تازا ترين
  • *جيڪب آباد: مهڪ ڪماري جي ننڍي ۾ عمر ۾ شادي ڪرائڻ جو ڪيس داخل*
  • *قبضا مافيا کي ڪير ڪجهه نٿو چوي، پر عوامي مفادن لاءِ ڪم ڪندڙن خلاف ڪيس داخل ٿيندا آهن: سنڌ هاءِ ڪورٽ*
  • *پ پ اڳواڻ سردار چانڊيو ۽ برهان چانڊيو خلاف انڪوائري مڪمل: جوابدارن جي عبوري ضمانت ۾ واڌ*
  • رستم ڀرسان ڪارنهن تهمت هيٺ عورت قتل، لاش گم،2 گرفتار*ڳوٺ سردار خادم جتوئي ڀرسان 15 ڏينهن اڳ ڀاءُ پنهنجي ڀيڻ سبحان خاتون کي قتل ڪري لاش گم ڪري ڇڏيو*
  • ڪورونا وائرس:چين ۾فوتين جو انگ 2 هزار کان وڌي ويو*هن وقت تائين 2004 ماڻهو فوت ٿي چڪا آهن، متاثرن جو انگ 74 هزار کان وڌيڪ آهي: چين*

انڊس ڊيلٽا ۾ پوکيل سوا 11لک تمر جي ٻوٽن مان 50 سيڪڙو سڙي ويا، 45 سيڪڙو جي حالت خراب

19 اپريل 2018ع ۾ سامونڊي پٽي ڪيٽي بندر جي جوهو ۽ ٻين ٻيٽن ۾ هڪ ڏينهن اندر 11 لک 29 هزار 294 تمر جا ٻوٽا لڳايا ويا

پاڪستان پنهنجو ئي 2018ع وارو 8 لک 47 هزار 275 ٻوٽا پوکڻ وارو عالمي رڪارڊ ٽوڙي گنيز بوڪ آف ورلڊ رڪارڊ ۾ نالو لکرايو

ٺٽو: ٺٽي جي سامونڊي پٽي کي تباهين کان بچائڻ ، انڊس ڊيلٽا توڙي جهنگلي ۽ آبي جيوت سان گڏ وڌنڌڙ ماحولياتي آلودگي کي منهن ڏيڻ لاءِ ڏيڊ سال اڳ ڪيٽي بندر ۽ کاروڇاڻ جي ٻيٽن ۾ هڪ ڏينهن ۾ 11 لک 29 هزار294 رڪارڊ طور پوکيل تمر جا ٻوٽا سار سنڀار نه ٿيڻ توڙي ڪوٽڙي بئراج جي هيٺين پاسي سنڌو درياءَ ۾ مٺي پاڻي جي ڇوڙ گهٽجڻ سبب سيڪڙو کان وڌيڪ ٻوٽا ختم ٿي ويا، رهيل 45 سيڪڙو تمر جا ٻوٽا پڻ سنڌوءَ جي تازي پاڻي جي سخت اڻاٺ ۽ گھربل مقدار ۾ نه ملڻ ڪري متاثر ٿي رهيا آهن. پنهنجي اخبار جي سروي موجب 19 اپريل 2018ع ۾ ٺٽي جي سامونڊي تعلقن ڪيٽي بندر جي جوهو ۽ ٻين مختلف ٻيٽن ۾ ٻيلي کاتي، سنڌ ڪوسٽل ڪميونٽي ڊيولپمينٽ پروجيڪٽ ۽ ماحوليات جي بقاءَ واري تنظيم آئي يو سي اين پاران ايشين ڊيولپمينٽ بئنڪ جي سهڪار سان هڪ ڏينهن ۾ 11 لک 29 هزار 294 تمر جي ٻوٽن جي پوکي ڪري پنهنجي ئي سال 2018ع وارو 8 لک 47 هزار 275 ٻوٽا پوکڻ وارو عالمي رڪارڊ ٽوڙي گينيز بوڪ آف ورلڊ ۾ نالو لکرايو. گذريل ڪيترن ئي سالن کان ڪوٽڙي بئراج هيٺين پاسي سنڌو درياءَ ۾ مٺي پاڻي جي ڇوڙ گهٽجڻ ۽ لاڳاپيل کاتي جي بي ڌياني سبب تمر جا ٻوٽا سڙي تباهه ٿي رهيا آهن.تمر جا ٻوٽا سڙي تباهه ٿيڻ جي ڪري ٺٽو، سجاول ۽ بدين جي 8 تعلقن ۾ امڪاني سامونڊي طوفانن توڙي ٻين قدرتي آفتن سبب وڏي پئماني تي تباهي جو خدشو ظاهر ڪيو پيو وڃي.

Bookmark the permalink.