ڪي ڪي احسن وڳڻ، يو اي اي ۾ منير اڪرم شامل آهن، جڏهن ته شهري سنڌ سان تعلق رکندڙ مقرر ٽن سفيرن ۾ ڪيوبا ۾ صاحبزاده اي خان، ڪويت ۾ سيد سجاد حيدر،برنانيا ۾ محمد نفيس ذڪريا شامل آهن، اهو به ٻڌايو ويو آهي ته بلوچستان مان رڳو هڪ سفير مقرر ڪيو ويو آهي، ڪي پي ڪي مان 7، جڏهن ته 23 پنجاب ۽ هڪ اسلام آباد مان مقرر ڪيو ويو آهي، ٻڌايو ويو ته موجوده حڪومت ۾ وائيس ايڊمرل (ر) وسيم اڪرم کي مالي، ايئرمارشل (ر) راشد ڪمال کي دمشق، ميجر جنرل (ر) ساجد اقبال تريپولي، ميجر جنرل (ر) وقار احمد کي ابوجا، ميجر جنرل (ر) زاهد مبشر کي ڪيف، ميجر جنرل (ر) محمد خالي کي سراجيو، ميجر جنرل (ر) عبدالعزيز طارق کي برونائي ۾ سفير مقرر ڪيو ويو آهي.
سي اين جي يونين پاران گيس بحران خلاف سڀاڻي ڌرڻي جو اعلان
سنڌ سي اين جي ايسوسيئيشن گئس جي بحران خلاف سڀاڻي 15 جنوري اربع ڏينهن ڪراچي ۾ سوئي سدرن گئس جي هيڊ آفيس آڏو ڌرڻي جو اعلان ڪيو آهي، ڌرڻي ۾ ڪراچي ٽرانسپورٽ ايسوسيئيشن، سنڌ وين ايسوسيئيشن، سنڌ سي اين جي ايسوسيئيشن، آل پاڪستان سي اين جي ايسوسيئيشن ۽ آل پاڪستان سي اين جي فورم جا عهديدار ۽ ڪارڪن پڻ شرڪت ڪندا. ان سلسلي ۾ سنڌ سي اين جي ايسوسيئيشن جو هڪ اجلاس حيدرآباد ۾ ايسوسيئيشن جي پيٽرن ان چيف ڊاڪٽر ذوالفقار عرساڻي جي صدارت هيٺ ٿيو جنهن ۾ ايسوسيئيشن جي چيئرمين ممتاز علي جتوئي، ڊاڪٽر پرشتم، وينز يونين جي صدر منظور بروهي، سمير نجم الحسن، شبير سليمان جي، خرم يحيٰ ۽ ٻين شرڪت ڪئي. اجلاس ۾ سنڌ اندر گئس جي بحران تي سخت ڳڻتي جو اظهار ڪندي موقف اختيار ڪيو ويو ته سي اين جي بحران جي ڪري نه رڳو صنعتي ۽ گهريلو صارفين متاثر ٿي رهيا آهن پر سي اين جي پمپ پڻ گئس جي بندش سبب سخت معاشي بحران کي منهن ڏئي رهيا آهن. اجلاس ۾ فيصلو ڪيو ويو ته سي اين جي سان لاڳاپيل سموريون ايسوسيئيشنز ۽ ٽرانسپورٽرز پنهنجي ڪارڪنن، عملي ۽ عهديدارن سميت 15 جنوري 2020ع تي سوئي سدرن گئس ڪمپني ڪراچي جي هيڊ آفيس آڏو اڻڄاتل مدي تائين ڌرڻو هڻندا ۽ سي اين جي جي بحران جي خاتمي جو مطالبو ڪندا.



Bookmark the permalink.