تازا ترين
  • *واهي پانڌي: نئن نلي تي ڊيم ٺاهڻ خلاف جمالي ۽ شاهاڻي برادري پاران احتجاجي ريلي، ڌرڻو *مظاهرين اسپتال کان گورک چوڪ تائين احتجاجي ريلي ڪڍي ڌرڻو هنيو،ڇتي نعريبازي *نئن نلي جي قدرتي وهڪري تي سمال ڊيم ٺهڻ سان زمينون بنجر ٿي وينديون: مظاهرين *
  • *خيرپورناٿن شاهه ويجهو نوجوان مبينا ڦاهو کائي آپگهات ڪري ڇڏيو *ڳوٺ ڪريم داد لنڊ واسي ساجد جمالي گهر اندر مبينا ڦاهو کائي آپگهات ڪيو *
  • *ڏاهلي تعلقي ۾ ڪورونا وائرس جا وڌيڪ 14ڪيس ظاهر، متاثر گهرن ۾ آئيسوليٽ *ڇاڇرو ۽ ڏاهلي تعلقن ۾ ڪورونا جي متاثرن جو انگ143ٿي ويو*
  • *ٻانڌي ۾ ڪورونا جا وڌيڪ 7ڪيس ظاھر، متاثرن جو انگ وڌي11 ٿي ويو *سمورا متاثرن پنهنجي گهرن اندر آئيسوليٽ *3ڏينھن اڳ رورل ھليٿ سينٽر جي ملازمن سميت 50ماڻھن جا سيمپلز ورتا ويا هئا *7ڄڻن ۾ ڪورونا جي تصديق ٿي آهي: صحت کاتو*
  • *سکر: سرڪاري ڪڻڪ ۾ خرد برد ۽ اسمگلنگ ۾ ملوث جوابدارن خلاف نيب جي ڪارروائي *ڪڻڪ اسمگلنگ جي الزام ھيٺ نوشھرفيروز مان 3 ڄڻا گرفتار: نيب ذريعا *گرفتار ٿيلن ۾ عظيم آرائين، جمعا خان ۽ منور شامل آهن: نيب ذريعا *گرفتار جوابدارن تي ڪروڙين رپين جي ڪڻڪ اسمگل ڪرڻ جو الزام آهي: نيب ذريعا *
  • *جيڪب آباد ۾ مقتول نوجوان اسلم شاهه جي قاتلن جي گرفتاري لاءِ ڪيل احتجاج تي پوليس جي ڪاهه *پوليس مقتول نوجوان جي وارث عورتن ۽ ٻارڙن کي موبائل ۾ کنڀي کڻي وئي *
  • *ڪي اليڪٽرڪ کي واڌو گئس جي فراهمي باوجود بجلي جي اڻ اعلانيل لوڊشيڊنگ جاري *ملير، شاهه فيصل، ڪورنگي، قائد آباد، ناظم آباد، ڊفينس ۽ ٻين علائقن ۾ لوڊشيڊنگ *
  • *قاضي احمد ۾ وڌيڪ19 ڄڻن کي ڪورونا جي تصديق، متاثرن ۾ 5 عورتون به شامل *هڪ ڏينهن اڳ 86 ماڻهن جا سيمپلز ورتا ويا هئا، 19ڄڻن ۾ وائرس جي تصديق ٿي *
  • *نئون ڪوٽ: مٺي روڊ تي ٻن چنگچي رڪشائن وچ ۾ ٽڪر، 4 ڄڻا زخمي *اعواڻ پيٽرول پمپ ڀرسان ٻن چنگچي رڪشائن ۾ ٽڪر ٿيو، زخمي اسپتال منتقل *زخمين ۾ عمران راجپوت، عاقل، دانش راجپوت ۽ صداقت راجپوت شامل *

”سرڪاري گاڏيون موٽايو“: شگفته جماڻي، شرميلا، اصغر جوڻيجو ۽ ڪليم لاشاري کي نوٽيس

اڳوڻي صلاحڪارناديه گبول،اڳوڻي سينيٽرالماس پروين،احسان جعفري،اڳوڻي ايم پي اي شهنازبيگم کي نوٽيس مليا

محمد خان جوڻيجو، مير نصير کوسو، جاويد شاهه هاشمي، اڳوڻي ايم پي اي نورجهان بلوچ خلاف ڪارروائي ٿيندي

ڪراچي(رپورٽ:فقير سليم) سنڌ سرڪار جون ڪيتريون ئي گاڏيون اڳوڻن صلاحڪارن ، چونڊيل نمائندن ۽ آفيسرن جي قبضي هيٺ، سنڌ جي سروسز اينڊ جنرل واري کاتي پاران سرڪاري گاڏيون واپس نه اڪندڙن کي نوٽيس جاري پهرين مرحلي ۾ پ پ جي ايم اين اي شگفته جماڻي، انساني حقن بابت اڳوڻي صلاحڪار ناديه گبول، اڳوڻي سينيٽر الماس پروين، احسان رضا جعفري، اڳوڻي ايم پي اي شهناز بيگم، اڳوڻي صلاحڪار اصغر جوڻيجو، سندس والد محمد خان جوڻيجو، اڳوڻي صلاحڪار مير نصير کوسو، اڳوڻي صلاحڪار جاويد شاهه هاشمي، اڳوڻي ايم پي اي نورجهان بلوچ، ثقافت کاتي جي اڳوڻي وزير شرميلا فاروقي کي گاڏين جي واپسي لاءِ نوٽيس جاري ڪيا ويا آهن، ساڳئي وقت سرڪاري آفيسرن مصطفي جمال قاضي، موجوده ڊي سي اولهه فياض عالم سولنگي، جعلي ڊگري جي الزام هيٺ معطل ٿيل تعليم کاتي جي اڳوڻي اسپيشل سيڪريٽري سيد ذاڪر حسين، گلزار علي ميمڻ، پاپوليشن کاتي جي آفيسر الهرکيو خاصخيلي، مزمل هاليپوٽو، خليل احمد سومرو، انفارميشن ٽيڪنالاجي واري کاتي جي آفيسر نديم جعفري، اڳوڻي سيڪريٽري ڪليم الله لاشاري، ريحام بگٽي ۽ اڳوڻي سيڪريٽري ثاقب سومرو کي پڻ سرڪاري گاڏيون واپس ڪرڻ لاءِ خط لکيو ويو آهي، ذريعن موجب سرڪاري گاڏيون حاصل ڪندڙ آفيسر توڙي مختلف سياسي پارٽين سان تعلق رکندڙن کي اڳ ۾ به ڪيترائي ڀيرا گاڏين جي واپسي لاءِ ليٽر لکيا ويا آهن پر اهي گاڏيون واپس نه پيا ڪن، ، ٻئي طرف گاڏين جي واپسي جي حوالي سان ثقافت کاتي جي ڊائريڪٽر جنرل منظور ڪناسرو ٻڌايو ته سندس کاتي جون 3 گاڏيون گم آهن، جن جي ڪا خبر ناهي، باقي ثقافت کاتي جي اڳوڻي وزير شرميلا فاروقي وٽ 3 گاڏيون آهن، اسان به سرڪار کي رپورٽ اماڻي ڇڏي آهي، هوڏانهن ڊي سي اولهه فياض عالم سولنگي ٻڌايو ته کيس گاڏي جي واپسي لاءِ نوٽيس مليو، هن ڪالهه ئي گاڏي واپس ڪري ڇڏي آهي. ٻئي طرف اڳوڻي صوبائي وزير شرميلا فاروقي رابطو ڪرڻ تي ٻڌايو ته مون گاڏيون واپس ڪري ڇڏيون هيون، جيڪي هاڻ ڪامورن جا پنهنجا ماڻهو استعمال پيا ڪن ۽ نالو اسان جو استعمال ٿئي ٿو، آئون ان حوالي سان وڏي وزير کي به ٻڌائي چڪي آهيان، واضح رهي ته سنڌ جي مختلف کاتن جون 400 کان وڌيڪ گاڏيون اڳوڻن وزيرن، صلاحڪارن ۽ ڪامورن جي قبضي هيٺ آهن،

Bookmark the permalink.