تازا ترين
  • *ڪراچي: وڏي وزير مراد علي شاهه شير شاهه ۾عمارت ڪرڻ واري واقعي جو نوٽيس ورتو *وڏي وزير پاران ڪمشنر ڪراچي کي فوري طور انتظاميه کي متحرڪ ڪرڻ جي هدايت *ڪوشش ڪئي وڃي ته سمورن مزدورن جون حياتيون بچايون وڃن: وڏو وزير مراد علي شاهه*
  • *ٽنڊو غلام حيدر جي مختلف علائقن مان برسات ۽ گهارن جو پاڻي نيڪال نه ٿيو، رهواسي عذاب ۾ مبتلا *مويا نظرپور، ڏندو، حاجي صوڀو خان چانڊيو سميت 8 يوسيز جي ڪيترن ئي ڳوٺن ۾ پاڻي بيٺل پاڻي نيڪال نه ٿيڻ سبب مليريا، گيسٽرو ۽ ٻين بيماريون منهن ڪڍيو، ڪيترائي ڳوٺاڻا اسپتال ڀيڙا*
  • *سپريم ڪورٽ ۾ ذهني مريض قيدي جي موت واري سزا روڪڻ لاءِ اپيل تي ٻڌڻي *عدالت جوابدار غلام عباس جي طبي چڪاس لاءِ ميڊيڪل بورڊ جوڙي ڇڏيو *ميڊيڪل بورڊ کي طبي چڪاس ڪري ٽن هفتن اندر رپورٽ پيش ڪرڻ جو حڪم*
  • *ٽنڊو غلام حيدر ۾ ڳوٺاڻن جو برساتي پاڻي نيڪال نه ٿيڻ تي ٻارڙن کي پوليو جا ڦڙا پيئارڻ کان انڪار *ڳوٺ مير محمد لاشاري جي رهواسين برساتي پاڻي نيڪال نه ٿيڻ خلاف احتجاج ڪيو *ڳوٺ مان پاڻي نيڪال ڪرايو وڃي ٻي صورت ۾ ٻارڙن کي پوليو جا ڦڙا نه پيئارينداسين: ڳوٺاڻا*
  • *ٽنڊو ڄام زرعي يونيورسٽي ۽ وٽرنري يونيورسٽي سڪرنڊ ۾ وقتي وائيس چانسلرز جي مقرري *پروفيسر ڊاڪٽر ظهير الدين ميراڻي زرعي يونيورسٽي ٽنڊو ڄام جو وقتي وائيس چانسلر مقرر *احمد سلطان جتوئي وٽرنري يونيورسٽي سڪرنڊ جو وقتي وائيس چانسلر مقرر، نوٽيفڪيشن جاري*
  • *آصف زرداري ۽ نواز شريف هڪ ٻئي تي الزام لڳائيندا رهيا هاڻي گڏ ويٺا آھن: خرم شير زمان *بلاول جي تقرير مان لڳي پيو ته پاڪستان خلاف تحريڪ هلائڻ وڃن پيا: خرم شيرزمان *جيڪڏھن کين تحريڪ هلائڻي آھي ته ڪراچي ۽ لاڙڪاڻي کان شروع ڇو نٿا ڪن: خرم شير زمان*
  • *ڪراچي: دهشتگردي ٽوڙ عدالت ۾ انسپيڪٽر ناصر الحسن جي ٽارگيٽ ڪلنگ بابت ڪيس تي ٻڌڻي *ڏوهه ثابت نه ٿيڻ تي عدالت 5 جوابدارن کي بري ڪري ڇڏيو *اکين ڏٺن شاهدن جي تڪراري بيان جي ڪري ڏوهه ثابت نه ٿي سگهيو آهي: پوليس *
  • * ڪراچي: ميٽرڪ بورڊ شاگردن جي امتحان جا نتيجا پڌرا ڪري ڇڏيا *ڪراچي: ميٽرڪ بورڊ سائنس گروپ جي نتيجن جو اعلان ڪري ڇڏيو *ڪراچي: هڪ لک 68 هزار 880 شاگرد امتحان ۾ ڪامياب قرار*
  • *ڪشمور ويجهو سڱاوتي تڪرار تان هٿياربندن جي فائرنگ ۾ نوجوان قتل، واٽهڙو پيرسن زخمي *هٿياربندن جي فائرنگ ۾ عيد گاهه واسي علي گل سولنگي ۽ واٽھڙو پيرسن شاھمور خالدي زخمي ٿي پيا *زخمي سول اسپتال منتقل، نوجوان کي رحيم يار خان نيو پئي ويو ته رستي ۾ دم ڌڻي حوالي ڪيائين *مورزادو جکراڻي ۽ ڏاڏو جکراڻي نوجوان کي قتل ڪيو، قاتل گرفتار ڪري انصاف ڪيو وڃي: وارث *
  • *محرابپور ويجهو نوجوان بجلي جو ڪرنٽ لڳڻ سبب فوت *ڳوٺ ولي آباد ۾ علي ولد رمضان آرائين پکي مان ڪرنٽ لڳڻ سبب فوت ٿي ويو *
  • *سپريم ڪورٽ ۾ سرڪاري زمين تي پيٽرول پمپس ليز تي ڏيڻ بابت پاڻمرادو نوٽيس تي ٻڌڻي *عدالت ڪمشنر فيصل آباد پاران پيش ڪيل رپورٽ رد ڪري ڇڏي *سپريم ڪورٽ پاران ايندڙ ٻڌڻي تي ڪمشنر فيصل آباد کي ذاتي حيثيت ۾ پيش ٿيڻ جو حڪم *حڪم تي عمل نه ٿيو ته ڪمشنر ۽ اسسٽنٽ ڪمشنر ٻئي جيل ويندا: سپريم ڪورٽ*
  • *سڪرنڊ ۾ آل پارٽيز الائينس جي سڏ تي بجلي جي اڻ اعلانيل لوڊشيڊنگ خلاف احتجاجي ريلي *مظاهرين صحافي چوڪ کان ريلي ڪڍي حيسڪو آفيس جي گيٽ آڏو ڌرڻو هنيو، ڇتي نعريبازي *سڪرنڊ ۽ ڀرپاسي ۾ 16کان18 ڪلاڪ بجلي جي لوڊشيڊنگ ڪئي پئي وڃي: مظاهرين *
  • *ڪراچي: سهراب ڳوٺ وٽ پوليس ۽ ڏوهارين وچ ۾ مبينا مقابلو، 2 ڦورو زخمي حالت ۾ گرفتار *موٽر سائيڪل تي سوار ٽن جوابدارن ڦر جي ڪوشش ڪئي ته پوليس پهتي: پوليس *مقابلي ۾ زخمي ٿيل ڦورو فيروز اسپتال ۾ علاج دوران فوت ٿي ويو: پوليس *
  • *ڪراچي: شرافي ڳوٺ ۾ نجي ڪمپني جي لاڪرز مان چوري ڪندڙ جوابدار گرفتار *جوابدار لاڪرز ٽوڙي نجي ڪمپني جا 6 لک رپيا چوري ڪيا هئا: پوليس *سي سي ٽي وي فوٽيجز ۾ هڪ جوابدار ڪمپني اندر نظر آيو آهي: پوليس*
  • *رائونتي ۾ ڳوٺاڻن جو بنيادي سهولتن جي کوٽ خلاف احتجاجي ريلي، ڌرڻو *مختلف ڳوٺن جي رهواسين احتجاجي ريلي ڪڍي اي سي آفيس اوٻاوڙو آڏو ڌرڻو هنيو، نعريبازي *ڳوٺن ۾ اسڪول، پڪن روڊن ۽ اسپتال جهڙي جهڙي ڪا به سهولت نه آهي: ڳوٺاڻا*

ھي به ڪا سياسي راند آھي يا حقيقت؟

ان رات دير سان جڏھن وڪيل غلام رسول سوھو سجاول ٿاڻي تان موٽي پريس ڪلب پھتو ھو ته ھن پريس ڪانفرنس ڪندي الزام ھنيو ھو ته لڌاڪو تپي ۾ منھنجو فش فارم آھي جنھن جي اڌ ايراضي منھنجي ذاتي خريد ڪيل آھي ۽ باقي اڌ ايراضي مقاطعي تي ورتل آھي پر ھن وقت اڳوڻي ضلعي ناظم پنھنجن ماڻھن ذريعي منھنجي فش فارم تي قبضو ڪرايو آھي ۽ آئون جڏھن سجاول ٿاڻي تي اھڙو ڪيس داخل ڪرائڻ لاءِ پھتس ته پوليس ڪيس داخل ڪرڻ کان انڪار ڪري ڇڏيو آھي.
 ان ڏس ۾ جڏھن صحافين پاران ايم اين اي اياز شاھ شيرازي سان رابطو ڪيو ويو ته ھن الزام رد ڪري ڇڏيا ۽ چيو ته معاملي سان شيرازين جو ڪو تعلق ناھي اسان تي ڪوڙا الزام ھنيا پيا وڃن فش فارم تي قبضي جو جواز ٺاھي اسان تي الزام ھنيا پيا وڃن وري ان ڏس ۾ ايس پي سجاول پاران پڻ ھڪ بيان جاري ڪيو ويو جنھن ۾ پوليس ترجمان جو چوڻ ھو ته قبضي جي شڪايت تي فوري نوٽيس ورتو وٺندي پوليس کي تلاءُ تي موڪليو ويو پر اتي ڪو به قبضو ڏسڻ ۾ نه آيو ۽ نه ئي ڪو قبضاگير موجود ھو، پوليس جي اھڙي بيان بعد ڪيترن ئي مقامي ماڻھن جو پڻ چوڻ ھو ته تلاءُ تي ڪي به ھٿياربند ويٺل ناھن.
 وڪيل جي پريس ڪانفرنس بعد ڪاپائي برادري جي سوين ماڻھن سجاول پھچي جلوس ڪڍي احتجاج ڪيو ۽ ھنن وري وڪيل واري ڌر تي الزام ھنيو ته اسان جي سروي زمين جي ايراضي وڪيل جي تلاءُ ۾ آيل آھي جنھن تي وڪيل قبضو ڪري ڇڏيو آھي ۽ الٽو اسان خلاف ڪيس داخل ڪرائڻ جون ڪوششون ڪري رھيو آھي، گذريل جمعي جي ڏينھن وڪيل واري ڌر پاران سجاول ۾ احتجاج ڪيو ويو جنھن ۾ ڪراچي بار جي صدر، حيدرآباد بار جي جنرل سيڪريٽري ۽ ڪشمير بار جي اڳواڻن سميت سنڌ جي مختلف ضلعن جي وڪيلن ۽ سوھا برادري جي ماڻھن وري به شيرازين تي قبضي جو الزام ورجايو ۽ چيو ته ڪيس داخل ڪيو وڃي ٻي صورت ۾ احتجاج جو دائرو وڌايو ويندو. وڪيلن جي احتجاج جي ٻئي ڏينھن سجاول ضلعي جي مختلف شھرن سجاول، چوھڙ جمالي، ميرپور بٺورو ۽ دڙو ۾ شيرازين جي حامين پاران احتجاجي مظاھرا ڪيا ويا ۽ مظاھرين جو چوڻ ھو ته تلاءُ واري معاملي سان شيرازين جو ڪو واسطو ناھي پر ھرو ڀرو معاملي کي سياسي رنگ ڏئي شيرازين سان جوڙڻ جي ڪوشش ڪئي پئي وڃي اھا شيرازين جي ڪامياب سياست کي نقصان رسائڻ جي ھڪ سازش آھي.
جڏھن ته مقامي سياسي مبصرن جو چوڻ آھي ته تلاءُ واري معاملي تي قانوني رستا موجود آھن مثال روينيو کاتي کان رڪارڊ موجب ماپ ڪرائي پڌرو ڪري سگھجي ٿو ته زمين ڪنھنجي آھي ۽ ڪيتري آھي ساڳي ريت پوليس يا عدالت کي درخواست ڏئي تلاءُ تي پوليس چوڪي قائم ڪرائي سگھجي ٿي ته جيئن اتي ڪو قبضا گير نه اچي سگھي ان کان علاوه وڪيل پاران سيشن ڪورٽ ٺٽو ۾ درخواست داخل ڪرايل آھي جنھن تي عدالت ڊي ايس پي ڪمپلين سيل سجاول کي حڪم ڪيو آھي ته معاملي جي انڪوائري ڪري رپورٽ ڏني وڃي ان رپورٽ جو پڻ انتظار ڪري سگھجي ٿو، مبصرن موجب روينيو کاتو زمين جي مالڪي ۽ حدبندي ظاھر ڪري سگھي ٿو،
عدالتي حڪم تي جوڊيشل انڪوائري ٿي سگھي ٿي، آفيسرز ۽ ڌرين جو وفد تلاءُ جو جائزو وٺي سگھي ٿو ته قبضو ٿيل آھي يا نه؟ پر اھڙا قانوني طريقا اختيار ڪرڻ بدران پروپئگنڊه ۽ احتجاج واري واٽ وٺڻ مان معاملي جي پس منظر ۾ ڪو سياسي عنصر شامل ھجڻ واري امڪان کي رد نٿو ڪري سگھجي، ڇو ته ان ڳالھه جي ضلعي جي سمورن باشعور ماڻھن کي ڄاڻ آھي ته پيپلز پارٽي جي ٻين اڳواڻن ۽ شيرازين ۾ اندروني اختلاف موجود آھن ۽ قبضي جو الزام ھڻندڙ وڪيل پ پ جي ايم پي اي ھير سوھو جو چاچو آھي ۽ سياسي اڳواڻن پاران شيرازين سان اختلافن جون شڪايتون ڪيترائي ڀيرا وڏي وزير، فريال ٽالپر ۽ ٻي قيادت کي پڻ ڏنيون ويون آھن.
شيرازين جي ھڪ حامي اڳواڻ ٻڌايو ته ضلعي ۾ شيرازي اھي سياستدان آھن جن جو ھتي ووٽ بينڪ ٻين سڀني سياستدانن کان وڌيڪ آھي ان ڪري ٻيا اڳواڻ سياسي حڪمت عملي سان شيرازين جو مقابلو نٿا ڪري سگھن پوءِ اھڙا جواز گھڙي شيرازين کي بدنام ڪرڻ جي ڪوشش ڪندا رهن ٿا. بهرحال اهو ته جاچ سان ئي ثابت ٿيندو ته اهو واقعي ئي ڪو قبضي جو مسئلو آهي يا پارٽي جي اندروني اختلافن سبب هڪ ٻئي کي گهٽ ڏيکارڻ واري راند جو حصو آهي.

Bookmark the permalink.

Leave a Reply

Your email address will not be published. Required fields are marked *