تازا ترين
  • اتر وزيرستان ۾ دهشتگردن خلاف آپريشن ۾ 4 دهشتگرد مارجي ويا، فائرنگ جي ڏي وٺ ۾ چار فوجي جوان شهيد*
  • *حيدرآباد ڀرسان مبينا قتل ڪيل نوجوان جي وارثن لاش شيخ ڀرڪيو روڊ تي رکي ڌرڻو*
  • *ڏهرڪي لڳ ڊاٽسن جو ٽرالر سان ٽڪر، 3 واپاري زخمي،8 ٻڪريون مري ويون*
  • *ڄامشوري مان 18 ڏينهن اڳ کنڀي گم ڪيل قومپرست اڳواڻ جاويد شورو آزاد ٿي گهر پهچي ويو*
  • *پني عاقل ويجهو خوفناڪ باهه لڳڻ سبب 4 گهر سڙي ويا، اطلاع باوجود فائر برگيڊ عملو نه پهتو*
  • *بخشاپور: روهڙي کان پٿر کڻي ايندڙ ٻه ڊمپر ڊرائيورز ۽ ڪلينر اغوا*
  • *سيراڻي ۽ ڀرپاسي وارن علائقن ۾ برسات، نانگ ۽ بلائون ٻرن مان نڪري آيون*

داد لغاري ويجهو هڪ سال اڳ عورت هٿان پهاڄ جي قتل واري معاملي جو جرڳو، جوابدار عورت ۽ سندس مڙس تي 14 لک رپيا ڏنڊ

جرڳو گبول برادري جي سربراھ سردار عبدالحميد خان گبول جي سرپئنچي ۾ ٿيو

ڏنڊ جي سموري رقم وصول ڪرڻ بعد ڪيس واپس ورتو ويندو: فريادي اصغر گبول

دادلغاري (رپورٽ: آدم پتافي) داد لغاري ويجهو عورت هٿان مبينا طور پهاڄ جي قتل ٿيڻ واري معاملي جو جرڳو، الزام هيٺ آيل عورت ۽ سندس مڙس تي 14 لک رپيا ڏنڊ. دادلغاري ٿاڻي جي حد ۾ هڪ سال اڳ مائي سميع گبول مبينا طور پنهنجي پهاڄ مائي شبيران گبول کي بندوق جا فائر هڻي قتل ڪري ڇڏيو. گرفتاري بعد هن ڏوهه جو اعتراف به ڪيو ويو. سموري معاملي جو جرڳو گبول برادري جي سربراھ سردار عبدالحميد خان گبول جي سرپئنچي ۾ ٿيو، جنهن دوران جوابدار عورت مائي سميع گبول ۽ سندس مڙس نيڪ محمد گبول ۽ ڏير طوطو گبول کي ڏوهي قرار ڏئي مٿس 14 لک رپيا ڏنڊ وڌو ويو، هڪ لک رپيا معاف ڪرڻ بعد جوابدار ڌر مقتولا جي ڀاءُ کي موقعي تي ڏيڍ لک رپيا ادا ڪيا. رهيل رقم قسطن ۾ ادا ڪئي ويندي. مقتولا جي ڀاءُ ۽ قتل ڪيس جي فريادي اصغر گبول جرڳي جي تصديق ڪئي ۽ چيو ته ڏنڊ جي مڪمل رقم وصول ڪرڻ بعد ڪيس واپس ورتو ويندو. جڏهن ته سردار عبدالحميد خان گبول رابطو ڪرڻ تي ٻڌايو ته ڏوھ ثابت ٿيڻ تي جوابدار ڌر مٿان ڏنڊ وجهي ڌرين ۾ صلح ڪرائي آهي. واضح رهي ته انهي ڪيس ۾ گرفتار ٿيل جوابدار مائي سميع خاتون جيل ۾ قيد آهي.

Bookmark the permalink.