تازا ترين
  • *ڪراچي: وڏي وزير مراد علي شاهه شير شاهه ۾عمارت ڪرڻ واري واقعي جو نوٽيس ورتو *وڏي وزير پاران ڪمشنر ڪراچي کي فوري طور انتظاميه کي متحرڪ ڪرڻ جي هدايت *ڪوشش ڪئي وڃي ته سمورن مزدورن جون حياتيون بچايون وڃن: وڏو وزير مراد علي شاهه*
  • *ٽنڊو غلام حيدر جي مختلف علائقن مان برسات ۽ گهارن جو پاڻي نيڪال نه ٿيو، رهواسي عذاب ۾ مبتلا *مويا نظرپور، ڏندو، حاجي صوڀو خان چانڊيو سميت 8 يوسيز جي ڪيترن ئي ڳوٺن ۾ پاڻي بيٺل پاڻي نيڪال نه ٿيڻ سبب مليريا، گيسٽرو ۽ ٻين بيماريون منهن ڪڍيو، ڪيترائي ڳوٺاڻا اسپتال ڀيڙا*
  • *سپريم ڪورٽ ۾ ذهني مريض قيدي جي موت واري سزا روڪڻ لاءِ اپيل تي ٻڌڻي *عدالت جوابدار غلام عباس جي طبي چڪاس لاءِ ميڊيڪل بورڊ جوڙي ڇڏيو *ميڊيڪل بورڊ کي طبي چڪاس ڪري ٽن هفتن اندر رپورٽ پيش ڪرڻ جو حڪم*
  • *ٽنڊو غلام حيدر ۾ ڳوٺاڻن جو برساتي پاڻي نيڪال نه ٿيڻ تي ٻارڙن کي پوليو جا ڦڙا پيئارڻ کان انڪار *ڳوٺ مير محمد لاشاري جي رهواسين برساتي پاڻي نيڪال نه ٿيڻ خلاف احتجاج ڪيو *ڳوٺ مان پاڻي نيڪال ڪرايو وڃي ٻي صورت ۾ ٻارڙن کي پوليو جا ڦڙا نه پيئارينداسين: ڳوٺاڻا*
  • *ٽنڊو ڄام زرعي يونيورسٽي ۽ وٽرنري يونيورسٽي سڪرنڊ ۾ وقتي وائيس چانسلرز جي مقرري *پروفيسر ڊاڪٽر ظهير الدين ميراڻي زرعي يونيورسٽي ٽنڊو ڄام جو وقتي وائيس چانسلر مقرر *احمد سلطان جتوئي وٽرنري يونيورسٽي سڪرنڊ جو وقتي وائيس چانسلر مقرر، نوٽيفڪيشن جاري*
  • *آصف زرداري ۽ نواز شريف هڪ ٻئي تي الزام لڳائيندا رهيا هاڻي گڏ ويٺا آھن: خرم شير زمان *بلاول جي تقرير مان لڳي پيو ته پاڪستان خلاف تحريڪ هلائڻ وڃن پيا: خرم شيرزمان *جيڪڏھن کين تحريڪ هلائڻي آھي ته ڪراچي ۽ لاڙڪاڻي کان شروع ڇو نٿا ڪن: خرم شير زمان*
  • *ڪراچي: دهشتگردي ٽوڙ عدالت ۾ انسپيڪٽر ناصر الحسن جي ٽارگيٽ ڪلنگ بابت ڪيس تي ٻڌڻي *ڏوهه ثابت نه ٿيڻ تي عدالت 5 جوابدارن کي بري ڪري ڇڏيو *اکين ڏٺن شاهدن جي تڪراري بيان جي ڪري ڏوهه ثابت نه ٿي سگهيو آهي: پوليس *
  • * ڪراچي: ميٽرڪ بورڊ شاگردن جي امتحان جا نتيجا پڌرا ڪري ڇڏيا *ڪراچي: ميٽرڪ بورڊ سائنس گروپ جي نتيجن جو اعلان ڪري ڇڏيو *ڪراچي: هڪ لک 68 هزار 880 شاگرد امتحان ۾ ڪامياب قرار*
  • *ڪشمور ويجهو سڱاوتي تڪرار تان هٿياربندن جي فائرنگ ۾ نوجوان قتل، واٽهڙو پيرسن زخمي *هٿياربندن جي فائرنگ ۾ عيد گاهه واسي علي گل سولنگي ۽ واٽھڙو پيرسن شاھمور خالدي زخمي ٿي پيا *زخمي سول اسپتال منتقل، نوجوان کي رحيم يار خان نيو پئي ويو ته رستي ۾ دم ڌڻي حوالي ڪيائين *مورزادو جکراڻي ۽ ڏاڏو جکراڻي نوجوان کي قتل ڪيو، قاتل گرفتار ڪري انصاف ڪيو وڃي: وارث *
  • *محرابپور ويجهو نوجوان بجلي جو ڪرنٽ لڳڻ سبب فوت *ڳوٺ ولي آباد ۾ علي ولد رمضان آرائين پکي مان ڪرنٽ لڳڻ سبب فوت ٿي ويو *
  • *سپريم ڪورٽ ۾ سرڪاري زمين تي پيٽرول پمپس ليز تي ڏيڻ بابت پاڻمرادو نوٽيس تي ٻڌڻي *عدالت ڪمشنر فيصل آباد پاران پيش ڪيل رپورٽ رد ڪري ڇڏي *سپريم ڪورٽ پاران ايندڙ ٻڌڻي تي ڪمشنر فيصل آباد کي ذاتي حيثيت ۾ پيش ٿيڻ جو حڪم *حڪم تي عمل نه ٿيو ته ڪمشنر ۽ اسسٽنٽ ڪمشنر ٻئي جيل ويندا: سپريم ڪورٽ*
  • *سڪرنڊ ۾ آل پارٽيز الائينس جي سڏ تي بجلي جي اڻ اعلانيل لوڊشيڊنگ خلاف احتجاجي ريلي *مظاهرين صحافي چوڪ کان ريلي ڪڍي حيسڪو آفيس جي گيٽ آڏو ڌرڻو هنيو، ڇتي نعريبازي *سڪرنڊ ۽ ڀرپاسي ۾ 16کان18 ڪلاڪ بجلي جي لوڊشيڊنگ ڪئي پئي وڃي: مظاهرين *
  • *ڪراچي: سهراب ڳوٺ وٽ پوليس ۽ ڏوهارين وچ ۾ مبينا مقابلو، 2 ڦورو زخمي حالت ۾ گرفتار *موٽر سائيڪل تي سوار ٽن جوابدارن ڦر جي ڪوشش ڪئي ته پوليس پهتي: پوليس *مقابلي ۾ زخمي ٿيل ڦورو فيروز اسپتال ۾ علاج دوران فوت ٿي ويو: پوليس *
  • *ڪراچي: شرافي ڳوٺ ۾ نجي ڪمپني جي لاڪرز مان چوري ڪندڙ جوابدار گرفتار *جوابدار لاڪرز ٽوڙي نجي ڪمپني جا 6 لک رپيا چوري ڪيا هئا: پوليس *سي سي ٽي وي فوٽيجز ۾ هڪ جوابدار ڪمپني اندر نظر آيو آهي: پوليس*
  • *رائونتي ۾ ڳوٺاڻن جو بنيادي سهولتن جي کوٽ خلاف احتجاجي ريلي، ڌرڻو *مختلف ڳوٺن جي رهواسين احتجاجي ريلي ڪڍي اي سي آفيس اوٻاوڙو آڏو ڌرڻو هنيو، نعريبازي *ڳوٺن ۾ اسڪول، پڪن روڊن ۽ اسپتال جهڙي جهڙي ڪا به سهولت نه آهي: ڳوٺاڻا*

پ پ حڪومت ڪراچي تي قبضي ۾ وفاق جي سهولتڪار

پيپلز پارٽي جي سرڪار آخر ڪار عوام جي مينڊيٽ تحت مليل سنڌ صوبي ۾ حڪمراني ۽ اختيارن ۾ وفاقي حڪومت کي ڀائيوار ڪرڻ ۾ راضي ٿي وئي اهو به ان ڏينهن جنهن ڏينهن حڪمران پارٽي جي سڏ تي سڄي سنڌ ۾ ان جا ڪارڪن ڪراچي کي وفاق جي ڪنٽرول ۾ ڏيڻ خلاف مظاهرا ڪري رهيا هيا.جڏهن کان ڪراچي مسئلن جي حل لاءِ ڪميٽي ٺاهڻ جون ڳالهيون ٿي رهيون هيون ۽ وفاقي حڪومت بار بار سنڌ حڪومت تي ڪرپشن ۽ ڪراچي دشمني جا الزام هڻي رهي هئي ته سنڌ جو وڏو وزير ۽ ٻيا صوبائي وزير وفاق جي زيادتين خلاف ڳالهائيندا رهيا ۽ سنڌ جو اڪثريتي عوام به وفاق جي ان رويئي ۽ پ پ جي مينڊيٽ کي صوبي ۾ برداشت نه ڪرڻ واري ڳالهه تي وفاقي حڪومت ۽ پي ٽي آءِ تي تنقيد ڪندو رهيو،پر جڏهن هاڻ سنڌ حڪومت ان ڪميٽي ٺاهڻ تي راضي ٿي آهي ته عوام حيران آهي ته آخرڪار اها ڪهڙي مجبوري هئي جنهن ڪري سنڌ حڪومت پنهنجي اختيارن ۾ وفاقي حڪومت کي حصيدار ڪرڻ تي راضي ٿي وئي.
پ پ پنهنجي وڏي ۾ وڏي ڪاميابي ارڙهين ترميم کي ڳڻائيندي رهي آهي پر اڄ سنڌ لاءِ ٺاهيل ڪميٽي ڄڻ ته عملي طور انهي ارڙهين ترميم کي به بي اثر ڪري ڇڏيو آهي ،ڀلي کڻي اها هاڻ آئين جو حصو هجي پر اها ڪميٽي ثابت ٿي ڪري ته هاڻي انهي ارڙهين ترميم تي عمل ٿيندي نظر نه ايندو جيڪا صوبائي حڪومت کي خودمختيار ڪري رهي آهي پر جڏهن اها صوبائي حڪومت پاڻ ئي پنهنجي اختيارن تي سرينڊر ڪري ۽ نه وڙهي سگهي ته ٻيو ڪير ڇا ٿو ڪري سگهي ،پر هي رڳو سنڌ حڪومت جو مسئلو ناهي هي صوبي جي عوام جو مسئلو آهي جنهن ووٽ ڏئي پ پ کي حڪمراني ڪرڻ جو حق ڏنو پر هن سرڪار عوام جي ڏنل حق جي حفاظت نه ڪري عوام جي مينڊيٽ جي توهين ڪئي آهي.برساتن،پيئڻ جي پاڻي، نيڪال نظام، ٽرانسپورٽ جو بهانو بڻائي جهڙي نموني وفاقي حڪومت سنڌ صوبي جي عوام جي مينڊيٽ تي حملي آور ٿي آهي ۽ سنڌ حڪومت ان ۾ سهولتڪار ٿي آهي سنڌ جو عوام ان کي قطعي طور قبول نه ڪندو ،جيڪي مسئلا ڄاڻايا ويا آهن انهن مان ڪهڙو مسئلو آهي جيڪو پاڪستان جي ننڍي کان ننڍي شهر ۽ وڏي ۾ وڏي شهر ۾ نه هجي،اهي مسئلا ٺيٺ مڪاني ادارن سان ڳنڍيل آهن ۽ انهن مسئلن جو حل به مڪاني ادارن ۽ صوبائي حڪومت ذريعي ڪري سگهجي ٿو پر پ پ جي صوبائي حڪومت ۽ ايم ڪيوايم جي ڪراچي ۾ مڪاني حڪومت جي خراب ڪارڪردگي وفاق ۽ ڪجهه ڌرين کي اهو موقعو ڏنو آهي جيڪي ڪنهن نه ڪنهن ريت ڪراچي تي قبضي جي ڪوشش ۾ آهن .
ڪراچي سڄي ملڪ کي هلائيندڙ شهر ۽ سنڌ جي گادي جو هنڌ آهي پر ڪجهه ڌرين جي انهي تي اک آهي ڇو ته ڪراچي پورٽ کان وٺي ٻيٽن تائين ۽ ٻيا ايترا وسيلا انهي ڪراچي شهر وٽ آهن ان ڪري ئي ڪراچي کي انتظامي طور سنڌ کان الڳ ڪرڻ جي ڪوشش ڪيتري وقت کان ٿيندي رهي آهي،اسان سمجهون ٿا ته مشرف جي دور جو مڪاني نظام ۽ پ پ دور ۾ ٻٽي مڪاني نظام جي ڪوشش به اهڙي سلسلي جي ڪڙي هئي پر عوام جي شديد ردعمل انهي ڪوشش کي ناڪام بڻايو پر هن ڀيري ان ڪوشش ۾ ڄڻ ته پ پ جي حڪومت سهولتڪار جو ڪردار ادا ڪري عوام جي ڏنل مينڊيٽ جو ڀرم نه رکيو آهي ۽ عوام جي انهي امانت ۾ خيانت ڪئي آهي.

Bookmark the permalink.

Leave a Reply

Your email address will not be published. Required fields are marked *