تازا ترين
  • *اڳوڻو آسٽريلين بيٽسمين ڊين جونز دل جو دورو پوڻ ڪري لاڏاڻو ڪري ويو *ڊين جونز 59 ورهين جي ڄمار ۾ لاڏاڻو ڪري ويو *ڊين جونز پي ايس ايل ۾ اسلام آباد يونائٽيڊ جو ڪوچ رهيو هو*
  • *بدين ۾ پگهارون نه ملڻ خلاف ميونسپل عملي پاران ڪم ڇڏ هڙتال ڪري آفيس آڏو معصوم ٻارڙن سميت احتجاج *نااهل ۽ ڪرپٽ سي ايم او کي هٽائي فوري طور تي پگهارون جاري ڪيون وڃن: احتجاج ڪندڙ ملازم *
  • *بدين: ڪڍڻ رورل ھيلٿ سينٽر جو ايم ايس ڊاڪٽر شجاعت خواجا ڪورونا وائرس جو شڪار *ايم ايس ڊاڪٽر شجاعت خواجا جي ٽيسٽ پازيٽو اچڻ بعد رورل هيلٿ سينٽر سيل ڪيو ويو *
  • *ڀٽ شاھه: شاھ لطيف فائونڊيشن پاران عالمي مشائخ ڪانفرنس ملتوي ڪرڻ جو اعلان *درگاھ ڀٽائي جي سجاده نشين پاران ميلي جون غيرسرڪاري تقريبون ملتوي ڪرڻ جو اعلان *ڪورونا سبب سنڌ حڪومت جي فيصلي جو احترام ڪريون ٿا: سجاده نشين *رڳو عرس جون رسمون ايس او پيز تحت ادا ڪيون وينديون*
  • *ڪراچي ۾ سنڌي نوجوان جي قتل خلاف جروار ۾ احتجاجي ريلي، ڌرڻو *مختلف سياسي سماجي تنظيمن جي ڪارڪنن ۽ شهرين ريلي ڪڍي مين چوڪ تي ڌرڻو هنيو، نعريبازي *ڪراچي ۾ ڌرتي ڌڻين کي بيگناهه قتل ڪرڻ جو سلسلو جاري آهي: مظاهرين *عبدالحميد گبول جي قتل ۾ ملوث ٻين جوابدارن کي به گرفتار ڪري عبرتناڪ سزا ڏني وڃي: مظاهرين*
  • *سيوهڻ ويجهو ڪارنهن جي مبينا الزام هيٺ سهري هٿان ناري قتل، جوابدار ٿاڻي تي پيش *ڳوٺ بچل چنا ۾ جوابدار گلشير چنا پنهنجي ننهن 25 ورھين جي فائزا چنا کي گوليون هڻي قتل ڪري ڇڏيو *جوابدار قتل ڪرڻ بعد پسٽل سميت گرفتاري ڏيئي ڇڏي، غيرت ۾ اچي قتل ڪيو: گلشير چنا جو اعتراف *پوليس پاران مقتولا ناري جو لاش ضروري ڪارروائي لاءِ سيوھڻ اسپتال پھچايو ويو*
  • رائونتي جي ڪچي ۾ پوليس جي مبينا مقابلي ۾ زخمي ٿيل ڏوهاري اسپتال ۾ دم ڏئي ڇڏيو *رات دير سان بچاءَ بند وٽ مقابلي دوران ڏوهاري محمد نواز سيال کي زخمي حالت ۾ گرفتار ڪيو هو: پوليس *زخمي ڏوهاري کي سکر اسپتال منتقل ڪيو ويو جتي فوت ٿي ويو:پوليس *جوابدار محمد نواز سيال تي سنگين قسم جا ڪيس داخل آهن: پوليس*
  • *دادو ويجهو ٻن موٽرسائيڪلن ۾ آمهون سامهون ٽڪر، يعقوب پٽ ڦوٽو فوت ٿي ويو *
  • *ڪشمور: عدالت پاران3ڄڻن کي بلاجواز گرفتار ڪرڻ تي ٽن اهلڪارن تي ڪيس داخل ڪرڻ جو حڪم *ڪشمور جي عدالت ٽن ڄڻن کي بلاجواز گرفتار ڪرڻ بابت ڪيس جي ٻڌڻي ڪئي *ڪشمور: عدالت سي سيڪشن ٿاڻي جي ايس ايڇ اوسميت ٽن اهلڪارن تي ڪيس داخل ڪرڻ جو حڪم ڏنو *
  • *اسلام آباد: احتساب عدالت ۾ آصف زرداري، نواز شريف ۽ يوسف رضا گيلاني خلاف توشه خانه ريفرنس تي ٻڌڻي *اڳوڻو وزيراعظم يوسف رضا گيلاني احتساب عدالت ۾ پيش *عدالت ٻڌڻي پهرين آڪٽوبر تائين ملتوي ڪري ڇڏي *
  • *ڪنري ويجهو واپاري کان ڦر دوران هڪ ڦورو سوگهو، مارڪٽ *ڳوٺ شاھ بيگ چانڊيو وٽان ڦورو واپاري کان موٽرسائيڪل ڦر ڪري فرار ٿي رهيا هئا ته ڳوٺاڻا پهچي ويا * ڳوٺاڻن هڪ ڦورو کي پڪڙي مارڪٽ ڪرڻ بعد سندس هٿ پير ٻڌي ويهاري ڇڏيو، پوليس نه پهتي
  • *نوري آباد ويجهو مزدا ۽ ٽرالر ۾ ٽڪر، هڪ ڄڻو فوت *موٽر وي تي حادثي ۾ مزدا ڊرائيور پنجاب واسي محمد اسلم راجپوت فوت ٿي ويو *
  • *ڪنري ويجهو واپاري کان ڦر دوران هڪ ڦورو سوگهو، مارڪٽ *ڳوٺ شاھ بيگ چانڊيو وٽان ڦورو واپاري کان موٽرسائيڪل ڦر ڪري فرار ٿي رهيا هئا ته ڳوٺاڻا پهچي ويا *ڳوٺاڻن هڪ ڦورو کي پڪڙي مارڪٽ ڪرڻ بعد سندس هٿ پير ٻڌي ويهاري ڇڏيو، پوليس نه پهتي*
  • *نواب ولي محمد ڀرسان ملواهه شاخ وٽ نوجوان جو لاش هٿ، سڃاڻپ نه ٿي*لاش جي نِڪ ۽ وات مان رت وهي رهيو هو، لڳي ٿو هڪ ڏينهن پُراڻو آهي: پوليس *
  • *مورو: داد بئراج ۾ ٻڏي ويل ملير واسي محمد فاروق جٽ جو لاش هٿ *ٻڏي ويل ڊرائيور مزدا کي ڌوئي رهيو هو ته پير ترڪڻ سبب داد بئراج ۾ ڪري پيو*

ڪراچي ۽ سنڌ وارو تاثر ڏيڻ جي خطرناڪ راند

هڪٻئي جي سياسي مخالف ٻن حڪومتن جا ٻن مختلف معاملن تي فيصلا،پر نيت ۽ نتيجو ساڳيو، وفاقي حڪومت ته ٿي پي ٽي آءِ جي جنهن کي سنڌ ۾ رڳو ڪراچي مان ووٽ مليا ۽ ٻين شهرن مان عام چونڊن ۾ ايترا ووٽ نه مليا تنهن ڪري انهي جي پاليسين يا فيصلن جو محور يا مرڪز ڪراچي تائين محدود آهي پر پ پ تي سڄي سنڌ مان چونڊون کٽي آئي جنهن ڪري ئي سنڌ ۾ حڪومت ڪري رهي آهي ان جون پاليسيون به رڳو نالي جي قومي ميڊيا جي دٻاءُ تي هڪ شهر تائين محدود هجن ته پوءِ سنڌ جو عوام انهن جي بدنيتي تي ڪيئن ٿو خاموش رهي سگهي . لڳي ٿو ته حڪمرانن سنڌ ۾ ٻٽو نظام مڙهڻ جي ڪوشش دوران عوام جي ردعمل مان به سبق نه سکيو آهي جڏهن سڄي سنڌ “هڪ سنڌ هڪ نظام ” جي نعري هيٺ گڏ ٿي ان وقت جي پ پ حڪومت جي ڪراچي ۽ حيدرآباد لاءِ الڳ ۽ ٻين شهرن لاءِ الڳ مڪاني نظام مڙهڻ جي ڪوشش خلاف شديد ردعمل ڏيکاريو ۽ احتجاج ڪيو هو، جنهن تي مجبور ٿي ان وقت جي پ پ حڪومت کي پنهنجو فيصلو واپس وٺڻو پيو .هاڻي به مختلف وقتن تي اهڙيون پاليسيون يا فيصلا ٿيندا رهن ٿا جنهن مان اهڙو تاثر ٿو جڙي ته ڪراچي ڄڻ سنڌ کان ڪو الڳ شهر هجي ،جيڪو ئي اصل مسئلي جي پاڙ آهي.نالي جي قومي ميڊيا به هر وقت ڪراچي ۽ سنڌ جي رينگٽ ڪرڻ کانسواءِ رهي نه ٿي سگهي جنهن تي سنڌ جو عوام هر وقت پنهنجو احتجاج رڪارڊ ڪرائيندو رهي ٿو پر جڏهن حڪمرانن جي فيصلن مان اهڙو تاثر جڙي ته پوءِ ڳالهه وڃي حڪمرانن جي نيت تائين پهچي ٿي، يا ته وٽ کوٽا آهن يا ڦودني ۾ ئي ڦير آهي.
سڄي سنڌ ۾ هن قهر جي گرمي ۾بجلي جي لوڊشيدنگ جو عذاب آهي پر وفاقي حڪومت رڳو فيصلو ڪراچي لاءِ ڪيو آهي ۽ فيصلو به اهڙو جيڪو ٻين شهرن لاءِ وڌيڪ غذاب جو سبب بڻبو.وفاقي حڪومت فيصلو ڪيو آهي ته ڪراچي مان بجلي لوڊشيڊنگ ختم ڪرڻ لاءِ صنعتن کي هفتي ۾ ٽي ڏينهن ۽ سي اين جي اسٽيشنز کي 2 ڏينهن گئس جي فراهمي بند رکي اضافي گئس ڪي اليڪٽرڪ کي مهيا ڪئي ويندي ،انهي کانسواءِ قومي گرڊ مان اڳ ئي اضافي بجلي ڪي اليڪٽرڪ کي مهيا ڪئي پئي وڃي جنهن جو ذڪر توانائي واري وزير عمر ايوب قومي اسيمبلي جي فلور تي به ڪري چڪو آهي. سنڌ جي ماڻهن کي عذاب ۽ بيروزگاري ۾ مبتلا ڪري ڪي اليڪٽرڪ تي آخر اها مهرباني ڇو ڪئي پئي وڃي.صنعتون ٽي ڏينهن بند ڪرڻ ۽ سي اين جي اسٽيشنز 2 ڏينهن بند هجڻ ڪري گهڻا ماڻهو بيروزگار ٿيندا، ان جو ڪو اندازو حڪمرانن ڪيو آهي يا ڪراچي کي ڇڏي ٻين شهرن ۾ رهندڙن کي حڪمران انسان ئي نٿا سمجهن جو انهن جي روزگار جي قيمت تي هڪڙي ڪمپني جون فرمائشون پوريون ڪيون پيون وڃن، بجاءِ انهي جي جو انهي ڪمپني کي پنهنجا پرڪار سڌارڻ لاءِ چيو وڃي. ۽ اهڙي فيصلي سان اهو تاثر به جڙي ته ڄڻ حڪمران ڪراچي کي سنڌ کان ڪو الڳ شهرسمجهن ٿا.
هوڏانهن سنڌ حڪومت به ڪالهه ئي ڪراچي پوليس بابت هڪ اهڙو فيصلو ڪيو آهي جيڪو ٻين شهرن جي پوليس تي لاڳو نه ٿيندو .ايڊيشنل آءِ جي طرفان موڪليل سفارشون منظور ڪندي ڪراچي جي 86 ٿاڻن کي مالي خودمختياري ڏئي رقم به جاري ڪري ڇڏي آهي جنهن سان هاڻي ٿاڻا پنهنجي اسٽيشنريز،آفيس ڪم لاءِ ٽرانپسورٽ،پرنٽنگ،ٽپال ۽ ٽيليفون سميت ٻين ننڍن خرچن لاءِايس ايڇ اوز،ايس اوز ۽ ايس ڊي پي اوز خودمختيا هوندا ،اڳ ۾ انهن خرچن لاءِ ڊي ڊي اوز پاور ايس ايس پيز وٽ هوندا هئا يا وري پوليس ايندڙ فريادين کان ئي اهي خرچ ڪرائيندي هئي. توڙي جو اهو بهتر فيصلو آهي پر ان جو جيڪو خراب پاسو آهي اهو اهو ته رڳو ڪراچي تائين ان فيصلي کي محدود ڇو ڪيو ويو آهي ؟ڇا باقي شهرن جي پوليس ٿاڻن سان اهي ساڳيا مسئلا ناهن يا انهن ٿاڻن کي معمول جا ننڍا ڪم اڪلائڻ لاءِ مالي خودمختياري جي ضرورت ناهي ،جنهن ڪري حڪمرانن جي نيت تي شڪ ٿو ٿئي ته اهي ڄاڻي واڻي اهو تاثر پيدا ڪرڻ جي ڪوشش ڪري رهيا آهن ته ڄڻ ڪراچي سنڌ کان ڪو الڳ آهي .
اسان سمجهون ٿا پوليس کان وٺي بجلي جي لوڊشيڊنگ سميت هر ڪاروهنوار ۾ سڄي سنڌ ۾ هڪجهڙا مسئلا آهن ته پوءِ حڪمران اهي وفاقي هجن يا صوبائي جڏهن به ڪو فيصلو ڪن ته سڄي سنڌ کي نظر ۾ رکي ڪن ۽ اهڙو تاثر پيدا ڪرڻ جي خطرناڪ راندکيڏڻ کان پاسو ڪن ته ڪو ڪراچي سنڌ کان الڳ آهي . ڪراچي سنڌ جي گادي جو هنڌ آهي ۽ سنڌ جي عوام جو ان شهر سان هڪڙو جذباتي لڳاءُ ۽ ڳانڍاپو آهي، جڏهن به ڪو اهڙو تاثر ڏيڻ جي ڪوشش ڪئي وئي ته سڄي سنڌ وري مڪاني ادارن واري ٻٽي نظام خلاف ڏنل پنهنجي ردعمل وانگر“هڪ سنڌ هڪ نظام” وارو نعرو کڻي حڪمرانن جي اهڙي هر ڪوشش ناڪام بڻائيندي.

Bookmark the permalink.

Leave a Reply

Your email address will not be published. Required fields are marked *