تازا ترين
  • *کڏڙو بس اسٽاپ تي ٻن موٽر سائيڪلن ۾ ٽڪر، 3 ڄڻا سخت زخمي *محمدرمضان خاصخيلي،لال محمد بروهي ۽ علي محمد بروهي ڳڻتي جوڳي حالت ۾ اسپتال منتقل*
  • *خانواهڻ ويجهو ڦر مزاحمت تي جوابدارن گوليون هڻي اهلڪار کي زخمي ڪري ڇڏيو *پير مسافر وٽ 3هٿياربندن اهلڪار سڪندر ڪلھوڙو کان موٽرسائيڪل ڦر ڪرڻ جي ڪوشش ڪئي *مزاحمت تي جوابدارن اهلڪار کي گوليون هڻي زخمي ڪري ڇڏيو، اسپتال منتقل*
  • *ملڪ ۾ کاڌي پيتي جي شين جي اگهن ۾ واڌ بابت شماريات کاتي جا انگ اکر جاري *گوشت3.9 ۽ کنڊ3.8 سيڪڙو مهانگي ٿي: شماريات کاتو *جولائي ۾ سالياني بنياد تي شهري علائقن ۾ ٽماٽر سئو سيڪڙو مهانگو ٿيو:شماريات کاتو *پٽاٽا63 سيڪڙو ۽ دال مڱ 46.25سيڪڙو مهانگي ٿي: شماريات کاتو *ڪڻڪ28.52۽ اٽو 18.52 سيڪڙو مهانگو ٿيو: شماريات کاتو *
  • *لاڙڪاڻو: مبينا طور اغوا ٿيل نينگري جي بازيابي لاءِ وارثن جو پاڪ ڪتاب کڻي احتجاج *27جولائي تي جتوئي برادري جا هٿياربند گهر گهڙي نياڻي ماجده کي اغوا ڪري ويا: وارثن جو الزام*
  • *فريدآباد: ڳوٺ عبدالله شاھه گودڙيو ۾ ڪرنٽ لڳڻ سبب 3 ٻارڙن جي ماءُ فوت *گهر اندر پکي مان ڪرنٽ لڳڻ سبب 26 ورهين جي گمبُل زال رب رکيو چانڊيو فوت*
  • *صدرجي ڀٽيون ويجهو زميندار تي حملو، 2 ڄڻا زخمي، هڪ ڄڻو مبينا اغوا *هٿياربندن جي حملي ۾ زميندار ولي شاهه ۽ ربنواز ناريجو زخمي، امير ناريجو مبينا اغوا*
  • *ڪراچي: جوهر چورنگي ويجهو جي ڊي سي فائونڊيشن وٽان نامعلوم پيرسن جو لاش هٿ *لاش ايڌي ايمبولينس ذريعي جناح اسپتال منتقل، سڃاڻپ نه ٿي سگهي*
  • *سيوھڻ: درگاھه قلندر کي کولرائڻ لاءِ دڪاندارن ۽ پورهيتن جو27هين ڏينهن به احتجاج *درگاھه قلندر کي ايس او پي تحت کولي بک ۽ بدحالي کان بچايو وڃي: دڪاندار ۽ پورهيت *

سنڌ جي ڪيترن ئي شهرن ۾ ماڪڙ جا ڪٽڪ لٿل: فصل کائي ناس ڪري ڇڏيا: آبادگارن جا مٿي تي هٿ

لاڙڪاڻو، پيرجو ڳوٺ، نوشهروفيروز، سانگهڙ، خيرپور ۽ ٻين شهرن ۾ ماڪڙ مار اسپري نه ٿيو

ڪراچي (نمائندن وٽان) سنڌ جي مختلف شهرن ۾ ماڪڙ جون تباهيون جاري، شهرن توڙي ڳوٺن ۾ ماڪڙ جا ڪٽڪ لٿل، آبادگارن جا مٿي تي هٿ اچي ويا، زراعت کاتي ڪي به قدم نه کنيا، لاڙڪاڻي ضلعي ۾ ماڪڙ جي حملن ۽ ان جي خوف سبب آبادگار ڪڻڪ پوکي ناهن سگهيا، آبادگارن جو چوڻ آهي ته ڪڻڪ پوکيون ٿا ته ماڪڙ داڻو کائي وڃي ٿي، جنهن سبب ڪڻڪ پوکڻ ۾ ڏکيائون اچي رهيون آهن، سدائين کي نقصان ٿيندو آهي، ساريون به گهٽ لٿيون آهن،ڪنگري ۾ پڻ ماڪڙ جون تباهيون جاري آهن، سوين ايڪڙن تي بيٺل ڪڻڪ ۽ ٻيا فصل سبزيون باغ تباهه ڪري ڇڏيا، ڪنگري تعلقي جي مختلف علائقن وڏا مهيسر، ڪوٽ پل، ڪي ٽي زمان شاهه، فيض محمد ٻنڊو، ڪي ٽي سيد علي حيدر شاهه، عبدالرحمٰن انڙ، احمدپور، ڪوٽ ميرمحمد، الرا جاگير، ٻنڊي جوڻيجا، صادق ڪلهوڙو ۽ ٻين علائقن ۾ ماڪڙ تباهي مچائي ڇڏي آهي، سوين ايڪڙن تي بيٺل ڪڻڪ جو فصل، سرنهن، ڪيلا سبزيون کائي تباهه ڪري ڇڏيون آهن،آبادگار جو چوڻ آهي ته ماڪڙ اسان جا فصل کائي تباهه ڪري ڇڏيا آهن، انتظاميه ڪي به اپاءُ نه پئي وٺي، هُنن گھر ڪئي ته ماڪڙ مار اسپري ڪرائي پريشاني ختم ڪئي وڃي، جڏهن ته سانگهڙ، خيرپور، پيرڳوٺ، نوشهرفيروز، مورو، ٺاروشاهه ۽ ٻين شهرن ۾ پڻ وقفي وقفي سان ماڪڙ جا حملا جاري آهن، جنهن جي نتيجي ۾ سوين ايڪڙ تي فصل کائي ناس ڪيو پيو وڃي.
هنڱورجا ۾ ماڪڙ جي تباھ ڪارين خلاف آبادگار، هاري ۽ شهري روڊن تي نڪري آيا، قومي شاهراهه، مڇر چوڪ ۽ پنجهٽي چوڪ تي ڌرڻا هنيا ويا، دڪاندارن پاڻمرادو شهر بند ڪري ڇڏيو، اڳواڻن چيو ته ماڪڙ اسان جي فصلن کي کائي چٽ ڪري ڇڏيو آهي پر اڃا تائين ماڪڙ جي خاتمي لاءِ اسپري ناهي ڪرايو ويو ماڪڙ علائقي ۾ تباهي مچائي ڇڏي آهي، فوري طور تي زرعي ايمرجنسي لاڳو ڪري ماڪڙ جي خاتمي لاءِ جهاز ذريعي اسپري ڪراو وڃي، ٻي صورت ۾ قومي شاهراھ تي اڻ مدي ڄاتل تائين ڌرڻو هڻي شهر ۾ مڪمل طور تي هڙتال ڪئي ويندي.

Bookmark the permalink.