تازا ترين
  • *ڪوئيٽا: ملڪ ۾ ڪورونا متاثرن جا ڪيس وڌي رهيا آهن: وزيراعظم *ڪورونا کان بچڻ لاءِ بلوچستان حڪومت اثرائتا قدم کڻي رهي آهي: عمران خان * مختلف ملڪن ۾ هن وقت لاڪ ڊائون ختم ٿي رهيو آهي: عمران خان *
  • *اسلام ڪوٽ ويجهو نوجوان ناري جو مبينا ڦاهو کاڌل لاش هٿ *ڳوٺ چوٿيو ڪولهي واسڻ ناري آنٻو زال موهن ڪولهي جو جهنگ مان مبينا ڦاهو کاڌل لاش مليو *لاش پوسٽ مارٽم لاءِ اسلام ڪوٽ منتقل، ناري اولاد نه ٿيڻ سبب پريشان هئي، پن لاهڻ جو بهانو ڪري جهنگ ۾ آپگهات ڪري ڇڏيو: وارث *
  • *پنوعاقل لڳ ڪچي ۾ ڪارنهن تهمت هيٺ عورت قتل، پوليس ڪارروائي ڪندي سندس ڀاءُ کي گرفتار ڪري ورتو *ڳوٺ بکو مهر ۾ ميلائو مهر پنهنجي ڌيءَ واجده کي اياز عرف اجو مهر سان ڪاري قرار ڏيئي قتل ڪري ڇڏيو *مقتولا جي ڀاءُ ادريس مهر کي گرفتار ڪري لاش اسپتال منتقل ڪيو پيو وڃي: ايس ايڇ او رضا ڳوٺ *
  • *ميرواهه گورچاڻي ۾ هاري گهرواري ۽ ماءُ تي زميندار جي تشدد خلاف ٿاڻي تي پهچي ويو *ڳوٺ کنڀڙي واسي هاري موهن ڪولهي زميندار اڪبر خاصخيلي جي پٽ حبدار خاصخيلي خلاف پوليس وٽ دانهيو *زميندار اڪبر خاصخيلي جي پٽ حبدار خاصخيلي قرض نه ڏيڻ تان منهنجي گهرواري ۽ ماءُ تي تشدد ڪيو: موهن ڪولهي *پوليس هاري کي تشدد جي تصديق لاءِ رورل هيلٿ سينٽر ميرواهه گورچاڻي جو ليٽر جاري ڪري ڇڏيو *
  • *پاڪستان کي ڪورونا وائرس جو علاج ڳولڻ وارن ملڪن ۾ شامل ڪيو ويو * آمريڪي صحت کاتي جي دوائن واري لائبريري ايوب ميڊيڪل ڪمپليڪس ايبٽ آباد جي ٽيم کي اهل قرار ڏنو *25 مريضن جا 3 گروپ ٺاهي انهن تي ايٿرو مائيسين، ڪلورو ڪوئين ۽ روايتي طريقي سان علاج ڪيو ويندو:ڊاڪٽر عمر فاروق *
  • *ڪورونا وائرس بابت ٽوئيٽر تي 60 سيڪڙو ڄاڻ غلط شيئر ٿي رهي آهي:رپورٽ*
  • *ميرپورماٿيلو ڀرسان گهر ٻاهران راند ڪندي معصوم ٻارڙي واٽر ڪورس ۾ ٻڏي فوت*
  • *لاڙڪاڻي ماڻ ٻيهر کنڀي گم ڪيل پروفيسر غلام شبير ڪلهوڙو 9 مهينن بعد آزاد ٿي گهر پهچي ويو*
  • *سکر جي قرنطينه ۾ وڌيڪ 56 مريض صحتياب ٿيا آهن، ٻيهر ٽيسٽ ڪليئر اچڻ بعد کين گهر موڪليو ويو آهي: صوبائي وزير*
  • *لاڪ ڊائون سبب سنڌ جي مختلف شهرن ۾ راشن نه ملڻ خلاف پورهيتن طرفان احتجاجي مظاهرا*
  • *افغان حڪومت 100 طالبان قيدين کي آزاد ڪري ڇڏيو *گهٽ خطري وارن سئو قيدين کي آزاد ڪيو پيو وڃي:افغان حڪومت *
  • *سڄي سنڌ ۾ لاڪ ڊائون جي اڄ 18 ڏينهن به جاري، شاپنگ مالز، ننڍيون وڏيون مارڪيٽون توڙي پبلڪ ٽرانسورٽ مڪمل طور بند*
  • *پاڪستاني فوج فوري جوابي ڪارروائي ڪندي ڀارتي ڊرون کي نشانو بڻائي هيٺ ڪرايو:آءِ ايس پي آر*
  • *ڀارت سرحدي ڀڃڪڙي کان نه مڙيو، پاڪ فوج لائن آف ڪنٽرول تي ڀارتي ڊرون کي تباهه ڪري ڇڏيو*
  • *خانپور جي ڪچي ۾ جوابدار ڪارنهن تهمت هيٺ پنهنجي زال ۽ پاڙيسري نوجوان کي قتل ڪري ڇڏيو*

سجاول، ٺٽو، بدين جي جيل اختيارين کي قيدي ڪورٽن ۾ پيش نه ڪرڻ جو حڪم

سجاول(رپورٽ: مشتاق سعيد) ڪورونا وائرس جي خطري سبب سجاول، ٺٽي ۽ بدين جي جيلن مان قيدين کي عدالتن ۾ پيش نه ڪرڻ جو حڪم ڏنو ويو آهي، نون قيدين لاءِ ڪرونا نه ھجڻ بابت ميڊيڪل سرٽيفڪيٽ لازمي قرار ڏنو ويو آهي، ٻين جيلن کان منتقل ڪيل قيدي نه ورتا ويندا. جيلن ۾ قيد ڪاٽيندڙ جوابدارن جو عدالت آڏو پيشيون عارضي طور ملتوي ڪيون ويون آھن. آءِ جي جيلز ۽ ٻين لاڳاپيل اختيارين جي حڪم تي ھاڻي ايندڙ حڪم تائين قيدي عدالتن ڏانھن نه موڪليا ويندا ان لاءِ سمورن ٿاڻن جي جاچ آفيسرز کي ھدايت ڪئي وئي آھي ته جوابدار کي جيل منتقل ڪرڻ کان اڳ سندن ميڊيڪل چڪاس ڪرائي ويندي، جيڪڏھن جوابدار ۾ وائرس جون علامتون مليون ته کيس آئيسوليشن ۾ رکيو ويندو. صحتمند ھجڻ جي صورت ۾ ڊاڪٽر پاران جاري ڪيل سر ٽيفڪيٽ ڏيڻ بعد جوابدار کي جيل ۾ داخل ڪيو ويندو. ٻئي طرف قيدين جي ھڪ جيل کان ٻي جيل منتقلي تي پڻ عارضي طور پابندي لڳائي وئي آھي. ان ڏس ۾ لاڳاپيل جيلرز جو چوڻ آھي ته وائرس پکڙجڻ جي خطري سبب اھڙيون ھدايتون مليون آھن بنا اسڪريننگ جي جوابدارن کي جيل ۾ داخل ڪرڻ يا ھڪ جيل کان ٻئي جيل منتقل ڪرن سان خطري جو امڪان آھي ھڪ قيدي کي وائرس لڳڻ بعد ھزارين قيدي متاثر ٿيڻ جو انديشو آھي

Bookmark the permalink.