تازا ترين
  • *کڏڙو بس اسٽاپ تي ٻن موٽر سائيڪلن ۾ ٽڪر، 3 ڄڻا سخت زخمي *محمدرمضان خاصخيلي،لال محمد بروهي ۽ علي محمد بروهي ڳڻتي جوڳي حالت ۾ اسپتال منتقل*
  • *خانواهڻ ويجهو ڦر مزاحمت تي جوابدارن گوليون هڻي اهلڪار کي زخمي ڪري ڇڏيو *پير مسافر وٽ 3هٿياربندن اهلڪار سڪندر ڪلھوڙو کان موٽرسائيڪل ڦر ڪرڻ جي ڪوشش ڪئي *مزاحمت تي جوابدارن اهلڪار کي گوليون هڻي زخمي ڪري ڇڏيو، اسپتال منتقل*
  • *ملڪ ۾ کاڌي پيتي جي شين جي اگهن ۾ واڌ بابت شماريات کاتي جا انگ اکر جاري *گوشت3.9 ۽ کنڊ3.8 سيڪڙو مهانگي ٿي: شماريات کاتو *جولائي ۾ سالياني بنياد تي شهري علائقن ۾ ٽماٽر سئو سيڪڙو مهانگو ٿيو:شماريات کاتو *پٽاٽا63 سيڪڙو ۽ دال مڱ 46.25سيڪڙو مهانگي ٿي: شماريات کاتو *ڪڻڪ28.52۽ اٽو 18.52 سيڪڙو مهانگو ٿيو: شماريات کاتو *
  • *لاڙڪاڻو: مبينا طور اغوا ٿيل نينگري جي بازيابي لاءِ وارثن جو پاڪ ڪتاب کڻي احتجاج *27جولائي تي جتوئي برادري جا هٿياربند گهر گهڙي نياڻي ماجده کي اغوا ڪري ويا: وارثن جو الزام*
  • *فريدآباد: ڳوٺ عبدالله شاھه گودڙيو ۾ ڪرنٽ لڳڻ سبب 3 ٻارڙن جي ماءُ فوت *گهر اندر پکي مان ڪرنٽ لڳڻ سبب 26 ورهين جي گمبُل زال رب رکيو چانڊيو فوت*
  • *صدرجي ڀٽيون ويجهو زميندار تي حملو، 2 ڄڻا زخمي، هڪ ڄڻو مبينا اغوا *هٿياربندن جي حملي ۾ زميندار ولي شاهه ۽ ربنواز ناريجو زخمي، امير ناريجو مبينا اغوا*
  • *ڪراچي: جوهر چورنگي ويجهو جي ڊي سي فائونڊيشن وٽان نامعلوم پيرسن جو لاش هٿ *لاش ايڌي ايمبولينس ذريعي جناح اسپتال منتقل، سڃاڻپ نه ٿي سگهي*
  • *سيوھڻ: درگاھه قلندر کي کولرائڻ لاءِ دڪاندارن ۽ پورهيتن جو27هين ڏينهن به احتجاج *درگاھه قلندر کي ايس او پي تحت کولي بک ۽ بدحالي کان بچايو وڃي: دڪاندار ۽ پورهيت *

اشتهارن جي مد ۾ اخبار مالڪن کي رهتون نه ملڻ وارو ڪيس: چيف سيڪريٽري طلب

ڪراچي (اسٽاف رپورٽر) سنڌ هاءِ ڪورٽ حڪم باوجود اشتهارن جي مد ۾ اخباري مالڪن کي رهتون نه ملڻ تي چيف سيڪريٽري کي ذاتي طور طلب ڪري ورتو، عدالت اشتهارن واري شعبي جي ڊائريڪٽر جي استدعا رد ڪندي چيو آهي ته هي توهين عدالت جو ڪيس آهي، وڌ ۾ وڌ ٻن هفتن جي مهلت ڏئي سگهجي ٿي. سنڌ هاءِ ڪورٽ ۾ اشتهارن جي مد ۾ اخبارن کي رهتون ادا نه ڪرڻ واري مامري تي ٻڌڻي ٿي، جنهن دوران سُڌ سماءَ کاتي جو سيڪريٽري ۽ اشتهارن واري سرڪاري شعبي جو ڊائريڪٽر ذوالفقار شاهه پيش ٿيا.
ٻڌڻيءَ دوران عدالت پُڇيو ته چيف سيڪريٽري سنڌ ۽ سُڌ سماءَ کاتي جو سيڪريٽري ٻڌائين ته ڪيستائين رهتون ادا ڪندا، عدالت هڪ هفتي اندر رهتون ادا ڪرڻ جو حڪم ڏنو هو پر اُن تي عملدرآمد نه ٿيو آهي، درخواستگذار جي وڪيل دليل ڏيندي چيو ته اشتهارن جي مد ۾ ڪجهه رقم ادا ٿي وئي آهي، رهيل رقم نه ملي آهي. عدالت چيف سيڪريٽري کي پاڻ پيش ٿي جواب ڏيڻ جو حڪم ڏنو.
اشتهارن واري شعبي جي ڊائريڪٽر عدالت کان رهتن جي ادائگي لاءِ هڪ مهيني جي مهلت گهري، جنهن عدالت ريمارڪس ڏيندي چيو ته هي توهين عدالت جو ڪيس آهي، اِن معاملي تي وڌ کان وڌ ٻن هفتن جي مهلت ڏئي سگهجي ٿي. بعد ۾ عدالت ٻڌڻي ملتوي ڪري ڇڏي.

Bookmark the permalink.