تازا ترين
  • *وزير اعظم جي درخواست تي وفاق جي نمائندگي جو فيصلو ڪيو: فروغ نسيم *جسٽس فائز عيسيٰ ريفرنس ڪيس ۾ وفاق جي نمائندگي ڪندس: فروغ نسيم *بطور وزير قانون مون عهدي تان استعيفيٰ ڏني آهي: فروغ نسيم *منهنجي دل ۾ عدليا جي لاءِ عزت ۽ قانون جي پاسداري آهي: فروغ نسيم*
  • *ڀرياسٽي ۽ ڀرپاسي ۾ رولو ڪتن 8 ڄڻن کي ڏاڙهي وڌو *ٽن عورتن سميت 8 زخمين کي اسپتال منتقل ڪيو ويو*
  • *دادو ۾ نوجوان ناري جي ڪورونا ٽيسٽ رپورٽ پازيٽو اچي وئي *ڊاڪٽر رشيد قريشي جي پنجن گهرڀاتين سميت 16 ڄڻن جي رپورٽ نيگيٽو اچي وئي *
  • * وڏي وزير سيد مراد علي شاهه سان ورلڊ هيلٿ آرگنائيزيشن جي ڪنٽري ڊائريڪٽر جي ملاقات *ملاقات دوران صحت واري وزير عذرا پيچوهو، پرنسپال سيڪريٽري ۽ ٻيا به شريڪ *اسان وٽ ڪورونا جي حوالي سان روزانو 6600 ٽيسٽ ڪرڻ جي گنجائش آهي: وڏو وزير *شهري ٽيسٽ ڪرائڻ ۾ ايترو سهڪار نه ڪري رهيا آهن، جيترو ڪرڻ گهرجي: مراد علي شاهه *
  • ڪوٽڙي ۾ وڌيڪ هڪ ڄڻي کي ڪورونا جي تصديق، متاثرن جو انگ 24 ٿي ويو *22مان هڪ ڄڻي جي ڪورونا ٽيسٽ رپورٽ پازيٽو اچي وئي * ڪورونا متاثر کي گهر ۾ ئي آئيسولٽ ڪيو ويندو: ڊي ايڇ او *
  • *قاضي احمد ۾ ڌارين کي جعلي ڊوميسائيل جاري ڪرڻ خلاف احتجاجي ريلي ڪڍي وئي *مختلف سياسي سماجي قومپرست تنظيمن جي اڳواڻن ۽ شهرين پاران ريلي ڪڍي وئي *
  • *سنجهورو: ڪشمير بارڊر تي دل جي دوري سبب فوت ٿيل فوجي جوان جو مڙهه ڳوٺ پهچايو ويو *فوجي جوان ڪاشف جٽ جو مڙھ مظفر آباد کان سندس اباڻي ڳوٺ 23 چڪ پهچايو ويو *
  • *سانگهڙ ۾ ڪورونا متاثر فوڪل پرسن جي ٻيهر ٽيسٽ رپورٽ پازيٽو اچي وئي *ڪورونا متاثر ڊاڪٽر شبير چنا جي ٻيهر ٽيسٽ رپورٽ پازيٽو اچي وئي *
  • *ڪنڊيارو شهر جي محبت ديرو ناڪي وٽ پئٽرول ڀرائڻ دوران چنگچي کي باهه لڳي وئي *مالڪ ٽپو ڏئي پاڻ کي بچايو، شهرين پهچي باهه وسائي ورتي، چنگچي سڙي وئي*
  • *ڊکڻ ويجهو پوليس جي ٽن مقتولن جا جوابدار گرفتار ڪرڻ لاءِ ڳوٺن تي چڙهائي، 2 گهر ۽ اوطاق ڊاهي پٽ*
  • *عمرڪوٽ: مسمات بشرا خاصخيلي کي تذليل ۽ تشدد جو نشانو بڻائڻ وارو معاملو *عمرڪوٽ: پوليس گذريل ڏينهن 3 جوابدارن کي گرفتار ڪرڻ کانپوءِ اڄ ميڊيڪل لاءِ اسپتال آندو *جوابدارن عرس کاڙت، قيوم کاڙت ۽ ربنواز کوسي جو ڊي اين اي ڪرايو ويو: پوليس *عورت ٿاڻي تي پهچي جوابدارن تي تشدد ۽ زيادتي ڪرڻ جو الزام هنيو هو: پوليس *
  • * اسلام آباد: احتساب عدالت ۾ راجا پرويز اشرف جي نيب ريفرنس ۾ بريت واري درخواست *رينٽل پاور ڪرپشن ڪيس جي فيصلي جي لاءِ 25 جون جي تاريخ مقرر *
  • *لاڙڪاڻي جي چانڊڪا اسپتال جي آءِ سي يو وارڊ ۾ داخل 70 ورهين جو مريض فوت *لاڙڪاڻو : گذريل ٽن ڏينهن کان سيد گلزار شاھ آءِ سي يو وارڊ ۾ وينٽيليٽر تي هو*
  • *سکر: سنڌ بار ڪائونسل جي سڏ تي هاءِ ڪورٽ، سيشن ڪورٽ ۽ ماتحت عدالتن ۾ عدالتي ڪارروائين جو بائيڪاٽ *ميرپور ماٿيلو ۾ وڪيل گل فيروز ڪلوڙ کي گرفتار ڪرڻ خلاف وڪيل برادري طرفان مظاهرا *
  • *ڪراچي جهاز سانحو: سڙي زخمي ٿيل نينگري سول اسپتال ۾ زخمن جا تاب نه سهندي فوت، 84 لاش سڃاڻپ بعد وارثن حوالي*

ڇا ڪاليجي استاد ان بيرحماڻي سلوڪ جا مستحق آهن؟

اها ڳالهه بارها ڪئي وئي آهي ته هتي ڪو بادشاهي نظام ناهي، نه ئي حڪمرانن لاءِ جوڙيل عمارتون ڪي محلات آهن، جن جي اڳيان عام ماڻهن جو گذر به ممنوع هجي پر اها ڳالهه سنڌ حڪومت جي انهن اڪابرن جي مٿي ۾ نٿي اچي جيڪي ڪنهن عوامي احتجاج تي ٻاهر به ڪونه نڪرندا آهن ۽ مٿان وري احتجاج ڪندڙن جي مسئلي جو حل ڳالهين بدران لٺين وسيلي ڪڍندا آهن. ڪالهه به سي ايم هائوس آڏو اهڙا ئي منظر هئا، جيڪي ان کان اڳ ڪيترائي ڀيرا نظر آيا آهن. هن ڀيري لٺيون کائڻ جو وارو انهن ليڪچرارن ۽ پروفيسرن جو هو جيڪي ٽائيم اسڪيل ۽ پروموشن نه ڏيڻ خلاف سنڌ جي مختلف شهرن کان پنهنجي دانهن کڻي پهتل هئا.
اڳ رويو هو، هاڻ حڪمرانن عادت بڻائي ڇڏي آهي ته ماڻهن جا مسئلا اول ته ٻڌڻا ئي ناهن، ٻُڌي ورتا ته حل ناهن ڪرڻا، جيڪڏهن ماڻهن احتجاج ڪيو ته نظرانداز ڪبو. ايئن محسوس ٿيندو ڄڻ ڪا حڪومت ئي نه هجي، پر هيڏانهن احتجاج ڪندڙن ريڊ زون ۾ قدم رکيو هوڏانهن پوري حڪومتي مشينري سازو سامان سميت جاڳي پوندي ۽ احتجاج ڪندڙن کي سنهي بُهه مان ڪڍيو ويندو آهي. ڪالهوڪو احتجاج انهي استاد برادريءَ پاران ڪيو ويو، جن جي هٿن مان پڙهي ڪي حڪمران ته ڪي انتظامي مشينري جو حصو ٿين ٿا، گهٽ ۾ گهٽ سڌريل معاشرن جيترو نه سهي پر هن ڌرتيءَ جي قديم روايتن تحت ڪجهه ته احترام ۽ مرتبو اهي استاد لهڻن ٿا. هو ڪي تخريب ڪار يا دهشتگرد ته ناهن جن سان ايڏو بي رحماڻو سلوڪ ڪيو وڃي جو کين رياستي ادارن هٿان لٺيون هڻي گهليو وڃي ۽ کين ٿاڻن ۾ بند ڪيو وڃي. اهو ڪهڙي آئين ۽ قانون ۾ لکيل آهي ته پنهنجي حقن لاءِ احتجاج ڪرڻ ڏوهه آهي؟ ڇا حڪومت ۾ ويٺل همراهه انهن ئي ماڻهن جي ووٽ سان چونڊيل، انهن جا نمائنده ۽ انهن ڏانهن ئي جوابده ناهن؟ پوءِ ڇو ڪوبه حڪومتي عملدار انهن احتجاج ڪندڙ معزز استادن وٽ لڙي ساڻن ڳالهيون ڪرڻ لاءِ تيار ناهي، سندن مسئلا ٻڌي حل ڪرڻ لاءِ تيار ناهي؟ هر ڀيري ڇو حڪومت پاران ساڳي ايڪشن فلم هلائي ويندي آهي؟ اها ڪيڏي نه افسوس جي ڳالهه آهي جو حڪومت ۾ ويٺل ته پنهنجي لاءِ هر قسم جي مراعات جي منظوري ڌڪ سان پاڻ ئي ڏئي ڇڏين ٿا، آفيسر شاهي به پنهنجا مطالبا منظور ڪرائي وڃي ٿي پر استاد جيڪڏهن پنهنجا حق گهرن ڪن ٿا ته مٿن تشدد ڪري سندن تذليل ڪئي وڃي ٿي! جيتري قدر استادن جي مطالبن جو تعلق آهي ته حڪومت پاران انهن تي ڪن نه ڌرڻ سبب اهو معاملو عدالت حوالي ٿي ويو، ايئن هر اهو انتظامي معاملو عدالتن ڏانهن وڃي رهيو آهي جيڪو حڪومت جي دائره ڪار ۾ اچي ٿو ۽ حڪومت ان کي حل ڪرڻ ۾ ناڪام رهي ٿي. حڪومت پوليس پاران استادن سان اختيار ڪيل غير انساني سلوڪ جو ڪهڙو به جواز فراهم ڪري پر حقيقت اها آهي ته استادن کي مجبور ڪري جڏهن روڊن تائين آندو وڃي ٿو ۽ پوءِ عام ماڻهن جي تڪليفن کي بهانو بڻائي مٿن لٺ بازي ڪئي وڃي ٿي ته اهڙو احساس استادن جي تڪليفن جو ڇونٿو ڪيو وڃي؟اسين سمجهون ٿا ته حڪومت جو اهو رويو توڙي حڪمراني جو اهو انداز ڪنهن به ريت عوام دوست ناهي، اسين حڪومت جي اهڙي آمراڻي روش جي مذمت ڪندي مطالبو ٿا ڪريون ته استادن جا جائز مطالبا بنا دير جي حل ٿيڻ گهرجن ۽ حڪومت لاپرواهي ۽ ڪن لاٽار کي ان حد تائين نه وٺي وڃي جو ماڻهن کي پنهنجي مسئلن جي حل لاءِ روڊن تي خوار ٿيڻو پوي.

Bookmark the permalink.

Leave a Reply

Your email address will not be published. Required fields are marked *