تازا ترين
  • *وزير اعظم جي درخواست تي وفاق جي نمائندگي جو فيصلو ڪيو: فروغ نسيم *جسٽس فائز عيسيٰ ريفرنس ڪيس ۾ وفاق جي نمائندگي ڪندس: فروغ نسيم *بطور وزير قانون مون عهدي تان استعيفيٰ ڏني آهي: فروغ نسيم *منهنجي دل ۾ عدليا جي لاءِ عزت ۽ قانون جي پاسداري آهي: فروغ نسيم*
  • *ڀرياسٽي ۽ ڀرپاسي ۾ رولو ڪتن 8 ڄڻن کي ڏاڙهي وڌو *ٽن عورتن سميت 8 زخمين کي اسپتال منتقل ڪيو ويو*
  • *دادو ۾ نوجوان ناري جي ڪورونا ٽيسٽ رپورٽ پازيٽو اچي وئي *ڊاڪٽر رشيد قريشي جي پنجن گهرڀاتين سميت 16 ڄڻن جي رپورٽ نيگيٽو اچي وئي *
  • * وڏي وزير سيد مراد علي شاهه سان ورلڊ هيلٿ آرگنائيزيشن جي ڪنٽري ڊائريڪٽر جي ملاقات *ملاقات دوران صحت واري وزير عذرا پيچوهو، پرنسپال سيڪريٽري ۽ ٻيا به شريڪ *اسان وٽ ڪورونا جي حوالي سان روزانو 6600 ٽيسٽ ڪرڻ جي گنجائش آهي: وڏو وزير *شهري ٽيسٽ ڪرائڻ ۾ ايترو سهڪار نه ڪري رهيا آهن، جيترو ڪرڻ گهرجي: مراد علي شاهه *
  • ڪوٽڙي ۾ وڌيڪ هڪ ڄڻي کي ڪورونا جي تصديق، متاثرن جو انگ 24 ٿي ويو *22مان هڪ ڄڻي جي ڪورونا ٽيسٽ رپورٽ پازيٽو اچي وئي * ڪورونا متاثر کي گهر ۾ ئي آئيسولٽ ڪيو ويندو: ڊي ايڇ او *
  • *قاضي احمد ۾ ڌارين کي جعلي ڊوميسائيل جاري ڪرڻ خلاف احتجاجي ريلي ڪڍي وئي *مختلف سياسي سماجي قومپرست تنظيمن جي اڳواڻن ۽ شهرين پاران ريلي ڪڍي وئي *
  • *سنجهورو: ڪشمير بارڊر تي دل جي دوري سبب فوت ٿيل فوجي جوان جو مڙهه ڳوٺ پهچايو ويو *فوجي جوان ڪاشف جٽ جو مڙھ مظفر آباد کان سندس اباڻي ڳوٺ 23 چڪ پهچايو ويو *
  • *سانگهڙ ۾ ڪورونا متاثر فوڪل پرسن جي ٻيهر ٽيسٽ رپورٽ پازيٽو اچي وئي *ڪورونا متاثر ڊاڪٽر شبير چنا جي ٻيهر ٽيسٽ رپورٽ پازيٽو اچي وئي *
  • *ڪنڊيارو شهر جي محبت ديرو ناڪي وٽ پئٽرول ڀرائڻ دوران چنگچي کي باهه لڳي وئي *مالڪ ٽپو ڏئي پاڻ کي بچايو، شهرين پهچي باهه وسائي ورتي، چنگچي سڙي وئي*
  • *ڊکڻ ويجهو پوليس جي ٽن مقتولن جا جوابدار گرفتار ڪرڻ لاءِ ڳوٺن تي چڙهائي، 2 گهر ۽ اوطاق ڊاهي پٽ*
  • *عمرڪوٽ: مسمات بشرا خاصخيلي کي تذليل ۽ تشدد جو نشانو بڻائڻ وارو معاملو *عمرڪوٽ: پوليس گذريل ڏينهن 3 جوابدارن کي گرفتار ڪرڻ کانپوءِ اڄ ميڊيڪل لاءِ اسپتال آندو *جوابدارن عرس کاڙت، قيوم کاڙت ۽ ربنواز کوسي جو ڊي اين اي ڪرايو ويو: پوليس *عورت ٿاڻي تي پهچي جوابدارن تي تشدد ۽ زيادتي ڪرڻ جو الزام هنيو هو: پوليس *
  • * اسلام آباد: احتساب عدالت ۾ راجا پرويز اشرف جي نيب ريفرنس ۾ بريت واري درخواست *رينٽل پاور ڪرپشن ڪيس جي فيصلي جي لاءِ 25 جون جي تاريخ مقرر *
  • *لاڙڪاڻي جي چانڊڪا اسپتال جي آءِ سي يو وارڊ ۾ داخل 70 ورهين جو مريض فوت *لاڙڪاڻو : گذريل ٽن ڏينهن کان سيد گلزار شاھ آءِ سي يو وارڊ ۾ وينٽيليٽر تي هو*
  • *سکر: سنڌ بار ڪائونسل جي سڏ تي هاءِ ڪورٽ، سيشن ڪورٽ ۽ ماتحت عدالتن ۾ عدالتي ڪارروائين جو بائيڪاٽ *ميرپور ماٿيلو ۾ وڪيل گل فيروز ڪلوڙ کي گرفتار ڪرڻ خلاف وڪيل برادري طرفان مظاهرا *
  • *ڪراچي جهاز سانحو: سڙي زخمي ٿيل نينگري سول اسپتال ۾ زخمن جا تاب نه سهندي فوت، 84 لاش سڃاڻپ بعد وارثن حوالي*

ڪراچي ڪو لولو ناهي جو ڪانءُ کسي ويندو!

مڃون ٿا ته فروغ نسيم مناسب ڳالهه نه ڪئي، ايم ڪيو ايم وارا ڪراچيءَ کي الڳ ڏسڻ گهرندا آهن، وارو ملندي ئي اهڙي ڳالهه ڪندا رهندا آهن، هيءَ ڪا نئين ڳالهه ناهي، هنن جون تقريرون موجود آهن، پريس ڪانفرنسون رڪارڊ تي رکيون آهن، رڪارڊ تي اسان جو ردعمل به بيانيو بڻيو رکيو پيو آهي. پر هن جيڪا ڳالهه ڪئي آهي، ڇا اها اسان جو اهڙو رد عمل لهڻي؟ فروغ نسيم جي حيثيت ڪهڙي آ، هن جي اهميت ڇاهي، هو پارٽي جو اڳواڻ به ڪانهي، راءِ به هن ذاتي حيثيت ۾ رکي آهي، هن جي راءِ اسٽريٽجڪ ڪاميٽي جي تجويز به نه بڻي آهي، ڪاميٽيءَ ان ڳالهه کي اڃان پنهنجين سفارشن ۾ شامل نه ڪيو آهي. ڳالهه وزيراعظم تائين نه پهتي آهي، قبوليت جي سنَدَ به نه ملي اٿس، اهڙي ڪابه شيءِ نه ٿي آهي جيڪا اسان کي پنهنجن ڪمن کان سيڙائي، احتجاج سان لڳائي ڇڏي. اهڙيون ڳالهيون ٿينديون رهنديون آهن، ڪرڻ وارا ڪندا آهن، پاڻهي ڦڪا ٿيندا آهن، هٿ ڪجهه نه ايندو اٿن. منهنجي به گهڻو ئي دل چاهيو ته لئيءَ مان لٺ ڀڃي الاتوهار وارن ۾ شامل ٿي وڃان، ڳالهه کي اهڙي نموني کنيو ويو آهي جو جذباتي رد عمل نه رکڻ وارو ڪانئر ٿو ليکيو وڃي، پر وزير قانون جي ڪيل ڳالهه تي غور ڪرڻ سان اهو پارو نٿو چڙهي جيڪو ان حوالي سان هڪٻئي جي ريس تي چڙهي ٿو. ڳالهه آئين جي هڪ آرٽيڪل جي حوالي سان ڪيل آهي، اهو آرٽيڪل جيڪو آئين ۾ ذوالفقار علي ڀٽو وڌو هو ۽ اهو آرٽيڪل 149 صوبائي خودمختياري کي يقيني بڻائڻ واري 18هين ترميم ۾ به باقي رکيو ويو، تنهن جي معنيٰ ته اهڙو ڪو خراب آرٽيڪل به نه هو، ته پوءِ ان جي ايپليڪيشن ڪيئن بُري ٿي؟ اهو ڪن ماڻهن جي موڊ تي ته ناهي جو ڪڏهن ان کي برو سمجهن ته برو آهي، چڱو چون ته چڱو آهي!!آرٽيڪل 149 (4) نه مارشل هڻڻ جي ڳالهه ٿو ڪري، نه گورنر راڄ لاڳو ڪرڻ جي ضرورت ٿو ٻڌائي، نه صوبائي حڪومت کي هيڏي هوڏي ٿو ڪري، رڳو خط لکي صورتحال بابت پُڇا ڪرڻ جي ڳالهه ٿو ڪري، جيڪڏهن وفاق کي ايترو حق به ناهي ته سندس اهو حق 18هين ترميم ۾ اُڏاري ڇڏجي ها، برقرار رکڻ وارن کي هاڻي اعتراض ڪرڻ نٿو ٺهي، جيڪڏهن صوبن جا آئيني حق ۽ اختيار آهن ته وفاق جا به آهن، استحقاق باهمي آهي، هڪ طرفو ته ناهي، باقي جيڪڏهن ان حوالي سان ڪو وڌاءُ ٿو ڪري ته اها ان جي بدنيتي هوندي، اهڙي ڪنهن جي به نه هلندي، آئين جي تشريح عدالت ڪندي، ايتري دلجاءِ ڪري سگهجي ٿي. ڪراچيءَ کي ڪسٽڊي ۾ وٺڻ ۽ کسڻ جهڙيون ڳالهيون ڪن جون ڊاڙون ٿي سگهن ٿيون، حقيقت نه!
اسان کي پنهنجي انداز ۽ مزاج تي غور ڪرڻ گهرجي، ڇا ڳالهه، ڇا ڳالهه جي ڳر! سنڌ جي حڪومت ٿي ته مقدس ٿي وئي ڇا؟ پڇاڻي کان بالاتر ۽ حساب ڪتاب کان آجي ٿي وئي ڇا؟ اختيار آئين کان ئي وٺندي، ذميواريون به آئيني طرح ادا ٿينديون، ورجن آئي لينڊ ته ڪونهي جو ڪنهن ملڪ جو قانون اپلاءِ نه ٿئي!! هڪ وڏي ۾ وڏو شهر آ، هوندي سوندي به ان جا مسئلا حل نٿا ٿين، شهري حڪومت کان به نٿا ٿين، صوبائي حڪومت به لاچار ڏيکاري، هر ڪو نابري واري بيهي رهي، اهڙي حال ۾ مرڪزي حڪومت ڪجهه ته پڇندي، پڇڻ ڏوهه ٿي پيو ڇا؟ آرٽيڪل 149 به ته پڇڻ، سمجهڻ، صلاح ڏيڻ، هدايتون ڏيڻ جي ڳالهه ٿو ڪري، کسڻ، ڌاڙو هڻڻ جي ته ڳالهه ئي ان ۾ ڪونهي ته پوءِ الزامن ۾ اهڙا لفظ ڪيئن ٿا اچن؟ آئين کان ٻاهر جڏهن قدم کڄي تڏهن چئجي، امڪانن جي بنياد تي قيامت کڙي ڪرڻ جي ڪهڙي ضرورت آهي.
هي هڪ مُلڪ آهي، ان جي مرڪزي حڪومت آهي، اها اگر صوبائي حڪومت سان ڪنهن مسئلي تي لکپڙهه ڪندي ته ان ۾ ڇاهي؟ هو جي چوي ته ڪراچي جي مسئلن کي ڏسو، عوام جا اهنج دور ڪريو، ايتري ڳالهه ڪرڻ ۾ ڪهڙي بُرائي آهي؟ ڪراچي ڪو ٻار جي هٿ ۾ ماني ڳڀو ته ڪونهي جو ڪانءُ کسي ويندو! اسان جي يارن ۽ اسان پارن اچي جو ڳالهه کي ورتو آهي سڀ ڪم وسري ويا آهن. ايڏو حساس ٿيڻ اسان جي ذهني صحت تي شڪ پيدا ڪندو، هن دنيا ۾ رهون ٿا، دنيا کان ٻاهر ناهيون، نازڪ ٿينداسين ته نه چئي سگهنداسين، ٽاڪوڻا ٿينداسين ته ٽٽي پونداسين. دنيا اسان جي دل تي نٿي هلي، ماڻهو اسان جي موڊ تي ته نه هلندا، هر ڪو پنهنجي ڳالهه ڪندو آ، هر ڪنهن کي ڪرڻ ڏجي، جواب ڏجي پنهنجو موقف پيش ڪجي، قائل ڪجي، ڪانئر کي ڪوڙو ڪجي، سياسي سطح تي سياست وارا، آئيني طور آئين جا ماهر اهو سڀ ڪري سگهن ٿا، اسيمبليون به فورم آهن، اتي موقف جي معنيٰ هوندي آهي، مڃتا به ٿيندي آهي.
پر ٿئي ڇا ٿو، ڪنهن واتان ڪجهه چيو ناهي، اسان جو گوڙ گهمسان، زمين آسمان هڪ ڪري ڇڏينداسين، جيئن رات جي وقت ڳوٺ ۾ چور چور ٿيندي آ ته هر ڪو گهران لٺ باٺو کڻي نڪرندو آهي، ايئن نڪري ٿا پئون، سوشل ميڊيا تي “ورلڊ وار” ويٺا وڙهون، گار جي ڳهي ٿو پوي، اختلافي ڳالهه ڪرڻ واري جي ڀيڻ ماءُ هڪ ٿا ڪري ڇڏيون، ماڻهن جا وات بند ڪرائڻا آهن، جواب ناهي ڏيڻو، ڪوڙو ناهي ڪرڻو، رد ناهي ڪرڻو، پنهنجو سچ پيش ناهي ڪرڻو، وڏيري کان وٺي وقت جي حڪومت جون سڀ بيواجبيون سهي وڃون باقي جيڪو نه وڻي ان جو اختلاف به نه سهون.اهڙيون مُڙسيون ٻيءَ ٽينءَ ڪندا آهيون، ڪي اتفاق سان ور چڙهي ويندا آهن، ڪي ڄاڻي واڻي چيڙائيندا آهن، چڙي ويندا آهيون، جڏهن تڏهن دنگل ٿيندا آهن، گورنر راڄ جي افواهه تي ايئن ڪيوسين، فارورڊ بلاڪ جي شوشي تي شور ڪيوسين، 18هين ترميم جي ختم ڪرڻ جي خواهش ظاهر ڪرڻ وارن کي ذليل ڪري رکيوسين، اڄڪلهه فضول ڳالهه ڪرڻ تي فروغ نسيم جي زبان ڪاڪڙي کان ڇڪي رهيا آهيون.
اسان سان اختلاف لفظن ۾ ڪونه ڪري عمل ۾ ڀلي ڀيل ڪري ڇڏي، وسيلا ڦري يا فنڊ ڦٻائي ڇڏي، حق ماري يا حق کائي، ڪجهه به نه چونداسين، هر نقصان ڪري پر پنهنجو سڏائي، ڪجهه چئونس ته پوءِ چئو، ڀلي مفاهمت ڪري ڌارين کي اتحادي بڻائي، اسان جو کڻي هنن کي کارائي، کائڻ وارا به کائي وڃن چونداسين پنهنجو نصيب ٿا کائن، باقي جي اهڙي يا ڪنهن به ڳالهه تي ٻين مهڻو ڏنو يا سوال اٿاريو ته خار کائينداسين، چونداسين تون ڪير ٿيندو آن؟ تنهنجي ته ….. دُون ڀڃي ڇڏينداسين!
اسان کان ٻيو ڪم ٿئي نه ٿئي احتجاج ڏاڍو سٺو ٿيندو آهي، احتجاج پوءِ ڇا تي به هجي، جنهن جي حق ۾ وڃي، حق ۽ ناحق جي چڪر ۾ نه پوندا هون، بس جيڪا ڳالهه نه وڻي ۽ جنهن تي چِڙَ اچي! سدائين جنهن جي مخالفت ڪنداسين ٿوري ڳالهه تي غصو ٿُڪي ڇڏينداسين، نرم ڳالهايائين ته اسان جو ابو! سڀ بيواجبيون وساري ڇڏينداسين، سارا ناحق نظرانداز ڪري ڇڏينداسين، ان کان وڌيڪ ٻيو سڄڻ نه هوندو، هن جو دشمن اسان جو دشمن! اهڙي موڊ جا شهنشاهه آهيون.

Bookmark the permalink.

Leave a Reply

Your email address will not be published. Required fields are marked *