تازا ترين
  • *لاڙڪاڻي ۾ مبينا تشدد جو نشانو بڻيل اي ايس آءِ اصغر مغيري جو يوٽرن *اصغر مغيري رٽائرمينٽ واري درخواست واپس وٺڻ بعد ڊيوٽي شروع ڪري ڇڏي *رٽائرمينٽ واري درخواست منظور نه ٿيڻ سبب ڊيوٽي شروع ڪئي آهي: اصغر مغيري *اصغر مغيري پاران رٽائرمينٽ بابت ڪا به درخواست ناهي ملي: ايس ايس پي جو پي آر او*
  • *هالاڻي ۾ هاءِ اسڪول جي ٻن شاگردن کي ڪورونا جي تصديق *هاءِ اسڪول ھالاڻي جي110 شاگردن جي ٽيسٽ ڪئي وئي جن مان ٻن جي رپورٽ پازيٽو اچي وئي *ڳوٺ الهڏنو جوڳي واسي ٻن شاگردن کي ڪورونا جي تصديق بعد گهرن ۾ آئيسوليٽ ڪيو ويو*
  • *ٺل ويجهو مقتول احمد نوناري جي قتل خلاف هنيل ڌرڻي دوران چڪريون، 3 اهلڪار زخمي* ٺل: مظاهرين ۽ پوليس ۾ چڪرين دوران ايس ايڇ او سميت 3 اهلڪار زخمي ٿي پيا، اسپتال منتقل *ٺل: پوليس جي مقتول احمد نوناري ۽ سعيد ڀٽي جي ڪيس ۾ گهربل 2جوابدار گرفتار ڪرڻ جي دعويٰ *جوابدار عظمت گهڃو ۽ محمد بخش کي گرفتار ڪيو آهي: پوليس *
  • * لاهور: احتساب عدالت ۾ رمضان شگر ملز ريفرنس جي ٻڌڻي *حمزه شهباز اوهان کي ڪورونا وائرس آهي؟: عدالت جو سوال *جي ها مونکي ڪورونا وائرس هو، هاڻي طبيعت بهتر آهي: حمزه شهباز جو جواب *عدالت وڪيلن جي هڙتال سبب ٻڌڻي 31 آڪٽوبر تائين ملتوي ڪري ڇڏي*
  • * سپريم ڪورٽ ۾ 25 هين آئيني ترميم خلاف درخواست تي ٻڌڻي *وفاق ۽ ڪي پي حڪومت درخواست ٻڌڻي جوڳي هجڻ تي اعتراض واري ڇڏيا *درخواستگذار کي پهرين درخواست ٻڌڻي جوڳي هجڻ بابت دليل ڏيڻا پوندا: ايڊيشنل اٽارني جنرل *آرٽيڪل 17 تحت سياسي حق ۽ بينادي حقن ۾ شمار ٿين ٿا: سپريم ڪورٽ *قبائلي علائقا پنهنجي مرضي سان پاڪستان ۾ شامل ٿين، انهن جون قربانيون آهن: عدالت*
  • *بلدياتي چونڊن ۾ آزاد اميدوارن کي مخصوس سيٽون نه ڏيڻ وارو معاملو *سنڌ هاءِ ڪورٽ ۾ ذوالفقار مرزا جي درخواست تي ٻڌڻي *بدين اتحاد، 2015ع ۾آزاد حيثيت سان 4يوسيز ۾ ڪاميابي حاصل ڪئي: درخواستگذر جو وڪيل *مخصوس سيٽون نه ڏيڻ سان يوسيز چونڊيل نمائندن بدران بيوروڪريٽس هلائين پيا: وڪيل *ايندڙ بلدياتي چونڊن ۾ اهو مسئلو ٻيهر سامهون ايندو: وڪيل *عدالت فوري ٻڌڻي لاءِ درخواست تي سنڌ حڪومت ۽ اليڪشن ڪميشن کي نوٽيس جاري ڪري ڇڏيا *عدالت ڌرين کي 18نومبر تائين جواب ڏيڻ جي به هدايت ڪري ڇڏي *قانون موجب مخصوص سيٽون رڳو سياسي جماعت کي کي ڏئي سگهجن ٿيون: اليڪشن ڪميشن *
  • *مدئجي ۾ گذريل ڏينهن پوليس جي مبينا مقابلي ۾ مارجي ويل نوجوان جي وارثن پاران لاش رکي ڌرڻو *مقتول صديق جلباڻي جي وارثن جلباڻي لاڙي وٽ لاش رکي روڊ بلاڪ ڪري ڇڏيو، ٽائرن کي باهيون* پوليس صديق کي ڪوڙي مقابلي ۾ قتل ڪيو، هڪ نوجوان کي به گم ڪيو ويو آهي: وارث*
  • *لاڙڪاڻو: ڊسٽرڪٽ اينڊ سيشن جج پاران چانڊڪا اسپتال جو دورو *لاڙڪاڻو: سيشن جج اقبال حسين ميتلو کي ايم ايس ڊاڪٽر ارشاد ڪاظمي پاران بريفنگ ڏني وئي *65بسترن واري ايڇ ڊي يو وارڊ ۾ پوسٽ ڪورونا مريضن لاءِ انتظام ڪيل آهن: ايم ايس چانڊڪا اسپتال *چانڊڪا اسپتال ۾ جديد سهولتون اطمينان بخش آهن، هڙتالون يا مظاهرا نه ٿيڻ گهرجن، سيشن جج *
  • *اسلام آباد: احتساب عدالت نارووال اسپورٽس سٽي ڪيس جي ٻڌڻي *نيب احسن اقبال خلاف ريفرنس داخل ڪرڻ لاءِ هڪ ڀيرو ٻيهر مهلت گهري ورتي *نيب جي جاچ آفيسر اڳڀرائي رپورٽ احتساب عدالت ۾ جمع ڪرائي ڇڏي *پري ايگزيڪيوٽو بورڊ ۾ ريفرنس پيش ڪيو هو، اڃا منظوري رهيل آهي: جاچ آفيسر*
  • *حيدرآباد ۾ ڪورونا جي ڪيسن ۾ ٻيهر واڌ، 24ڪلاڪن دوران 29نوان ڪيس ظاهر *حيدرآباد جي شهري تعلقي ۾ 6،لطيف آباد ۾11۽ قاسم آباد ۾ 12 نوان ڪيس ظاهر *221 ڄڻا گهرن ۾ آئيسوليٽ،7 ڄڻا سول اسپتال ۽ 5 ڄڻا ڪراچي جي اسپتالن ۾ داخل*

خيرپور ۾ صفائي نظام ۾ بهتري نه آئي، اڪثر پاڙن ۾ گندگي، نالين جو پاڻي بيٺل

اوستو گاهي، غريب آباد، شهيد آباد، بابو شاهه محمد ڪالوني، مل ڪالوني گندگيءَ جي ور چڙهيل

مصطفيٰ ڪالوني،عريشه ڪالوني،الهه آبادڪالوني،سائده ڳوٺ۾پاڻي تلائن جي صورت۾بيهجي ويو

خيرپور (رپورٽر) خيرپور ۾ پنجهٽي، ڏٻر، اوستو گاهي، غريب آباد، شهيد آباد، ٻٽڙو، بابو شاهه محمد ڪالوني، مل ڪالوني، مصطفيٰ ڪالوني، عريشه ڪالوني، خانڻ شاهه ڪالوني، الهه آباد ڪالوني، سائده ڳوٺ، ڳاڙهي پل، خاڪي شاهه پل ميونسپل انتظاميه جي نااهلي سبب گندگيءَ جي ور چڙهي ويا آهن، علائقن ۾ گند ڪچري جا ڍير لڳي وڃڻ ۽ گندو پاڻي تلائن جي صورت ۾ رستن تي بيهڻ ڪري رهواسي شديد ڏکيائين کي منهن ڏئي رهيا آهن. شهرين عبدالرحمان شيخ، نظير احمد سومرو، مستري ارباب سومرو، حاجن شيخ، عبداللطيف شيخ، سراج احمد سومرو، اسد شيخ ۽ ٻين جو چوڻ آهي ته هڪ پاسي خطرناڪ بيماري ڪورونا وائرس سبب سخت پريشان آهيون ته ٻئي طرف گندگي ۽ گندي پاڻيءَ اسان کي ذهني مريض بڻائي ڇڏيو آهي، چار سال کان ميونسپل انتظاميه کي دانهون ڪري ڪري ٿَڪي پيا آهيون ته صفائي واري نظام کي بهتر بڻايو وڃي پر اسان جي انهن دانهن جو ڪوبه ازالو نه ٿيو آهي. هنن چيو ته چار سال اڳ امجد شاهه جي چيئرمين طور مقرريءَ کان پوءِ ميونسپل ڪاميٽيءَ جو سمورو نظام تباهه ٿي ويو آهي، امجد شاهه آفيس کي ٽائيم ڏيڻ بدران ڪراچي ۾ رهڻ ڪري ميونسپل ڪاميٽي جا ڪجهه آفيسر انتظام سنڀالي رهيا آهن جن جي بي ڌياني جي ڪري خيرپور شهر کنڊرات ۾ تبديل ٿيندو پيو وڃي. هنن سنڌ جي اڳوڻي وڏي وزير سيد قائم علي شاهه ۽ پ پ ايم اين اي ڊاڪٽر نفيسه شاهه کان گهر ڪئي ته نوٽيس وٺي خيرپور شهر جي صفائي سٿرائي جي حوالي سان جوڳا قدم کنيا وڃن.

Bookmark the permalink.