تازا ترين
  • *احمد پور ويجهو 14 ورهين جي نينگري نگھت ڌيءُ امان الله وسطڙو مبينا طور اغوا: ٽن ڄڻن صبر علي، شڪر علي ۽ منٺار وسطڙو خلاف اين سي داخل*
  • *سڪرنڊ ۾ پاڙيسري جو وڪيل رياض احمد عرف راجا تي قاتلاڻو حملو، نازڪ حالت ۾ نوابشاهه ريفر*
  • *سيوهڻ زيادتي ڪيس: عدالتي اجازت بعد جاچ ٽيم ڊي ايس پي کاڻوٺ علي شير خاصخيلي جي سربراهي ۾ معطل سول جج امتياز ڀٽو جي چئمبر جو معائنو ڪيو*
  • *ميرپورماٿيلو ۾ پرڻيل ناري جو گهر مان گولي لڳل لاش هٿ، شڪ جي بنياد تي مڙس گرفتار، وارثن واقعي کي آپگهات قرار ڏئي ڇڏيو * ميرپورماٿيلو: عورت شمائلا کي مٿي ۾ ڳولي لڳل آهي، جاچ ڪيون پيا: پوليس * ميرپورماٿيلو: ڀاڄائي گهرو اڻبڻت تان آپگهات ڪيو آهي: ڏير اسلام بوزدار *
  • *راڻيپور: ٻن ڀائرن شڪيل بروھي ۽ ظريف بروھي وچ ۾ جهيڙي دوران فائرنگ: 17 سالن جو نوجوان شڪيل بروھي مارجي ويو، ظريف بروھي مرڻينگ*
  • *ڪراچي: ڊي آءِ جي سکر اقبال دارا خلاف اي جي سنڌ کي رپورٽ پيش ڪندڙ انسپيڪٽر کي شوڪاز نوٽيس جاري، 7 ڏينهن ۾ وضاحت طلب * ڪراچي: اوهان جونيئر آهيو، ڪنهن سينيئر خلاف ڪيئن ٿا انڪوائري رپورٽ جمع ڪرائي سگهو؟ نوٽيس *
  • *حيدرآباد/ڄامشورو: 15 ڏينهن کان گم ڄاڻايل مهراڻ يونيورسٽي جي شاگرد جو حيدرآباد ويجهو لاش هٿ، وارثن کي دوستن تي شڪ * حيدرآباد/ڄامشورو: شاگرد فتح راجپوت جو لاش اڪرم واهه مان هٿ آيو، پوسٽ مارٽم بعد وارثن حوالي * حيدرآباد/ڄامشورو: پٽ دوست جي دعوت تي ڪوٽڙي ويو هو، شڪ آهي ته دوستن کيس قتل ڪيو: شير سومار *
  • *ڪراچي: آءِ جي سنڌ ڪليم امام اسلام آباد طلب: سڀاڻي وزيراعظم عمران خان کي بريفنگ ڏيندو*
  • *اسلام آباد: سنڌ ۾ اتحادين کي اعتراض: آءِ جي لاءِ سنڌ سرڪار کان نوان نالا طلب * اسلام آباد: آءِ جي تبديليءَ وارومامرو وفاقي ڪابينا جي ايجنڊا مان خارج: وڏي وزير سان ڳالهين جو ٽاسڪ گورنر حوالي *
  • *لاڙڪاڻي ۾ چوري ٿيل 3 ڪلو سون مان 31 تولا متاثر دڪاندار کي واپس: ايس ايس پي لاڙڪاڻو مسعود بنگش اهو نه ٻڌايو ته سون ڪٿان هٿ ڪيو * لاڙڪاڻو: 31 تولا سون سوڌو چوري ٿيل ٻيو سامان ملي ويو آهي: دڪاندار عبدالله شيخ *
  • *مون خلاف سازش ٿي آهي، سولائيءَ سان وڃڻ واروناهيان: آءِ جي سنڌ*
  • *هالا ڀرسان 7 ڄڻڻ جي قتل جو ڪيس داخل: جوابدار ڌُر گهر خالي ڪري فرار*
  • *پشاور ڀرسان مسجد جو امام مبينا طور 14 ورهين جي ڇوڪري کي اغوا ڪري ويو*
  • *ريل سڙڻ جي واقعي بعد 19 ماڻهن خلاف ڪارروائي ڪئي(شيخ رشيد) وڏن خلاف ڪارروائي ڪڏهن ٿيندي:چيف جسٽس*
  • *سرڪلر ريلوي ٽريڪ جي بحالي لاءِ وڌيڪ وقت نه ڏنو ويندو:سپريم ڪورٽ*

دعا جي بازيابي لاءِ ڌرڻو: پوليس مٿان بي اعتمادي ظاهر

ڪراچي: دعا منگي جي بازيابي لاءِ ٽي تلوار تي 4 ڪلاڪ ڌرڻو، چونڊيل نمائندا به شريڪ، ڌرڻي سبب ٽريفڪ معطل ٿي وئي، وارثن پوليس جاچ تي بي اعتمادي جو اظهار ڪري ڇڏيو. ڪالهه شام جو ڇهين وڳي کان رات جو 10 هين وڳي تائين سول سوسائٽي طرفان شهر جي اهم هنڌ ٽي تلوار تي ڌرڻو هنيو ويو، جنهن سبب ٽريفڪ معطل ٿي وئي، ڌرڻي ۾ دعا جي مامي ۽ ناليواري ليکڪ اعجاز منگي ، دعا جي ڀيڻ ليلا منگي، ٻين مائٽن ، سول سوسائٽي جي اڳواڻن ۽ چونڊيل نمائندن شرڪت ڪئي. جن ۾ پ پ جو نجمي عالم، پي ٽي آءِ ايم پي اي شهزاد قريشي، ايم اين اي آفتاب صديقي، سيما ضياءَ، فاروق ستار، راجڪمار، سنڌو نواز گھانگھرو، شيرين اعجاز، سهڻي پارس ۽ ٻيا شامل هئا. ڌرڻي ۾ پوليس ۽ سنڌ حڪومت خلاف نعريبازي ڪئي وئي. ان موقعي تي ميڊيا سان ڳالهائيندي دعا جي ڀيڻ ليلا منگي چيو ته اسان ڪجهه نٿا ڄاڻون ته دعا کي ڪنهن ۽ ڇو اغوا ڪيو؟ 4 ڏينهن کان منهنجي ڀيڻ اغوا ڪندڙن وٽ آهي پر پوليس کيس بازياب ڪرائي ناهي سگھي. ناليواري ليکڪ اعجاز منگي چيو ته پوليس ٺلهيون ڳالهيون ڪري جاچ خراب ڪري رهي آهي، ڪڏهن مظفر جو نالو ورتو وڃي ٿو ته ڪڏهن وري چيو وڃي ٿو ته دعا جو اڳوڻو مڱيندو ملوث ٿي سگھي ٿو. هن چيو ته پوليس ڪوڙ کان ڪم وٺي رهي آهي، اسان جو ڪنهن تي به شڪ ناهي، دعا جو اغوا بسما واقعي جو تسلسل آهي، انهي ڪيس جا جوابدار به اڃا تائين گرفتار نه ٿي سگھيا آهن. هن چيو ته اسان کي اسان جي نياڻي موٽائي ڏني وڃي، اسان کي پوليس کان ڪا به اميد ناهي، جيڪڏهن دعا بازياب نه ٿي ۽ اغواڪندڙ گرفتار نه ٿيا ته سڀاڻي وري ٻي ڪا نياڻي اغوا ٿي سگھي ٿي. ڌرڻي ۾ چونڊيل نمائندن دعا جي وارثن کي ساٿ ڏيڻ جو يقين ڏياريو، آفتاب صديقي، شهزاد قريشي، فاروق ستار، نجمي عالم ۽ ٻين چيو ته پوليس فوري طور دعا کي بازياب ڪرائي ۽ جوابدارن کي گرفتار ڪري، اسان متاثر خاندان سان گڏ آهيون



Bookmark the permalink.