تازا ترين
  • *ڪراچي: وڏي وزير مراد علي شاهه شير شاهه ۾عمارت ڪرڻ واري واقعي جو نوٽيس ورتو *وڏي وزير پاران ڪمشنر ڪراچي کي فوري طور انتظاميه کي متحرڪ ڪرڻ جي هدايت *ڪوشش ڪئي وڃي ته سمورن مزدورن جون حياتيون بچايون وڃن: وڏو وزير مراد علي شاهه*
  • *ٽنڊو غلام حيدر جي مختلف علائقن مان برسات ۽ گهارن جو پاڻي نيڪال نه ٿيو، رهواسي عذاب ۾ مبتلا *مويا نظرپور، ڏندو، حاجي صوڀو خان چانڊيو سميت 8 يوسيز جي ڪيترن ئي ڳوٺن ۾ پاڻي بيٺل پاڻي نيڪال نه ٿيڻ سبب مليريا، گيسٽرو ۽ ٻين بيماريون منهن ڪڍيو، ڪيترائي ڳوٺاڻا اسپتال ڀيڙا*
  • *سپريم ڪورٽ ۾ ذهني مريض قيدي جي موت واري سزا روڪڻ لاءِ اپيل تي ٻڌڻي *عدالت جوابدار غلام عباس جي طبي چڪاس لاءِ ميڊيڪل بورڊ جوڙي ڇڏيو *ميڊيڪل بورڊ کي طبي چڪاس ڪري ٽن هفتن اندر رپورٽ پيش ڪرڻ جو حڪم*
  • *ٽنڊو غلام حيدر ۾ ڳوٺاڻن جو برساتي پاڻي نيڪال نه ٿيڻ تي ٻارڙن کي پوليو جا ڦڙا پيئارڻ کان انڪار *ڳوٺ مير محمد لاشاري جي رهواسين برساتي پاڻي نيڪال نه ٿيڻ خلاف احتجاج ڪيو *ڳوٺ مان پاڻي نيڪال ڪرايو وڃي ٻي صورت ۾ ٻارڙن کي پوليو جا ڦڙا نه پيئارينداسين: ڳوٺاڻا*
  • *ٽنڊو ڄام زرعي يونيورسٽي ۽ وٽرنري يونيورسٽي سڪرنڊ ۾ وقتي وائيس چانسلرز جي مقرري *پروفيسر ڊاڪٽر ظهير الدين ميراڻي زرعي يونيورسٽي ٽنڊو ڄام جو وقتي وائيس چانسلر مقرر *احمد سلطان جتوئي وٽرنري يونيورسٽي سڪرنڊ جو وقتي وائيس چانسلر مقرر، نوٽيفڪيشن جاري*
  • *آصف زرداري ۽ نواز شريف هڪ ٻئي تي الزام لڳائيندا رهيا هاڻي گڏ ويٺا آھن: خرم شير زمان *بلاول جي تقرير مان لڳي پيو ته پاڪستان خلاف تحريڪ هلائڻ وڃن پيا: خرم شيرزمان *جيڪڏھن کين تحريڪ هلائڻي آھي ته ڪراچي ۽ لاڙڪاڻي کان شروع ڇو نٿا ڪن: خرم شير زمان*
  • *ڪراچي: دهشتگردي ٽوڙ عدالت ۾ انسپيڪٽر ناصر الحسن جي ٽارگيٽ ڪلنگ بابت ڪيس تي ٻڌڻي *ڏوهه ثابت نه ٿيڻ تي عدالت 5 جوابدارن کي بري ڪري ڇڏيو *اکين ڏٺن شاهدن جي تڪراري بيان جي ڪري ڏوهه ثابت نه ٿي سگهيو آهي: پوليس *
  • * ڪراچي: ميٽرڪ بورڊ شاگردن جي امتحان جا نتيجا پڌرا ڪري ڇڏيا *ڪراچي: ميٽرڪ بورڊ سائنس گروپ جي نتيجن جو اعلان ڪري ڇڏيو *ڪراچي: هڪ لک 68 هزار 880 شاگرد امتحان ۾ ڪامياب قرار*
  • *ڪشمور ويجهو سڱاوتي تڪرار تان هٿياربندن جي فائرنگ ۾ نوجوان قتل، واٽهڙو پيرسن زخمي *هٿياربندن جي فائرنگ ۾ عيد گاهه واسي علي گل سولنگي ۽ واٽھڙو پيرسن شاھمور خالدي زخمي ٿي پيا *زخمي سول اسپتال منتقل، نوجوان کي رحيم يار خان نيو پئي ويو ته رستي ۾ دم ڌڻي حوالي ڪيائين *مورزادو جکراڻي ۽ ڏاڏو جکراڻي نوجوان کي قتل ڪيو، قاتل گرفتار ڪري انصاف ڪيو وڃي: وارث *
  • *محرابپور ويجهو نوجوان بجلي جو ڪرنٽ لڳڻ سبب فوت *ڳوٺ ولي آباد ۾ علي ولد رمضان آرائين پکي مان ڪرنٽ لڳڻ سبب فوت ٿي ويو *
  • *سپريم ڪورٽ ۾ سرڪاري زمين تي پيٽرول پمپس ليز تي ڏيڻ بابت پاڻمرادو نوٽيس تي ٻڌڻي *عدالت ڪمشنر فيصل آباد پاران پيش ڪيل رپورٽ رد ڪري ڇڏي *سپريم ڪورٽ پاران ايندڙ ٻڌڻي تي ڪمشنر فيصل آباد کي ذاتي حيثيت ۾ پيش ٿيڻ جو حڪم *حڪم تي عمل نه ٿيو ته ڪمشنر ۽ اسسٽنٽ ڪمشنر ٻئي جيل ويندا: سپريم ڪورٽ*
  • *سڪرنڊ ۾ آل پارٽيز الائينس جي سڏ تي بجلي جي اڻ اعلانيل لوڊشيڊنگ خلاف احتجاجي ريلي *مظاهرين صحافي چوڪ کان ريلي ڪڍي حيسڪو آفيس جي گيٽ آڏو ڌرڻو هنيو، ڇتي نعريبازي *سڪرنڊ ۽ ڀرپاسي ۾ 16کان18 ڪلاڪ بجلي جي لوڊشيڊنگ ڪئي پئي وڃي: مظاهرين *
  • *ڪراچي: سهراب ڳوٺ وٽ پوليس ۽ ڏوهارين وچ ۾ مبينا مقابلو، 2 ڦورو زخمي حالت ۾ گرفتار *موٽر سائيڪل تي سوار ٽن جوابدارن ڦر جي ڪوشش ڪئي ته پوليس پهتي: پوليس *مقابلي ۾ زخمي ٿيل ڦورو فيروز اسپتال ۾ علاج دوران فوت ٿي ويو: پوليس *
  • *ڪراچي: شرافي ڳوٺ ۾ نجي ڪمپني جي لاڪرز مان چوري ڪندڙ جوابدار گرفتار *جوابدار لاڪرز ٽوڙي نجي ڪمپني جا 6 لک رپيا چوري ڪيا هئا: پوليس *سي سي ٽي وي فوٽيجز ۾ هڪ جوابدار ڪمپني اندر نظر آيو آهي: پوليس*
  • *رائونتي ۾ ڳوٺاڻن جو بنيادي سهولتن جي کوٽ خلاف احتجاجي ريلي، ڌرڻو *مختلف ڳوٺن جي رهواسين احتجاجي ريلي ڪڍي اي سي آفيس اوٻاوڙو آڏو ڌرڻو هنيو، نعريبازي *ڳوٺن ۾ اسڪول، پڪن روڊن ۽ اسپتال جهڙي جهڙي ڪا به سهولت نه آهي: ڳوٺاڻا*

پوليس هيروز، سڃاڻپ ظاهر ڪرڻ کان نوَن هدايتن تائين..!!

2 ڏينهن اڳ ڪراچي جي مختلف ٿاڻن تي نوٽيس چنبڙايا ويا، جن تي لکيل هو ته “آءِ جي سنڌ جي حڪمن جي روشني ۾ پوليس اهلڪارن ۽ آفيسرن کي هدايت ٿي ڪجي ته اهي گھر کان ڊيوٽي اچڻ توڙي ڊيوٽي تان واپس گھر وڃڻ وقت يونيفارم نه پائين ۽ نه ئي مخصوص شوز(بوٽ)پائين، اهلڪارن ۽ آفيسرن طرفان ڊيوٽي کان علاوه يونيفارم يا بوٽ پائڻ جو اطلاع مليو ته انهن خلاف سخت ڪارروائي ڪئي ويندي، سڀني کي هدايت ٿي ڪجي ته اعليٰ آفيسرن جي حڪمن تي عمل ڪندي پنهنجي سيڪيورٽي جو خيال رکن”. هي نوٽيس مددگار 15 ۾ مقرر پوليس اهلڪار نعمان جي شهادت بعد مختلف ٿاڻن تي چنبڙايا ويا، اهلڪار نعمان ڪلفٽن واري علائقي مان ڊيوٽي تان واپس پنهنجي گھر محمودآباد وڃي رهيو هو ته بلوچ ڪالوني ٿاڻي جي حد منظور ڪالوني ۾ موٽرسائيڪل سوار ٻن هٿياربندن کيس ٽارگيٽ بڻائي شهيد ڪري ڇڏيو، هٿياربند ويندي ويندي سندس لائسنس يافتا پسٽل به کڻي ويا هئا، 24 ورهين جي اهلڪار نعمان کي وردي پاتل هئي ۽ هو موٽرسائيڪل تي وڃي رهيو هو، هٿياربندن کيس ايتري به مهلت نه ڏني جو هو موٽرسائيڪل بيهاري پسٽل سان پنهنجي حفاظت ڪري سگھي ها، هلندڙ موٽرسائيڪل تي کيس نشانو بڻايو ويو ۽ کيس ڄاڙي ۾ گولي لڳي ۽ هو 15 منٽن تائين تڙپندو رهيو، اسپتال به نه پهچي سگھيو. ان واقعي کان پوءِ آءِ جي سنڌ جي حڪمن تحت سمورن اهلڪارن ۽ آفيسرن کي پابند بڻايو ويو ته اهي ڊيوٽي تي اچڻ توڙي ڊيوٽي تان واپس وڃڻ وقت يونيفارم نه پائين.
هي حڪم نامون يقينن سنڌ پوليس جي جوانن جي بهتري لاءِ آهي پر مون کي حيرت ان ڳالهه تي آهي ته سنڌ پوليس جا ڪمانڊر ان وقت تائين جوانن جي بهتري لاءِ نه سوچيندا آهن، جيستائين جاني نقصان نٿو ٿئي. پڙهندڙن کي ياد هوندو ته ان ساڳي آءِ جي سنڌ پاڪستان اسٽاڪ ايڪسچينج تي حملو ڪندڙ دهشتگردن کي انجام تائين پهچائيندڙ پوليس اهلڪارن جي نه صرف سڃاڻپ ظاهر ڪئي پر سندس ئي حڪمن تي وڏيون وڏيون تقريبون ٿيون، فخر سان بهادر اهلڪارن کي ميڊيا آڏو پيش ڪيو ويو. اسان اهو نٿا چئون ته ملڪ جي معاشي رڳ تي ٿيل حملي کي ناڪام بڻائيندڙ اهلڪارن جي همٿ افزائي نه ٿيڻ گھرجي ها پر اسان اهو ٿا چئون ته اهلڪارن جي همٿ افزائي ميڊيا کان بغير به ممڪن هئي. دهشتگرد ڪو ڪرايي جا قاتل نه هئا، جو انهن کي ماريندڙ اهلڪارن جي سڃاڻپ ظاهر ڪري ميڊيا تي جشن ملهايو ويو پر اهي دهشتگرد ان نيٽورڪ سان سلهاڙيل هئا، جيڪي پراڪسي وار جو حصو هئا، دهشتگرد ته مارجي ويا پر انهن جو نيٽورڪ اڃان به موجود آهي، خود قانون لاڳو ڪندڙ ادارا ان ڳالهه جو اقرار ڪري رهيا آهن ته صوبي جي راڄڌاني واري شهر ۾ ڀارتي ڳجهي ايجنسي را ۽ ايم ڪيو ايم لنڊن جا ڪارندا موجود آهن، جيڪي دهشتگردي ۽ ڏوهي وارداتون ڪري رهيا آهن ۽ انهن جا سليپر سيل قائم آهن جيڪي وقت اچڻ تي سرگرم ٿي وڃن ٿا. ڪجهه وقت اڳ خود پوليس جي ٻن آفيسرن جي را لاءِ ڪم ڪرڻ جي الزام ۾ گرفتاري ان ڳالهه کي ثابت ڪري ڇڏيو آهي ته شهر ۾ ملڪ دشمن عنصرن جو نيٽورڪ ڪيترو مضبوط آهي، ان صورتحال ۾ پوليس آفيسرن بهادر اهلڪارن جي سڃاڻپ ظاهر ڪري انهن کي ميڊيا آڏو آڻي کين سيڪيورٽي رسڪ تي آڻي بيهاريو آهي، شهر ۾ قانون نافذ ڪندڙ ادارن جا اهلڪار به ڪنهن ڪارروائي دوران ڪارا ماسڪ لڳائي پنهنجي منهن ڍڪي ڇڏيندا آهن ته متان دشمن کين سڃاڻي نه سگھي.
آئون پڙهندڙن کي اهو پڻ ٻڌائيندو هلان ته ڪراچي ۾ 2013ع ۾ جيڪو آپريشن ٿيو هو، ان آپريشن دوران توڙي آپريشن کانپوءِ ان آپريشن ۾ حصو وٺندڙ 138 اهلڪارن ۽ آفيسرن کي شهيد ڪيو ويو آهي، جن ۾ 2 ڊي ايس پي، 3 انسپيڪٽر، 13 سب انسپيڪٽر، 16 اي ايس آئيز، 26 هيڊڪانسٽيبل ۽ 78 اهلڪار شامل هئا، جڏهن ته 162 اهلڪار ۽ آفيسر زخمي ٿيا هئا. اهڙي ريت 92ع ۾ آپريشن ۾ حصو وٺندڙ 173 اهلڪارن کي چونڊي چونڊي شهيد ڪيو ويو هو، جن جي قتل ۾ ايم ڪيو ايم سان تعلق رکندڙ 187 هٿياربند نامزد آهن، جن مان ڪيترائي ٽارگيٽ ڪلر اڃان تائين گرفتار نه ٿي سگھيا آهن. هاڻي جڏهن هٿياربندن ڊيوٽي تان واپس گھر ويندڙ پوليس اهلڪار نعمان کي شهيد ڪيو ته پوليس آفيسرن کي صورتحال جي سنگيني جو اندازو ٿي ويو ۽ انهن اهلڪارن کي پنهنجي حفاظت يقيني بڻائيڻ لاءِ نيون هدايتون جاري ڪيون آهن،
هڪڙن اهلڪارن کي ميڊيا آڏو آندو ويو ۽ هڪ اهلڪار جي شهادت بعد وري نيون هدايتون جاري ڪيون ويون، اهو به صحيح آهي ته دير ئي سهي پوليس ڪمانڊرن کي اها سمجھڻ ۾ مدد ته ملي ته هي شهر ڪيترو نه حساس آهي، هن شهر ۾ هڪ سڄو نسل خوف ۾ نپجي وڏو ٿيو، هن ئي شهر ۾ غيرملڪي ايجنسين جا نيٽورڪ آهن، هي شهر هاڻي پراڪسي وار جي گھٽ ئي سهي پر اثر هيٺ آهي، چائنيز قونصل خاني کانپوءِ پاڪستان اسٽاڪ ايڪسچينج تي ٿيل حملي ۾ هڪجهڙائي ۽ ٻنهي حملن جي هڪ ئي تنظيم طرفان ذميواري قبولڻ، تازو عذير بلوچ جي جي آءِ ٽي رپورٽ ۾ عذير بلوچ جي ايراني انٽيليجنس آفيسرن سان ملاقاتن جو انڪشاف ۽ ايم ڪيو ايم باني پاران ڀارتي ايجنسين کان مدد گھرڻ وارن معاملن مان اهو واضح ٿي ويو آهي ته هڪ کان وڌيڪ ملڪ ڪراچي کي پراڪسي وار جي اثر هيٺ آڻڻ چاهين ٿا. ان صورتحال ۾ پوليس آفيسرن کي سمجھداري جو مظاهرو ڪرڻو پوندو، پوليس اهلڪارن جانين جا نذرانا ڏنا، سندن زندگي به اهم هجڻ گھرجي، بهادر اهلڪارن جي همٿ افزائي اداري اندر ئي ٿيڻ گھرجي، کين ترقيون ملڻ گھرجن، انعام ملڻ گھرجن ان سان گڏگڏ پوليس اهلڪارن کي جديد هٿيار مهيا ڪرڻ گھرجن، اڄ به شهر ۾ ٽريفڪ اهلڪار بغير هٿيارن جي ڊيوٽي ڏئي رهيا آهن، باوجود ان جي ته ماضي ۾ اهي ٽريفڪ اهلڪار به ٽارگيٽ بڻجي چڪا آهن، پوليس اهلڪارن کي بلٽ پروف جيڪيٽس ۽ پڪ اينڊ ڊراپ جي سهولت به ملڻ گھرجي پر ان سان گڏوگڏ پوليس اهلڪارن جي زندگي به اهم هجڻ گھرجي، انهن جي سڃاڻپ ظاهر ڪري کين دشمن جي ڪامياب ٽارگيٽ تي آڻي بيهارڻ ڪهڙي دانشمندي آهي؟

Bookmark the permalink.

Leave a Reply

Your email address will not be published. Required fields are marked *