تازا ترين
  • *ڪراچي: وڏي وزير مراد علي شاهه شير شاهه ۾عمارت ڪرڻ واري واقعي جو نوٽيس ورتو *وڏي وزير پاران ڪمشنر ڪراچي کي فوري طور انتظاميه کي متحرڪ ڪرڻ جي هدايت *ڪوشش ڪئي وڃي ته سمورن مزدورن جون حياتيون بچايون وڃن: وڏو وزير مراد علي شاهه*
  • *ٽنڊو غلام حيدر جي مختلف علائقن مان برسات ۽ گهارن جو پاڻي نيڪال نه ٿيو، رهواسي عذاب ۾ مبتلا *مويا نظرپور، ڏندو، حاجي صوڀو خان چانڊيو سميت 8 يوسيز جي ڪيترن ئي ڳوٺن ۾ پاڻي بيٺل پاڻي نيڪال نه ٿيڻ سبب مليريا، گيسٽرو ۽ ٻين بيماريون منهن ڪڍيو، ڪيترائي ڳوٺاڻا اسپتال ڀيڙا*
  • *سپريم ڪورٽ ۾ ذهني مريض قيدي جي موت واري سزا روڪڻ لاءِ اپيل تي ٻڌڻي *عدالت جوابدار غلام عباس جي طبي چڪاس لاءِ ميڊيڪل بورڊ جوڙي ڇڏيو *ميڊيڪل بورڊ کي طبي چڪاس ڪري ٽن هفتن اندر رپورٽ پيش ڪرڻ جو حڪم*
  • *ٽنڊو غلام حيدر ۾ ڳوٺاڻن جو برساتي پاڻي نيڪال نه ٿيڻ تي ٻارڙن کي پوليو جا ڦڙا پيئارڻ کان انڪار *ڳوٺ مير محمد لاشاري جي رهواسين برساتي پاڻي نيڪال نه ٿيڻ خلاف احتجاج ڪيو *ڳوٺ مان پاڻي نيڪال ڪرايو وڃي ٻي صورت ۾ ٻارڙن کي پوليو جا ڦڙا نه پيئارينداسين: ڳوٺاڻا*
  • *ٽنڊو ڄام زرعي يونيورسٽي ۽ وٽرنري يونيورسٽي سڪرنڊ ۾ وقتي وائيس چانسلرز جي مقرري *پروفيسر ڊاڪٽر ظهير الدين ميراڻي زرعي يونيورسٽي ٽنڊو ڄام جو وقتي وائيس چانسلر مقرر *احمد سلطان جتوئي وٽرنري يونيورسٽي سڪرنڊ جو وقتي وائيس چانسلر مقرر، نوٽيفڪيشن جاري*
  • *آصف زرداري ۽ نواز شريف هڪ ٻئي تي الزام لڳائيندا رهيا هاڻي گڏ ويٺا آھن: خرم شير زمان *بلاول جي تقرير مان لڳي پيو ته پاڪستان خلاف تحريڪ هلائڻ وڃن پيا: خرم شيرزمان *جيڪڏھن کين تحريڪ هلائڻي آھي ته ڪراچي ۽ لاڙڪاڻي کان شروع ڇو نٿا ڪن: خرم شير زمان*
  • *ڪراچي: دهشتگردي ٽوڙ عدالت ۾ انسپيڪٽر ناصر الحسن جي ٽارگيٽ ڪلنگ بابت ڪيس تي ٻڌڻي *ڏوهه ثابت نه ٿيڻ تي عدالت 5 جوابدارن کي بري ڪري ڇڏيو *اکين ڏٺن شاهدن جي تڪراري بيان جي ڪري ڏوهه ثابت نه ٿي سگهيو آهي: پوليس *
  • * ڪراچي: ميٽرڪ بورڊ شاگردن جي امتحان جا نتيجا پڌرا ڪري ڇڏيا *ڪراچي: ميٽرڪ بورڊ سائنس گروپ جي نتيجن جو اعلان ڪري ڇڏيو *ڪراچي: هڪ لک 68 هزار 880 شاگرد امتحان ۾ ڪامياب قرار*
  • *ڪشمور ويجهو سڱاوتي تڪرار تان هٿياربندن جي فائرنگ ۾ نوجوان قتل، واٽهڙو پيرسن زخمي *هٿياربندن جي فائرنگ ۾ عيد گاهه واسي علي گل سولنگي ۽ واٽھڙو پيرسن شاھمور خالدي زخمي ٿي پيا *زخمي سول اسپتال منتقل، نوجوان کي رحيم يار خان نيو پئي ويو ته رستي ۾ دم ڌڻي حوالي ڪيائين *مورزادو جکراڻي ۽ ڏاڏو جکراڻي نوجوان کي قتل ڪيو، قاتل گرفتار ڪري انصاف ڪيو وڃي: وارث *
  • *محرابپور ويجهو نوجوان بجلي جو ڪرنٽ لڳڻ سبب فوت *ڳوٺ ولي آباد ۾ علي ولد رمضان آرائين پکي مان ڪرنٽ لڳڻ سبب فوت ٿي ويو *
  • *سپريم ڪورٽ ۾ سرڪاري زمين تي پيٽرول پمپس ليز تي ڏيڻ بابت پاڻمرادو نوٽيس تي ٻڌڻي *عدالت ڪمشنر فيصل آباد پاران پيش ڪيل رپورٽ رد ڪري ڇڏي *سپريم ڪورٽ پاران ايندڙ ٻڌڻي تي ڪمشنر فيصل آباد کي ذاتي حيثيت ۾ پيش ٿيڻ جو حڪم *حڪم تي عمل نه ٿيو ته ڪمشنر ۽ اسسٽنٽ ڪمشنر ٻئي جيل ويندا: سپريم ڪورٽ*
  • *سڪرنڊ ۾ آل پارٽيز الائينس جي سڏ تي بجلي جي اڻ اعلانيل لوڊشيڊنگ خلاف احتجاجي ريلي *مظاهرين صحافي چوڪ کان ريلي ڪڍي حيسڪو آفيس جي گيٽ آڏو ڌرڻو هنيو، ڇتي نعريبازي *سڪرنڊ ۽ ڀرپاسي ۾ 16کان18 ڪلاڪ بجلي جي لوڊشيڊنگ ڪئي پئي وڃي: مظاهرين *
  • *ڪراچي: سهراب ڳوٺ وٽ پوليس ۽ ڏوهارين وچ ۾ مبينا مقابلو، 2 ڦورو زخمي حالت ۾ گرفتار *موٽر سائيڪل تي سوار ٽن جوابدارن ڦر جي ڪوشش ڪئي ته پوليس پهتي: پوليس *مقابلي ۾ زخمي ٿيل ڦورو فيروز اسپتال ۾ علاج دوران فوت ٿي ويو: پوليس *
  • *ڪراچي: شرافي ڳوٺ ۾ نجي ڪمپني جي لاڪرز مان چوري ڪندڙ جوابدار گرفتار *جوابدار لاڪرز ٽوڙي نجي ڪمپني جا 6 لک رپيا چوري ڪيا هئا: پوليس *سي سي ٽي وي فوٽيجز ۾ هڪ جوابدار ڪمپني اندر نظر آيو آهي: پوليس*
  • *رائونتي ۾ ڳوٺاڻن جو بنيادي سهولتن جي کوٽ خلاف احتجاجي ريلي، ڌرڻو *مختلف ڳوٺن جي رهواسين احتجاجي ريلي ڪڍي اي سي آفيس اوٻاوڙو آڏو ڌرڻو هنيو، نعريبازي *ڳوٺن ۾ اسڪول، پڪن روڊن ۽ اسپتال جهڙي جهڙي ڪا به سهولت نه آهي: ڳوٺاڻا*

ڊاڪٽرن جي برطرفي ۽ صحت جو نظام…!!

سنڌ جي صحت کاتي ۾ ڊاڪٽرن جي غير حاضري، اسٽاف جو اسپتالن ۾ نه هجڻ ۽ سرڪاري اسپتالن ۾ مريضن کي دوائون نه ملڻ ڪا نئين ڳالهه ته ناهي پر تازو “عادي غير حاضر” ڊاڪٽرن جو سامهون آيل اسڪينڊل حڪومتي ڌرين لاءِ سواليا نشان آهي. ڇاڪاڻ ته سنڌ حڪومت جي صحت کاتي جي اختيارين پاران جيڪو تازو 1132 ڊاڪٽرن کي برطرف ڪيو ويو آهي انهن ڊاڪٽرن مان اڪثريت اهڙن ڊاڪٽرن جي آهي جيڪي “عادي گوسڙو” ڊاڪٽر آهن ۽ مختلف وقتن تي 17هين گريڊ ۾ ڀرتي ڪيا ويا هئا. جيتوڻيڪ ڪيئي سالن تائين ڄاڻايل ڊاڪٽرن پاران اسپتالن ۽ صحت کاتي جي آفيسن جو منهن ئي نه ڏٺو ويو هو سندن بائيوميٽرڪ رڪارڊ به صحت کاتي جي اختيارين وٽ موجود نه هو پر ان باوجود کين پگھارون جيئن جو تيئن ملنديون رهيون. مجموعي طور غيرحاضر ڊاڪٽرن جو انگ 1500 هو، جن کي مختلف وقتن تي صحت کاتي جي اختيارين پاران شوڪاز نوٽيس به جاري ڪيا ويا هئا پر ڊاڪٽرن پاران اختيارين کي هڪ شوڪاز نوٽيس جو به جواب نه ڏنو ويو جنهن بعد صحت کاتي پاران اعليٰ اختيارين جي منظوري بعد قانوني گھرجون پوريون ڪندي کين گھر ڀيڙو ڪري ڇڏيو آهي. ان حوالي سان صحت کاتي جون اختياريون به اهو ئي ٻڌائين پيون ته ڄاڻايل ڊاڪٽرن ڪڏهن اسپتالن جو منهن ئي نه ڏٺو هو! جيڪڏهن اهڙي ئي صورتحال هئي ته پوءِ ڄاڻايل ڊاڪٽرن کي نوڪري مان برطرف ڪرڻ کان سواءِ ٻيو ڪو قانوني قدم ڇو ناهي کنيو ويو؟ ڇاڪاڻ ته ڄاڻايل ڊاڪٽرن پاران غيرحاضري باوجود پگھارون کڻي سرڪاري خزاني کي جيڪو نقصان رسايو آهي ان جو ازالو ڪيئن ڪيو ويندو؟ شايد صحت کاتي جي اختيارين جو ان پاسي ڌيان ئي ناهي ويو، ڇو ته اڃان تائين ان بابت ڪا به حڪمت عملي ناهي جوڙي وئي.
صحت کاتي وٽ ڊاڪٽرن جي کوٽ جو مسئلو سالن کان هلندو پيو اچي، صحت کاتي ۾ جيڪي حاضر رهندڙ ڊاڪٽر آهن انهن جو به حال اهو آهي ته هو اسپتالن ۾ موجود ناهن هوندا، سرڪاري ڊاڪٽرن جي جن تعلقن ۽ ضلعن ۾ مقرريون ٿيل آهن انهن ئي شهرن ۾ سندن خانگي اسپتالون به قائم ٿيل آهن، جتي هو سرڪاري اسپتالن کان وڌيڪ اتي وقت ڏين ٿا، جنهن ڪري عوام کي سرڪاري اسپتالن مان ڪو اثرائتو لاڀ نه پيو ملي، سرڪاري اسپتالن ۾ ڊاڪٽرن جي پابندي سان حاضري چانچڻ لاءِ به صحت کاتي وٽ ڪو نظام موجود ناهي، ان ڪري خاص طور تي ته رات جي وقت سرڪاري اسپتالون “نرسن” ۽ ٻئي پيراميڊيڪل اسٽاف جي حوالي ئي هجن ٿيون، رات جي وقت حادثن ۽ واقعن توڙي ايمرجنسي جي بنيادن تي جيڪي به مريض سرڪاري اسپتالن وڃن ٿا ته کين ڪا به سهوليت نه ٿي ملي، ان ڪري عوام جو سرڪاري اسپتالن تان ويساھ ئي کڄندو پيو وڃي ۽ ماڻهو سرڪاري اسپتالن بجاءِ خانگي اسپتالن جو ئي رخ ڪن ٿا جتي به اهي ئي سرڪاري ڊاڪٽر ملن ٿا جن جون مقرريون سرڪاري اسپتالن ۾ ٿيل هجن ٿيون!
هڪ پاسي صحت کاتي جو ڪو ڊاڪٽر ڪم ڪرڻ لاءِ تيار ناهي ته ٻئي پاسي وري صحت کاتي جي اختيارين پاران “کاتي” کي وسيع ڪرڻ لاءِ چيف سيڪريٽري سيد ممتاز علي شاھ ڏانهن سفارشون اماڻيون ويون آهن. جن ۾ گھر ڪئي وئي آهي ته صحت کاتي جي انتظامي ڍانچي کي وڌائي گريڊ 19 جي 3 ايڊيشنل سيڪريٽري ۽ گريڊ 18 جي وڌيڪ 3 ڊپٽي سيڪريٽرين جون پوسٽون وڌايون وڃن. اهڙين سفارشن مان سمجهه ۾ نه ٿو اچي ته صحت کاتو آخر چاهي ڇا ٿو؟ ڇاڪاڻ ته صحت کاتي ۾ اسپتالن جو حال ڪنهن کان به ڳجھو ناهي، بيسڪ هيلٿ يونٽس جي حالت به سڀني جي سامهون آهي، پر ان باوجود کاتي جي ڊائريڪٽوريٽ سائيڊ کي مضبوط بڻائڻ بجاءِ انتظامي پوسٽون ڇو وڌايون پيون وڃن؟ صحت کاتي ۾ جيڪي به خرچ ٿين پيا انهي خرچن جو مقصد ته رڳو اهو ئي آهي ته عوام کي صحت جون سهوليتون فراهم ڪرڻيون آهن. جيڪڏهن مقصد به اهو ئي هجي ۽ اهو بنيادي مقصد پورو ڪرڻ بجاءِ جيڪڏهن رڳو صحت کاتي جي سيڪريٽريٽ سائيڊ کي ئي وسيع ڪيو ويندو ته ان مان عوام کي سڌي ريت ڪهڙو فائدو رسندو؟ ڇو ته جيڪڏهن ڪو ڊي ايم جي گروپ جو ڪامورو اچي کاتي جي مکيه ڪرسين تي ويهندو ۽ کيس ڪنهن بيماري کي منهن ڏيڻ جو تجربو به نه هوندو ته اهو عوام کي رليف ڏيارڻ ۾ پنهنجو ڪهڙو ڪردار ادا ڪري سگھي ٿو. ان ڪري ضرورت ان ڳالهه جي آهي ته صحت کاتي کي هاڻي سجاڳ ٿيڻ گھرجي، اسپتالن جي حالت تي رحم کائي هاڻي تجربا ڪرڻ بجاءِ ڊاڪٽرن جي حاضري کي يقيني بڻائڻ لاءِ ڪا مستقل حڪمت عملي جوڙي وڃي ۽ صحت کاتي جي ڊائريڪٽر جنرل واري پاسي کي مضبوط بڻايو وڃي. جيئن عوام به ڪجهه سرڪاري اسپتالن مان فائدو حاصل ڪري سگھي.

Bookmark the permalink.

Leave a Reply

Your email address will not be published. Required fields are marked *