تازا ترين
  • سنڌ جي مختلف شهرن ۾ٻئي ڏينهن به وقفي وقفي سان برسات جو سلسلو جاري، ڪرنٽ لڳڻ جي واقعن ۾ 6 ڄڻا فوت*لانڍيم سعود آباد، لياري، بدين، ڍورو نارو ۽ ٻين علائقن ۾آمنا سومرو، فيصل ۽ بابر حياتيون وڃائي ويٺا*صوبائي وزير امتياز شيخ طرفان مختلف علائقن ۾ڪرنٽ لڳڻ سبب ٿيل جاني نقصان تي افسوس جو اظهار*
  • آصف زرداري جي درخواست رد، فرد جرم لاڳو ڪرڻ جو حڪم*پارڪ لين ريفرنس ۾ احتساب عدالت سومر تي فرد جرم لاڳو ڪرڻ جو حڪم ڏئي ڇڏيو*

زمين جيان ادب به آلوده آهي، ٻيٽ ۾ رهي شعر يا افسانو سرجي نٿو سگھي: اردو ڪانفرس

سنڌو ڪشمير کان ڪشمور تائين سڀني کي ڳنڍيو آهي، تيئن اردو برصغير کي جوڙيو: سردارشاهه

اسان وٽ رڳو فن ۽ ادب بچيل آهن، پڙهندڙن کي جاڳائي سندن خوف ختم ڪرڻو پوندو: حارث خليق

ڪراچي( اسٽاف رپورٽر ) ناليوارن اديبن چيو آهي ته اردو ٻولي برصغير کي ڳنڍي رکيو، ڪنهن ٻيٽ ۾ رهي شعر يا افسانو تخليق نه ٿو ڪري سگھجي، گلوبلائيزيشن جي نالي تي لاڳيتو ڪوڙ ڳالهايو پيو وڃي، آرٽس ڪائونسل ۾ ٿيل اردو ادبي ڪانفرنس کي خطاب ڪندي ثقافت واري صوبائي وزير سردار شاھ چيو ته اسان دانشورن کان لِکڻ، پڙهڻ ۽ هلڻ سِکيو آهي، اڄ جي ڪانفرنس ثقافتي ويجهڙائپ قائم ڪرڻ ڏانهن هڪ قدم آهي، جيترا به لکڻ وارا هتي موجود آهن، انهن جي پاڪستان کي ضرورت آهي، پنجابي، بلوچي، سنڌي ۽ پشتون شاعرن پاڪستان جي خدمت ۽ امن توڙي محبت جو درس ڏنو آهي، هن چيو ته اسان هر لهجي ۾ اردو ڏٺي آهي، جنهن ريت سنڌو ندي ڪشمير کان ڪشمور تائين سڀني کي ڳنڍي رکيو آهي، تيئن اردو به برصغير کي جوڙي رکيو آهي، اسان کي ڪنهن به ٻولي سان نفرت نه پر پيار آهي، آرٽس ڪائونسل جي صدر احمد شاھ چيو ته اردو ٻولي تي اها ذميواري لاڳو ٿئي ٿي ته هزارين سال پراڻين ٻولين لاءِ پنهنجو سينو کولي، هن ڀيري عالمي اردو ڪانفرنس ۾ ٻين ٻولين کي به شامل ڪيو ويو آهي، جنهن بعد هي اردو ڪانفرنس ثقافتي ڪانفرنس ۾ تبديل ٿي وئي آهي. اسان جي شهر ڪراچي ۾ هزارين ماڻهو قتل ٿي ويا، سوچڻو پوندو ته آخر ڪيستائين وڙهندا رهنداسين؟ پرامن معاشري کانسواءِ ترقي ممڪن ناهي، هن چيو ته پنجاب اردو کي وڏي سپورٽ ڪئي. سنڌ جي وڏن شاعرن اردو ۾ شاعري ڪئي، هيومن رائيٽس ڪميشن آف پاڪستان جي جنرل سيڪريٽري حارث خليق چيو ته اردو ڪانفرنس جو ميڙ اسان کي اهو موقعو فراهم ڪري ٿو ته اسان پنهنجن حالتن ۽ واقعن کان ڪيتري قدر باخبر آهيون، اسان فطرت ۽ سماجي بحران جو شڪار آهيون، اظهار جي آزادي تي پابندي آهي، ڪمرشل ميڊيا اسان جي معاشري ۾ انتشار پکيڙي رهي آهي، اسان جي علمي پسماندگي اجتماعي فِڪر کي اڳتي وڌڻ کان روڪيو آهي. هن وقت اسان وٽ صرف فن ۽ ادب وڃي بچيو آهي، پڙهڻ وارن کي جاڳائي سندس خوف ختم ڪرڻو پوندو، جيئن اڳتي وڌڻ واري سفر کي روان رکي سگھجي. ڀارت کان آيل پروفيسر شميم حنفي ڳالهائيندي چيو ته ڪنهن به ٻيٽ ۾ رهي ڪو شعر يا افسانون تخليق نه ٿو ڪري سگھجي، زندگي جي رفتار تيز ۽ ادب جي رفتار سست ٿيندي پئي وڃي، اسان زمين سان گڏ ادب کي به آلوده ڪري ڇڏيو آهي، هن چيو ته گوڙ گھمسان ۾ ادب تخليق نه ٿو ڪري سگھجهي، اڄ اسان جنهن اونداهي ۾ موجود آهيون ان جو سبب به انڌاڌنڌ ترقي آهي. ادبي اخلاقيات کانسواءِ اسان اڳتي نه ٿا وڌي سگھون، تاريخ ۽ سماجيات جي دنيا الڳ الڳ آهن، گلوبلائيزيشن جي نالي تي لاڳيتو ڪوڙ ڳالهايو پيو وڃي، اڄ جي دور سان گڏ اسان کي پنهنجن روايتن کي ٻيهر سمجھڻو پوندو.

Bookmark the permalink.