تازا ترين
  • *ڪراچي: سنڌ ۾ سي اين جي اسٽيشنز اڄ به بند، سڀاڻي 8 وڳي کوليون وينديون *هفتي ۾ 4 ڏينهن گيس پريشر گهٽ ڄاڻائي سي اين جي اسٽيشنز بند ڪيون پيون وڃن *صرف سنڌ ۾ سي اين جي اسٽيشنز مالڪن کي پريشان ڪيو پيو وڃي: پرشوتم لال *
  • *خيرپور: عورت سان مبينا طور اجتماعي زيادتي ۽ تشدد، اين سي داخل، وارثن جو احتجاج *شادي شده عورت مومل شيخ کي ٽن ٻارڙن سميت اغوا ڪري ڏاڍائي جو نشانو بڻايو ويو: وارث *5جوابدارن اغوا ڪري زيادتي ڪرڻ سان گڏ تشدد ڪيو: متاثر ناري *جوابدارن خلاف سوڀو ديرو ٿاڻي تي اين سي داخل، وارثن جو جوابدارن جي گرفتاري لاءِ احتجاجي مظاهرو*
  • *آواران ۾ سڪيورٽي فورسز جي ڪارروائي، 4 دهشتگرد مارجي ويا: آءِ ايس پي آر *آپريشن دوران دهشتگردن جا ٺڪاڻا تباهه، وڏي انگ ۾ هٿيار هٿ ڪيا ويا: آءِ ايس پي آر*
  • *گهوٽڪي: عدالت پاران سبزي منڊي ۾ قائم وڪلين جون آفيسون خالي ڪرائڻ واري فيصلي خلاف اسٽي آرڊر جاري *عدالت پاران اسٽي آرڊر جاري ڪرڻ بعد وڪيلن پاران ڊسٽرڪٽ بار ۾ مٺائي ورهائي *عدالت وڪيلن جي حق ۾ اسٽي جاري ڪري وڪيلن سان انصاف ڪيو آهي: وڪيل اڳواڻ *
  • *گمبٽ:16 ڏينهن اڳ مبينا طور اغوا ٿي ويل ٻن عورتن ۽ 2 ٻارڙن کي پوليس بازياب ڪرائي ورتو *حنا ۽ نگينا خاتون سميت ٻن ٻارڙن کي باءِ پاس تان بازياب ڪرايو: پوليس *16 ڏينهن اڳ ٽن جوابدارن هٿيارن جي زور تي ٻن عورتن ۽ ٻن ٻارڙن کي اغوا ڪيو هو: پوليس *بازياب ڪرايل عورتون ۽ ٻار عدالت ۾ پيش، بيان بعد وارثن حوالي *
  • *ڏڪاريل ڏيهه ٿرپارڪر ۾ برساتن بعد هرطرف ساوڪ، ميوا توڙي ڀاڄيون ٿيڻ بعد مارڪيٽ پهچي ويون *گدرا، ڇانهيا، مهيا، چڀڙ ۽ ٻيون ڀاڄيون توڙي ميوا مختلف شهرن جي مارڪيٽن ۾ وڪرو *روڊن تي اسٽال لڳائي ڀاڄيون ۽ ميوا وڪرو، ماروئڙن ۾ خوشي واري لهر *
  • *پيرجوڳوٺ: ٻه ڏينهن اڳ مڙس ۽ ڏيرن هٿان تشدد ۽ تذليل جو نشانو بڻايل عورت سيشن ڪورٽ خيرپور ۾ پيش *تشدد جي مبينا الزام ۾ گرفتار مڙس زال کان معافي وٺڻ بعد عورت جو عدالت ۾ مڙس سان رهڻ جو بيان *عدالت پاران ناري منيران راهوجو کي مڙس عبدالحليم راهوجو جي حوالي ڪري ڇڏيو *
  • *ڏهرڪي:قتل ٿي ويل عنايت شاهه جو لاش قومي شاهراهه تي رکي ڌرڻو، ٽريفڪ معطل *نئون ڪوٽ بس اسٽاپ وٽ ڌرڻي سبب ٻنهي طرفن کان ايندڙ ويندڙ ٽريفڪ معطل *جوابدارن جو پتو لڳائي ورتو آھي، گرفتاي لاءِ پوليس رواني ٿي ويئي آھي: پوليس جي خاطري*
  • *ڀان سيدآباد ۾ بدامني خلاف شهرين پاران جي احتجاجي ريلي ڪڍي وئي *شهر ۾ ڦورن ۽ چورن جو راڄ قائم آهي، پوليس ڏوهارين خلاف ڪارروائي نه پئي ڪري: احتجاج ڪندڙ *
  • *ڪڙيو گهنور ۾ ٻوڏ متاثرن جي واهر نه ٿي، سنڌياڻي تحريڪ طرفان حيدرآباد روڊ تي ڌرڻو *کليل آسمان هيٺ ويٺل آهيون، ٽينٽ ۽ کاڌي پيتي سميت صحت جي سهولت فراهم ڪئي وڃي: ٻوڏ متاثرن جو مطالبو *
  • *گهوٽڪي: عدالت پاران سبزي منڊي ۾ قائم وڪلين جون آفيسون خالي ڪرائڻ واري فيصلي خلاف اسٽي آرڊر جاري *عدالت پاران اسٽي آرڊر جاري ڪرڻ بعد وڪيلن پاران ڊسٽرڪٽ بار ۾ مٺائي ورهائي *عدالت وڪيلن جي حق ۾ اسٽي جاري ڪري وڪيلن سان انصاف ڪيو آهي: وڪيل اڳواڻ *
  • *ڏهرڪي ڀرسان ننڊ پيل ڳوٺاڻو قتل، پوليس واقعي جي جاچ شروع ڪري ڇڏي *ڳوٺ نئون ڪوٽ ۾ اڻڄاتل جوابدار 45سالن جي عنايت علي شاهه جو ڳلو ڪپي فرار ٿي ويا *زخمي حالت ۾ عنايت علي شاهه کي وارث رحيم يار خان اسپتال کڻي ويا جتي هن دم ڏنو *
  • *پي ٽي آءِ سينيٽر اورنگزيب اورڪزئي پاران بني گالا ۾ سرڪاري زمين تي قبضي جو انڪشاف *سي ڊي اي ۽ ايم سي آءِ قبضي واري رپورٽ اسلام آباد هاءِ ڪورٽ ۾ جمع ڪرائي ڇڏي *عدالت پاران سرڪاري ايراضي تي قبضو ڪندڙ سينيٽر ۽ سي ڊي اي آفيسرن خلاف ڪارروائي جو حڪم*
  • *ڪنري ڀرسان گھر جي ڀت ڪرڻ سبب معصوم نينگر دٻجي فوت ٿي ويو *ڳوٺ رامچند ڪولھي ۾ ڀت ڪرڻ سبب11 ورھين جو نينگر لڇمڻ پٽ گلاب ڪولھي دٻجي ويو *نينگر کي ڳڻتي جوڳي حالت ۾ حيدرآباد نيو پئي ويو ته هن رستي ۾ ئي دم ڏئي ڇڏيو*
  • *لاڙڪاڻو: 10 کان مٿي مختلف ڳوٺن جي بجلي گذريل ڪيترن مھينن کان بند، ڳوٺاڻن جو ٽائر ساڙي احتجاج *ٻلھڙجي، بگي ٻنڊي، گاجي ديرو ۽ وڏي وھڻي سميت مختلف ڳوٺن جي رهواسين جو ايئرپورٽ روڊ بند ڪري احتجاج *بلن جي ادائگي باوجود رشوت طلب ڪئي وڃي ٿي، نه ڏيڻ جي صورت ۾ بجلي بند ڪئي وئي آهي : ڳوٺاڻا *

ڪارنهن الزام هيٺ قتل جا وڌندڙ واقعا!

ھونئن ته گھوٽڪي ضلعي ۾ امن امان جو مسئلو سدائين سنڌ سرڪار لاءِ مسئلو بڻيل رھي ٿو، پر ڪجھ سالن کان امن امان جي صورتحال ضابطي ھيٺ رھڻ بعد هاڻ وري امن امان جي مسئلي ٻيھر ڪر کنيو آھي. ماڻھن کي عورتاڻي آواز تي گھرائي اغوا ڪرڻ، چورين، ڦرن جي وارداتن ۾ اضافو ٿيڻ باوجود گھوٽڪي پوليس جتي سڀ ڪجھ ٺيڪ ھجڻ جو راڳ آلاپي رھي آھي، اتي گھوٽڪي ضلعو عورتن جي لاءِ به مقتل گاهه بڻيل آھي. گھوٽڪي ضلعي ۾ عورتن کي ڪاروڪاري جي الزام ھيٺ قتل ڪرڻ جا واقعا پھريون به رپورٽ ٿيندا رھيا آھن، پر ڪجھ وقت جي ٺاپر کانپوءِ ھاڻي انھن واقعن ۾ تيزي اچي وئي آهي. گھوٽڪي جي رحم والي محلي جي رھواسڻ ساجدہ چاچڙ، ولو مھر جي رھواسڻ پسند جو پرڻو ڪندڙ رخسانا شيخ ھجي يا لوھي پل لڳ عارباڻي برادري جو کير وڪرو ڪري پنھنجي ٻچن جو پيٽ پاليندڙ پورھيت نوجوان مير علي عارباڻي ھجي انھن کي گولين جو کاڄ بڻائي ڪارو ڪاري جي ڪڌي رسم ھيٺ قتل ڪيو ويو آھي. رات جي وقت مون ڏي هڪ فون آيو ۽ ان دوست چيو ته گهوٽڪي ۾ ڪنهن شاگردياڻي کي ڪارنهن الزام ۾ قتل ڪيو ويو آهي پر معاملي کي لڪايو پيو وڃي مون فوري طور گهوٽڪي ٿاڻي تي رابطو ڪيو ۽ پڇا ڪئي ته پوليس به معاملي کي لڪائڻ جي ڪوشش ڪئي ۽ چيو ته اهڙي ڪابه ڳالھ ناهي، جڏھن صبح جو اھا خبر اخبار ۾ رپورٽ ٿي ته پوليس به حرڪت ۾ اچي وئي ۽ ناري جي والد رٽائرڊ پوليس عملدار عطا محمد چاچڙ کي ٿاڻي تي گهرائي واقعي جي ايف آءِ آر داخل ڪري هڪ جوابدار شاگردياڻي جي چاچي غلام محمد چاچڙ کي پڪڙي لاڪپ ڪيو. گرفتار جوابدار پوليس آڏو اعتراف ڪيو ته هن پنهنجي ڀائيٽي ساجدہ چاچڙ کي ڪارنهن الزام ۾ قتل ڪري لاش درياهه ۾ لوڙهي ڇڏيو آهي، جنهن بعد ڪيس جي جاچ آفيسر جوابدار غلام محمد چاچڙ کي ساڻ ڪري سنڌو درياهه تي وٺي ناري جي لاش جي ڳولا ڪئي پر ڪيترائي ڏينھن گذرڻ باوجود ناري جو لاش ھٿ اچي ناھي سگھيو، جنھن ڪري پوليس جي ڪارڪردگي به سواليه نشان بڻيل آھي. پوليس ڪيس ۾ نامزد ھڪ جوابدار کي ڪيترن ئي ڏينھن کان گرفتار ڪري قتل جي حوالي سان کانئس جاچ ڪري رھي آھي، پر پوليس جي جاچ جو نتيجو اڃان تائين سامھون ناھي آيو. جيتوڻيڪ مقتول ناري جي والد جي فرياد تي قتل ڪيس داخل ڪيو ويو آھي پر ڄاڻايل قتل بابت سوشل ميڊيا تي خبرون ھلي رھيون آھن ته قتل ۾ مبينا طور تي ناري جو والد به ملوث آھي، اي سيڪشن گهوٽڪي پوليس اھڙين ڳالھين کي ڪوڙو ۽ افواھن تي مبني قرار ڏنو آھي، عام طور تي ڏٺو ويو آھي ته ڪارو ڪاري جي الزام ھيٺ قتل ٿيندڙ عورتن جي قتل جا ڪيس سرڪار جي مدعيت ۾ داخل ڪيا ويندا آھن پر اي سيڪشن پوليس ناري ساجدہ چاچڙ ۽ شادي شدہ عورت رخسانا شيخ جي قتل جي پاڻ فريادي ٿي ڪيس داخل ڪرڻ بجاءِ سندن وارثن کي فريادي بڻايو آھي. جنھن تي سول سوسائيٽي ۽ انساني حقن توڙي گھوٽڪي ۾ عورتن جي حقن لاءِ ڪم ڪندڙ فيمنسٽ گروپ پاران ڪارو ڪاري قرار ڏنل عورتن جي داخل ڪيل ڪيسن تي خدشن جو اظھار ڪيو آھي. ماضي ۾ پڻ اھو ٿيندو رھيو آھي ته ڪڌي رسم جي ور چڙھي جانيون وڃائيندڙ عورتن جي فريادين پاران ٺاهه ڪرڻ جي صورت ۾ قاتل سزا کان بچي وڃن ٿا،جڏھن ته گيمڙو ٿاڻي جي حد ۾ ڪاروڪاري جي الزام ۾ قتل عارباڻي برادري جي پورھيت نوجوان مير علي عارباڻي جو جيتوڻيڪ قتل ڪيس ته داخل ڪيو ويو آھي پر قتل ڪيس ۾ نامزد جوابدارن کي پوليس گرفتار ناھي ڪري سگھي. نوجوان جي مارجڻ کانپوءِ برادري جي ماڻھن عورت جي حياتي بچائي ورتي. اھڙي ريت رخسانا شيخ جو قتل ۽ سندس وارثن پاران قاتلن جي گرفتاري لاءِ ايس ايس پي گھوٽڪي جي آفيس اڳيان قومي شاھراہه تي احتجاج ڪرڻ به انھن جو ڏوہه بڻجي ويو، احتجاج ڪرڻ دوران ميرپور ماٿيلو جي ايس ايڇ او جيڪا ٻولي ڌرڻي وارن لاءِ استعمال ڪئي، سابه سوشل ميڊيا تي وائرل ٿي آھي. ايس ايس پي گھوٽڪي اڻپڙھيل ۽ جاھل ايس ايڇ او خلاف قدم کڻڻ بجاءِ احتجاج ڪرڻ وارن مٿان ڏمرجي 57 ڄڻن خلاف دھشتگردي ايڪٽ تحت ڪيس داخل ڪري کين جوابدار ڄاڻائي ڇڏيو آھي. گھوٽڪي پوليس ڪارو ڪاري تحت قتل ٿيندڙ عورتن جي ڪيسن ۾ جوابدارن کي گرفتار ڪرڻ کان نابري واري بيٺل آھي ته ٻئي طرف پر امن احتجاج ڪرڻ تي رخسانا شيخ جي وارثن ۽ صحافين خلاف دھشتگردي ڪيس داخل ڪري اھو پيغام ڏئي رھي آھي ته گھوٽڪي ضلعي ۾ پوليس ئي اڇي ڪاري جي مالڪ بڻيل آھي، ھتان جا اقتدار ڌڻي به سرڪار جا مزا ماڻڻ ۾ مست آھن ۽ پروٽوڪول جي چڪر ۾ پوليس جي ٿيندڙ زيادتين تي خاموش آھن. اقتدار ڌڻين کي جيڪڏھن ڪا فرصت ملي ته گھوٽڪي پوليس جي ڪارڪردگي جو جائزو وٺي عوام سان ٿيندڙ زيادتين جو ازالو ڪن.

Bookmark the permalink.

Leave a Reply

Your email address will not be published. Required fields are marked *