تازا ترين
  • *ملڪاڻي شريف: ايل بي اوڊي سم نالي سميت ننڊن ٻين نالن کي لڳل گھارن جو پاڻي نيڪال نه ٿيو *گهارن سبب سوين ڪچا گھر ڪري پيا، سوين ايڪڙن تي بيٺل فصل تباهه *پاڻي نيڪال نه ٿيڻ خلاف سنڌ آبادگار ۽ عوامي تحريڪ جي ڪارڪنن جي اڳواڻي ۾ احتجاج *پاڻي نيڪال جا لنگھه بند ٿيڻ ڪري ھر سال برساتن دوران نقصان ٿيندو آهي: احتجاج ڪندڙ*
  • *ميرپورخاص ۾ ٻوڏ متاثرن جو واهر نه ٿيڻ خلاف احتجاج، راشن من پسند ماڻهن ۾ ورهائڻ جا الزام *فاقا ڪشي واري زندگي گهاري رهيا آهيون، واهر ڪئي وڃي: احتجاج ڪندڙ ٻوڏ متاثر*
  • *نوشهروفيروز: ڀرٽ ۽ سولنگي تڪرار کي ختم ڪرائڻ لاءِ وڪيلن جو منٿ ميڙ قافلو سولنگين وٽ پھتو *قافلو پهرين مرحلي ۾ سولنگي برادري وٽ مناهي پهتو، سولنگي برادري پاران مھلت طلب *سولنگي ۽ ڀرٽ ڌرين ۾ هلندڙ تڪرار ۾ هن وقت تائين ٻنهي ڌرين جا 4 ڄڻا قتل ٿي چڪا*
  • *کپرو: نوجوان شھريار قائم خاني جا قاتل گرفتار نه ٿيڻ خلاف وارثن جو احتجاجي مظاهرو *هڪ مهينو گذرڻ باوجود پوليس جوابدار گرفتار ناهي ڪري سگهي: احتجاج ڪندڙ *پوليس قاتلن کي پروٽوڪول ڏئي رهي آهي: پيءُ علي قائمخاني*
  • *جوهي ۾ بدامني خلاف شهرين جو ٿاڻي آڏو احتجاجي مظاهرو *ٻوڏ جي ماريل ماڻهن جو ڏوهارين به جيئڻ جنجال ڪري ڇڏيو آهي: احتجاج ڪندڙ *پوليس ۾ ساٿاري ۽ ڀوتارن جي پٺڀرائي هجڻ ڪري ڏوهاري سرعام گهمي رهيا آهن: احتجاج ڪندڙ *
  • *جاتي: برساتن کانپوءِ گندو پاڻي واپرائڻ سبب گيسٽرو جي مرش ۾ واڌ، اسپتال ۾ دوائن ۽ بيڊن جي کوٽ *اسپتال ۾ بيڊن جي کوٽ سبب مريض وارڊن ۾ فرش تي پيل، دوائون نه ملڻ جون به دانهون *
  • *ڄامشورو: بنيادي سهولتن جي کوٽ خلاف جدوجهد ڪميٽي پاران 24 ڪلاڪن واري علامتي بک هڙتالي ڪئمپ قائم *ڄامشورو اوور هيڊ برج هيٺيان لڳايل ڪئمپ ۾ وڏي انگ ۾ سياسي توڙي سماجي اڳواڻ ۽ شهري شريڪ *ڪامورن علمي درسگاهن جي شهرکي تباهه ڪري ڇڏيو آهي: اڳواڻ *شهر ۾ پاڻي جي کوٽ سميت رستن ۽ گهٽين ۾ گندگي جا ڍير لڳل آهن:احتجاج ڪندڙ *شهر مان اڃا تائين برساتي پاڻي نيڪال ناهي ٿي سگهيو، ضلعي انتظاميا ڪو ترقياتي ڪم ناهي ڪرايو: اڳواڻ*
  • *سنڌ ٽيڪسٽ بڪ بورڊ پاران تيار ڪيل نائين ڪلاس جو بائلاجي ڪتاب ۾ ڇپيل سيليبس ۽ بورڊ طرفان ڏنل سيليبس ۾ فرق *بورڊ پاران جاري ڪيل ليٽر وارا سيليبس ڪتاب ۾ موجود ئي نه آهن: استاد *سيليبس ۾ فرق هئڻ ڪري اسڪولن جا شاگرد ۽ استاد پريشان *بورڊ پاران جاري ڪيل ليٽر وارا سنڌ ٽيڪسٽ بورڊ جي ڪتابن جي کوٽ*
  • *اسلام آباد: ام رباب جي ٽن گهرڀاتين جو قتل ڪيس، سپريم ڪورٽ پاران روپوش جوابدار گرفتار ڪرڻ جو حڪم *چيف جسٽس جي سربراهي ۾3 رڪني بينچ 24 سيپٽمبر جي ٻڌڻي جو حڪم نامو جاري ڪيو *عدالت پاران ڊي آءِ جي حيدرآباد پاران پيش ڪيل رپورٽ تي عدم اطمينان جو اظهار *ڊي آءِ جي ايندڙ ٻڌڻي تي روپوش جوابدارن کي گرفتار ڪري عدالت کي آگاهه ڪري: حڪم نامو*
  • *اسلام آباد: بحريا ٽائون ڪراچي پاران قسطن جي ادائيگي لاءِ 2 سال مهلت گهرڻ بابت ڪيس جو حڪم نامو جاري *سپريم ڪورٽ 16 سيپٽمبر جي ٻڌڻي جو تحريري حڪم نامو جاري ڪري ڇڏيو *بحريا ٽائون جي وڪيل پاران درخواست واپس وٺڻ جي بنياد تي ڪيس اڪلايو ويو آهي: حڪم نامو *بحريا ٽائون 460 ارب رپيا ادا ڪرڻ لاءِ قسطن ۾ٻن سالن تائين مهلت گهري هئي *
  • *عمرڪوٽ ويجهو زميندار جي نجي جيل تي ڇاپو، 27 هاري بازياب *ڊسٽرڪٽ اينڊ سيشن جج عمرڪوٽ جي حڪم تي پوليس ڪارروائي ڪئي *بازياب ڪرايل هاري فرسٽ ايڊيشنل سيشن جج عمرڪوٽ جي عدالت ۾پيش *
  • *حيدرآباد تعليمي بورڊ ڏهين جماعت جي 2020 جي نتيجا جاري ڪرڻ جو اعلان ڪري ڇڏيو *ڏهين جماعت جي سائنس ۽ جنرل گروپ جا نتيجا اڄ شام 5وڳي جاري ڪيا ويندا*
  • *دادو: ميهڙ ۾ ٽن ڄڻن جي قتل ڪيس جي ڪرمنل ٽرائل ڪورٽ ۾ ٻڌڻي *مقتولن جي وارث اِم رباب چانڊيو سميت سردار احمد چانڊيو، ايم پي اي برهان خان چانڊيو ۽ ٻيا جوابدار عدالت ۾ پيش *سردار احمد ۽ برهان کي جوابدارن واري ڪٽهڙي ۾ ويهاريو ويو، وڪيلن جا دليل جاري*
  • *نيوسعيدآباد ويجهو جمالي برادري جي ٻن ڌرين ۾ هلندڙ تڪرار ٻيهر ڀڙڪي اٿيو *ڳوٺ پاھڙ جمالي ۾ جمالي برادري جي ٻن ڌرين ۾ هلندڙ زميني تڪرار تان هڪ ٻئي جي گھرن مٿان فائرنگ *فائرنگ سبب علائقي ۾ خوف، ڌريون مورچا بند*
  • *ڪراچي: احتساب ڪورٽ ۾ سمنڊ ڪناري سرڪاري زمين جي غير قانوني الاٽمينٽ وارو ڪيس *پي ايس پي چيئرمين مصطفيٰ ڪمال ۽ ٻيا عدالت مان غير حاضر*

ڪراچي جي مالڪي ڪير ڪندو؟

عيدالاضحيٰ سموري ملڪ ۾ ملهائي وئي، سنت ابراهيمي تحت قربانيون به ڪيون ويون، وزيرن مشيرن پاران عوام کي مبارڪون به ڏنيون ويون. ڪورونا وائرس سبب سمنڊ ۽ ٻيا تفريحي ماڳ عيد جي ڏهاڙن ۾ مڪمل بند رهيا، پر ڪي اليڪٽرڪ عيد ڏهاڙن ۾ به عوام کي نه بخشيو ۽ ڪلاڪن جا ڪلاڪ بجلي جي لوڊشيڊنگ عوام کان دانهون ڪڍرائي ڇڏيون.
سنڌ حڪومت پاران ڪراچي ۾ قرباني لاءِ ايس او پيز جاري ڪيون جن تحت ڪنهن کي به گلي محلي ۾ قرباني ڪرڻ جي اجازت نه هئي صرف اجتماعي قرباني ڪرڻ جي اجازت ڏني وئي هئي پر انهن ايس او پيز تي ڪٿي به عمل ٿيندي نظر نه آيو جنهن جو سبب ڪجهه عوام جي ڪوتاهي ته ڪجهه سنڌ سرڪار جي نااهلي به هئي. عوام سنت ابراهيمي پنهنجي گلين محلن ۾ ادا ڪئي جنهن سبب روڊ رستا جانورن جي رت ۽ اوجهه سان ڀريل نظر آيا، پر اتي ئي سنڌ سرڪار جانورن جي اوجهه ۽ انهن جي باقيات کڻڻ لاءِ سنڌ سالڊ ويسٽ مينجيمنٽ جي ماتحت 140 پوائنٽون قائم ڪيون جنهن جو ڪم اجتماعي قرباني وارن هنڌن کان ويندي گلين محلن مان جانورن جي اوجهه سميت ٻيو گند ڪچرو کڻي انهن پوائنٽس تي پهچائڻ هو ته جيئن شهر ۾ گندگي نه پکڙجي پر سنڌ سالڊ ويسٽ مينجمنٽ جو عملو عيد جا ٽئي ڏهاڙا ڪٿي به نظر نه آيو جنهن سبب سڄي ڪراچي جي روڊن رستن تي جانورن جا اوجهه ۽ ٻئي باقيات ڌيرن جي صورت ۾ پيل رهي ۽ عوام به سخت پريشان نظر آيو.
صوبائي وزير سعيد غني به ڪراچي جي دوري دوران پان ان ڳالهه کي مڃيو ته سنڌ سالڊ ويسٽ مينجمنٽ جانورن جا اوجهه ٺڪاڻي لڳائڻ ۾ ناڪام ويو آهي، ۽ سنڌ سالڊ ويسٽ مينجمنٽ جو چيئرمين خود وڏو وزير مراد علي شاهه آهي، جڏهن وڏي وزير جي ماتحت اداري جي ڪم تي صوبائي وزير سوال اٿارين ته پوءِ شهر جي صورتحال بابت ٻيو ڇا چئي سگهجي ٿو.
ڪالهه وڏو وزير پاڻ ڪراچي جي دوري تي نڪتو ۽ عملدارن کي ڇنڊ به پٽيائين ۽ عملي ڦڙتي به ڏيکاري سنڌ سالڊ ويسٽ مينجمنٽ جي عملي جي ڦڙتي به ان وقت تائين هئي جنهن وقت تائين سي ايم سنڌ روڊن تي هيو. اتي ان ڳالهه جو به ذڪر لازمي ڪرڻ گهرجي ته ڪراچي جي صفائي ۽ قرباني بعد جانورن جا اوجهه کڻڻ وارو مامرو سنڌ هاءِ ڪورٽ ۾ به اٿيو هو ۽ جسٽس خادم حسين شيخ لکت ۾ فيصلو جاري ڪندي سنڌ سرڪار، سنڌ سالڊ ويسٽ مينجمنٽ ۽ ٻين لاڳاپيل اختيارين کي حڪم ڏنو هو ته عيدالاضحيٰ دوران جانورن جا اوجهه ۽ ٻئي باقيات ٺڪاڻي لڳائڻ لاءِ جنگي بنيادن تي قدم کنيا وڃن ۽ برساتن جو پاڻي جتي به بيٺل آهي ان کي فورن نيڪال ڪري رپورٽ پيش ڪئي وڃي پر انهن ٻنهي معاملن تي سنڌ سرڪار توڙي لاڳاپيل اختياريون عمل ناهن ڪري سگهيون. هاڻ 13 آگسٽ تي جڏهن سنڌ سرڪار ۽ لاڳاپيل اختياريون جڏهن رپورٽون عدالت ۾ پيش ڪنديون ته ڏسڻو آهي ته انهن رپورٽن ۾ ڇاٿو ڄاڻايو وڃي تنهن بعد عدالت ڪهڙي ڪارروائي ڪري ٿي سنڌ سرڪار ۽ ٻين اختيارين خلاف اهو وقت ئي ٻڌائيندو.
موسميات کاتي 6 تاريخ کان طوفاني برسات جي اڳڪٿي ڪئي وئي آهي موسميات کاتي پاران جاري ڪيل اڳڪٿي ۾ ڄاڻايو ويو آهي ته بنگال نار کان برساتي سلسلو خميس 6 آگسٽ کان سنڌ جي حدن ۾ داخل ٿيندو، جنهن دوران تيز طوفان ۽ برسات جو امڪان آهي. بنگال کان ايندڙ برساتي سلسلي سبب ڪراچي، حيدرآباد، بدين، ٽنڊو محمد خان، ٽنڊوالهيار، ٺٽي، مٽياري، ڄامشوري، دادو، شهيد بينظير آباد، عمرڪوٽ، ۽ سانگهڙ واري پاسي ٽن ڏينهن تائين برسات ۽ تيز طوفان جاري رهي سگهي ٿو، برساتن جي انهي سلسلي دوران ڪراچي ۽ حيدرآباد ۾ شهري ٻوڏ اچي سگهي ٿي. پهريان جيڪي برساتون پيون انهن ڪراچي کي ٻوڙي ڇڏيو هو ۽ هاڻ جڏهن طوفاني بارشون اچن پيون ته پاڻ اندازو لڳائي سگهو ٿا ته اهي بارشون عوام لاءِ ڪيتريون تڪليفون کڻي ايندو. ٻئي پاسي وزيراعظم عمران خان پاران اين ڊي ايم کي ڪراچي جي نالن جي صفائي ۽ برسات جي پاڻي جي نيڪالي جون هدايتون ڏنيون آهن ۽ اين ڊي ايم اي ايف ڊبليو او کي اها ذميواري سونپي آهي ۽ ايف ڊبليو او وارن ڪالهه کان نالن جي صفائي ۾ پنهنجن اهلڪارن کي لڳائي ڇڏيو آهي. ان سموري صورتحال کي ڏسي ڪٿي عوام کي آٿت ته آئي آهي ته هاڻ جيڪي برساتون پونديون انهن ۾ ڪراچي ۾ ٻوڏ جي صورتحال پيدا نه ٿيندي پر اتي ئي عوام اهو به سوال اٿاري پيو ته ڪراچي جا نالا به جيڪڏهن ڪي ايم سي، ڊي ايم سي ۽ سنڌ سرڪار صاف نه ٿا ڪري سگهن ته پوءِ اهي ادارا آخر ڪراچي جي عوام لاءِ ڇا ٿا ڪن؟ سوال اهو اٿي ٿو ته ڪي ايم سي فنڊن جون دانهون ڪندي آهي ۽ سنڌ سرڪار پاران ڪروڙين رپيا صرف نالن جي صفائي جي نالي تي خرچ ڪرڻ جون دعوائون ڪيون ويون آهن پر هن شهر جو حشر چند منٽن جي برسات ۾ پڌرو ٿي پوندو آهي. ضرورت ان ڳالهه جي آهي ته ڪراچي سميت سنڌ جي سمورن شهرن ۾ برساتي پاڻي جي نيڪال لاءِ ڪا مستقل ۽ اثرائتي حڪمت عملي جوڙي وڃي جيئن هر دفعي برساتي پاڻي جي نيڪال لاءِ ڪروڙين رپين جا فنڊ ڪرپشن جي ور چاڙهڻ کان بچي سگهن ۽ عوام به انهي ئي عذاب مان نجات حاصل ڪري سگهي.

Bookmark the permalink.

Leave a Reply

Your email address will not be published. Required fields are marked *