تازا ترين
  • *جيڪب آباد: مهڪ ڪماري جي ننڍي ۾ عمر ۾ شادي ڪرائڻ جو ڪيس داخل*
  • *قبضا مافيا کي ڪير ڪجهه نٿو چوي، پر عوامي مفادن لاءِ ڪم ڪندڙن خلاف ڪيس داخل ٿيندا آهن: سنڌ هاءِ ڪورٽ*
  • *پ پ اڳواڻ سردار چانڊيو ۽ برهان چانڊيو خلاف انڪوائري مڪمل: جوابدارن جي عبوري ضمانت ۾ واڌ*
  • رستم ڀرسان ڪارنهن تهمت هيٺ عورت قتل، لاش گم،2 گرفتار*ڳوٺ سردار خادم جتوئي ڀرسان 15 ڏينهن اڳ ڀاءُ پنهنجي ڀيڻ سبحان خاتون کي قتل ڪري لاش گم ڪري ڇڏيو*
  • ڪورونا وائرس:چين ۾فوتين جو انگ 2 هزار کان وڌي ويو*هن وقت تائين 2004 ماڻهو فوت ٿي چڪا آهن، متاثرن جو انگ 74 هزار کان وڌيڪ آهي: چين*

بابا پرڏيهه وڃي ۽ آئون هتي هجان، ڏاڍو ڏکيو هوندو: مريم نواز

نواز شريف کي علاج لاءِ پرڏيهه وڃڻ گهرجي، بابا کي ڪنهن جي آسري تي نٿي ڇڏيان: عدالت ۾ پيشي دوران ڳالهيون

لاهور (ڊيسڪ رپورٽ)مريم نواز پنهنجي والد جي صحت ڳڻتي جوڳي قرار ڏيندي چيو آهي ته کيس علاج لاءِ پرڏيهه وڃڻ گهرجي. لاهور جي عدالت ۾ پيشيءَ جي موقعي تي مريم نواز کان سوال پُڇيو ويو ته ڇا نواز شريف پرڏيهه وڃي رهيو آهي، جنهن جو مختصر جواب ڏيندي مريم نواز چيو ته نواز شريف جي طبيعت خراب آهي، دُنيا ۾ جتي به علام ممڪن هجي، کيس اوڏانهن وڃڻ گهرجي.
هن چيو ته کيس رڳو نواز شريف جي صحت جو فڪر آهي، اُن تي ڪنهن به قسم جي سوديبازي نٿي ڪري سگهجي. چوڌري شگر ملز ڪيس ۾ مريم نواز لاهور جي عدالت ۾ پيش ٿي، اُن موقعي تي سندس چوڻ هو ته والد جي طبيعت تمام گهڻي خراب آهي، اُن باوجود هو عدالت پهتي آهي، هن وقت سندس سڄو ڌيان والد جي صحت تي آهي ۽ سندس سمورا مامرا پاڻ ڏسي رهي آهي، والد کي نرسز ۽ ملازمن جي آسري تي نٿي ڇڏي سگهي.
سياست لاءِ زندگي پئي آهي
هڪ سوال جي جواب ۾ مريم نواز چيو ته والدين ٻيهر نه ملندا آهن، سياست سڄي زندگي هلندي رهندي، هوءَ 24 ڪلاڪ والد سان گڏ رهندي آهي، ملڪ ۾ جيڪو به علاج مهيا ٿيل هو، اُهو ڪرايو آهي، تنهن باوجود نواز شريف جي بيماريءَ جو پتو نٿو پوي. هڪ ٻئي سوال جي جواب ۾ مريم نواز چيو ته هو پرڏيهه جو سفر نٿي ڪري سگهي، ڇاڪاڻ ته سندس پاسپورٽ عدالت ۾ جمع ٿيل آهي. اهو تمام گهڻو ڏکيو ٿي ويندو ته ميان صاحب علاج لاءِ پرڏيهه وڃي ۽ هوءَ نه وڃي، ڇو جو کيس هر وقت والد جي صحت جو فڪر رهندو آهي.

Bookmark the permalink.