تازا ترين
  • *خيبرپختونخواهه ۾ ٽن وزيرن کي ڪابينا مان نيڪالي ڏني وئي*
  • *ڪٿي به ناهي لکيو ته 2019ع ۾ پاڪستان اندر ڪرپشن وڌي آهي: ٽرانسپيرنسي انٽرنيشنل پاڪستان وضاحتي بيان جاري ڪري ڇڏيو*
  • *ڪرمپور ڀرسان ڌاڙيل ڳوٺاڻي کي مبينا اغوا ڪري ويا: اوڳاهي ۽ تيغاڻي برادري جون ڌُريون مورچابند: فائرنگ: علائقي ۾ خوف*
  • *ٺٽو ڀرسان ڪڪڙين سان ڀريل گاڏي پوليس پڪٽ ۾ ڪاهي پئي*
  • *حيدرآباد جي گُم ڄاڻايل ناري نئون ڪوٽ ۾ پوليس کي هٿ: اغوا ڪري وڪرو ڪيو ويو هو: نجمه خاصخيلي*
  • *اڳڙا ڀرسان مبينا مقابلو: هٿياربندن جي فائرنگ ۾ 2 اهلڪار زخمي*
  • *ريلوي کاتي جا جُڳاڙ: خيرپور ۾ ٽرين پٽڙيءَ تان لهي وئي: مسافرن جون دانهون*
  • *جنازي نماز ۾ شرڪت لاءِ ويندڙ ملير واسين جي گاڏي سان حادثو پيش آيو، 8 مسافرن جي حالت ڳڻتي جوڳي*
  • *ڳاڙهو لڳ گاڏي سِم نالي ۾ ڪري پئي: 30 کان وڌيڪ زخمي*

اميدن جي ابتڙ واقعا به منهنجي حق ۾ بهتر ثابت ٿيا: عائزا خان

ڪراچي (شوبز نيوز) اهو چئجي ته گذريل سال عائزا خان پاڪستاني انٽرٽينمينٽ انڊسٽري ۾ سڀ کان وڌيڪ مقبوليت حاصل ڪندڙ اداڪارا رهي ته غلط نه هوندو. هن 2019ع ۾ ڪيترن ئي وڏن پراجيڪٽس ۾ ڪم ڪيو جڏهن ته ذاتي زندگي ۾ به مطمئن ۽ خوش نظر آئي. اداڪارا پنهنجي انسٽاگرام اڪائونٽ تي به 2019جون يادگار تصويرون شيئر ڪيون جڏهن ته هن اهو به ٻڌايو ته هي سال سندس زندگي لاءِ نهايت ڪامياب ثابت ٿيو. پنهنجي فوٽو سيريز جي شروعات اداڪارا 2019ع ۾ پنهنجي 28هين سالگرهه سان ڪئي جنهن سان گڏوگڏ هن ٻڌايو ته هو مداحن سان ڪجهه خاص يادون شيئر ڪري رهي آهي. هن پنهنجي مڙس اداڪار دانش تيمور جي 36هين سالگرهه جون تصويرون شيئر ڪيون. اداڪارا ٻڌايو ته هو الڪرم برينڊ اسٽوڊيو جي برينڊ ايمبيسيڊر به بڻي. اداڪارا 2019ع جي پهرئين ڊرامي ياريان جون جهلڪيون به شيئر ڪيون. عائزا پنهنجي ڌيءُ حورين جي سالگرهه جون تصويرون به پوسٽ ڪيون. عائزا خان عيد الفطر تي ورتل تصويرن کي پڻ مداحن سان شيئر ڪيو. اداڪارا 2019ع ۾ ٿوڙا سا حق نالي ڊرامي ۾ به ڪم ڪندي نظر آئي جنهن جون جهلڪيون پڻ هن شيئر ڪيون. هن مداحن کي ٻڌايو ته گذريل سال هن نئون گهر به خريد ڪيو. پنهنجي سڀ کان مقبول ڪردار مهوش جو به اداڪارا ذڪر ڪيو ۽ وڊيوز شيئر ڪيون. هن اهو به ٻڌايو ته هن سال هن حج جي سعادت به حاصل ڪئي. عائزا خان لکيو ته مان هن سال گهڻو ڪجهه ڪيو، زال، ماءُ ۽ اداڪارا جي حيثيت سان گهڻو ڪجهه حاصل ڪيو، مان رڳو الله جو شڪر ادا ڪرڻ چاهيان ٿي، هن سال اميدن جي ابتڙ واقعا منهنجي حق ۾ بهتر ثابت ٿيا. هن لکيو ته ڪڏهن ائين لڳندو هو ته بي وس آهيان پر هر ڀيري خدا منهنجي مدد ڪئي ۽ مونکي واپس پيرن تي بيهاريو، مونکي هميشه بهترين موٽ ملي آهي. مون کي خبر ناهي ته نئين سال ۾ڇا ٿيندو، پر حج ڪرڻ کانپوءِ خدا تي منهنجي ايمان مونکي يقين ڏياريو آهي ته کڻي جيڪو ڪجهه به ٿئي ان جو انجام منهنجي حق ۾ بهتر ئي ثابت ٿيندو. اداڪارا لکيو ته هو نئين سال ۽ نئين ڏهاڪي لاءِ تيار آهي.



Bookmark the permalink.