تازا ترين
  • *وڏو وزير سيد مراد علي شاهه رين ايمرجنسي صورتحال جو جائزو وٺڻ لاءِ حيدرآباد پهچي ويو *وڏو وزير ڪمشنر ۽ ڊي سيز سميت ٻين عملدارن سان گڏجاڻي ڪندو *وڏو وزير تلسي داس پمپنگ اسٽيشن، سحرش نگر ۽ لطيف آباد ۾ برساتي نالن جو دورو ڪندو*
  • *اسلام آباد هاءِ ڪورٽ ۾ امريڪي عورت سنٿيارچي کي ملڪ بدر ڪرڻ لاءِ پ پ جي درخواست تي ٻڌڻي *عدالت گهرو وزارت کي نوٽيس جاري ڪري ٻيهر آرڊر جاري ڪرڻ لاءِ مهلت ڏئي ڇڏي *عدالت پاران گهرو وزارت کي درخواست تي ٽن هفتن ۾ فيصلو جاري ڪرڻ جو حڪم *
  • *مورو۾ بجلي جي تارن ۾وچڙي فوت ٿيل پورهيت جي وارثن ۽ شهرين جي علامتي بک هڙتال *بک هڙتالي ڪيمپ تي مختلف سياسي سماجي ۽ قومپرست جماعتن جا اڳواڻ به شريڪ *3مھينا گذرڻ باوجود گل حسن عرف ڏاڏو چوھاڻ جي وارثن کي انصاف ناهي ملي سگهيو: مظاهرين *
  • *ڪنري: رولو ڪتن وڌيڪ ٽن ڄڻن کي ڏاڙھي زخمي ڪري وڌو، تعلقا اسپتال منتقل *رولو ڪتن نوجوان دودي، گل محمد ۽ شير علي کي ڏاڙھي زخمي ڪيو *ھڪ مھيني دوران رولو ڪتن جي ڏاڙهيل ماڻهن جو انگ 50ٿي ويو*
  • *حيدرآباد: سول اسپتال عملي جي لاپرواهي سبب عورت رڪشا ۾ ٻارڙي کي جنم ڏئي ڇڏيو *شورا ڳوٺ واسڻ عورت جا وارث مدد لاءِ ليبر وارڊ سامهون عملي کي سڏيندا رهيا پر ڪنهن مدد نه ڪئي*
  • *چونڊڪو: ڳوٺ محمود چانڊيو ۾ ٻن ورهين جي نينگر محرم چانڊيو کي پوليو جو شڪ ظاهر *گذريل هڪ مهيني کان پٽ گهمڻ ڦرڻ کان لاچار آهي: غلام اڪبر چانڊيو *سول اسپتال خيرپور جي ڊاڪٽرن پوليو جو شڪ ڏيکاريو آهي: غلام اڪبر چانڊيو*
  • *ڪنڊيارو: ڏيڍ مهينو اڳ اغوا بعد زيادتي جو نشانو بڻايل نينگري وارو مامرو*نوشھروفيروز جي عدالت پاران نينگري جي عمر جي تصديق لاءِ ٽي او تعليم ڪنڊيارو ڏانهن ليٽر جاري *نينگري جي عمر وارو سرٽيفيڪيٽ عدالت ۾ جمع ڪرايو وڃي: حڪم *
  • *گهوٽڪي پوليس جي مبينا مقابلي ۾ هاف فراءِ ٿيل جروار واسي جو ڪراچي جي اسپتال ۾ آپريشن *ڊاڪٽرن عبدالرحيم گبول جو آپريشن ڪري سندس گوڏي وٽان ڄنگهه ڪٽي ڇڏي *گهوٽڪي پوليس ظلم ڪيو آهي، عدالت جو در کڙڪائينداسين: نوجوان جا وارث*
  • *ٽنڊو محمد خان ۾ ڪورونا وائرس جا وڌيڪ 7ڪيس ظاھر، متاثرن جو انگ442 ٿي ويو *109ماڻهن جا سيمپلز ورتا ويا، 7ڄڻن ۾ ڪورونا جي تصديق ٿي: ڊي ايڇ او *
  • *ڪراچي ۾ ڪشميرين سان يڪجهتي جي اظهار لاءِ پي ٽي آءِ پاران ٻيڙين تي چڙهي ريلي *ريلي ۾ حليم عادل شيخ، حنيد لاکاڻي، شاهنواز جدون ۽ ٻيا اڳواڻ شريڪ *گجرات جو ڪاسائي ڪشميري مسلمانن جو جاني دشمن بڻجي چڪو آهي: حليم عادل شيخ *پاڪ فوج جون قربانيون لازوال آهن، سڀاڻي ڪراچي کان سکر تائين ٽرين مارچ ڪيو ويندو: حليم عادل شيخ*
  • *ڪراچي: آءِ جي سنڌ مشتاق مهر پاران سينٽرل پوليس آفيس ۾ يادگار شهداءَ تي حاضري *اسان پوليس جي شهيد جوانن کي سلام پيش ڪيون ٿا: آءِ جي سنڌ مشتاق مهر *اسان شهيد پوليس اهلڪارن جي وارثن سان گڏ آهيون، کين اڪيلو نه ڇڏيو ويندو: آءِ جي سنڌ *
  • *ڪوٽڙي ۽ ڀرپاسي ۾ بجلي جي اڻ اعلانيل لوڊشيڊنگ خلاف رهواسين جو ڌرڻو، نعريبازي *شهرين مانجهند جي شاهي بازار مان احتجاجي ريلي ڪڍي مين چونڪ تي ڌرڻو هنيو *اڻ اعلانيل لوڊ شيڊنگ سبب سخت عذاب ۾ مبتلا آهيون، نوٽيس ورتو وڃي: مظاهرين*
  • *ڪرمپور : انڊس هاءِ وي تي منگي لاڙي وٽ خوفناڪ حادثو، زال مڙس فوت *ڪار ۽ موٽرسائيڪل وچ ۾ ٽڪر ٿيڻ جي نتيجي ۾ پيارو جعفري ۽ سندس زال مارئي فوت*
  • *وڏو وزير مراد علي شاهه اڄ رين ايمرجنسي صورتحال جو جائزو وٺڻ لاءِ حيدرآباد پهچندو *وڏي وزير جي حيدرآباد پهچڻ کان اڳ ئي تلسي داس پمپنگ اسٽيشن ٻاهران صفائي شروع *وڏو وزير ڪمشنر ۽ ڊي سيز سميت ٻين عملدارن سان گڏجاڻي ڪندو*
  • *آمدني کان وڌيڪ اثاثن وارو ڪيس: پ پ اڳواڻ خورشيد شاهه جي اڄ عدالت ۾ پيشي *احتساب عدالت ۾ ڪيس جي ٻڌڻي ٿيندي، خورشيد شاهه کي سخت سيڪيورٽي ۾ پيش ڪيو ويندو *خورشيد شاهه کانسواءِ ضمانت تي آزاد جوابدار به احتساب عدالت ۾ پيش ٿيندا *

سنڌ سرڪار کي هر ضلعي ۾ اولڊ ايج هومز ٺاهڻ ۽ بزرگ شهرين کي طبي سهولتون ڏيڻ جو حڪم

سنڌ هاءِ ڪورٽ بزرگ شهرين لاءِ طبي سهولتون يقيني بڻائڻ جو به حڪم ڏنو

بزرگ شهرين جي سهولتن کي ڪوبه سمجهوتو نه ڪنداسين: ٻڌڻي دوران ريمارڪس

ڪراچي (اسٽاف رپورٽر) سنڌ هاءِ ڪورٽ ۾ صوبي ۾ ضلعي سطح تي اول ايج هومز قائم ڪرڻ ۽ بزرگ شهرين کي مڪمل طبي سهولتون مهيا ڪرڻ جو حڪم ڏيندي چيو آهي ته حڪومت جاڳرتا مهم هلائي ته صوبي ۾ بزرگ شهرين کي ڪهڙيون سهولتون ڏنيون پيون وڃن. عدالت بزرگ شهرين جا مسئلا ٻڌڻ بعد حل ڪرڻ لاءِ ڪميٽي جوڙڻ جو به حڪم ڏئي ڇڏيو آهي. سنڌ هاءِ ڪورٽ ۾ سينيئر سٽيزن ايڪٽ 2014ع تي عملدرآمد نه ٿيڻ خلاف درخواست تي ٻڌڻي ٿي، درخواست ۾ سماجي ڀلائي واري کاتي ۽ ٻين کي ڌُر بڻايو ويو اهي. عدالت سماجي ڀلائي واري کاتي کي قانون تي عملدرآمد کي يقيني بڻائڻ جو حڪم ڏنو. عدالت سنڌ سرڪار کي صوبي ۾ اولڊ ايج هومز ٺاهي اُن ۾ مڪمل سهولتون مهيا ڪرڻ جو حڪم ڏئي ڇڏيو آهي.
هر ضلعي ۾ اولڊ ايج هوم ٺاهڻ جو حڪم
عدالت حڪم ڏنو آهي ته صحت کاتي جو سيڪريٽري سمورن اولڊ ايج هومز ۾ طبي سهولتون مهيا ڪرڻ کي يقيني بڻائي، سنڌ سرڪار هر ضلعي ۾ اولڊ ايج اوم ٺاهڻ لاءِ گهربل فنڊز مهيا ڪري. سنڌ هاءِ ڪورٽ حڪم ڏنو آهي ته سماجي ڀلائي وارو کاتو ڪائونسل جي قانون پٽاندڙ سمورا فنڪشنز فعال ڪري، اُن حوالي سان آگاهي سيمينار ۽ ورڪشاپس ڪرائڻ جو حڪم ڏيندي عدالت چيو آهي ته لاڳاپيل قانون جي حوالي سان ميڊيا تي به آگاهي ڏني وڃي.
بزرگ شهرين کي سهولتن لاءِ طريقيڪار جوڙڻ جو حڪم
ٻڌڻيءَ دوران عدالت سماجي ڀلائي واري کاتي جي سيڪريٽري سان مخاطب ٿيندي پُڇيو ته توهان قانون تي عملدرآمد ڇو نه ڪيو؟ قانون ٺهندا آهن، پر اُنهن تي عملدرآمد نه ڪيو ويندو آهي. سنڌ هاءِ ڪورٽ حڪم ڏنو آهي ته بزرگ شهرين کي طبي سهولتون ڪهڙي ريت مهيا ڪيون وڃن؟ اُن حوالي سان سنڌ سرڪار طريقيڪار جوڙي. قانون ٺاهيو ته ويو، پر ڪنهن به سينيئر سٽيزن (بزرگ شهري) کي اُن جي باري ۾ ڄاڻ ئي نه آهي. سنڌ حڪومت جا لاڳاپيل اداري اول ايج هومز ۾ سهولتون مهيا ڪرڻ لاءِ سمورا وسيلا ڪتب آڻين.
اولڊ ايج هومز جي فلاح لاءِ مهم هلائڻ جو حڪم
سنڌ هاءِ ڪورٽ حڪم ڏنو آهي ته صوبي ۾ اول ايج هومز جي بهتري ۽ ڀلائي لاءِ جاڳرتا مهم هلائي وڃي، ماڻهن کي ٻڌايو ته حڪومت بزرگ شهرين کي ڪهڙيون سهولتون مهيا ڪري رهي آهي، بزرگ شهرين جي بهتري ۽ ڀلائي تي ڪوبه سمجهوتو نه ڪيو ويندو.
بزرگ شهرين جون شڪايتون ٻڌڻ لاءِ ڪميٽي جوڙڻ جو حڪم
عدالت حڪم ڏنو آهي ته حڪومت بزرگ شهرين کي پيش آيل مسئلن جي حوالي سان شڪايتون ٻڌڻ لاءِ فوري طور ڪميٽي جوڙي.

Bookmark the permalink.