تازا ترين
  • خورشيد شاهه خلاف آمدني کان وڌيڪ اثاثا ڪيس، ٻڌڻي 5 آڪٽوبر تائين ملتوي*
  • آصف زرداري جي اپيلن تي فيصلو 23 سيپٽمبرتي ٻڌايو ويندو*نيب جيڪي الزام لڳايا، انهن سان واسطو ئي ناهي، آصف زرداري جي وڪيل دليل مڪمل ڪري ورتا *

جڏهن گهڻي ڪرپشن ٿيندي آهي ته گهڻا ڪيس داخل ٿيندا آهن: نيب چيئرمين

اسلام آباد (بيورو رپورٽ) نيب چيئرمين جاويد اقبال چيو آهي ته نيب نيازي ڳٺ جوڙ هڪ مفروضو آهي، هڪ سياستدان مناظري جو چئلينج ڪندي چيو هو ته نيب پنهنجي نڪ تان مک به نٿو اڏائي سگهي، اسان چئون ٿا ته نيب پنهنجي نڪ تي مک ويهڻ جي به اجازت ناهي ڏيندو، نيب چيئرمين رٽائرڊ جسٽس جاويد اقبال هڪ تقريب کي خطاب ڪندي چيو ته نيب کي ڪنهن به قسم جي ڇوٽ حاصل نه آهي، سڀني جي عزت نفس جو خيال رکڻو پوي ٿو، ائين ناهي ته ڪو بي گناهه هجي ۽ سندس خلاف ڪيس يا ريفرنس ٺاهيو وڃي، احتساب جو هڪطرفو نظام اُنهن کي نظر ايندو آهي، جِن کي اکين تي تعصب جون پٽيون ٻڌل هجن، هر ڪيس تي سمورن رُخن جو جائزو وٺڻ بعد ميرٽ جي بُنياد تي فيصلو ڪيو ويندو آهي، افسوس آهي جو جِن ماڻهن نيب جو قانون ناهي پڙهيو، اُهي به تنقيد ڪن ٿا، نيب فيس نه ڪيس ڏسندو آهي، مجموعي طور 12 ارب رُپين جا ريفرنس عدالتن ۾ التوا هيٺ آهن. هن چيو ته جڏهن گهڻي ڪرپشن ٿيندي آهي ته گهڻا ڪيس داخل ٿيندا، جڏهن گهڻا ڪيس داخل ٿيندا آهن ته گهڻيون ضمانتون ٿينديون آهن، ڪنهن بيگناهه خلاف ڪارروائي ناهي ڪئي.

Bookmark the permalink.