تازا ترين
  • *حيدرآباد: سلاوٽ پاڙي ۾ 11 هزار ڪي وي واري تار ڪري پئي، رهواسي خوف ۾ مبتلا*
  • *سکر ۾ پرسرار نموني گم ٿي ويل 2 ٻارڙا جنسار عرف جنار ۽ عدنان عرف دعنان هٿ، هڪ شڪي گرفتار*
  • *جيڪب آباد: مغوي زال ۽ نياڻي کي بازياب ڪرائڻ بدران پوليس اهلڪار طعنا ڏيندا آهن: جيڪب آباد ۾ پيرسن پوليس اهلڪار جو احتجاج * جيڪب آباد: حاجي سليم منهنجي زال ۽ ڌيءُ کي اغوا ڪيو آهي، پوليس بازياب نه ٿي ڪرائي: اڪرم لاشاري * جيڪب آباد: اغوا ڪيس ۾ هڪ جوابدار قالو کي گرفتار ڪيو ويو آهي، ٻين کي به جلد گرفتار ڪيو ويندو: پوليس *
  • *گهوٽڪي ميونسپل آفيس جو رڪارڊ چوري ڪرڻ وارو ڪيس: ضمانت رد ٿيڻ بعد ميونسپل ڪميٽي جو چيئرمين ۽ اڪائونٽنٽ کسڪي ويا * گهوٽڪي: ميونسپل آفيس جو رڪارڊ چوري ٿيڻ جو الزام آهي، اينٽي ڪرپشن عدالت سان رابطو ڪيو: عدالت * گهوٽڪي: سيد اصغر علي شاهه ۽ محبوب ڪولاچي تي ميونسپل آفيس جو سمورو رڪارڊ چوري ڪرڻ جو الزام آهي *
  • *ميرپور ساڪرو/ڌاٻيجي: نجي ڪمپني جي مبينا زيادتين خلاف ۽ مطالبن جي مڃتا لاءِ پورهيتن، مهاڻن ۽ ٻين جو ڪوسٽل هاءِ وي تي ڌرڻو * ميرپور ساڪرو/ڌاٻيجي: مقامي مهاڻن کي چيڪنگ بعد ڇڏيو ويندو آهي، جنهن لاءِ سندن قيمتي وقت ضايع ٿئي ٿئي: مظاهرين * ميرپور ساڪرو/ڌاٻيجي: سڪيورٽي گارڊز جا جائز مسئلا حل ڪري ڪمپني ۾ مقامي ماڻهن کي ڀرتي ڪيو وڃي: مطالبو *
  • *جيڪب آباد:”بنگلي آڏو ڪار ڇو بيهاري اٿئي“ جيڪب آباد ۾ پ پ سان واڳيل ضلعي ڪائونسل جي ميمبر جو هندو نوجوان نڪيش ڪمار تي تشدد، رتورت * جيڪب آباد: سردار زاده قادر خان کوسي تشدد ڪيو ۽ سندس محافظ ڪار جي شيشا ٽوڙيا: متاثر شخص نڪيش ڪمار * جيڪب آباد: واقعي جو ڪيس ٻن مک جوابدارن ۽ 8 اڻسڃاتل ماڻهن خلاف داخل، گرفتاري عمل ۾ نه آئي *
  • ڀلي سڀئي ڪرپٽ ليڊرز گڏجي وڃن،چورن کي نه ڇڏيندس ، 4سال سڪون سان گذارڻ لاءِمشرف جيان اين آر او نه ڏيندس:وزيراعظم جي اپوزيشن تي تنقيد*بلاول لبرلي ڪرپٽ آهي، سندس نظرئي سان آئينسٽائين جو روح تڙپيو هوندو،نواز شريف لاءِ گارنٽي گهري ته شهباز شريف ڊراما شروع ڪيا *اسلام آباد۾فضل الرحمان جي سرڪس مان ڪمزوردل واراوزيرگهٻرائجي ويا،مون سمجهايو ته ڪجهه نه ٿيندو:موٽروي جي افتتاحي تقريب کي خطاب *
  • فنڪاره ثمينه سنڌو جي قاتل کي 2 ڀيرا عمر قيد جي سزا*دهشتگردي ٽوڙ عدالت 2018ع ۾ شادي تقريب دوران قتل ٿيل فنڪاره جي ڪيس جو فيصلو ٻڌائي ڇڏيو*
  • پاڪستان شاهين ون ميزائل جو ڪامياب تجربو ڪري ورتو*شاهين ون ميزائل 650 ڪلوميٽرز تائين هٿيار کڻي وڃڻ جي صلاحيت رکي ٿو: ڊي جي آءِ ايس پي آر*
  • جسقم چيئرمين سوڌواڍائي هزارڪارڪنن خلاف بغاوت جوڪيس*پيغامِ سنڌ مارچ ڪندڙن خلاف ڪيس داخل ڪيو ويو،دهشتگردي لاءِڀڙڪائڻ۽رياستي ادارن خلاف نعريبازي جاالزام *
  • پنهنجا کيسا ڀرڻ لاءِ مل کي تباهه ڪيو ويو: سُپريم ڪورٽ اسٽيل ملز جي زمين وڪرو ڪرڻ کان روڪي ڇڏيو: وفاقي سرڪار جو موقف رد*اسٽيل ملز جي ملازمن کي پرويڊنٽ فنڊز ڏيڻ لاءِ پئسا ناهن، پگهارون ڏيڻ لاءِ ملز جي زمين وڪرو ڪري رهيا آهيون: وفاقي سرڪار جو وڪيل*ملز جي زمين عوامي ملڪيت آهي، وڪرو نٿي ڪري سگهجي، اڳي گاڏيون، ٽرڪ ۽ راڪيٽ ٺهندا هئا، هاڻي ملز ۾ پيداوار ٻُڙي آهي: عدالت*
  • اوڪاڙه ڀرسان درياهه ۾ ٻيڙي اونڌي، 8 لاش ڪڍيا ويا*ملڪو شيخو ويجهو واقعو پيش آيو، ٻيڙي ۾ 25 کان مٿي ماڻهو سوار هئا، وزيراعليٰ پنجاب طرفان رپورٽ طلب*
  • پي آءِ اي جا ٽشو پيپرز حجام جي دڪانن تي استعمال ٿيڻ لڳا*

ڪارنهن جا الزام ۽ ڪارين جو قبرستان!

سنڌ جي عورت لاءِ هي سماج صديون پڄاڻان به سولو ۽ سهولت ڀريو ناهي. سنڌ جي ٻهراڙيءَ جي عورت انسان هجڻ جي ناتي جن بنيادي حقن جي گهرجائو آهي، سي اڄ به کيس ميسر ناهن. سنڌ جي عورت جيڪا صنفي اڻ برابري سميت هر شعبي ۾ ٻٽي معيار، تذليل، حوس ۽ هراسمينٽ جو شڪار رهي ٿي، تنهن جو داد فرياد ڪندڙ ادارا به گهڻي ڀاڱي انهن مردن تي مشتمل هجن ٿا جن جو رويو عورتن ڏانهن غلام وارو هجي ٿو. شهر هجي يا ٻهراڙي، عورت تعليم يافته هجي يا اڻ پڙهيل پر کين ڪارنهن جي ڪوڙي تهمت هيٺ ڳڀا ڳڀا ڪرڻ واري ڪڌي رسم جي تاريخ تمام گهڻي طويل آهي. اڄ به سنڌ جي اخبارن جون اڪثر خبرون عورتن جي ئي حوالي سان هجن ٿيون. تازو “پنهنجي اخبار” ۾ هڪ ڇرڪائيندڙ رپورٽ شايع ٿي آهي جنهن ۾ ٻڌايو ويو آهي ته صرف جنوري کان آڪٽوبر 2019ع تائين 10 مهينن جي مختصر عرصي ڪارو ڪاري تحت 103 عورتون ۽ 39 مردن کي قتل ڪيو ويو آهي. “پنهنجي اخبار” ۾ ڇپيل ان تفصيلي رپورٽ ۾ سروي ڪندڙ سماجي تنظيم “سهائي سٿ” طرفان جيڪي انگ اکر ڏنا ويا آهن، انهن ۾ سنڌ اندر 18 نياڻين کي زيادتي جو نشانو بڻايو ويو آهي جنهن ۾ ڪجهه نياڻيون زيادتي بعد قتل ڪيون ويون آهن. سنڌ ۾ 21 عورتن کي قتل ڪرڻ جي ڪوشش ڪئي وئي پر علائقي واسين جي طرفان مقامي پوليس کي اطلاع ڏنو ويو جنهن جي نتيجي ۾ انهن عورتن جي زندگي بچائي وئي. سروي مطابق هن وقت عورتن جي حوالي سان جيڪب آباد ضلعو تمام نازڪ آهي، جتي ڪارو ڪاري جي حوالي سان سنڌ جون وڌ ۾ وڌ نياڻيون قتل ڪيون ويون آهن. انهن عورتن جو تعداد 22، مردن جو تعداد 10 آهي. شڪارپور ٻئين نمبر تي آهي جتي ڪارو ڪاري تحت 19 عورتون، 6 مردن جو قتل ڪيو ويو آهي. ڪشمور ضلعي ۾ 20 عورتون، 3 مرد ڪارو ڪاري جي تحت قتل ڪيا ويا. سکر ضلعي ۾ 11 عورتون، هڪ مرد قتل ڪيا ويا. گهوٽڪي ضلعي ۾ 7 عورتون، هڪ مرد ڪارو ڪاري تحت قتل ڪيا ويا. جنوري کان آڪٽوبر تائين سنڌ ۾ مجموعي طور تي 103 عورتون 36 مردن کي ڪارو ڪاري تحت قتل ڪيو ويو آهي. ڪارو ڪاريءَ جو لفظ سنڌ لاءِ نئون ڪونهي پر انهيءَ الزام جنهن جاهلاڻي روايت کي جنم ڏنو، “پنهنجي اخبار” جي پڙهندڙ کي اها خبر پڙهندي وڌيڪ حيرانگي ٿيندي ته چڪ ويجهو هڪ اهڙو قبرستان آهي جتي صرف ڪارنهن الزام هيٺ قتل ٿيل عورتن کي دفنايو ويندو آهي. ان قبرستان کي اڄ به “ڪارين جو قبرستان” سڏيو وڃي ٿو. گهڻو ڪري اتر سنڌ ۾ ڪارنهن ڄڻ ته باقاعده ڪاروبار جي شڪل اختيار ڪري ورتي آهي، جنهن ۾ سڀ کان مک سبب ذاتي پلاند پاڙڻ ۽ ملڪيت ڦٻائڻ سامهون آيا. اهڙو ئي هڪ واقعو ڪجهه عرصو پهريان “پنهنجي اخبار” ۾ ڏهرڪي مان رپورٽ ٿيو جنهن ۾ ملڪيت ڦٻائڻ لاءِ پٽن حج تي ويل ماءُ کي نوجوان سان ڪاري قرار ڏئي ڇڏيو. سماجي ناسور کان وڌيڪ هي معاملو قانوني ۽ رياستي اهميت جو آهي، هاڻ ڪاري ڪاريءَ جو معاملو انگريز دور جي غيرت جو نه پر سڌي قتل جو معاملو ڊڪليئر ٿيل آهي. تنهنڪري اهڙن واقعن ۾ رياست يا قانون اڻ ڌريو ۽ خاموش تماشائي رهي نٿا سگهن. جڏهن ڪارنهن هيٺ ڪنهن کي مارڻ کليو قتل آهي ته پوءِ ڪارنهن جو الزام لڳائڻ پڻ ارادهءِ قتل جي ذمري ۾ اچي ٿو، جنهن تي فوري طور تي قانون کي حرڪت ۾ اچڻ گهرجي. اڪثر واقعن ۾ ڪارنهن جو الزام ملڪيت ڦٻائڻ لاءِ هنيو ويندو آهي پر ڏٺو وڃي ته لڳ ڀڳ سمورن ڪارنهن جي واقعن پٺيان اهڙيون ئي ڪهاڻيون هونديون آيون. تنهنڪري اهڙن واقعن کي فردن جا ذاتي يا گهريلو تڪرار قرار ڏئي نظرانداز نٿو ڪري سگهجي. ضرورت ان ڳالهه جي آهي ته اهڙن افسوسناڪ واقعن جي ڪردارن کي فوري طور قانون جي پڪڙ ۾ آندو وڃي ۽ کين عبرتناڪ سزائون ڏياريون وڃن ته جيئن آئنده ڪوبه ملڪيت جي لالچ ۾ ايئن رشتن جي بي حرمتي نه ڪري سگهي.

Bookmark the permalink.

Leave a Reply

Your email address will not be published. Required fields are marked *