تازا ترين
  • ٺٽي ۾ بتيءَ جي باهه گهر اُجاڙي ڇڏيو: ڪکائين گهر کي باهه: ماءُ، ڌيءُ ۽ معصوم پُٽ سڙي فوت: 2 ڄڻا زخمي*ڳوٺ محمد حسن مندو ۾ پورهيت نظام منڇريءَ جي ڪکائين گهر کي بتيءَ مان باهه لڳي، ڏسندي ئي ڏسندي سڄو گهر سڙي ويو* مسمات شبانا، سندس 5 سالن جو پُٽ حسنين ۽ 7 ورهين جي ڌيءُ سهانا سڙي فوت ٿي ويون: مسمات صفوران ۽ سندس پُٽ زخمي*
  • نصيرآباد: نيب طرفان سيل ڪيل ڪڻڪ جي گدام مان سوين ٻوريون چوري، پوليس لاتعلق بڻيل*

آءِ جي سنڌ وفاقي سرڪار جي سياسي گڏجاڻي کي اهميت ڏني: پبلڪ سيفٽي ڪميشن ناراض: ٺهراءُ منظور

وڏي وزير جي سربراهيءَ ۾ اجلاس دوران آءِ جي جي عدم شرڪت تي ڪاوڙ جو اظهار

ڪراچي (اسٽاف رپورٽر) وڏي وزير جي سربراهيءَ ۾ پبلڪ سيفٽي ڪميشن جي اجلاس ۾ آءِ جي سنڌ جي عدم شرڪت تي ڪاوڙ ظاهر ڪندي ٺهراءُ منظور ڪيو ويو آهي. ڪميشن ناراضگي ظاهر ڪندي چيو آهي ته آءِ جي سنڌ ڪميشن جي اجلاس کي نظرانداز ڪري وفاقي سرڪار جي سياسي گڏجاڻي کي اهميت ڏني آهي. وڏي وزير مراد علي شاهه جي صدارت هيٺ صوبائي پبلڪ سيفٽي اينڊ پوليس ڪمپلينٽ ڪميشن جو اجلاس ٿيو، جنهن ۾ ايم پي اي شرجيل ميمڻ، امداد پتافي، محمد علي عزيز، شميم ممتاز، شهناز بيگم، جهمٽ مل، قربان علي ملاڻو ۽ ڪميشن جي ٻين ميمبرز شرڪت ڪئي.
آءِ جي سنڌ غائب: ناراضگي ۽ ٺهراءُ منظور
اجلاس دوران گٽڪي ۽ مين پڙي تي پابندي، اُن خلاف پوليس جي ڪارروائين، سالياني پوليس پلان ۽ٻين مامرن جو جائزو ورتو ويو. جڏهن ته آءِ جي سنڌ ڪليم امام طرفان ڪميشن جي اجازت ۾ شرڪت نه ڪرڻ تي ڪاوڙ جو اظهار ڪيو ويو. ڪميشن جي ميمبر ڪرامت علي آءِ جي سنڌ خلاف ٺهراءُ پيش ڪيو ۽ ڪاوڙ ظاهر ڪئي وئي ته پبلڪ سيفٽي ڪميشن جو ٻيون اجلاس ٿيو آهي، پوءِ به آءِ جي سنڌ شريڪ ناهي ٿيو.
آءِ جي سنڌ وفاق جي سياسي ميٽنگ کي ترجيح ڏني
ٺهراءُ ۾ افسوس جو اظهار ڪيو ويو آهي ته آءِ جي سنڌ وفاقي حڪومت جي سياستي گڏجاڻي کي اهميت ڏني، باقي ڪميشن جي اجلاس کي نظرانداز ڪيو آهي. ناراضي واري ٺهراءُ جي حوالي سان ايڊيشنل آءِ جي ڪراچي کي به آگاهه ڪيو ويو آهي.



Bookmark the permalink.