تازا ترين
  • سنڌ ۾ ماڪڙ جي تباهي نه روڪڻ خلاف عدالت ۾ وڃڻ جو فيصلو*ايوانِ زراعت سنڌ طرفان وفاق ۽ سنڌ سرڪار خلاف سنڌ هاءِ ڪورٽ سان رابطو ڪرڻ جو فيصلو ڪيو ويو*
  • *گهوٽڪي ۾ رولو ڪُتن نينگر ۽ نوجوان کي ڏاڙهي وڌو: اسپتال ۾ وئڪسين نه ملي*
  • *ٿر ۾ بُک ۽ بيمارين وڌيڪ وڌيڪ 4 ٻارڙا فوت: هلندڙ سال 789انگ ٿي ويو*
  • *مٺي ۾ پورهيت جي گهر کي باهه:الهه تلهه سڙي رک*
  • *حڪومت آرمي چيف جي مدي بابت قائل ڪري، استعيفائون ڏئي سگهون ٿا: اختر مينگل*

بچت جي دعويدار حڪومت آمدني کان 286 ارب رپيا وڌيڪ خرچ ڪري ڇڏيا

ٽن مهينن ۾ آمدني 14 کرب 89 ارب ۽ خرچ 17 کرب 75 ارب رپيا رهيو، بجيٽ خسارو 286 ارب رپيا ٿي ويو

فوج تي 242 ارب ۽ ترقياتي منصوبن تي 142 ارب رپيا خرچ ٿيا، تعليم جي حصي ۾ 15 ارب رپيا اچي سگهيا

اسلام آباد (رپورٽ: ايم بي سومرو) وفاقي ناڻي وزارت هلندڙ مالي سال 20-2019ع جي پهرين ٽن مهينن دوران ٿيل آمدني ۽ خرچن جي رپورٽ جاري ڪري ڇڏي آهي، ناڻي وزارت جولاءِ کان سيپٽمبر تائين ٽن مهينن دوران ٿيل ڪل آمدني 1489 ارب رپين جي ڀيٽ ۾ خرچ آمدني کان وڌيڪ 1775 ارب رپيا ٿيڻ، هلندڙ مالي سال جي پهرين ٽن مهينن ۾ بجيٽ خسارو 286 ارب رپيا تي پهچڻ جو اعتراف ڪندي چيو آهي ته هلندڙ مالي سال جي پهرين ٽن مهينن دوران قرضن تي وياج جي مد ۾ 571 ارب، جڏهن ته دفاعي خرچن جي مد ۾ 242 ارب 63 ڪروڙ، ترقياتي اسڪيمن تي دفاعي خرچن کان به گهٽ 142 ارب رپيا خرچ ٿيڻ جو اعتراف ڪيو ويو آهي، ٽن مهينن دوران صحت تي اڍائي ارب، تعليم تي 15 ارب، مذهبي هم آهنگي تي هڪ ارب 92 ڪروڙ رپيا خرچ ٿيو آهي، ڪل آمدني 1489 ارب 7 ڪروڙ 80 لک رپيا رهي، جن ۾ ٽيڪس آمدني 1142 ارب 93 ڪروڙ 50 لک رپيا رهي، جن مان وفاقي حڪومت هڪ هزار 38 ارب 42 ڪروڙ 60 لک رپين جو ٽيڪس گڏ ڪيو، جڏهن ته صوبن پاران 104 ارب 50 ڪروڙ 90 لک گڏ ڪيا. نان ٽيڪس روينيو طور تي 346 ارب 14 ڪروڙ 30 لک رپيا آمدني ٿي جن ۾ 315 ارب 19 ڪروڙ 90 لک وفاقي حڪومت ۽ 30 ارب 94 ڪروڙ 40 لک صوبائي حڪومتن جي آمدني آهي. ان ۾ بينڪنگ سيڪٽر جو منافعو 185 ارب، سرڪاري ڪارپوريشنن جي بينڪن ۾ پيل اڪائونٽن مان 3 ارب 31 ڪروڙ منافعو، پاڪستان ٽيلي ڪميونيڪيشن اٿارٽي (پي ٽي اي) جو 71 ارب رپيا منافعو به شامل آهي. مجموعي طور تي خرچ 1775 ارب 10 ڪروڙ 20 لک رپيا رهيواهڙي ريت بجيٽ خسارو 286 ارب 2 ڪروڙ 40 لک رپيا رهيو آهي. ٽن مهينن ۾ ٽيڪس آمدني جي ڊي پي جو 3.4 سيڪڙو رهي، جڏهن ته خرچ آمدني کان وڌيڪ جي ڊي پي جو 4 سيڪڙو رهيا، پهرين ٽن مهينن ۾ بجيٽ خسارو جي ڊي پي جو 0.7 سيڪڙو رهيو. سماجي تحفظ لاءِ 54 ڪروڙ، ڪارپوريشنن لاءِ 4 ارب 78 ڪروڙ رپيا خرچ ڪيا.

Bookmark the permalink.