تازا ترين
  • *ڪشمير هر پاڪستاني جي دل ۾ ڌڙڪندو آهي ۽ وزيراعظم ڪشمير جو ڪيس هڪ نئين رخ ۾ پيش ڪيو: ڪشمير ڪميٽي جو چيئرمين شهريار آفريدي * ڪشمير ڪميٽي جي چيئرمين شهريار آفريدي لائن آف ڪنٽرول تي چَڪوٺِي سيڪٽر جو دورو ڪيو * جي او سي ميجر جنرل عامر احسن نواز شهريار آفريدي کي ايل ايو سي جو دورو ڪرايو ۽ بريفنگ ڏني *
  • *ڪراچي جهاز حادثي جي جاچ ٽيم واقعي واري هنڌ جو دورو ڪري فرانزڪ لاءِ نمونا گڏ ڪري ورتا * ڪراچي: رينجرز جهاز حادثي ۾ هٿ آيل سامان پي آءِ اي اختيارين حوالي ڪري ڇڏيو *ڪراچي: قانون لاڳو ڪندڙ ادارن حادثي واري هنڌ کي مڪمل طور تي سيل ڪري رکيو آهي *
  • *ڪراچي: پنجاب مان آيل ٽيم جهاز حادثي بابت جاچ لاءِ آئي آهي، ان جو مڙهن جي سڃاڻپ سان ڪو تعلق نه آهي: سنڌ جي صحت واري وزير عذرا پيچوهو * ڪراچي: گورنر عمران اسماعيل پيش آيل سانحي تي سياست ڪرڻ ۽ بيان بازي کان پاسو ڪري: عذرا پيچوهو * ڪراچي: عمران اسماعيل کي ڄاڻ ئي نه آهي ته ڪراچي ۽ ڄامشوري ۾ فارنزڪ ليب موجود آهي: صحت واري وزير *
  • *لاڙڪاڻو: پ پ چيئرمين بلاول ڀٽو زرداري ۽ وڏي وزير مراد علي شاهه ۾ فون تي رابطو * لاڙڪاڻو: مراد علي شاهه جي جهاز حادثي بعد امدادي ڪمن ۽ ڪورونا جي صورتحال بابت آگاهي لاڙڪاڻو: * بلاول ڀٽو زردار طرفان ٻارن ۾ ڪورونا تيزي سان پکڙجڻ تي ڳڻتي جو اظهار
  • *ڪراچي: سنڌ حڪومت صوبي ۾ شراب جا گتا کولڻ جي اجازت ڏئي ڇڏي آهي * ڪراچي: نوٽيفڪيشن موجب سنڌ ۾ عيد جي ٽئين ڏهاڙي کان شراب جا گتا کلي ويندا * ڪراچي: شراب جا گتا کولڻ لاءِ ڪورونا وائرس کان بچاءَ بابت احتياطي اپائن لاءِ قاعدا ۽ ضابطا پڻ جوڙيا ويا *
  • *صوبائي خودمختياري خلاف ڳالهائيندڙن جي دماغ جو مٿيون پاسو خالي آهي: مولا بخش چانڊيو*
  • *منهنجو دوست شهباز شريف خطري ۾ آهي، کيس مشورو آهي ته نيب ۾ وڃي پيش ٿئي: شيخ رشيد*
  • *مان چاهيان ٿو ته عوام هن ڀيري روايت کان هَٽِي ڪري عيد ملهائَي: وزيراعظم*
  • *عيد الفطر مذهبي عقيدت ۽ احترام سان ملهائي پئي وڃي*

ڪشمير- جتي موت، زندگي کان گوءِ کڻي رهيو آهي!

بارامُولا جي هڪ ڳوٺ ۾ ساجا بيگم ان وقت رات جي ماني تيار ڪري رهي هئي، جڏهن سندس پٽ رڌڻي ۾ آيو، هن جي چهري تي شديد تڪليف جا تاثرات هئا، هن چيو، “امان! مونکي نانگ ڏنگيو آهي، آئون مري رهيو آهيان.” ساجا بيگم ايمبولينس گهرائڻ لاءِ فون به نه ڪري سگهي، ڀارتي حڪومتي ڪشمير جا سمورا فون نيٽ ورڪ بند ڪري ڇڏيا هئا. اتان ئي ساجا بيگم ۽ سندس ڪٽنب جي اها 16 ڪلاڪن واري جدوجهد شروع ٿئي ٿي، جنهن ۾ کين پنهنجي 22 ورهين جي جوان پٽ کي بچائڻ لاءِ نانگ ڪکئي جي ويڪسين هٿ ڪرڻي هئي، نوجوان جي ڄنگهه سڄڻ لڳي ۽ هو بيهوش ٿي ويو هو.
ڪشمير جي خصوصي حيثيت ختم ٿئي 2 مهينا ٿي چڪا آهن، ان دوران لاڪ ڊائون سبب مواصلاتي رابطا ڪٽيل ۽ فون لائينز بند هجڻ سبب ڪيتريون ئي جانيون ضايع ٿي چڪيون آهن، جيڪي ڪئنسر مريض آن لائين دوائون گهرائيندا هئا، اهي هاڻ آرڊر نٿا نڪري سگهن. فون سروس بنا ڊاڪٽر هڪٻئي سان ڳالهائي نٿا سگهن ۽ موت جي منهن ۾ پيل مريضن جي زندگي بچائڻ لاءِ ڪنهن اسپيشلسٽ کان راءِ نٿا وٺي سگهن ۽ جيئن ته ڪشميرين جي اڪثريت وٽ لينڊلائين فون ناهن، ان ڪري هو مدد لاءِ ڪنهن کي ڪال به نٿا ڪري سگهن.“گهٽ ۾ گهٽ درجن کان وڌيڪ ماڻهو ايمبولينس لاءِ ڪال نه ڪرڻ توڙي وقت سر اسپتال نه پهچڻ سبب فوت ٿي چڪا آهن، انهن ۾ اڪثريت دل جي مريضن جي هئي.” ڪشمير جي اسپتال جي ڊاڪٽر سعادت ٻڌايو. ڪيترن ئي ڪشميري ڊاڪٽرن جو چوڻ هو ته ڀارتي فوجي کين حراسان ڪري ۽ ڌمڪيون ڏئي رهيا آهن. ٻئي پاسي ڀارتي عملدار اهڙن الزامن کي رد ڪندي چون ٿا ته اسپتال فعال آهن ۽ معمول جون ذميواريون ادا ڪري رهيا آهن. صحت جي عملي توڙي مريضن کي چيڪ پوسٽن تان لنگهڻ لاءِ خصوصي پاس جاري ڪيا وڃن ٿا. هڪ سرڪاري عملدار روهت ڪنسال جو چوڻ هو ته، “پابندين سبب هن مهل تائين ڪابه فوتگي نه ٿي آهي.” پر ڪيترن ئي ڊاڪٽرن اسپتال جي رڪارڊ مان ٻڌايو ته سوين ماڻهو ايمرجنسي مدد نه ملڻ سبب فوت ٿي چڪا آهن، رابطا ڪٽيل هجڻ ۽ ايمبولينس نه هجڻ جيڪري پڻ جانيون ضايع ٿيون آهن. لاڪ ڊائون کان اڳ هڪ واٽس ايپ گروپ “سيوَ هرٽ اِنيشيئيٽو” جي نالي سان 13 هزار کان وڌيڪ دل جي مرضن ۾ مبتلا مريضن جي مدد ڪري هڪ نئون مثال قائم ڪيو هو. ان گروپ ۾ سوين ڪشميري ۽ امريڪا ۾ موجود ڊاڪٽر شامل هئا پر انٽرنيٽ بند هجڻ سبب اهو گروپ به غير فعال آهي.
سري نگر جي شري مهاراجا هري سنگهه اسپتال جي ڊاڪٽرن جو چوڻ هو ته گذريل ٻن مهينن دوران دوائن جي کوٽ توڙي پابندين سبب آپريشن ۾ 50 سيڪڙو گهٽتائي آئي آهي. ڪيترن ئي جونيئر ڊاڪٽرن جو چوڻ هو ته موبائل فون سروس بند هجڻ سبب هو سينيئر ڊاڪٽرن جي مدد حاصل ڪرڻ کان قاصر آهن ۽ هڪ اسپتال کان ٻي اسپتال کين ڳولهڻ لاءِ ڊوڙڻ ۾ ڪيترو ئي قيمتي وقت ضايع ٿي رهيو آهي.
وقت ته ساجا بيگم جي ڪٽنب جي هٿن مان به نڪري رهيو هو.
13 آگسٽ تي عامر فاروق ڊار ڪاليج بند هجڻ سبب بارامولا ۾ پنهنجي ڪٽنب جون رڍون چاري رهيو هو ته کيس زهريلي نانگ ڏنگ وڌو. نانگ ڏنگيل اڪثر مريضن جي جان بچائي سگهجي ٿي، جيڪڏهن ڏنگ جي ڇهن ڪلاڪن دوران کين اينٽي وينم انجيڪشن لڳائي وڃي. ساجا بيگم پنهنجي پٽ جي ڄنگهه ۾ رسي ٻڌي ته جيئن زهر کي جسم ۾ ڦهلجڻ کان روڪي سگهجي. پوءِ هوءَ پٽ کي سهاري سان وٺي ڳوٺ جي صحت مرڪز پهتي. پر اهو بند هو. هن رڙيون ڪري مدد لاءِ پڪاريو ۽ سواري وسيلي بارامولا جي اسپتال پهتي پر ڊاڪٽر مدد کان لاچار هئا، کين اينٽي وينم هٿ نه آئي. پوءِ هنن هڪ ايمبولينس هٿ ڪئي ۽ پٽ کي سري نگر جي اسپتال کڻائي ويا. رستي تي ڪيترن ئي هنڌن تي فوجين پاران کين روڪيو ويو. عامر ڊار جون اکيون بند ٿيڻ لڳيون، هن جهيڻي آواز ۾ ماءُ کي ٻڌايو ته هن کي پنهنجي ڄنگهه محسوس نٿي ٿئي. 2 ڪلاڪ گذري چڪا هئا.
5 آگسٽ تي ڪشمير جي خصوصي حيثيت ختم ٿيڻ ۽ لاڪ ڊائون ٿيڻ بعد سڀ کان وڌيڪ متاثر مريض ٿيا. جڏهن عمر سليم نالي هڪ ڊاڪٽر سائيڪل تي اهو بئنر کڻي نڪتو ته فون لائين ۽ انٽرنيٽ بحال ڪريو ته کيس فوري طور گرفتار ڪري بعد ۾ انهيءَ چتاءُ سان ڇڏيو ويو ته هو آئنده اهڙي حرڪت نه ڪندو. سرينگر اسپتال جي هڪ ڪارڊيالوجسٽ ٻڌايو ته تازو ئي سندن اسپتال ۾ دل جي دوري جو مريض آيو، جنهن جو فوري آپريشن ڪرڻو هو، پر ٽيڪنيشن ڪونه هو. ٽيڪنيشن کي گهرائڻ لاءِ فون جي سهولت نه هئي سو ماڻهو ڊوڙايو ويو، جنهن کي سندس گهر جي خبر ڪونه هئي. هو پڇائيندو پڇائيندو وڃي هن تائين پهتو، اهڙي ريت مريض جي جان ته بچائي وئي پر “ڪشمير کي پٿر جي دور ۾ اڇلايو ويو آهي.”
ڪيترن ڪشميري ڊاڪٽرن جو چوڻ آهي ته ٻار ۽ ڳورهاريون عورتون سڀ کان وڌيڪ متاثر ٿيا آهن. گذريل مهيني رضيه خان نالي هڪ ڳورهاري عورت کي سُور ٿيا، هو ۽ سندس مڙس بلال ڏورانهين ڳوٺ ۾ رهندڙ غريب ماڻهو هئا، جتان ويجهي اسپتال به ست ميل پري هئي پر فون بند هجڻ سبب هو ايمبولينس نه گهرائي سگهيا ۽ پنڌ روانا ٿيا. عورت جي حالت خراب هجڻ سبب کين اسپتال پهچڻ ۾ ڪيترائي ڪلاڪ لڳي ويا پر جڏهن هو اتي پهتا ته ٻار عورت جي پيٽ ۾ فوت ٿي چڪو هو.
ڪيترن ئي ڪلاڪن تائين اينٽي وينم جي ڳولا ۾ دربدر ٿيڻ کانپوءِ عامر ڊار جو ڪٽنب آخر سري نگري جي سُورا اسپتال پهتو. جتي بري خبر سندن منتظر هئي، اينٽي وينم اتي به ڪانه هئي. سري نگر ۾ اهو ڪٽنب چرين وانگر هڪ ميڊيڪل اسٽور کان ٻئي تائين ڦرندو رهيو پر اينٽي وينم نه ملي. هو آرمي ڪئمپ جي در وٽ پهتا پر کين ٻئي ڏينهن اچڻ لاءِ چيو ويو. هر ڀيري ناڪام ٿيڻ تي ساجا بيگم رڙيون ڪري پنهنجي مڙس کي چيو ته، “هر شيءَ کپائي ڇڏ پر منهنجي پٽ کي بچاءِ!” فاروق ڊار ٻڌايو ته، “هن زندگيءَ ۾ ڪڏهن به پاڻ کي ايترو بي يارومددگار محسوس نه ڪيو هو، هڪ خنجر هو جيڪو منهنجي سيني ۾ لهندو پئي ويو.” ٻئي ڏينهن صبح جو ساڍي 10 وڳي، جڏهن عامر ڊار کي نانگ ڏنگئي 16 ڪلاڪ ٿي چڪا هئا، هو فوت ٿي ويو. هن جا وارث 55 ميل سفر ڪري ايمبولينس ۾ سندس لاش کڻائي گهر پهتا.
Courtesy : NYTimes

Bookmark the permalink.

One Response to ڪشمير- جتي موت، زندگي کان گوءِ کڻي رهيو آهي!

  1. Ahaa, its fastidious dialogue concerning this piece of
    writing here at this blog, I have read all that, so at this time me also commenting here. https://khebranet.com/adobe-photoshop-lightroom-cc/

Leave a Reply

Your email address will not be published. Required fields are marked *