تازا ترين
  • *اسلام آباد: جعلي بئنڪ اڪائونٽس اسڪينڊل ۾ سنڌ روشن پروگرام ڪيس جي جاچ وارو معاملو *نيب راولپنڊي فرنٽ مين اياز صديقي کي ڪراچي مان گرفتار ڪري ورتو: ذريعا *اياز صديقي جعلي اڪائونٽ ۾ ڪروڙين رپيا جمع ڪرايا: نيب ذريعا*
  • *ڄام نواز علي: ڇتو ڪتو مارڻ جي ڪوشش دوران نوجوان مارجي ويو *ڳوٺ ديوان گلاب راءِ ۾ ڳوٺاڻي ڇتي ڪتي کي مارڻ لاءِ فائر ڪيو ته گولي نوجوان مادو ڪولهي کي لڳي: پوليس *پوليس واقعي واري هنڌ پهچي نوجوان جو لاش تحويل ۾ وٺي جاچ شروع ڪري ڇڏي*
  • *گهارو شهر ۾ واپاريءَ کان ڦر ڪندڙ جوابدار گرفتار نه ٿيڻ خلاف شٽربند هڙتال *2ڏينھن اڳ واپاري گڊو کان 9لک رپيا ڦر ڪرڻ بعد جوابدارن گوليون هڻي زخمي ڪيو هو *واقعي کي 48 ڪلاڪ گذرڻ باوجود پوليس جوابدار گرفتار نه ڪري سگهي آهي: احتجاج ڪندڙ واپاري*
  • *اسلام آباد: العزيزيه ۽ ايون فيلڊ ريفرنسز ۾ سزا خلاف نواز شريف جي اپيل تي ٻڌڻي *مريم نواز ۽ ڪيپٽن (ر) صفدر احتساب عدالت ۾ پهچي ويا *عدالت نواز شريف کي بري ڪرڻ واري فيصلي خلاف نيب جي اپيل تي به ٻڌڻي ڪندي *ن ليگ جي نائب صدر مريم نواز جي پيشيءَ جي موقعي تي عدالت ٻاهران سڪيورٽي جا سخت انتظام *
  • *ڀان سيدآباد: قومپرست اڳواڻ مولا بخش لغاري بيماري وگهي لاڏاڻو ڪري ويو *مولابخش لغاري جي جنازي نماز اڄ سخي سيد سليمان شاهه عيدگاهه تي ادا ڪئي ويندي*
  • *پنوعاقل پوليس جي نجي ٽارچر سيل ۾ مبينا طور تي فيصل آباد واسي وڪيل ميان اعجاز آرائين جي قتل وارو معاملو *ڊي آءِ جي لاڙڪاڻو عرفان بلوچ پوليس اهلڪارن ۽ ڪجهه خانگي ماڻھن کي وڪيل جي قتل ۾ ملوث قرار ڏئي ڇڏيو *ڊي آءِ جي لاڙڪاڻي پاران ايڊيشنل آءِ جي سکر ڏانھن انڪوائري رپورٽ موڪلي ڇڏي *وڪيل ميان اعجاز آرائين کي ڊي ايس پي مسعود مهر جي حڪم تي گرفتار ڪيو ويو: انڪوائري رپورٽ *وڪيل پوليس جي غيرقانوني حراست ۾ فوت ٿيو ۽ لاش پنجاب ۾اڇلايو ويو : انڪوائري رپورٽ *انڪوائري رپورٽ ۾ اي ايس آءِ غلام مصطفيٰ ميراڻي، ڪانسٽيبلز درگاهه ڏنو، نصير ۽ سرمد يعقوب بيگناھه قرار*
  • *سنجهورو ۾ شهرين پاران بجلي جو سڙيل ٽرانسفارمر تبديل نه ٿيڻ خلاف ڌرڻو، ٽريفڪ معطل *ڌرڻي سبب ڪيترن ئي ڪلاڪن کان شهدادپور، سانگهڙ ۽ سنجهورو روڊ تي ٽريفڪ معطل، مسافر پريشان *4مهينن کان بجلي جو ٽرانسفارمر خراب آھي، ڪيترائي ڀيرا دانهڻ باوجود تدارڪ نه ٿيو: مظاهرين*
  • *ڪراچي: سنڌ سرڪار جي 6کاتن ۾ 3 سيڪريٽريز مقرر ٿيل *اهم کاتا من پسند سيڪريٽرين کي اضافي چارج طور حوالي ڪيا ويا *تعليم، لائيو اسٽاڪ ۽ فاريسٽ کاتو مستقل سيڪريٽري کان محروم *زراعت جي سيڪريٽري رحيم سومروکي فاريسٽ جي سيڪريٽري جي اضافي چارج مليل *ثقافت کاتي سيڪريٽري اڪبر لغاري وٽ لائيو اسٽاڪ کاتي جي سيڪريٽري جي اضافي ذميواري *سنڌ ٽيڪسٽ بوڪ بورڊ جي چيئرمين احمد بخش ناريجو کي سيڪريٽري تعليم جي اضافي چارج مليل *20هين گريڊ جا ڪامورا بحران باوجود سائيڊ پوسٽن تي ويهاريل*

گمس تي حملو ۽ شڪايت کڻي آيل خواب

انساني حقن لاءِ جاکوڙ ڪندڙ آمريڪي اڳواڻ ۽ هيري سيزر شاويز هڪ هنڌ چيو ته سماج توڙي حڪومتن کي تاريخ ان نظر سان نه توريندي يا ڏسندي ته هنن ڪيترا وڏا ادارا ٺاهيا يا هو ڪيترن طاقتور ۽ شاهوڪار ماڻهن کي ڪم آيا پر تاريخ اهو ڏسندي ۽ ياد ڪندي ته اهي ادارا ڪيترن ڪمزور ۽ غريب ماڻهن کي ڪم آيا. مون کي شاويز جي هي ڳالھه تڏهن ياد آئي جڏهن گمبٽ انسٽيٽيوٽ آف ميڊيڪل ۽ هيلٿ سائنسز جي ڊائريڪٽر رحيم بخش ڀٽي جي آفيس تي حملو ڪري سندس غير موجودگي ۾ هڪ ڊاڪٽر ۽ ٻئي ملازم کي زخمي ڪري ديده دليري سان حملو ڪندڙ گار گند به ڪندا رهيا. وائرل ٿيل وڊيو ۾ ملازم جي چهري تي ڌڪن جا نشان ۽ ليڙون ليڙون ٿيل ڪپڙا سواليه انداز ۾ حڪومت توڙي اسان جي هن پوري سماج کان ڄڻ ته پڇي رهيا هيا ته دنيا جي سڌريل ملڪن ۾ پنهنجن هيرن جو قدر ڇا هيئن ڪيو ويندو آهي جو هڪ ڪمري کان ڪم شروع ڪندڙ هڪ سفيد وارن واري ڪراڙي مڙس نه صرف هڪ خواب لڌو پر هن پنهنجي ئي حياتي ۾ ان خواب جي ساڀيان لاءِ دل ۽ دماغ جا دروازا کولي نه صرف ديوارون اڏڻ شروع ڪيون پر اکين جي اوجاڳن سان گڏ اکين جو خون ڏئي اهڙو ته انفرااسٽرڪچر جوڙي پوري ملڪ کي حيران ڪندي ثابت ڪيو ته ڪرڻ وارا هيئن به ڪري ڏيکاريندا آهن. پهريان ته هن ڪراڙي مڙس کي عطائي ميڊيائي جوڌن سميت ڪيترن ئي ڌنڌوڙي ۽ جڳاڙي ماڻهن نه صرف شڪاري نظرن سان ڏسڻ شروع ڪيو پر پيٽ پوڄا لاءِ هن تي اجايا سجايا الزام هڻي فائدا وٺڻ جي ڪوشش ڪندا رهيا پر هن ڪراڙي مڙس رحيم بخش ڀٽي جي دل ۾ ڊوڙندڙ گلابي خوابن جهڙي رت مان شيخ اياز جي هنن سٽن جا رنگ پئي اڏريا ته
اسان تي الزام، آندا جڳ جيئڻ جا، جنهن جي روز جواب ۾ جرڪيا پنهنجا جام.
ايئن هو نه صرف در، ديوارون پر درد جو دارون دوا ۽دل جي بيمارين کان وٺي جگر ۽ گردي جون مشينون گڏ ڪندي ايئن ڊوڙندو رهيو جيئن ڪنهن ان شاعر جو علاج ڪرڻ لاءِ سندس دل جهٻو کاڌو هوندو جنهن وڏي سوز مان ڳايو هيو ته
درد دل جي دانهن، ڪنهن کي ڪونه ڏينداسين،
پنهنجا ڳوڙها پاڻ روئي پي ڇڏينداسين!
اديب رضوي کان عبدالستار ايڌي تائين، ايم بي عباسي کان وٺي ڊاڪٽر رحيم بخش ڀٽي تائين سفر ڪندڙ ماڻهو عام بدران خاص ان ڪري آهن جو هو فڪر، فهم ۽ ادراڪ ۾ بلڪل منفرد ۽ پنهنجي ذات ۾ ڀاڳوند ماڻهو هيا ۽ آهن جيڪي خاص نظريئي، نظر ۽ فهم سان نه صرف اڳتي وڌيا پر عملي ڪم ڪري ڏيکاريو اٿن. هي سڀ ماڻهو مون کي رابندر ناٿ ٽئگور جي ان چوڻي جي عڪس ۽ نموني وانگر لڳندا آهن جنهن ۾ هن چيو ته مان تسس ۽ خواب ڏٺم ته زندگي خوشي جو نمونو آهي ۽ جاڳيم ۽ ڏٺم ته زندگي خدمت ڪرڻ جو نالو آهي. مون عمل ڪيو ۽ محسوس ٿيو ته خدمت ڪرڻ سان ئي خوشي حاصل ٿئي ٿي. مون کي پڪ آهي ته دنيا جي سڀني خدمتگارن کان وٺي ڊاڪٽر ڀٽي تائين انهن سڀني ماڻهن خوابن، عملن ۽ خدمت جو مزو وٺندي ٿڪل اکين کي ڪيترا ئي ڀيرا پرچائڻ ۽ سمجهائڻ لاءِ پنهنجو رت ست ڏنو هوندو ته اي اکڙيون متان سمهي پيون آهيو. ڇو ته کين خبر هئي ۽ آھي ته جاڳڻ سان ئي زندگي جو اصل مزو ماڻي سگهجي ٿو.
ڊاڪٽر ڀٽي سان منهنجون جملي ٽي ملاقاتون ٿيون آهن. مون سندن اکين مان خواب چورائڻ جي ڪوشش ڪندي کيس ايئن ويجهڙائي کان ڏسڻ جي ڪوشش ڪئي آهي جيئن ڪو عاشق شاعر محبوبا جي سمنڊ جهڙين اکين ۾ ترڻ ۽ ٻڏڻ چاهيندو هجي پر هو هر ڀيري ڊڪ ڊوڙ ۾ رهندي جگر، گردي، دل ۽ اکين جي پيوندڪاري کان ڪينسر جي مريضن جي علاج ۽ نانگ کاڌل ماڻهن جي علاج واري ويڪسين کي ڳولڻ لاءِ ٿر بر جي ٿڪائيندڙ سفر جيان ڪڏهن ڪئناڊا ته ڪڏهن آمريڪا ۽ يورپ جي ملڪن ۾ پاڻ کي ڊوڙائيندي نظر ايندو رهيو.
هاڻ جڏهن لفظي حملن ۽ لکڻين کان پوءِ سندس آفيس تي حملو ٿيو ته مون وٽ ڪجهه خواب آيا ۽ روئڻ شروع ڪندي اٻاڻڪا ٿي چوڻ لڳن ٿا ته اسان کي رحيم بخش ڀٽي جيان ڪير ميڙي سهيڙي گمبٽ شهر ڀرسان روهڙي ڪئنال جي ڪپ تي گلن جيان ڪونڊين ۾ رکي پاڻي پياريندو مان خوابن جي شڪايت کڻي هي ڪالم لکندي روئي به رهيو آهيان ۽ سوچي رهيو آهيان ته اسان زنده ڪردارن جو قدر ڪرڻ ڪڏهن سکنداسين.

Bookmark the permalink.

Leave a Reply

Your email address will not be published. Required fields are marked *