تازا ترين
  • امتياز شيخ ايس ايس پي شڪارپور کي قانوني نوٽيس اُماڻي ڇڏيو*هٿ ٺوڪيا الزام لڳائڻ تي رضوان شيخ معافي وٺي: صوبائي وزير طرفان هڪ ارب جي هرجاڻي جي دعويٰ*
  • آءِ جي سنڌ جي مامري ۾ وفاق ۽ سنڌ حڪومت هڪ پيج تي آهن، جلد مسئلو حل ٿي ويندو: وڏو وزير*وفاقي سرڪار سان سنڌ کي پنهنجو حصو نه ملڻ تي اختلاف آهي، ڪڻڪ خريد ڪئي آهي، هڪ ٻن ڏينهن ۾ اٽي جو بحران حل ٿي ويندو*اُميد ته چيف جسٽس زيادتي مامري ۾ ناري سان انصاف ڪندو: عمرڪوٽ ۾ علي مردان شاهه جي پونيئرن سان تعزيت بعد ڳالهيون*
  • صلاحڪارن ۽ خصوصي معاونن جي اختيارن وارو ڪيس: اي جي سنڌ کي نوٽيسز جاري*
  • ناري سان جنسي زيادتي مامرو:معطل ٿيل جج مٿان ڪيس داخل*ناري سلميٰ بروهي جي تازي بيان بعد معطل ٿيل سول جج امتياز ڀٽو مٿان ايس ايڇ او جي فرياد تي ڪيس داخل ٿيو*

حيدرآباد پبلڪ اسڪول ۾ هراسمينٽ معاملي تي سيڪريٽري طلب

حيدرآباد (بيورو رپورٽ) سنڌ هاءِ ڪورٽ سرڪٽ بئنچ حيدرآباد پبلڪ اسڪول ۾ ماسترياڻين جي وڊيو ٺاهي کين هراسان ڪرڻ واري معاملي تي تعليم کاتي جي سيڪريٽري، ڪمشنر حيدرآباد، آءِ بي اي سکر جي وائيس چانسلر ۽ پبلڪ اسڪول جي پرنسپل سميت لاڳاپيل ڌرين کي نوٽيس جاري ڪندي 17 ڊسمبر تي جواب طلب ڪري ورتو آهي. پبلڪ اسڪول ۾ جونيئر سيڪشن جي وائيس پرنسپل ماهه طلب، اسسٽنٽ هيڊ مسٽريس عاليا ۽ مسعوده سميت ٻين ماسترياڻين ايڊووڪيٽ ظهور بلوچ معرفت عدالت ۾ آئيني پٽيشن داخل ڪرائي آهي. وڪيل عدالت کي آگاهي ڏني ته پبلڪ اسڪول ۾ غيرقانوني ڀرتين ۽ استادن توڙي ماسترياڻين کي مختلف سبب ڄاڻائي پريشان ڪرڻ واري معاملي تي اڳ ۾ ئي آئيني پٽيشن داخل ٿيل آهي پر ان جي باوجود پبلڪ اسڪول جي انتظاميا ماسترياڻين ۽ استادن خلاف رڻ ٻاري ڏنو آهي. عدالت ماسترياڻين جي داخل پٽيشن ٻڌڻي لاءِ منظور ڪندي لاڳاپيل ڌرين کي نوٽيس جاري ڪري ڇڏيا آهن. پٽيشن جي ٻڌڻي 17 ڊسمبر تي اڳ ۾ ئي داخل پٽيشن سان گڏ ٻڌڻ جو فيصلو ڪيو ويو آهي.



Bookmark the permalink.