تازا ترين
  • ڪوٽڙي: نوري آباد سپر هاءِ وي تي مسافر وين کي باهه: 9 ڄڻا سڙي فوت: ترجمان موٽروي*
  • *عادلپور ويجهو بجلي جو ڪرنٽ لڳڻ سبب نوجوان فوت *ڳوٺ رمضان ڪولاچي ۾ بجلي جو ڪرنٽ لڳڻ سبب 35ورهين جو عبدالقدوس ڪولاچي فوت ٿي ويو*
  • *حيدرآباد: ڪسٽم انٽيلينجس جي سعيد آباد ۾ ڪارروائي، انڊيا کان اسمگل ٿيل آرٽيفيشل جيولري هٿ *اسمگلر آرٽيفيشل جيولري کي چين جي ظاهر ڪئي: ڪسٽم: ذريعا *آرٽيفيشل جيولري اصل انڊيا کان اسمگل ڪئي وئي آهي:ڪسٽم ذريعا *آرٽيفيشل جيولري جي ماليت تقريبن 29ملين رپيا آهي:ڪسٽم ذريعا *
  • *ملڪاڻي شريف: ايل بي اوڊي سم نالي سميت ننڊن ٻين نالن کي لڳل گھارن جو پاڻي نيڪال نه ٿيو *گهارن سبب سوين ڪچا گھر ڪري پيا، سوين ايڪڙن تي بيٺل فصل تباهه *پاڻي نيڪال نه ٿيڻ خلاف سنڌ آبادگار ۽ عوامي تحريڪ جي ڪارڪنن جي اڳواڻي ۾ احتجاج *پاڻي نيڪال جا لنگھه بند ٿيڻ ڪري ھر سال برساتن دوران نقصان ٿيندو آهي: احتجاج ڪندڙ*
  • *ميرپورخاص ۾ ٻوڏ متاثرن جو واهر نه ٿيڻ خلاف احتجاج، راشن من پسند ماڻهن ۾ ورهائڻ جا الزام *فاقا ڪشي واري زندگي گهاري رهيا آهيون، واهر ڪئي وڃي: احتجاج ڪندڙ ٻوڏ متاثر*
  • *نوشهروفيروز: ڀرٽ ۽ سولنگي تڪرار کي ختم ڪرائڻ لاءِ وڪيلن جو منٿ ميڙ قافلو سولنگين وٽ پھتو *قافلو پهرين مرحلي ۾ سولنگي برادري وٽ مناهي پهتو، سولنگي برادري پاران مھلت طلب *سولنگي ۽ ڀرٽ ڌرين ۾ هلندڙ تڪرار ۾ هن وقت تائين ٻنهي ڌرين جا 4 ڄڻا قتل ٿي چڪا*
  • *کپرو: نوجوان شھريار قائم خاني جا قاتل گرفتار نه ٿيڻ خلاف وارثن جو احتجاجي مظاهرو *هڪ مهينو گذرڻ باوجود پوليس جوابدار گرفتار ناهي ڪري سگهي: احتجاج ڪندڙ *پوليس قاتلن کي پروٽوڪول ڏئي رهي آهي: پيءُ علي قائمخاني*
  • *جوهي ۾ بدامني خلاف شهرين جو ٿاڻي آڏو احتجاجي مظاهرو *ٻوڏ جي ماريل ماڻهن جو ڏوهارين به جيئڻ جنجال ڪري ڇڏيو آهي: احتجاج ڪندڙ *پوليس ۾ ساٿاري ۽ ڀوتارن جي پٺڀرائي هجڻ ڪري ڏوهاري سرعام گهمي رهيا آهن: احتجاج ڪندڙ *
  • *جاتي: برساتن کانپوءِ گندو پاڻي واپرائڻ سبب گيسٽرو جي مرش ۾ واڌ، اسپتال ۾ دوائن ۽ بيڊن جي کوٽ *اسپتال ۾ بيڊن جي کوٽ سبب مريض وارڊن ۾ فرش تي پيل، دوائون نه ملڻ جون به دانهون *
  • *ڄامشورو: بنيادي سهولتن جي کوٽ خلاف جدوجهد ڪميٽي پاران 24 ڪلاڪن واري علامتي بک هڙتالي ڪئمپ قائم *ڄامشورو اوور هيڊ برج هيٺيان لڳايل ڪئمپ ۾ وڏي انگ ۾ سياسي توڙي سماجي اڳواڻ ۽ شهري شريڪ *ڪامورن علمي درسگاهن جي شهرکي تباهه ڪري ڇڏيو آهي: اڳواڻ *شهر ۾ پاڻي جي کوٽ سميت رستن ۽ گهٽين ۾ گندگي جا ڍير لڳل آهن:احتجاج ڪندڙ *شهر مان اڃا تائين برساتي پاڻي نيڪال ناهي ٿي سگهيو، ضلعي انتظاميا ڪو ترقياتي ڪم ناهي ڪرايو: اڳواڻ*
  • *سنڌ ٽيڪسٽ بڪ بورڊ پاران تيار ڪيل نائين ڪلاس جو بائلاجي ڪتاب ۾ ڇپيل سيليبس ۽ بورڊ طرفان ڏنل سيليبس ۾ فرق *بورڊ پاران جاري ڪيل ليٽر وارا سيليبس ڪتاب ۾ موجود ئي نه آهن: استاد *سيليبس ۾ فرق هئڻ ڪري اسڪولن جا شاگرد ۽ استاد پريشان *بورڊ پاران جاري ڪيل ليٽر وارا سنڌ ٽيڪسٽ بورڊ جي ڪتابن جي کوٽ*
  • *اسلام آباد: ام رباب جي ٽن گهرڀاتين جو قتل ڪيس، سپريم ڪورٽ پاران روپوش جوابدار گرفتار ڪرڻ جو حڪم *چيف جسٽس جي سربراهي ۾3 رڪني بينچ 24 سيپٽمبر جي ٻڌڻي جو حڪم نامو جاري ڪيو *عدالت پاران ڊي آءِ جي حيدرآباد پاران پيش ڪيل رپورٽ تي عدم اطمينان جو اظهار *ڊي آءِ جي ايندڙ ٻڌڻي تي روپوش جوابدارن کي گرفتار ڪري عدالت کي آگاهه ڪري: حڪم نامو*
  • *اسلام آباد: بحريا ٽائون ڪراچي پاران قسطن جي ادائيگي لاءِ 2 سال مهلت گهرڻ بابت ڪيس جو حڪم نامو جاري *سپريم ڪورٽ 16 سيپٽمبر جي ٻڌڻي جو تحريري حڪم نامو جاري ڪري ڇڏيو *بحريا ٽائون جي وڪيل پاران درخواست واپس وٺڻ جي بنياد تي ڪيس اڪلايو ويو آهي: حڪم نامو *بحريا ٽائون 460 ارب رپيا ادا ڪرڻ لاءِ قسطن ۾ٻن سالن تائين مهلت گهري هئي *
  • *عمرڪوٽ ويجهو زميندار جي نجي جيل تي ڇاپو، 27 هاري بازياب *ڊسٽرڪٽ اينڊ سيشن جج عمرڪوٽ جي حڪم تي پوليس ڪارروائي ڪئي *بازياب ڪرايل هاري فرسٽ ايڊيشنل سيشن جج عمرڪوٽ جي عدالت ۾پيش *
  • *حيدرآباد تعليمي بورڊ ڏهين جماعت جي 2020 جي نتيجا جاري ڪرڻ جو اعلان ڪري ڇڏيو *ڏهين جماعت جي سائنس ۽ جنرل گروپ جا نتيجا اڄ شام 5وڳي جاري ڪيا ويندا*

ڏوهن کي هٿي ڏيندڙ سماج

هن ملڪ ۾ ڪنهن به اداري جي نوڪري عياشي آهي، ذميواري ڪونهي! هتي اڪثر سرڪاري عملدار پنهنجي ذميواري ۽ فرض نڀائيندي به اهو محسوس ضرور ڪرائيندا آهن ته هو احسان ڪري رهيا آهن. جنهن ملڪ جي ڪميشنڊ آفيسرس جي تربيت جي دوران کين آقا جي انداز ۾ اٿڻ ويهڻ سيکاريو ويندو هجي، جن کي اهو سمجهايو ويندو هجي ته گاڏي جي دروازي کولڻ کان وٺي آفيس جي در کولڻ تائين وارو ڪم هيٺين ملازم جو آهي ۽ ڳالهائڻ دوران وڏا ڏند ڏيکاري ۽ وات ڦاڙي کلڻ عيب آهي. يا سندن آفيسن جي اندر ڪرسي ٽيبل جو سائيز ۽ آفيس جو سائيز سندن شان ۽ حيثيت کي بيان ڪرڻ لاءِ هوندو آهي ته اهي آفيسر ڪنهن به اداري ۾ پاڻ کي عوام جي ٽئڪس تي پلجندڙ ملازم سمجهڻ بجاءِ ماڻهن مٿان حاڪميت ڪندڙ آقا ڇو ته محسوس نه ڪن؟ گجر پورا رنگ روڊ لاهور تي گجرانوالا جي گجري سان جيڪو ٿيو انهي تي ملڪ جي حڪمرانن کان وٺي واسطيدار عملدارن کي جيڪا شرمندگي هجڻ گهرجندي هئي اها ته ڪٿي به نظر ڪونه آئي، پر انهي جي بجاءِ لارا لپا بيان ڪندڙ لاهوري سي سي پي او جو موقف سڀني جي سامهون اچي ويو.
هڪ ذميوار اعليٰ آفيسر پنهنجي فرض ۽ ذميواري جي ڪوتاهي جو اعتراف ڪرڻ بجاءِ ان عورت کي ڏوهي قرار ڏئي رهيو آهي جنهن سان اها واردات ٿي. حيرت اها آهي ته شهزاد اڪبر ۽ اسد عمر کي به انهي عملدار جي ان بيان ۾ سندس ڪنهن به قسم جي ڪوتاهي يا پنهنجي ذميواري کان آجو ڪرڻ جو رخ نظر ڪونه ٿو اچي اهي به انهي عمر شيخ جي وڪالت ڪندي نظر اچن ٿا ته ”هن جو اهو مطلب نه هيو“ يا ”هن ڪهڙي قانوني ڪوتاهي ڪئي آهي جو کيس هٽايو وڃي.“ لڳي ايئن ٿو ته هي عمر شيخ پنجاب پوليس جو ڪو ايترو ته سگهارو شخص آهي جو انهي جي خلاف هڪ لفظ به ڪنهن وزير مشير کان نڪتو ڪونه ٿو ٿئي.
مٿان وري ڪليم امام صاحب موٽر وي جو آءِ جي به انهي قسم جي ڳالهه مڃرائڻ جي ڪوشش ۾ لڳو رهيو ته “موٽر وي جي ذميواري ڪونهي. هنن کي ڪال ملي، پر ڇاڪاڻ ته گجرپورا رنگ روڊ موٽر وي جي حد ۾ ناهي انهي ڪري ڪو به ايمرجنسي ريسپانس هو نه ڏئي سگهيا، پر هنن ايف ڊبليو او کي ڪال منتقل ڪئي.” سيالڪوٽ موٽروي مارچ کان شروع ٿيو آهي، پر هن وقت تائين موٽر وي انهي تي نه پنهنجي پيٽرولنگ شروع ڪري سگهيو آهي نه ئي ايمرجنسي ريسپانس يونٽ! انهي لاءِ اهو چوڻ ته لاڳاپيل ادارن کي لکيو ويو آهي منظوري ملي آهي پر انهي تي اڃان عملدرآمد نه ٿي سگهيو آهي ته انهي ۾ ڪنهنجي ڪوتاهي چئجي يا لاپرواهي؟ هن ملڪ جا سڀ عملدار جنهن به اداري ۾ ويٺا هجن انهن کان سندن ذميواري ۽ فرض جي ادائگي جي باري ۾ سوال نه پڇو! انهي جي جواب ۾ هنن وٽ لکين دليل هوندا انهن کي صرف سڻڀين پوسٽن ۽ سندن ذاتي زندگي جي وي وي آپي ڪلچر جون لوازمات مهيا ڪيو هو ملڪ جا آقا ٿي حڪمراني ڪندا رهندا باقي نوڪري جي فرض شناسي ڪاغذن جي اندر هوندي آهي جنهن کي به هر سال بعد ردي ۾ وڪرو ڪيو ويندو آهي.
ڪورٽن جا جج صاحبان اخباري بيانن وسيلي اهڙي عملدارن جي فرض ۾ ڪوتاهي تي صرف ڇوهه ڇنڊيندي نظر ايندا آهن، پر اڄ ڏينهن تائين ڪنهن به اهڙي عملدار کي نوڪري تان هٽائي ڪجهه مهينن لاءِ بنا پگهار جي گهر ويهڻ جو حڪم نامو جاري ڪونه ڪيو آهي جو جنهن سان هر نوڪري ڪندڙ کي اهو ڊپ ٿئي ته هو عوامي نوڪر آهي جي فرض ۾ ڪوتاهي ڪندو ته کيس عدالت ۾ ڪو گهلڻ وارو به هوندو! هن ملڪ جي سياستدانن کي وي وي آپي پروٽوڪول ۽ ڪرپشن لاءِ بجيٽ گهرجي سرڪاري عملدار سندن گهر جا نوڪر ٿي هلندا ڦرندا وتن پوءِ انهي سان سندن ڇا ته ڪير فرض شناسي ۾ ڪا ڪوتاهي ڪري رهيو آهي يا ادائگي!
هي سمورو سماج هڪ کوکلو ڍانچو وڃي بچيو آهي جنهن جي سماجي قدرن ۽ فرض شناسي وارين ذميوارين کي ڪرپٽ، نااهل ۽ بيمان سياستدان توڙي ڪامورا ڳجهن جيئن رهنڊي کائي ويا آهن. اهڙي سماج ۾ عام ماڻهو به وحشي ئي بڻجي ويندا آهن، هي ڪرمنل جيڪي رستي تي ڪنهن عورت سان يا ٻار سان اها جنسي ڏاڍائي يا ڦر قتل جي جڏهن واردات ڪن ٿا ته انهي جي لاءِ اڪيلا اهي ڏوهي نه ٿا هجن، پر اصل ذميوار رياست، انهي جي مشينري ۽ عدليا پڻ هجي ٿي. جتي ادارا پنهنجي فرض جي ادائگي نه ڪن آفيسر رڳو عياشين ۾ پورا هجن ته هر ڪرمنل کي اها کلي ڇوٽ ملي ٿي وڃي ته هو جهنگلي جانور ٿي انسانيت جو ۽ انسانن جو ماس نوچيندو رهي.
هي رياست مدينا جو راڳ آلاپيندڙ حڪمران ڪنهن هڪ به عمل ۾ اهو نه ثابت ڪري سگهيا آهن ته سندن طرز حڪمراني عدل انصاف ۽ ذميواري تي مشتمل آهي. هر ڏينهن ڪو نه ڪو اهڙو عمل ٿي رهيو آهي جنهن سان نظر اچي رهيو آهي اقتدار جي نشي ۾ چور هي حڪمران رڳو ماضي جي حڪمرانن جي ڪيل ڪوتاهين ۽ ڪرپشن تي روزانو رينگٽ ته ڪندا رهن ٿا، پر نه ته کانئن اهو ٿو پڄي جو انهن خلاف ڪو قدم کڻي سگهن نه ئي اهو ٿو پڄي ته پنهنجي ڪارڪردگي سڌاري سگهن. هنن کي نه حڪومت هلائڻ جو فن آهي نه تجربو، ڪارپوريٽ ڪلچر ۾ ڪا اسپتال يا ڪو ڪارخانو هلائي هنن سمجهيو ته ملڪ به ايئن هلندو ۽ هو تبديلي جون تاريخون لکڻ شروع ڪندا. تاريخ ۾ جهڙو انهن جو حشر نشر لکيو ويندو شايد ڪنهن کي ڪو اندازو هجي.
هي ڪو پهريو ڪيس يا واردات ڪونهي هر آئي ڏينهن اهڙا ڪيترا واقعا ٿيندا رهن ٿا ۽ انهي گجرپورا رنگ روڊ تي ڪجهه مهينا پهرين هڪ نجي اسپتال جي نرس سان به اهڙو واقعو پيش آيو، پر انهي تي ڪو ايڪشن نه کڄيو ڪا واويلا نه ٿي. انهي واقعي بعد وري مختلف پنجاب جي شهرن مان اهڙا واقعا پڻ رپورٽ ٿيڻ شروع ٿيا آهن انهي مان لڳي ٿو ته پنجاب جي اندر انهي قسم جا واقعا لاتعداد ٿين ٿا پر انهن کي هر هنڌ سرڪاري توڙي نجي سطح تي دٻايو وڃي ٿو. جنهن سماج جي جرئت اها هجي جو انهي قسم جي وارداتن کي لڪائي دٻائي رکيو ويندو هجي ۽ سرڪاري عملدار به جڏهن جنهن سان زيادتي ٿئي انهي کي قصوروار ٺهرائيندا هجن ته انهي سماج مان اها برائي ختم ڪٿان ٿيندي؟ انهي کي وڌيڪ هٿي ملندي ۽ ڏوهي جو من وڌندو ويندو ته اهڙي عمل جو ڪو نه پڇاڻو آهي نه ڪا ڪارروائي ته پوءِ هو ڇو نه بار بار اهڙو عمل ڪندو رهي.
اڪثر طور ڏٺو اهو ويو آهي ته جن علائقن ۾ ڏوهه وڌيڪ ٿيندو آهي ته انهي حد جو پوليس عملدار ڪنهن نه ڪنهن طرح سان انهي ۾ حصيدار ضرور هوندو آهي! انهي گجرپورا رنگ روڊ جي حدن ۾ موٽر وي ٺهڻ کان پهرين چيو وڃي ٿو ته انهي قسم جون وارداتون ٿينديون رهنديو هيون، علائقو ڪرمنل بيلٽ ۾ شمار ڪيو وڃي ٿو، ته پو ڪٿي اهو ممڪن ناهي ته انهي حد جو پوليس عملدار انهي ڪاررواين جي پٺيان مددگار رهندو آيو هجي؟ ڪجهه به هجي پر سرڪار کي شرمندگي کان منهن هيٺ ڪري سرعام اهو قبول ڪرڻ گهرجي ته رياست مدينا جون ڳالهيون ڪندڙ حڪمران ملڪ جي عوام کي نه تحفظ ڏئي سگهيا آهن نه چور لٽيرن کان نجات، هي به انهن عام حڪمرانن جهڙا ئي سياستدان آهن جن کي عوام سان ڪوڙ ڳالهائي ڪجهه وقت لاءِ حڪومت جو مزو وٺڻو هو اهو هو وٺي رهيا آهن.

Bookmark the permalink.

Leave a Reply

Your email address will not be published. Required fields are marked *