تازا ترين
  • *حيدرآباد ڀرسان مبينا قتل ڪيل نوجوان جي وارثن لاش شيخ ڀرڪيو روڊ تي رکي ڌرڻو*
  • *ڏهرڪي لڳ ڊاٽسن جو ٽرالر سان ٽڪر، 3 واپاري زخمي،8 ٻڪريون مري ويون*
  • *ڄامشوري مان 18 ڏينهن اڳ کنڀي گم ڪيل قومپرست اڳواڻ جاويد شورو آزاد ٿي گهر پهچي ويو*
  • *پني عاقل ويجهو خوفناڪ باهه لڳڻ سبب 4 گهر سڙي ويا، اطلاع باوجود فائر برگيڊ عملو نه پهتو*
  • *بخشاپور: روهڙي کان پٿر کڻي ايندڙ ٻه ڊمپر ڊرائيورز ۽ ڪلينر اغوا*
  • *سيراڻي ۽ ڀرپاسي وارن علائقن ۾ برسات، نانگ ۽ بلائون ٻرن مان نڪري آيون*

بين الصوبائي سوڌو 4 کاتن جا سيڪريٽري تبديل

ڪراچي (اسٽاف رپورٽر ) سنڌ حڪومت ڊبل چارج رکندڙ سيڪريٽري تعليم کان سيڙپڪاري کاتي جي اضافي چارج واپس وٺيڇڏي، آءِ ٽي سيڪريٽري نجم شاھ کي بدلي ڪري سيڙپڪاري کاتي ۾ سيڪريٽري مقرر ڪيو ويو، ان حوالي سان جاري ڪيل نوٽيفڪيشنز موجب پوسٽنگ جي انتظار ۾ ويٺل ڊاڪٽر منصور عباس رضوي کي بين الصوبائي معاملن واري کاتي ۾ سيڪريٽري مقرر ڪيو ويو آهي، جتي مقرر ٿيل سيڪريٽري اختر غوري 9 ڊسمبر تي رٽائرڊ ٿي رهيو آهي، پوسٽنگ جي انتظار ۾ ويٺل محمد نواز نسيم کي آءِ ٽي سيڪريٽري مقرر ڪيو ويو آهي، جتان نجم شاھ کي بدلي ڪري سيڙپڪاري کاتي ۾ سيڪريٽري طور مقرر ڪيو ويو آهي، سيڙپڪاري کاتي واري اضافي چارج تعليم کاتي جي سيڪريٽري احسن منگي کان واپس ورتي وئي آهي، اهڙي طرح شريف شيخ کي روينيو کاتي جي سيٽلمينٽ بورڊ جي سيڪريٽري واري عهدي تان بدلي ڪري بهبود آبادي واري کاتي ۾ ايڊيشنل سيڪريٽري طور مقرر ڪيو ويو آهي. اهڙي طرح ٻن اسسٽنٽ ڪمشنرن ۽ ٻن مختيارڪارن کي پڻ بدلي ڪيو ويو آهي. ويسٽ ضلعي جي اسسٽنٽ ڪمشنر مشتاق جتوئي کي بدلي ڪري ملير جي مراد ميمڻ ۾ اي سي مقرر ڪري اتان فياض مهيسر کي بدلي ڪري سندس جاءِ تي اي سي ويسٽ مقرر ڪيو ويو آهي. جڏهن ته پوسٽنگ جي انتظار ۾ ويٺل مختيارڪار برڪت ڪلهوڙي کي سب ڊويزن مراد ميمڻ ۾ مقرر ڪري اتان ستار ڪلوڙ کي هٽائي رپورٽ ڪرايو ويو آهي. ٻئي طرف انساني حقن جي خاص معاون ويرجي ڪولهي سان اختلافن بعد سيڪريٽري لبنيٰ صلاح الدين کي هٽائي سندس جاءِ تي بدر جميل مينڌرو کي مقرر ڪيو ويو ، ان ڏس ۾ رابطو ڪرڻ تي هٽايل سيڪريٽري لبنيٰ صلاح الدين ٻڌايو ته انساني حقن واري کاتي کي قيدين جو قصاص و دعيت ادا ڪرڻ لاءِ مليل 35 ڪروڙ روپين واري رقم حقدار قيدين تائين پهچائڻ واسطي ڪاميٽي جي معاملي تان اختلاف ٿيا، انهي رقم جو پهرين قسط جا تقريبن ساڍا ڪروڙ رپيا جاري ٿي چڪا هئا، خاص معاون کي آفيس جا خرچ هلائڻ لاءِ پئسا گهرجن، مون ڪو به غيرقانوني ڪم ڪرڻ کان انڪار ڪيو هو، انهي ڪري مونکي اتان هٽايو ويو، هاڻي لياري ڊولپمينٽ ۾ رکيو ويو آهي هوڏانهن رابطو ڪرڻ تي وڏي وزير جي خاص معاون ويرجي ڪولهي ٻڌايو ته سيڪريٽري سان ڪي به اختلاف نه هئا، هن وٽ ٻه چارجون هيون، انهي ڪري سنڌ حڪومت انساني حقن واري کاتي جي سيڪريٽري جي چارج واپس وٺي پوسٽنگ جي انتظار ۾ ويٺل بدر جميل مينڌرو کي مقرر ڪيو ويو آهي، انهي مقررين ۽ بدلين سان منهنجو ڪو واسطو ناهي. سيڪريٽري جا لڳايل الزام بي بنياد آهن.

Bookmark the permalink.