تازا ترين
  • *احمد پور ويجهو 14 ورهين جي نينگري نگھت ڌيءُ امان الله وسطڙو مبينا طور اغوا: ٽن ڄڻن صبر علي، شڪر علي ۽ منٺار وسطڙو خلاف اين سي داخل*
  • *سڪرنڊ ۾ پاڙيسري جو وڪيل رياض احمد عرف راجا تي قاتلاڻو حملو، نازڪ حالت ۾ نوابشاهه ريفر*
  • *سيوهڻ زيادتي ڪيس: عدالتي اجازت بعد جاچ ٽيم ڊي ايس پي کاڻوٺ علي شير خاصخيلي جي سربراهي ۾ معطل سول جج امتياز ڀٽو جي چئمبر جو معائنو ڪيو*
  • *ميرپورماٿيلو ۾ پرڻيل ناري جو گهر مان گولي لڳل لاش هٿ، شڪ جي بنياد تي مڙس گرفتار، وارثن واقعي کي آپگهات قرار ڏئي ڇڏيو * ميرپورماٿيلو: عورت شمائلا کي مٿي ۾ ڳولي لڳل آهي، جاچ ڪيون پيا: پوليس * ميرپورماٿيلو: ڀاڄائي گهرو اڻبڻت تان آپگهات ڪيو آهي: ڏير اسلام بوزدار *
  • *راڻيپور: ٻن ڀائرن شڪيل بروھي ۽ ظريف بروھي وچ ۾ جهيڙي دوران فائرنگ: 17 سالن جو نوجوان شڪيل بروھي مارجي ويو، ظريف بروھي مرڻينگ*
  • *ڪراچي: ڊي آءِ جي سکر اقبال دارا خلاف اي جي سنڌ کي رپورٽ پيش ڪندڙ انسپيڪٽر کي شوڪاز نوٽيس جاري، 7 ڏينهن ۾ وضاحت طلب * ڪراچي: اوهان جونيئر آهيو، ڪنهن سينيئر خلاف ڪيئن ٿا انڪوائري رپورٽ جمع ڪرائي سگهو؟ نوٽيس *
  • *حيدرآباد/ڄامشورو: 15 ڏينهن کان گم ڄاڻايل مهراڻ يونيورسٽي جي شاگرد جو حيدرآباد ويجهو لاش هٿ، وارثن کي دوستن تي شڪ * حيدرآباد/ڄامشورو: شاگرد فتح راجپوت جو لاش اڪرم واهه مان هٿ آيو، پوسٽ مارٽم بعد وارثن حوالي * حيدرآباد/ڄامشورو: پٽ دوست جي دعوت تي ڪوٽڙي ويو هو، شڪ آهي ته دوستن کيس قتل ڪيو: شير سومار *
  • *ڪراچي: آءِ جي سنڌ ڪليم امام اسلام آباد طلب: سڀاڻي وزيراعظم عمران خان کي بريفنگ ڏيندو*
  • *اسلام آباد: سنڌ ۾ اتحادين کي اعتراض: آءِ جي لاءِ سنڌ سرڪار کان نوان نالا طلب * اسلام آباد: آءِ جي تبديليءَ وارومامرو وفاقي ڪابينا جي ايجنڊا مان خارج: وڏي وزير سان ڳالهين جو ٽاسڪ گورنر حوالي *
  • *لاڙڪاڻي ۾ چوري ٿيل 3 ڪلو سون مان 31 تولا متاثر دڪاندار کي واپس: ايس ايس پي لاڙڪاڻو مسعود بنگش اهو نه ٻڌايو ته سون ڪٿان هٿ ڪيو * لاڙڪاڻو: 31 تولا سون سوڌو چوري ٿيل ٻيو سامان ملي ويو آهي: دڪاندار عبدالله شيخ *
  • *مون خلاف سازش ٿي آهي، سولائيءَ سان وڃڻ واروناهيان: آءِ جي سنڌ*
  • *هالا ڀرسان 7 ڄڻڻ جي قتل جو ڪيس داخل: جوابدار ڌُر گهر خالي ڪري فرار*
  • *پشاور ڀرسان مسجد جو امام مبينا طور 14 ورهين جي ڇوڪري کي اغوا ڪري ويو*
  • *ريل سڙڻ جي واقعي بعد 19 ماڻهن خلاف ڪارروائي ڪئي(شيخ رشيد) وڏن خلاف ڪارروائي ڪڏهن ٿيندي:چيف جسٽس*
  • *سرڪلر ريلوي ٽريڪ جي بحالي لاءِ وڌيڪ وقت نه ڏنو ويندو:سپريم ڪورٽ*

بدين ضلعي جون زمينون بنجر، ماڻهو بيروزگار، ڪاٺين جو ڪوئلو وڪڻڻ تي مجبور

نوجوان ديوين جو ڏاڪ وڍي 150 رپيا في مڻ کورن تي کپائي ٻچن جو پيٽ پالين ٿا

پورهيت ديوين جو ڏاڪ ۽ پاڙون وجهي باھ ڏئي ڪوئلو تيار ڪري 7 سئو في مڻ شهرن ۾ کپائن ٿا

سيراڻي(رپورٽ: شاهنواز چاوڙو) بدين ضلعي ۾ ڪاٺ مان ڪوئلو ٺاهي وڪڻڻ جو ڪاروبار عروج تي، هزارين ماڻهو سلهاڙيل، نوجوانن کي سهارو ملي ويو ان ڏس ۾ بدين ضلعي جي ڏاکڻي سامونڊي پٽي جي شهر سيراڻي، ڀڳڙاميمڻ، شيخ ڪرهيو ڀانڍاري، گولو منڌرو، روپاماڙي شهيد دودو سومرو، ٻهڊمي، ولاسو، بخشو ديرو، لاکو پير، شيخاڻي گهاڙي، گرهيڙي، احمد راڄو، لنواري شريف ۾ مهاٻوڏن بعد سمنڊ جو زهريلو پاڻي سر سبزشاداب زرعي زمينن ۾ ڇوڙ ٿيڻ کانپوءِ علائقي کي سيراب ڪندڙ واهن ۽ شاخن ۾ پاڻي جي بدترين کوٽ ھئڻ ڪري زرعي زمينن ۾ مٺو پاڻي ڇوڙ نه ٿيڻ ڪري علائقي جون هزارين ايڪڙ سرسبزشاداب زرعي زمينون بنجر بڻجڻ سبب علائقن جا هزارين ماڻهو بيروزگار ٿي ويا آهن علائقن جي ماڻهن لاءِ روزگار جو وسيلو زراعت تباهي جي ڪناري تي پهچي وئي. زراعت تباھ ٿيڻ کانپوءِ علائقي واسين پاران ديوين جي (ڏاڪ) کاٺيون وڍي ڪچين سرن جا کورا ٺاهي، کورن ۾ ديوين جا ڏڪ ۽ ديوين جون پاڙون وجهي کورن کي ٻه ڏينهن باھ ڏئي ڪوئلو تيار ڪري هزارين نوجوان توڙي ننڍڙن ٻارڙن سميت عورتون مزودري ڪري روزگار سان لڳل آهن. ان ڏس ورتل ڄاڻ موجب کورن جا مالڪ علائقي واسين کان ديوين جي ڏاڪ في مڻ 100کان 150سئو روپيه خريد ڪندا آهن ۽ ديوين جون پاڙون 70 روپيه في مڻ خريد ڪندا آهن جڏهن ته هر هڪ کوري ۾ ديوين جي ڏاڪ 20مڻ کان 25 مڻ لڳندي آهي 20 مڻ ديوين جي ڏاڪ مان 6 کان 7 مڻ ڪوئلو ٺهي تيار ٿيندو آهي ڪوئلي جي في مڻ 700 کان 800 روپين تائين واپاري خريد ڪري شهرن ڏانهن کڻي ويندا آهن. چار کان پنج ڏينهن لڳن ٿا هر هڪ کوري تي 3 کان پنج ماڻهون روزگار سان لڳل آهن. علائقي جي رهواسي روزگار جا وسيلا گهٽ ھئڻ ڪري کورن تي مزدوري کي پنهنجي ٻچن جي پيٽ جي بک اجهائن ٿا.
کورن ۾ ڪوئلو ٺاهيندڙ مزدور مختلف بيمارين ۾ ورتل
سيراڻي: کورن تي ڪوئلو ٺاهيندڙ مزدور نٽهڻ اس ۽ دونهون تي ڪم ڪرڻ سبب اکين، ساهه ڌم سميت مختلف بيمارين ۾ وٺجي ويا آهن ڪيترائي مزدور دونهون جي ڪري اکين جو نور وڃائي ويٺا آهن. ان ڏس ۾ ڊاڪٽر اسلم پرهياڙ ٻڌايو ته کورن جو دونهون انساني صحت لاءِ هاڃيڪار آهي کورن جي دونهون مان ڇاتي جي ڪينسر، ساھ جي تڪليف، ڌم ۽ ٻيون خطرناڪ بيماريون ۾ جنم وٺن ٿيون کورا ڳوٺ جي ويجهو نه ٺاهڻ گهرجن ته جيئن خطرناڪ بيمارين کان بچي سگهجن.
کورن جي دونهين تي بيهڻ ڏاڍو ڏکيو آهي: پورهيت
سيراڻي: ڪوئلي جي کورن تي مزدوري ڪندڙ پورهيت ربڏنو، علي بخش، محمد بچل، سليمان، اصغر ملاح، بلاول ملاح ۽ ٻين”پنهنجي اخبار“ سان ڳالهائيندي چيو ته ڪوئلي جي کورن تي هڪ ڏينهن مزدوري ڪندا آهيون ته هڪ ڏينهن آرام ڪندا آهيون کورن جي دونهون تي بيهڻ ڏکيو آهي هر روز ڪم ڪريون ٿا ته اسان بيمار ٿي ٿا وڃون اسان کي هڪ ڏينهن جي مزدوري 200 کان 300 تائين ملندي آهي ۽ هڪ ڏينهن کورن تي ڪم ڪندا آهيون ته هڪ ڏينهن ديوين جي ڏاڪ وڍيندا آهيون ديوين جو ڏاڪ في مڻ 40 رپيا وڍيندا آهيون.مزدوري مان بچن جو گذرسفر ڪندا آهيون
ڪراچي، حيدرآباد سميت ٻين شهرن مان ڪوئلي جا خريدار ايندا آهن
سيراڻي: حيدرآباد، ڪراچي، ٽنڊو محمد خان، ٺٽو ۽ ٿرپارڪار جا واپاري سيراڻي شهر ۽ ڀرپاسي مان ڪوئلو خريد ڪرڻ ايندا آهن جيڪي هتان ڪوئلو خريد ڪري ٽرڪو ۽ ٽريڪٽر ٽرالي ڀرائي ويندا آهن.
ڪوئلو وڌيڪ ٻهراڙين جي هوٽلن ۾ استعمال ٿيندو آهي
سيراڻي: ٻهراڙي جي ڳوٺن ۾ ڪوئلو ڪوئلي واري استري ۾ لڳائي ڪپڙا استري ڪيا ويندا آهن ۽ جن شهرن ۾ گئس جي سهولت نه هئڻ ڪري هوٽلن تي ڪوئلي تي ٽانڊو ٻاري رڌ پچاءُ ۽ چانھه ٺاهيندا آهن.
کورن جي دونهين سبب سمهي به نه ٿا سگهون: رهواسي
سيراڻي: ڪوئلي جا کورا ڳوٺن جي ويجهو هئڻ ڪري کورن جو دونهون ڳوٺن طرف وڃڻ ڪري عام زندگي مفلوج بڻجي وئي آهي دونهون هئڻ ڪري بيمار ماڻهون تڙپڻ لڳا آهن. کورن ڀرسان ڳوٺن ۾ رهندڙ الهڏنو، رحيم بخش، الهبچايو ۽ ٻين چيو ته کورن جو دونهون ڳوٺن طرف اسان جي گهرن ۾ اچڻ ڪري رات جو سمهي به نه ٿا سگهون اسان جي تڪليف ٿئي ٿي رات جي وقت دونهون هئڻ ڪري ساھ به نه ٿا کڻي سگهون.



Bookmark the permalink.