تازا ترين
  • پ پ تاريخي اي پي سي ڪوٺرائي، نواز شريف واضع۽ تفصيلي تقرير ڪئي: پ پ چيئرمين بلاول ڀٽو زرداري*گلگت بلتستان معاملي تي ڳالهائڻ لاءِ رابطو ڪيو ويو، ملڪ ۾ جمهوري آزادي چاهيون ٿا:بلاول *
  • *اسلام آباد: جعلي بئنڪ اڪائونٽس اسڪينڊل ۾ سنڌ روشن پروگرام ڪيس جي جاچ وارو معاملو *نيب راولپنڊي فرنٽ مين اياز صديقي کي ڪراچي مان گرفتار ڪري ورتو: ذريعا *اياز صديقي جعلي اڪائونٽ ۾ ڪروڙين رپيا جمع ڪرايا: نيب ذريعا*
  • *ڄام نواز علي: ڇتو ڪتو مارڻ جي ڪوشش دوران نوجوان مارجي ويو *ڳوٺ ديوان گلاب راءِ ۾ ڳوٺاڻي ڇتي ڪتي کي مارڻ لاءِ فائر ڪيو ته گولي نوجوان مادو ڪولهي کي لڳي: پوليس *پوليس واقعي واري هنڌ پهچي نوجوان جو لاش تحويل ۾ وٺي جاچ شروع ڪري ڇڏي*
  • *گهارو شهر ۾ واپاريءَ کان ڦر ڪندڙ جوابدار گرفتار نه ٿيڻ خلاف شٽربند هڙتال *2ڏينھن اڳ واپاري گڊو کان 9لک رپيا ڦر ڪرڻ بعد جوابدارن گوليون هڻي زخمي ڪيو هو *واقعي کي 48 ڪلاڪ گذرڻ باوجود پوليس جوابدار گرفتار نه ڪري سگهي آهي: احتجاج ڪندڙ واپاري*
  • *اسلام آباد: العزيزيه ۽ ايون فيلڊ ريفرنسز ۾ سزا خلاف نواز شريف جي اپيل تي ٻڌڻي *مريم نواز ۽ ڪيپٽن (ر) صفدر احتساب عدالت ۾ پهچي ويا *عدالت نواز شريف کي بري ڪرڻ واري فيصلي خلاف نيب جي اپيل تي به ٻڌڻي ڪندي *ن ليگ جي نائب صدر مريم نواز جي پيشيءَ جي موقعي تي عدالت ٻاهران سڪيورٽي جا سخت انتظام *
  • *ڀان سيدآباد: قومپرست اڳواڻ مولا بخش لغاري بيماري وگهي لاڏاڻو ڪري ويو *مولابخش لغاري جي جنازي نماز اڄ سخي سيد سليمان شاهه عيدگاهه تي ادا ڪئي ويندي*
  • *پنوعاقل پوليس جي نجي ٽارچر سيل ۾ مبينا طور تي فيصل آباد واسي وڪيل ميان اعجاز آرائين جي قتل وارو معاملو *ڊي آءِ جي لاڙڪاڻو عرفان بلوچ پوليس اهلڪارن ۽ ڪجهه خانگي ماڻھن کي وڪيل جي قتل ۾ ملوث قرار ڏئي ڇڏيو *ڊي آءِ جي لاڙڪاڻي پاران ايڊيشنل آءِ جي سکر ڏانھن انڪوائري رپورٽ موڪلي ڇڏي *وڪيل ميان اعجاز آرائين کي ڊي ايس پي مسعود مهر جي حڪم تي گرفتار ڪيو ويو: انڪوائري رپورٽ *وڪيل پوليس جي غيرقانوني حراست ۾ فوت ٿيو ۽ لاش پنجاب ۾اڇلايو ويو : انڪوائري رپورٽ *انڪوائري رپورٽ ۾ اي ايس آءِ غلام مصطفيٰ ميراڻي، ڪانسٽيبلز درگاهه ڏنو، نصير ۽ سرمد يعقوب بيگناھه قرار*
  • *سنجهورو ۾ شهرين پاران بجلي جو سڙيل ٽرانسفارمر تبديل نه ٿيڻ خلاف ڌرڻو، ٽريفڪ معطل *ڌرڻي سبب ڪيترن ئي ڪلاڪن کان شهدادپور، سانگهڙ ۽ سنجهورو روڊ تي ٽريفڪ معطل، مسافر پريشان *4مهينن کان بجلي جو ٽرانسفارمر خراب آھي، ڪيترائي ڀيرا دانهڻ باوجود تدارڪ نه ٿيو: مظاهرين*
  • *ڪراچي: سنڌ سرڪار جي 6کاتن ۾ 3 سيڪريٽريز مقرر ٿيل *اهم کاتا من پسند سيڪريٽرين کي اضافي چارج طور حوالي ڪيا ويا *تعليم، لائيو اسٽاڪ ۽ فاريسٽ کاتو مستقل سيڪريٽري کان محروم *زراعت جي سيڪريٽري رحيم سومروکي فاريسٽ جي سيڪريٽري جي اضافي چارج مليل *ثقافت کاتي سيڪريٽري اڪبر لغاري وٽ لائيو اسٽاڪ کاتي جي سيڪريٽري جي اضافي ذميواري *سنڌ ٽيڪسٽ بوڪ بورڊ جي چيئرمين احمد بخش ناريجو کي سيڪريٽري تعليم جي اضافي چارج مليل *20هين گريڊ جا ڪامورا بحران باوجود سائيڊ پوسٽن تي ويهاريل*

گهارا بند ڪري رستا ته بحال ڪرايو !

برسات کي گذريئي هفتو ٿي ويو آهي پر ان برساتن ڪري آيل ٻوڏ سبب ماڻهن جون تڪليفون گهٽ ٿيڻ جو نالو ئي نه ٿيون وٺن ،اهي تڪليفون گهٽ ٿينديون به ڪيئن جيستائين اثرائتا انتظامي اپاءَ نه ورتا ويندا.هن وقت به لکين ماڻهن جون نظرون ان انتظاميا ڏانهن ئي آهن جيڪا شايد ئي ڪٿي نظر ايندي هجي.حڪومت ۽ انتظاميا ڀلي کڻي اهو جواز ڏيندي هجي ته تمام گهڻين برساتن جي ڪري وڏي تعداد ۾ ماڻهو متاثر ٿيا آهن جن سڀني تائين پهچڻ اڪيلي سر حڪومت جي وس جي ڳالهه ناهي،جيڪڏهن حڪومت جي ان دليل کي مڃي به وٺجي تڏهن به ڪيترا ئي اهڙا قدم آهن جيڪي کڻڻ سان انهن ماڻهن جي تڪليفن ۾ گهٽتائي آڻي سگهجي ٿي ۽ حڪومت لاءِ به آساني پيدا ٿي سگهي ها جيڪي قدمحڪومت جي هٿ وس هوندي نه کنيا ويا آهن.
هن وقت ٻوڏ هيٺ ٻه علائقا آيل آهن جتي اڃان تائين لکين ماڻهو ڦاٿل يا پنهنجي گهرن کان بي گهر ٿي روڊ رستن تي کليل آسمان هيٺ ويٺل آهن جنهن جو سبب انهن علائقن ۾ چوڌاري پاڻي بيهڻ آهي. ٻوڏ هيٺ آيل ڪاڇي ۾ هن وقت وڏي ۾ وڏو مسئلو رستن جو تباهه ٿيڻ آهي جنهن ڪري جيڪي ماڻهو جتي آهن اتي ڦاٿل آهن اهي ٻئي هنڌ ڪيڏانهن چرپر ڪرڻ کان قاصر آهن تنهن ڪري اهي حڪومت ۽ انتظامي مدد جي آسري ويٺا آهن ،کاڌ خوراڪ کان وٺي بيمارين ۾ دارودرمل لاءِ به اهي سرڪاري مشينري جي آسري آهن ته اهي اچي کين اهي سهولتون مهيا ڪن.ٻئي طرف ميرپورخاص ، بدين ۽ سانگهڙ جا اهي علائقا آهن جيڪي سم نالن کي گهارن سبب اڃان تائين ٻڏا پيا آهن ،انهن علائقن ۾ سم نالن کي لڳل گهارا بند نه ٿيڻ سبب ساڳين علائقن ۾ پاڻي گهٽجڻ بدران ڏينهون ڏينهن وڌي رهيو آهي ڇو ته سم نالن مان مسلسل اهو پاڻي گهارن ذريعي اڳ ئي ٻوڏ متاثر ٿيل علائقن ڏانهن وڃي رهيو آهي جنهن ڪري ٻيا ڪيترا ئي نوان ڳوٺ ان ٻوڏ هيٺ اچي ويا آهن جيڪي برسات باوجود ٻوڏ جهڙي صورتحال کان بچي ويا هيا. جيڪڏهن حڪومت ۽ انتظامياڪجهه قدم کڻي ته اهي قدم نه رڳو متاثر عوام پر حڪومت کي به وڌيڪ تڪليف کان بچائڻ ۾ مددگار ٿي سگهن ٿا.توڙي جو اها حڪومت جي ذميواري آهي ته ٻوڏ متاثر هر ماڻهو تائين پهچي ان جي واهر ڪرڻ گهرجي پر جيڪڏهن اها هر ماڻهو تائين پهچي نه ٿي سگهي ته گهٽ ۾ گهٽ اهڙا قدم کڻي سگهي ٿي جن سان ماڻهو پنهنجي مدد پاڻ ڪرڻ جهڙا ٿي سگهن .
اسان سمجهون ٿا ته ڪاڇي جي ماڻهن جو هن وقت وڏي ۾ وڏو مسئلو اهي رستا آهن جيڪي برسات ۽ ٻوڏ ۾ لڙهي ويا آهن جيڪڏهن حڪومت ۽ انتظاميا چاهي ۽ دلچسپي وٺي ته اهي رستا بحال ڪرائي سگهي ٿي جنهن ڪري ڦاٿل ماڻهن کي ٻين شهرن ۾ اچ وڃ ۾ سولائي ٿئي ته پنهنجي کاڌ خوراڪ ۽ دوا دارون جو بندوبست ڪري سگهن ڇو ته اڪثر ماڻو سوشل ميڊيا يا روايتي پرنٽ ۽ الڪيٽرانڪ ميڊيا تي اهي دانهون ڪندي ٻڌا ويا آهن ته اسان کي سرڪار ٻيو ڪجهه نه ڏئي رڳو رستا بحال ڪري ڏئي ته هو پنهنجي گذر جو وسيلو پاڻ ڪري وٺندا. جڏهن ته ميرپورخاص ۽ بدين واري پاسي ٻڏل علائقن جو اهم مسئلو سم نالن کي لڳل اهي گهارا آهن جيڪي اڃان تائين بند نه ٿي سگهيا آهن جنهن ڪري علائقن مان پاڻي گهٽجي نه سگهيو آهي تنهن ڪري سنڌ حڪومت ۽ لاڳاپيل ضلعن جي انٽظاميا ۽ انهن مسئلن سان لاڳاپيل ادارا ترت تحرڪ وٺي سم نالن کي لڳل گهارا بند ڪرائين ۽ ڪاڇي جا روڊ رستا بحال ڪرائين ته سرڪار تان گهڻي حد تائين امدادي ڪمن جو بار به گهٽجي ويندو ۽ ماڻهو به وڌيڪ تڪليف کان بچي پوندا.

Bookmark the permalink.

Leave a Reply

Your email address will not be published. Required fields are marked *