تازا ترين
  • *ٽنڊو غلام علي ڀرسان جهڳي کي باهه: 7 مهينن جو ٻارڙو بابو ولد ڪانجهي ڪولهي سڙي فوت*
  • *ميهڙ ٿاڻي اڳيان جهيڙو: 5 ڄڻا زخمي: ڇڏائڻ ۾ اي ايس آءِ کي به سروٽو لڳي ويو*
  • گوشت ڪيڏانهن ويو؟ ڪراچي ۾ گڏهن جون منڍيون ۽ اوجهه هٿ*اڻڄاتل ماڻهو ڪلفٽن ۾ گڏهن جي باقياتي اُڇلي ويا، جاچ ڪريون پيا ته گوشت ڪيڏانهن ويو: پوليس*
  • نئون ديرو: سڱاوتي تڪرار تان سالن هٿان ڀيڻيويو قتل*سئوٽن طاهر کي فائرنگ ڪري قتل ڪيو (نديم ککراڻي) پوليس ٻن جوابدارن کي گرفتار ڪري ورتو*

آڊيو کانپوءِ وڊيو ڪال وسيلي اغوا: ڌاڙيلن عورتون “ڀرتي ڪري” ڇڏيون

ماڻهن کي وڊيو ڪال ڪرڻ لاءِ حصي پتي جي بنياد تي عورتون رکيل

شڪارپور: ڊجيٽل سهولتن سبب ڪچي جي اڻپڙهيل ڌاڙيلن اغوا جا نوان انداز اپنائي ورتا آهن. عورتاڻي آواز جي پڪ ڏيارڻخاطر هاڻي وڊيو ڪال تي عورتن جا انداز ڏيکاري ماڻهو گهرائي اغوا ڪيا وڃن ٿا. وڊيو ڪال تي ماڻهن کي هرکائڻ خاطر پنجاب ۽ ٻين هنڌن تان مخصوص عورتن کي گهرائي ڀنگ جي ملندڙ رقم منجهان معاوضو ڏنو وڃي ٿو. ان ڏس ۾ پوليس ذريعن جو چوڻ آهي ته ڪچي ۾ ڌاڙيلن جي ٽولن وٽ يرغمال بڻيل سموار 12مغوي عورتاڻي آواز تي هرکجي آيل آهن جيڪي سنڌ جي ٽنڊو الهيار ميرپورخاص شهرن کان ويندي ڪوئٽيا جي شهرن تائين واسطو رکن ٿا. پوليس ذريعن موجب عورتاڻي آواز تي هرکجي اغوا ٿيڻ خلاف هلايل پوليس مهم بعد جڏهن ماڻهن ۾ سجاڳي آئي ته اهو فراڊ آهي ۽ ڇوڪرا عورتاڻي آواز تي ڳالهائي ماڻهو اغوا ڪن ٿا ته ڪچي جي ڌاڙيلن پنهنجي ڪرمنل سرگرمي ۾ نواڻ آڻيندي عورتن جا ٽولا گهرائي رکيا آهن جيڪي وڊيو ڪال تي ماڻهن کي هرکائي گهرائين ٿيون. پوليس ذريعن موجب وڊيو ڪال تي اهي عام طور کين ٻڌائين ٿيون ته اهي وڏن زميندارن جون ڌيئرون آهن پر سندن شادي نٿي ڪرائي وڃي تنهن ڪري مڙس جي تلاش ۾ آهن. پوليس ذريعن موجب کين جيڪڏهن ڪا سڻڀي آسامي سجهي ٿي ته اهي کيس يقين ڏيارڻ خاطر 5-5 هزار ايزي پئسا ڪري موڪلين ٿيون جنهن بعد ان مرد کي يقين ٿي وڃي ٿو ته هي لالچي عورت ناهي پر واقعي به امير آهي.



Bookmark the permalink.