تازا ترين
  • محسن داوڙ ڪجهه ڪلاڪ جي حراست بعد آزاد، منظور پشتين جي ضمانت واري درخواست رد*
  • سنڌ هاءِ ڪورٽ: پوليس آفيسرن جون بدليون غيرقانوني قرار*خادم حسين ۽ ڊاڪٽر رضوان جي بدلين ۾ پوليس جي ايڪٽ جي آرٽيڪل 17 جي ڀڃڪڙي ٿي آهي:عدالت*

اسرا يونيورسٽي طرفان فلاحي زمين بلڊر کي وڪرو ڪرڻ تي ڪمشنر حيدرآباد کي نوٽيس: سنڌ هاءِ ڪورٽ طلب ڪري ورتو

اسرا يونيورسٽي انتظاميا فلاحي زمين بلڊرکي وڪرو ڪئي آهي: درخواستگذار

رپورٽ جمع نه ڪرائڻ تي ڪمشنر حيدرآباد کي پهرين آڪٽوبر تي طلب ڪيو ويو

حيدرآباد (بيورو رپورٽ) سنڌ هاءِ ڪورٽ اسريٰ يونيورسٽي ۾ فلاحي زمين بلڊرز کي وڪرو ڪرڻ واري معاملي جو جواب داخل نه ڪرڻ تي ڪمشنر حيدرآباد کي نوٽيس جاري ڪندي پهرين آڪٽوبر تي طلب ڪري ورتو. سنڌ هاءِ ڪورٽ سرڪٽ بئنچ حيدرآباد ۾ فلاحي زمين وڪرو ڪرڻ خلاف درخواست تي ٻڌڻي ٿي.
درخواستگذار محمد عارف سيڪريٽري بورڊ آف روينيو، سيڪريٽري لوڪل گورنمينٽ ڊپارٽمينٽ، ڪمشنر حيدرآباد، رجسٽرار ڪوآپريٽو سوسائٽي سنڌ، ڊائريڪٽر جنرل حيدرآباد ڊولپمينٽ اٿارٽي، ڊائريڪٽر پلاننگ اينڊ ڊولپمينٽ ڪنٽرول، ايڇ ڊي اي، ريجنل ڊائريڪٽر سنڌ بلڊنگ ڪنٽرول اٿارٽي، ايس ايس پي حيدرآباد، اسسٽنٽ ڪمشنر قاسم آباد، مختيارڪار قاسم آباد، ڊائريڪٽر اينٽي انڪروچمينٽ ميونسپل ڪميٽي قاسم آباد ۽ ٻين کي ڌُر بڻائيندي موقف اختيار ڪيو ته اسريٰ يونيورسٽي انتظاميا نقشي جي حساب سان رکيل فلاحي زمين به ايليگينٽ بلڊرز ۽ ٻين ماڻهن کي وڪرو ڪري ڇڏي آهي. ٻڌڻي دوران عدالت ۾اسريٰ يونيورسٽي جي وائيس چانسلر پنهنجي نمائندي معرفت عدالت ۾ پنهنجو جواب پڻ جمع ڪرايو. عدالت ايڊيشنل ايڊووڪيٽ جنرل کان پڇيو ته گذريل ٻڌڻي تي ڪمشنر حيدرآباد کي حڪم ڏنو هو ته هو سائيٽ وزٽ ڪري عدالت کي رپورٽ ڏئي، پر رپورٽ جمع نه ڪرائي وئي آهي. ايڊيشنل ايڊووڪيٽ جنرل عدالت کي ٻڌايو ته محرم الحرام دوران سيڪيورٽي ۽ ٻين سببن جي ڪري انتظاميا مصروف هئي، تنهن ڪري کين ڪجهه وقت ڏنو وڃي. عدالت ڪمشنر حيدرآباد کي رپورٽ فراهم ڪرڻ لاءِ نوٽيس جاري ڪندي کيس پهرين آڪٽوبر تي عدالت ۾ پيش رپورٽ داخل ڪرائڻ جو حڪم ڏنو.



Bookmark the permalink.