تازا ترين
  • *ڪراچي: وڏي وزير مراد علي شاهه شير شاهه ۾عمارت ڪرڻ واري واقعي جو نوٽيس ورتو *وڏي وزير پاران ڪمشنر ڪراچي کي فوري طور انتظاميه کي متحرڪ ڪرڻ جي هدايت *ڪوشش ڪئي وڃي ته سمورن مزدورن جون حياتيون بچايون وڃن: وڏو وزير مراد علي شاهه*
  • *ٽنڊو غلام حيدر جي مختلف علائقن مان برسات ۽ گهارن جو پاڻي نيڪال نه ٿيو، رهواسي عذاب ۾ مبتلا *مويا نظرپور، ڏندو، حاجي صوڀو خان چانڊيو سميت 8 يوسيز جي ڪيترن ئي ڳوٺن ۾ پاڻي بيٺل پاڻي نيڪال نه ٿيڻ سبب مليريا، گيسٽرو ۽ ٻين بيماريون منهن ڪڍيو، ڪيترائي ڳوٺاڻا اسپتال ڀيڙا*
  • *سپريم ڪورٽ ۾ ذهني مريض قيدي جي موت واري سزا روڪڻ لاءِ اپيل تي ٻڌڻي *عدالت جوابدار غلام عباس جي طبي چڪاس لاءِ ميڊيڪل بورڊ جوڙي ڇڏيو *ميڊيڪل بورڊ کي طبي چڪاس ڪري ٽن هفتن اندر رپورٽ پيش ڪرڻ جو حڪم*
  • *ٽنڊو غلام حيدر ۾ ڳوٺاڻن جو برساتي پاڻي نيڪال نه ٿيڻ تي ٻارڙن کي پوليو جا ڦڙا پيئارڻ کان انڪار *ڳوٺ مير محمد لاشاري جي رهواسين برساتي پاڻي نيڪال نه ٿيڻ خلاف احتجاج ڪيو *ڳوٺ مان پاڻي نيڪال ڪرايو وڃي ٻي صورت ۾ ٻارڙن کي پوليو جا ڦڙا نه پيئارينداسين: ڳوٺاڻا*
  • *ٽنڊو ڄام زرعي يونيورسٽي ۽ وٽرنري يونيورسٽي سڪرنڊ ۾ وقتي وائيس چانسلرز جي مقرري *پروفيسر ڊاڪٽر ظهير الدين ميراڻي زرعي يونيورسٽي ٽنڊو ڄام جو وقتي وائيس چانسلر مقرر *احمد سلطان جتوئي وٽرنري يونيورسٽي سڪرنڊ جو وقتي وائيس چانسلر مقرر، نوٽيفڪيشن جاري*
  • *آصف زرداري ۽ نواز شريف هڪ ٻئي تي الزام لڳائيندا رهيا هاڻي گڏ ويٺا آھن: خرم شير زمان *بلاول جي تقرير مان لڳي پيو ته پاڪستان خلاف تحريڪ هلائڻ وڃن پيا: خرم شيرزمان *جيڪڏھن کين تحريڪ هلائڻي آھي ته ڪراچي ۽ لاڙڪاڻي کان شروع ڇو نٿا ڪن: خرم شير زمان*
  • *ڪراچي: دهشتگردي ٽوڙ عدالت ۾ انسپيڪٽر ناصر الحسن جي ٽارگيٽ ڪلنگ بابت ڪيس تي ٻڌڻي *ڏوهه ثابت نه ٿيڻ تي عدالت 5 جوابدارن کي بري ڪري ڇڏيو *اکين ڏٺن شاهدن جي تڪراري بيان جي ڪري ڏوهه ثابت نه ٿي سگهيو آهي: پوليس *
  • * ڪراچي: ميٽرڪ بورڊ شاگردن جي امتحان جا نتيجا پڌرا ڪري ڇڏيا *ڪراچي: ميٽرڪ بورڊ سائنس گروپ جي نتيجن جو اعلان ڪري ڇڏيو *ڪراچي: هڪ لک 68 هزار 880 شاگرد امتحان ۾ ڪامياب قرار*
  • *ڪشمور ويجهو سڱاوتي تڪرار تان هٿياربندن جي فائرنگ ۾ نوجوان قتل، واٽهڙو پيرسن زخمي *هٿياربندن جي فائرنگ ۾ عيد گاهه واسي علي گل سولنگي ۽ واٽھڙو پيرسن شاھمور خالدي زخمي ٿي پيا *زخمي سول اسپتال منتقل، نوجوان کي رحيم يار خان نيو پئي ويو ته رستي ۾ دم ڌڻي حوالي ڪيائين *مورزادو جکراڻي ۽ ڏاڏو جکراڻي نوجوان کي قتل ڪيو، قاتل گرفتار ڪري انصاف ڪيو وڃي: وارث *
  • *محرابپور ويجهو نوجوان بجلي جو ڪرنٽ لڳڻ سبب فوت *ڳوٺ ولي آباد ۾ علي ولد رمضان آرائين پکي مان ڪرنٽ لڳڻ سبب فوت ٿي ويو *
  • *سپريم ڪورٽ ۾ سرڪاري زمين تي پيٽرول پمپس ليز تي ڏيڻ بابت پاڻمرادو نوٽيس تي ٻڌڻي *عدالت ڪمشنر فيصل آباد پاران پيش ڪيل رپورٽ رد ڪري ڇڏي *سپريم ڪورٽ پاران ايندڙ ٻڌڻي تي ڪمشنر فيصل آباد کي ذاتي حيثيت ۾ پيش ٿيڻ جو حڪم *حڪم تي عمل نه ٿيو ته ڪمشنر ۽ اسسٽنٽ ڪمشنر ٻئي جيل ويندا: سپريم ڪورٽ*
  • *سڪرنڊ ۾ آل پارٽيز الائينس جي سڏ تي بجلي جي اڻ اعلانيل لوڊشيڊنگ خلاف احتجاجي ريلي *مظاهرين صحافي چوڪ کان ريلي ڪڍي حيسڪو آفيس جي گيٽ آڏو ڌرڻو هنيو، ڇتي نعريبازي *سڪرنڊ ۽ ڀرپاسي ۾ 16کان18 ڪلاڪ بجلي جي لوڊشيڊنگ ڪئي پئي وڃي: مظاهرين *
  • *ڪراچي: سهراب ڳوٺ وٽ پوليس ۽ ڏوهارين وچ ۾ مبينا مقابلو، 2 ڦورو زخمي حالت ۾ گرفتار *موٽر سائيڪل تي سوار ٽن جوابدارن ڦر جي ڪوشش ڪئي ته پوليس پهتي: پوليس *مقابلي ۾ زخمي ٿيل ڦورو فيروز اسپتال ۾ علاج دوران فوت ٿي ويو: پوليس *
  • *ڪراچي: شرافي ڳوٺ ۾ نجي ڪمپني جي لاڪرز مان چوري ڪندڙ جوابدار گرفتار *جوابدار لاڪرز ٽوڙي نجي ڪمپني جا 6 لک رپيا چوري ڪيا هئا: پوليس *سي سي ٽي وي فوٽيجز ۾ هڪ جوابدار ڪمپني اندر نظر آيو آهي: پوليس*
  • *رائونتي ۾ ڳوٺاڻن جو بنيادي سهولتن جي کوٽ خلاف احتجاجي ريلي، ڌرڻو *مختلف ڳوٺن جي رهواسين احتجاجي ريلي ڪڍي اي سي آفيس اوٻاوڙو آڏو ڌرڻو هنيو، نعريبازي *ڳوٺن ۾ اسڪول، پڪن روڊن ۽ اسپتال جهڙي جهڙي ڪا به سهولت نه آهي: ڳوٺاڻا*

خيرپور اسپيشل اڪنامڪ زون به “نالو وڏو- ديهه ويران” نڪتو: 8 سالن ۾ رڳو 4 ڪارخانا: روزگار جي دعويٰ ڌوڙ

مهانگائي ۽ مزدوري وڌڻ جا جواز ڄاڻائي اڪنامڪ زون لاءِ وڌيڪ 50 ڪروڙ گهريا ويا

خيرپور: اسپيشل اڪنامڪ زون جو مک دروازو نظر اچي رهيو آهي

خيرپور( رپورٽ عرفان ڦلپوٽو) خيرپور جو اسپيشل اڪنامڪ زون “نالو وڏو ديهه ويران” نڪتو. 40 ڪمپنين کي صنعتي مقصدن لاءِ 80 پلاٽ الاٽ ڪيا ويا، جڏهن ته صرف چار ڪارخانا لڳي سگهيا، جيڪي پڻ بجلي ۽ گيس نه ملڻ سبب پيداوار ڏيڻ جي قابل ناهن. پوڻا ٻه ارب رپيا خرچ ٿيڻ باوجود 8 سالن دوران خيرپور اڪنامڪ زون صنعتڪارن جو ڌيان ڇڪائي نه سگهيو آهي. ان ڏس ۾ مليل ڄاڻ موجب گذريل 8 سالن دوران اڪنامڪ زون جي ٽي ڀيرا فزيبلٽي ڪاسٽ کي روائيز ڪيو ويو. وڌندڙ مهانگائي ۽ ليبر جي مزدوري وڌڻ سبب زون لاءِ ڪٿيل رقم ناڪافي بڻجي وئي. سنڌ سرڪار پاران وقت سر رقم نه جاري ڪرڻ سبب اڪنامڪ زون جي رٿا مسلسل رولڙن جو شڪار ٿيندي رهي آهي، اڪنامڪ زون کي وڌيڪ 50 ڪروڙ رپين جي ضرورت پئجي وئي آهي. سوئي سدرن گيس ڪمپني پاران زون کي شاهه حسين باءِ پاس بجاءِ سکر مان ڪنيڪشن ڏيڻ ڪري وڌيڪ پئسا گهربل آهن. ٻئي طرف پ پ ايم اين اي ڊاڪٽر نفيسه شاهه پاران 50 ڪروڙ رپين جي گرانٽ واري سمري منظور ڪرائڻ جي دعويٰ ڪئي وئي آهي، جيڪي پئسا ملڻ شرط مارچ مهيني تائين اڪنامڪ زون جا چار يونٽ صنعتي پيداوار ڏيڻ شروع ڪندا. جائزي دوران معلوم ٿيو ته چائنا جي سن تانگ ٽيڪنالاجي کانسواءِ ڪابه غير ملڪي ڪمپني ڪارخانو لڳائي نه سگهي. سچل انجنيئرنگ پاران لڳايل ڪولڊ اسٽوريج ۽ کارڪن کي خشڪ ڪرڻ جو يونٽ پڻ بجلي ۽ گيس نه هجڻ سبب فائدو ڏيڻ جي اوسيئڙي ۾ آهي، جڏهن ته نائچ فلورمل پڻ بجلي ۽ گيس جي سهولت ملڻ بعد ئي پيداوار ڏيڻ شروع ڪندي، جڏهن ته اقتدار ڌڻين پاران اڪنامڪ زون ۾ 40 هزار بيروزگارن کي روزگار ڏيڻ جي دعويٰ پڻ ڌُوڙ ٿي وئي آهي. هوڏانهن زون جي پراجيڪٽ ڊائريڪٽر عثمان خالد ٻڌايو ته ڪارخانيدارن کي مقامي ماڻهن کي رکڻ لاءِ پابند بڻايو ويو آهي جن کي تربيت ڏيڻ لاءِ ٽيڪنيڪل يونيورسٽي خيرپور، مهراڻ انجنيئرنگ يونيورسٽي خيرپور ۽ آءِ بي اي سکر جو ڀرپور سهڪار حاصل آهي. خيرپور انڊسٽريل زون رٿا جي ڪمن کي 14 پيڪيجز ۾ ورهايو ويو آهي. پي ڊي پاران وڌيڪ دعويٰ ڪئي وئي ته زون جو 90 سيڪڙو ڪم مڪمل ٿي چڪو آهي. هن وڌيڪ ٻڌايو ته زون ۾ صنعتون لڳائيندڙ سرمائيدارن کي اڪنامڪ زون پاران ڀرپور فائدا ۽ سهولتون ڏنيون ويون آهن، جن ۾ هر صنعتي پلاٽ لاءِ واٽر ڪنيڪشن، سيپڪو کان 5 ميگا واٽ بجلي اسڪيم، سيوريج سسٽم، خارج ٿيندڙ زهريلي مادي ۽ پاڻيءَ لاءِ ٽريٽمينٽ پلانٽ، گئس ڪنيڪشن، ويئر هائوس، فوڊ سرٽيفڪيشن سينٽر، ڊسپينسري، روڊ رستا شامل آهن.

Bookmark the permalink.