تازا ترين
  • *حيدرآباد: تلڪ چاڙهي واري علائقي ۾ ناري عائشه آرائين کي مبينا طور مڙس پاران باهه ڏئي ساڙڻ وارو معاملو *نياڻي عائشه کي مڙس رضوان آرائين ۽ ڏير جاويد باهه ڏئي قتل ڪيو: پيءُ يوسف آرائين *عائشه جو مڙس بااثر آهي، خاموش رهڻ لاءِ ڌمڪيون ڏئي رهيو آهي: ماءُ صفيه بيگم *مارڪيٽ ٿاڻي جي پوليس عائشه جي قتل جو ڪيس داخل نه ٿي ڪري، انصاف ڪيو وڃي: مطالبو*
  • *حيدرآباد: سول اسپتال ۾ 5 ڄڻا بيهوشي واري حالت ۾ منتقل *بيهوش ٿيلن غريب آباد چوڪ تان حلوه پڙي وٺي واپرائي هئي: ذريعا *بيهوش ٿيلن ۾ رضوان آرائين، مبشر، نينگر لاريب ۽ ناري نمره شامل آهن: اسپتال انتظاميا*
  • *رائونتي ۾ ڏوهارين خلاف بند ڪيل آپريشن ٻيهر شروع ڪرڻ لاءِ پوليس تياريون مڪمل ڪري ورتيون *ايس ايس پي گهوٽڪي پوليس اٽالن سان ڪچي واري بند جي پوليس چوڪين جو جو دورو ڪيو *آپريشن لاءِ ايس ايس پي گهوٽڪي عمر طفيل پاران ٻين ضلعن کان به نفري طلب ڪري ورتي: ذريعا *رائونتي واري ڪچي ۾ ٻه مهينا اڳ ڌاڙيلن خلاف ڳوٺ عمر شر آپريشن ڪيو ويو هو *آپريشن دوران هڪ پوليس اهڪار شهيد ۽ 7 پوليس اهلڪار زخمي ٿيا هئا *
  • *اسان رڳو حڪومت ختم ڪرڻ لاءِ نه آيا آهيون، اسان جمهوريت کي به بحال ڪنداسين: آصف زرداري *اسان ڪوشش ڪئي ته جمهوريت بچي، پر اسان کي نٿو لڳي ته حڪمرانن جو ارادو جمهوريت بچائڻ آهي: زرداري *توقع آهي ته اي پي سي کانپوءِ مون کي جيل ڀيڙو ڪيو ويندو، اُميد آهي ته فضل الرحمان ملڻ ايندو: زرداري*
  • *هاڻي مامرو رياست اندر رياست مان نڪري رياست مٿان رياست جو ٿي ويو آهي: نواز شريف *ملڪ کي حقيقي جمهوري رياست بڻائڻو آهي، رسمي ۽ روايتي طريقن کان هٽي فيصلا ڪيا وڃن: نواز شريف *
  • *گاجي کهاوڙ ۾ ٽائون ملازمن جي ڪم ڇڏ هڙتال سبب شهر گند جي ڍير ۾ تبديل، شهرين جو احتجاج *انتظاميه جي نااهلي ۽ ٽائون ملازمن جي احتجاج سبب شهر گندگي جي ور چڙهي ويو آهي: شهر*
  • *باڊهه ۾ شهرين جو پوليس جي مبينا زيادتين خلاف ڌرڻو *شهرين درگاهه شريف چوڪ کان ريلي ڪڍي ٿاڻي جي مين گيٽ آڏو ٽائرن کي باهيون ڏئي ڌرڻو هنيو *پوليس امداد گوپانگ کي تيل چوري جي ڪوڙي ڪيس ۾ گرفتار ڪيو آهي، کيس آزاد ڪيو وڃي: شهري*
  • *اسپين کان آيل وفد پاران خيرپور جي تاريخي ماڳن جو دورو، عمارتن جي خوبصورتيءَ جي واکاڻ *اسپين کان آيل جون ۽ ماريا ڪوٽڏيجي قلعي، شاهي محل، وائيٽ هائوس ۽ فيض محل خيرپور جو دورو ڪيو *پاڪستان تاريخي جڳهن ۽ ماڳ مڪانن جي حوالي سان شاهوڪار ملڪ آهي جون/مس ماريا *ٽالپور هائوس ڪوٽڏيجي ۾ مير ظهير عباس ٽالپر اسپين کان آيل وفد کي اجرڪ ۽ ٽوپيون تحفي طور ڏنيون *
  • *دادو شهر گٽر اٿلڻ سبب گندگي جي ور چڙهي ويو، شهرين جو احتجاج *شهر ۾ بيٺل ڪنو پاڻي نيڪال ڪرائي نااهل انتظاميا خلاف ڪارروائي ڪئي وڃي: شهري*
  • *حيات پتافي: هڪ هفتو اڳ بجلي جون تارون گهر مٿان ڪرڻ سبب فوت ٿيل ناري ثمينا وارو معاملو*مسمات ثمينا جي وارثن جو احتجاج،ناري جو قتل ڪيس واپڊا عملدارن تيداخل ڪيو وڃي: مطالبو*
  • *چوھڙجمالي:درگاهه شاهه يقيق وٽان پيرسن عورت جو لاش ھٿ *چوهڙ جمالي: پيرسن عورت جو لاش اسپتال منتقل ڪيو ويو *چوھڙجمالي: فوتي عورت پنهنجي ذهني معذور نياڻيءَ جي علاج لاءِ ترسيل هئي: شهري*
  • *ڪراچي: اين آءِ سي ايڇ ۾ ھڪ ڊاڪٽر کي ڪورونا وائرس هجڻ جي تصديق: اسپتال انتظاميه *نيفورو وارڊ ۾ داخل ٽن ٻارن کي پڻ ڪورونا جو خدشو، کين ڪورونا لاءِ قائم ڪيل وارڊ ۾ منتقل ڪيو ويو*ڪراچي: ٽنهي ٻارن جي انڊس اسپتال مان ٽيسٽ ڪرائي وئي، هڪ ليڊي ڊاڪٽر کي به ڪورونا جو خدشو *نيشنل انسٽيٽيوٽ آف چائلڊ ھيلٿ ۾ به ٽي ڏينهن اڳ ٻن ملازمن ۾ ڪورونا جي تصديق ٿي هئي*
  • *ڏهرڪي ويجهو ڳلو ڪپي قتل ڪيل سيد عنايت شاهه جو ڪيس هڪ نامعلوم جوابدار تي داخل *پوليس مقتول جي ڀاءُ منظور شاهه جي فرياد تي نامعلوم جوابدار خلاف ڪيس داخل ڪري جاچ شروع ڪري ڇڏي*
  • *حيدرآباد ۽ سجاول ۾ بجلي جي هٿرادو لوڊشيڊنگ شهرين جون متيون منجهائي ڇڏيون *حيدرآباد جي ماڻڪ ڀٽي ڳوٺ ۾ 5 ڏينهن کان بجلي بند، ٻوسٽ سبب پيرسن عورت دم ڏئي ڇڏيو، رهواسي سراپا احتجاج *سجاول جي مختلف علائقن ۾ ڊگهي لوڊشيڊنگ، شهري پريشان، اختيارين کان نوٽيس وٺڻ جي گهر*
  • *مدئجي ۾ ڳوٺاڻن پاران ڳاهيجا ۽ ڀرپاسي جي علائقن ۾ ڦرلٽ جي وڌندڙ وارداتن خلاف احتجاجي ريلي *پوليس جي نااهلي سبب چوريون، ڦرون ۽ ڌاڙا وڌي ويا، رهواسي غير محفوظ آهن: مظاهرين*

گئس جهڙي سهولت کان محروم ماڻهو

سنڌ ڪيترن ئي قدرتي معدنياتي وسيلن سان مالا مال آھي سنڌين جي خوش قسمتي اها آهي ته سنڌ ۾ ڪوئلي، سون گئس تيل سميت سمورا معدنياتي وسيلا موجود آھن ۽ سنڌين جي بدقسمتي اها آھي جو شاهوڪار سنڌ جو ماڻهو بيروزگاري جي چڪي ۾ پيسجي پيو جنهن جو سبب قدرتي وسيلن تي ڌارين جي قابض ھجڻ آھي. سنڌ ۾ گئس تيل ڪوئلي سون جا وڏا ذخيرا موجود آھن پر مقامي ماڻهو انهن سهولتن کان محروم آهن . سنڌ جي هڪ شاهوڪار ضلعي ڄامشوري جي ڳالهه ڪنداسون ته ان جي تعلقي مانجهند مان 1918ع کان ڪوئلي جون وڏيون وڏيون کاڻيون موجود آهن جڏهن ته ڄامشورو ضلعي تي قدرت جون مهربانيون آهن جو اتي تيل ۽ گئس جا وڏا ذخيرا پڻ موجود آهن، پر افسوس آهي جو مانجھند تعلقي کي گئس کان محروم رکيو ويو آهي.
مانجھند شهر کي 2005ع ۾ تعلقي جو درجو ڏئي چيو ويو ته هاڻي رهواسين جا سمورا مسئلا حل ٿيندا اسسٽنٽ ڪمشنر ، مختيارڪار ، ٽي ايم اوز جون آفيسون هونديون جتي ماڻهن جا مسئلا حل ٿيندا پر 15 سال گذرڻ جي باوجود به مانجھند تعلقو سمورين بنيادي سهولتن کان محروم آهي. مانجھند تعلقي جي يوسي منظور آباد ، انڙپور ۾ تيل ۽ گئس جا وڏا ذخيرا مليا جتي ٻاهر کان آيل ڪمپنيون چونڊيل نمائندن جي خاص آشيرواد سان پروڊڪشن ڪري رهيون آهن. پاڪستان جي قانون مطابق جتان قدرت جا معدني جا وسيلا دريافت ٿيندا آهن ته اتي جي 3 ڪلوميٽر تائين جي آسپاس جي ڳوٺاڻن کي رائلٽي ڏئي بينادي سهولتون ڏنيون وينديون آهن ۽ انهن ڳوٺن تي ڪمپني 10 سيڪڙو تعليم روڊ رستن تي خرچ ڪندي ۽ گئس يا تيل مفت ۾ ڏنو ويندو پر مانجھند واسين کي پئسن تي به ڪمپنيون گئس ڏيڻ جي لاءِ تيار ناهن.
مانجھند تعلقي ۾ گئس نه هجڻ جي ڪري 530 ڳوٺن شهرن جا رهواسي رڌ پچاءُ جي لاءِ سخت پريشانين کي منهن ڏئي رهيا آهن اڳ ۾ سنڌ جا ٻيلا آباد هوندا هئا ته ڪاٺين جو ڪو به مسئلو نه هوندو پر هن وقت جڏهن ٻيلا ختم ٿي ويا آهن ته مانجهند تعلقي جا ماڻهو ڇيڻن تي رڌ پچاءُ ڪرڻ تي مجبور آهن. جنهن جي ڪري گھرن جو عورتون دونهين سبب مختلف بيمارين ۾ ورتل آهن. تعلقي جي عوام سان هر دور ۾ ٻه اکيائي ٿيندي پئي اچي ڪڏهن ته پاڻي لاءِ دربد ڪيو وڃي ٿو ته ڪڏهن بنيادي سهولتن نه ٿيون ڏنيون وڃن مانجھند تعلقي مان هميشه پيپلزپارٽي جا ئي اميدوار ڪامياب ٿيندا پيا اچن ،
هن تعلقي جي عوام ڪڏهن ڀل ۾ به سهولتون نه ڏٺيون آهن. تعلقي جا ماڻهو اڄ به هن جديد دنيا ۾ پٿر واري دور جي زندگي گهارڻ تي مجبور آهن. تعلقي مان وڏي پئماني تي گئس جا ذخيرا نه ملڻ باوجود به علي آباد کان لڪي شاھ صدر تائين ڪنهن به ڳوٺ يا شهر کي گئس جي سهولت ميسر ناهي جنهن جي ڪري سرندي وارا ماڻهو گئس سيلنڊر وٺي انهن تي رڌ پچاءُ ڪن ٿا جڏهن ته غريب پورهيت طبقو گئس سلينڊر جي سگھه نه هجڻ جي ڪري اهو يا ته ڪاٺين جو بندوبست ڪري ٿو يا ته وري ڇيڻن تي رڌ پچاءُ ڪري ٿو. غريب طبقي جي لاءِ اهو به آزار هوندو آهي ته جيڪڏهن اهو باھه ٻارڻ جو بندوبست ڪري ٿو ۽ اتفاق سان مزودري ته نه ٿو وڃي ته ان جا ٻچا بک تي ويٺا هوندا آهن ڇو جو هن تعلقي ۾ اڪثر غريب طبقو آهي.
مانجھند تعلقي ۾ ڪوئلي جون کاڻيون ، تيل ۽ گئس جي وڏا ذخيرا موجود آهن پر هن تعلقي جي عوام کي ڪا به رائلٽي نه ٿي ڏني وڃي هتان جو گئس ڪوئلو ۽ تيل سنڌ جي ٻين صوبن کي وڪرو ڪري ڏنو پيو وڃي ۽ تعلقي واسين کي ان کان به محروم رکيو ويو آهي مانجھند تعلقي جي علي آباد ، انڙپور مان گئس جا ذخيرا مليا ته تعلقي جي عوام کي وڏي خوشي ٿي ته انهن کي گئس ڏني ويندي رائلٽي سان گڏ بيروزگارن کي روزگارملندو پر تعلقي جي عوام کي ڪجهه ملڻ بدران سدائين وانگر گئس ذخيرن تي ڌارين جي لوڌ اچي قبضو ڪيو ۽ رهواسين کي نه رائلٽي ملي نه ٻارڻ لاءِ گئس نه روزگار مليو. ڪمپني جي اهڙي عمل خلاف انهي خلاف تعلقي مانجھند واسي سرگرم ٿيا ۽ پنهنجن حقن جي حاصلات لاءِ غير سياسي ڪميٽي جوڙي ڳوٺ ڳوٺ ۾ وڃي گڏجاڻيون ڪري هڪ جدوجھدي تحريڪ هلائي ڪمپني جي گيٽ اڳيان ڌرڻو هنيو جنهن کان پوءِ ڪمپني انتظاميا ڳالهيون ڪرڻ تي مجبور ٿي. اهي ڳالهيون ڊي سي آفيس ڄامشورو ۾ ٿيون لکت ڪئي وئي
مانجھند تعلقي جي عوام کي گئس ڏني ويندي پر هلندي هلندي ڪمپني انتظاميا انهن ڳالهين تان به ڦري وئي۽ گئس ڪڍي وڪرو ڪري رهي آهي پر هتان جي هواسين کي گئس نه ملي. آهستي آهستي اها تحريڪ به ماٺي ٿي وئي ۽ عوام کي ڪجهه به نه مليو .
هتي سوال اهو پيدا ٿئي ٿو ته آخر هن تعلقي جي عوام کي ڇو گئس کان محروم رکيو پيو وڃي، سنڌ جي ٻين شهرن کي به هن تعلقي مان گئس ڏني پئي وڃي ته ڇا هتي جي عوام جو ان گئس تي حق ناهي…؟ پر چوندا آهن ته رات جي انڌيري ۾ سج جي روشني نا ممڪن آهي هتي جي عوام کي گئس ملڻ مشڪل آهي. ضرورت ان ڳالهه جي آهي ته تعلقي واسين کي گئس ڏيڻ لاءِ هتان جون سياسي سماجي ڌريون ۽ چونڊيل نمائندا ڪوششون وٺن.
هن تعلقي جي عوام جي سان ٻه اکيائي آخر ڪيستائين جاري رهندي.جيڪڏهن سياسي سماجي ڌريون عوام کي حق وٺرائي ڏيڻ لاءِ اڳيان اينديون ۽ عوام ۾ شعور پيدا ڪنديون ته عوام به پنهنجي حقن لاءِ جدوجهد هلائڻ لاءِ تيار ٿيندو ته کين هن جديد دور ۾ گئس جي سهولت ملڻ ڪو ايڏو ڏکيو مسئلو ناهي پر ضرورت رڳو ان ڳالهه جي آهي ته علائقي جون سماجي ڌريون ۽ پڙهيل لکيل ماڻهو اڳيان اچن ۽ انهن جي اڳواڻي ڪن. اسان وٽ مسئلو اهو ئي هوندو آهي ته پڙهيل لکيل ماڻهو ئي عوام جي مسئلن کان پاڻ کي لاتعلق ڪري ڇڏيندا آهن ۽ پوءِ عام ماڻهو لاءِ ڪو آواز اٿارڻ وارو ئي نه هوندو آهي ،
ٻي مصيبت اها آهي آهي ته جتان به ڪا معدنيات ملندي آهي اها سهولت اتان جي مقامي ماڻهن جي ڄڻ نصيب ۾ ئي نه هوندي آهي ۽ اها سهولت ۽ نعمت ڌاريا استعمال ڪندا رهندا آهن ۽ مقامي ماڻهو بيوس ۽ لاچار ٿي ويٺا ڏسندا رهندا آهن .

Bookmark the permalink.

Leave a Reply

Your email address will not be published. Required fields are marked *