تازا ترين
  • *نواب شاهه: صحافي عزيز ميمڻ جو قتل ڪيس ڪئميرامين اويس قريشي سوڌو 5 جوابدارن خلاف داخل*
  • *جيڪب آباد: مهڪ ڪماري جي ننڍي ۾ عمر ۾ شادي ڪرائڻ جو ڪيس داخل*
  • *قبضا مافيا کي ڪير ڪجهه نٿو چوي، پر عوامي مفادن لاءِ ڪم ڪندڙن خلاف ڪيس داخل ٿيندا آهن: سنڌ هاءِ ڪورٽ*
  • *پ پ اڳواڻ سردار چانڊيو ۽ برهان چانڊيو خلاف انڪوائري مڪمل: جوابدارن جي عبوري ضمانت ۾ واڌ*
  • رستم ڀرسان ڪارنهن تهمت هيٺ عورت قتل، لاش گم،2 گرفتار*ڳوٺ سردار خادم جتوئي ڀرسان 15 ڏينهن اڳ ڀاءُ پنهنجي ڀيڻ سبحان خاتون کي قتل ڪري لاش گم ڪري ڇڏيو*
  • ڪورونا وائرس:چين ۾فوتين جو انگ 2 هزار کان وڌي ويو*هن وقت تائين 2004 ماڻهو فوت ٿي چڪا آهن، متاثرن جو انگ 74 هزار کان وڌيڪ آهي: چين*

روهڙي جي اسڪول ۾ نينگريءَ سان مبينا زيادتي جي ڪوشش: پٽيوالو سوگهو: پوليس گرفتاري ظاهر ڪرڻ کان انڪار ڪري ڇڏيو

ڀيڻ سان گڏ اسڪول ويس ته پٽيوالي شاهد ڀٽو زيادتي جي ڪوشش ڪئي: نينگري

جوابدار کي بااثر جي پٺڀرائي آهي، پوليس تڏهن کيس ظاهر نٿي ڪري: نينگري جو والد

روهڙي (رپورٽ: نثار چنجڻ) روهڙي ۾ ڇوڪرين جي پرائمري اسڪول ۾ نجي طور رکيل پٽيوالي مبينا طور نينگريءَ سان ڏاڍائي ڪندي سوگهو ٿي ويو، پوليس ڪيس داخل ٿيڻ باوجود جوابدار جي گرفتاري ظاهر ڪرڻ کان انڪار ڪري ڇڏيو. نيو يارڊ ڪالونيءَ جي گرلز پرائمري اسڪول ۾ پهرئين درجي جي شاگردياڻي 7 ورهين جي وزيران ولد علي شيخ سان پٽيوالي مبينا طور ڏاڍائي جي ڪوشش ڪئي. شاگردياڻين جي رڙين تي استاد ۽ ٻيون شاگردياڻيون پهچي ويون، جِن پٽيوالي شاهد ڀٽو کي سوگهو ڪري پوليس حوالي ڪيو، جڏهن ته نينگري ۽ سندس والد به ٿاڻي تي پهچي ويا.
متاثر نينگري جو بيان
پوليس آڏو نينگري بيان ڏنو ته ڀيڻ سان گڏ اسڪول وئي هئي ته پٽيوالي اُن کي ڪلاس جون دريون صاف ڪرڻ لاءِ چيو، جنهن کانپوءِ کيس 10 رُپيا ڏئي ڏٽن سان واش روم ۾ وٺي ويو، جتي ساڻس زيادتي جي ڪوشش ڪئي ته هُن رڙيون ڪيون. ٻين استادن ۽ شاگردياڻين جي پهچڻ تي جوابدار فرار ٿيڻ جي ڪوشش ڪئي پر کيس سوگهو ڪيو ويو.
پوليس جوابدار کي لڪائي ڇڏيو
اُن موقعي تي بيان ڏيندي وزير علي شيخ چيو ته شاهد ڀٽو اسڪول ۾ نجي پٽيوالو آهي، کيس تر جي بااثر جي پٺڀرائي حاصل آهي، موقعي تي ئي جوابدار کي سوگهو ڪري پوليس حوالي ڪيو پر پوليس کيس اڻڄاتل هنڌ تي لڪائي ڇڏيو ۽ سندس گرفتاري ظاهر نه ڪئي آهي. هُن مطالبو ڪيو ته وحشي جوابدار خلاف ڪارروائي ڪري ساڻن انصاف ڪيو وڃي.
پوليس جو به گرفتاري ظاهر ڪرڻ کان انڪار
ٻئي پاسي پوليس اهو اعتراف ڪيو آهي ته نينگري سان مبينا زيادتي جي ڪوشش دوران سوگهو ٿيل پٽيوالو سندن حوالي ڪيو ويو آهي، واقعي جو ڪيس به داخل ٿيو آهي، پر في الحال جوابدار کي ظاهر نٿو ڪري سگهجي.

Bookmark the permalink.