تازا ترين
  • *ڪراچي: وڏي وزير مراد علي شاهه شير شاهه ۾عمارت ڪرڻ واري واقعي جو نوٽيس ورتو *وڏي وزير پاران ڪمشنر ڪراچي کي فوري طور انتظاميه کي متحرڪ ڪرڻ جي هدايت *ڪوشش ڪئي وڃي ته سمورن مزدورن جون حياتيون بچايون وڃن: وڏو وزير مراد علي شاهه*
  • *ٽنڊو غلام حيدر جي مختلف علائقن مان برسات ۽ گهارن جو پاڻي نيڪال نه ٿيو، رهواسي عذاب ۾ مبتلا *مويا نظرپور، ڏندو، حاجي صوڀو خان چانڊيو سميت 8 يوسيز جي ڪيترن ئي ڳوٺن ۾ پاڻي بيٺل پاڻي نيڪال نه ٿيڻ سبب مليريا، گيسٽرو ۽ ٻين بيماريون منهن ڪڍيو، ڪيترائي ڳوٺاڻا اسپتال ڀيڙا*
  • *سپريم ڪورٽ ۾ ذهني مريض قيدي جي موت واري سزا روڪڻ لاءِ اپيل تي ٻڌڻي *عدالت جوابدار غلام عباس جي طبي چڪاس لاءِ ميڊيڪل بورڊ جوڙي ڇڏيو *ميڊيڪل بورڊ کي طبي چڪاس ڪري ٽن هفتن اندر رپورٽ پيش ڪرڻ جو حڪم*
  • *ٽنڊو غلام حيدر ۾ ڳوٺاڻن جو برساتي پاڻي نيڪال نه ٿيڻ تي ٻارڙن کي پوليو جا ڦڙا پيئارڻ کان انڪار *ڳوٺ مير محمد لاشاري جي رهواسين برساتي پاڻي نيڪال نه ٿيڻ خلاف احتجاج ڪيو *ڳوٺ مان پاڻي نيڪال ڪرايو وڃي ٻي صورت ۾ ٻارڙن کي پوليو جا ڦڙا نه پيئارينداسين: ڳوٺاڻا*
  • *ٽنڊو ڄام زرعي يونيورسٽي ۽ وٽرنري يونيورسٽي سڪرنڊ ۾ وقتي وائيس چانسلرز جي مقرري *پروفيسر ڊاڪٽر ظهير الدين ميراڻي زرعي يونيورسٽي ٽنڊو ڄام جو وقتي وائيس چانسلر مقرر *احمد سلطان جتوئي وٽرنري يونيورسٽي سڪرنڊ جو وقتي وائيس چانسلر مقرر، نوٽيفڪيشن جاري*
  • *آصف زرداري ۽ نواز شريف هڪ ٻئي تي الزام لڳائيندا رهيا هاڻي گڏ ويٺا آھن: خرم شير زمان *بلاول جي تقرير مان لڳي پيو ته پاڪستان خلاف تحريڪ هلائڻ وڃن پيا: خرم شيرزمان *جيڪڏھن کين تحريڪ هلائڻي آھي ته ڪراچي ۽ لاڙڪاڻي کان شروع ڇو نٿا ڪن: خرم شير زمان*
  • *ڪراچي: دهشتگردي ٽوڙ عدالت ۾ انسپيڪٽر ناصر الحسن جي ٽارگيٽ ڪلنگ بابت ڪيس تي ٻڌڻي *ڏوهه ثابت نه ٿيڻ تي عدالت 5 جوابدارن کي بري ڪري ڇڏيو *اکين ڏٺن شاهدن جي تڪراري بيان جي ڪري ڏوهه ثابت نه ٿي سگهيو آهي: پوليس *
  • * ڪراچي: ميٽرڪ بورڊ شاگردن جي امتحان جا نتيجا پڌرا ڪري ڇڏيا *ڪراچي: ميٽرڪ بورڊ سائنس گروپ جي نتيجن جو اعلان ڪري ڇڏيو *ڪراچي: هڪ لک 68 هزار 880 شاگرد امتحان ۾ ڪامياب قرار*
  • *ڪشمور ويجهو سڱاوتي تڪرار تان هٿياربندن جي فائرنگ ۾ نوجوان قتل، واٽهڙو پيرسن زخمي *هٿياربندن جي فائرنگ ۾ عيد گاهه واسي علي گل سولنگي ۽ واٽھڙو پيرسن شاھمور خالدي زخمي ٿي پيا *زخمي سول اسپتال منتقل، نوجوان کي رحيم يار خان نيو پئي ويو ته رستي ۾ دم ڌڻي حوالي ڪيائين *مورزادو جکراڻي ۽ ڏاڏو جکراڻي نوجوان کي قتل ڪيو، قاتل گرفتار ڪري انصاف ڪيو وڃي: وارث *
  • *محرابپور ويجهو نوجوان بجلي جو ڪرنٽ لڳڻ سبب فوت *ڳوٺ ولي آباد ۾ علي ولد رمضان آرائين پکي مان ڪرنٽ لڳڻ سبب فوت ٿي ويو *
  • *سپريم ڪورٽ ۾ سرڪاري زمين تي پيٽرول پمپس ليز تي ڏيڻ بابت پاڻمرادو نوٽيس تي ٻڌڻي *عدالت ڪمشنر فيصل آباد پاران پيش ڪيل رپورٽ رد ڪري ڇڏي *سپريم ڪورٽ پاران ايندڙ ٻڌڻي تي ڪمشنر فيصل آباد کي ذاتي حيثيت ۾ پيش ٿيڻ جو حڪم *حڪم تي عمل نه ٿيو ته ڪمشنر ۽ اسسٽنٽ ڪمشنر ٻئي جيل ويندا: سپريم ڪورٽ*
  • *سڪرنڊ ۾ آل پارٽيز الائينس جي سڏ تي بجلي جي اڻ اعلانيل لوڊشيڊنگ خلاف احتجاجي ريلي *مظاهرين صحافي چوڪ کان ريلي ڪڍي حيسڪو آفيس جي گيٽ آڏو ڌرڻو هنيو، ڇتي نعريبازي *سڪرنڊ ۽ ڀرپاسي ۾ 16کان18 ڪلاڪ بجلي جي لوڊشيڊنگ ڪئي پئي وڃي: مظاهرين *
  • *ڪراچي: سهراب ڳوٺ وٽ پوليس ۽ ڏوهارين وچ ۾ مبينا مقابلو، 2 ڦورو زخمي حالت ۾ گرفتار *موٽر سائيڪل تي سوار ٽن جوابدارن ڦر جي ڪوشش ڪئي ته پوليس پهتي: پوليس *مقابلي ۾ زخمي ٿيل ڦورو فيروز اسپتال ۾ علاج دوران فوت ٿي ويو: پوليس *
  • *ڪراچي: شرافي ڳوٺ ۾ نجي ڪمپني جي لاڪرز مان چوري ڪندڙ جوابدار گرفتار *جوابدار لاڪرز ٽوڙي نجي ڪمپني جا 6 لک رپيا چوري ڪيا هئا: پوليس *سي سي ٽي وي فوٽيجز ۾ هڪ جوابدار ڪمپني اندر نظر آيو آهي: پوليس*
  • *رائونتي ۾ ڳوٺاڻن جو بنيادي سهولتن جي کوٽ خلاف احتجاجي ريلي، ڌرڻو *مختلف ڳوٺن جي رهواسين احتجاجي ريلي ڪڍي اي سي آفيس اوٻاوڙو آڏو ڌرڻو هنيو، نعريبازي *ڳوٺن ۾ اسڪول، پڪن روڊن ۽ اسپتال جهڙي جهڙي ڪا به سهولت نه آهي: ڳوٺاڻا*

آن لائن ڪلاسز اسڪول جو متبادل نه ٿي سگهيا: شاگرد

سانگهڙ (رپورٽ: ميرحسن مري) ڪورونا وائرس سبب سانگھڙ ضلعي ۾ بند پيل تعليمي ادارا حڪومتي فيصلي تي اڄ کلي ويندا، هوڏانهن تعليمي ادارن ۾ حڪومت پاران طئي ڪرايل ايس او پيز تي عمل ڪرائڻ لاءِ تياريون مڪمل ڪري ڇڏيون آهن. ان حوالي سان سانگھڙ ۾ شهيد بينظير ڀٽو يونيورسٽي ڪيمپس جي ڊائريڪٽر ڊاڪٽر نويد اعواڻ، پيرسيد صبغت الله شاهه، ڊگري ڪاليج جي پرنسپال محمد مبين وساڻ، شاهپور چاڪر ڪاليج جي پرنسپال ممتاز کوسو پنهنجي اخبار سان ڳالهائيندي چيو ته حڪومتي ايس او پيز تحت تعليمي ادارا کلي رهيا آهن، يونيورسٽين ۽ ڪاليجز جا شاگرد وڏا هوندا آهن، انهن کي گھڻو سمجهائڻ جي ضرورت به نه آهي پر وري به نوجوان آهن، ان ڪري ڪاميٽي جوڙي آهي جيڪا ڪلاس رومز ۾ ليبارٽريز ۾ ڪلاسن کان ٻاهر سماجي وٿي جو خاص خيال رکندي، هر شاگرد جو روز جي بنياد تي بخار تپاسيو ويندو، هٿ ڌوئڻ جي لاءِ پاڻي ۽ صابڻ جو اهتمام ڪيو ويو آهي. ماسڪ کي لازمي قرار ڏنو ويندو. پاڻي جي بوتل، لنچ باڪس ساڻ آڻڻ جون هدايتون ڪيون ويون آهن. هجوم جي صورت ۾ گڏ ٿيڻ تي سختي سان منع ڪئي وئي آهي. هنن وڌيڪ ڳالهائيندي چيو ته اسان ڪلاس رومز کي ڊس انفيڪٽڊ روز جي بنياد تي ڪنداسين، جڏهن ته تعليمي ادارا کلڻ کان پهريان سڀني ادارن ۾ ڪووڊ19 جا ورڪشاپ ٿيا آهن جن ۾ والدين، شاگردن، استادن شرڪت ڪئي آهي. جڏهن ته هاءِ اسڪول جي سطح تي سماجي ادارن پاران هيڊ واش جي لاءِ سماجي تنظيمن جو سهڪار آهي. گورنمنٽ هاءِ اسڪول جي هيڊ ماستر محمد اقبال ڪنڀر چيو ته هاءِ اسڪولن ۾ اسان وٽ انرولمنٽ گھڻي آهي ان ڪري اسان وٽ سماجي وٿي رکرائڻ لاءِ وڏيون ڪوششون وٺڻيون پونديون. ڪوشش هوندي ته ٻارن کي محفوظ ماحول فراهم ڪيون. هوڏانهن تعليمي ادارن جي کلڻ تي شاگرد تمام گھڻا خوش نظر اچي رهيا آهن. پنهنجي اخبار سان شاگردن ڳالهائيندي چيو ته صحت جي لاءِ حڪومتي هدايتن تي وڌ کان وڌ عمل ڪنداسين، هنن چيو ته اسان جي استادن ڪوششون ڪري آن لائين ڪلاسز جي ذريعي پڙهايو پر اسڪول جو متبادل ڪو ذريعو نه آهي. شاگردن جو چوڻ هو ته ڪورونا وائرس اڃا ختم نه ٿيو آهي. ان ڪري اسان استادن سان گڏجي تعليمي ادارن ۾ محفوظ ماحول جي لاءِ ڪوششون ڪنداسين جيئن اسان بيماري کان به بچيل رهون ۽ تعليمي ادارا به کليل رهن.

Bookmark the permalink.