تازا ترين
  • *وزير اعظم جي درخواست تي وفاق جي نمائندگي جو فيصلو ڪيو: فروغ نسيم *جسٽس فائز عيسيٰ ريفرنس ڪيس ۾ وفاق جي نمائندگي ڪندس: فروغ نسيم *بطور وزير قانون مون عهدي تان استعيفيٰ ڏني آهي: فروغ نسيم *منهنجي دل ۾ عدليا جي لاءِ عزت ۽ قانون جي پاسداري آهي: فروغ نسيم*
  • *ڀرياسٽي ۽ ڀرپاسي ۾ رولو ڪتن 8 ڄڻن کي ڏاڙهي وڌو *ٽن عورتن سميت 8 زخمين کي اسپتال منتقل ڪيو ويو*
  • *دادو ۾ نوجوان ناري جي ڪورونا ٽيسٽ رپورٽ پازيٽو اچي وئي *ڊاڪٽر رشيد قريشي جي پنجن گهرڀاتين سميت 16 ڄڻن جي رپورٽ نيگيٽو اچي وئي *
  • * وڏي وزير سيد مراد علي شاهه سان ورلڊ هيلٿ آرگنائيزيشن جي ڪنٽري ڊائريڪٽر جي ملاقات *ملاقات دوران صحت واري وزير عذرا پيچوهو، پرنسپال سيڪريٽري ۽ ٻيا به شريڪ *اسان وٽ ڪورونا جي حوالي سان روزانو 6600 ٽيسٽ ڪرڻ جي گنجائش آهي: وڏو وزير *شهري ٽيسٽ ڪرائڻ ۾ ايترو سهڪار نه ڪري رهيا آهن، جيترو ڪرڻ گهرجي: مراد علي شاهه *
  • ڪوٽڙي ۾ وڌيڪ هڪ ڄڻي کي ڪورونا جي تصديق، متاثرن جو انگ 24 ٿي ويو *22مان هڪ ڄڻي جي ڪورونا ٽيسٽ رپورٽ پازيٽو اچي وئي * ڪورونا متاثر کي گهر ۾ ئي آئيسولٽ ڪيو ويندو: ڊي ايڇ او *
  • *قاضي احمد ۾ ڌارين کي جعلي ڊوميسائيل جاري ڪرڻ خلاف احتجاجي ريلي ڪڍي وئي *مختلف سياسي سماجي قومپرست تنظيمن جي اڳواڻن ۽ شهرين پاران ريلي ڪڍي وئي *
  • *سنجهورو: ڪشمير بارڊر تي دل جي دوري سبب فوت ٿيل فوجي جوان جو مڙهه ڳوٺ پهچايو ويو *فوجي جوان ڪاشف جٽ جو مڙھ مظفر آباد کان سندس اباڻي ڳوٺ 23 چڪ پهچايو ويو *
  • *سانگهڙ ۾ ڪورونا متاثر فوڪل پرسن جي ٻيهر ٽيسٽ رپورٽ پازيٽو اچي وئي *ڪورونا متاثر ڊاڪٽر شبير چنا جي ٻيهر ٽيسٽ رپورٽ پازيٽو اچي وئي *
  • *ڪنڊيارو شهر جي محبت ديرو ناڪي وٽ پئٽرول ڀرائڻ دوران چنگچي کي باهه لڳي وئي *مالڪ ٽپو ڏئي پاڻ کي بچايو، شهرين پهچي باهه وسائي ورتي، چنگچي سڙي وئي*
  • *ڊکڻ ويجهو پوليس جي ٽن مقتولن جا جوابدار گرفتار ڪرڻ لاءِ ڳوٺن تي چڙهائي، 2 گهر ۽ اوطاق ڊاهي پٽ*
  • *عمرڪوٽ: مسمات بشرا خاصخيلي کي تذليل ۽ تشدد جو نشانو بڻائڻ وارو معاملو *عمرڪوٽ: پوليس گذريل ڏينهن 3 جوابدارن کي گرفتار ڪرڻ کانپوءِ اڄ ميڊيڪل لاءِ اسپتال آندو *جوابدارن عرس کاڙت، قيوم کاڙت ۽ ربنواز کوسي جو ڊي اين اي ڪرايو ويو: پوليس *عورت ٿاڻي تي پهچي جوابدارن تي تشدد ۽ زيادتي ڪرڻ جو الزام هنيو هو: پوليس *
  • * اسلام آباد: احتساب عدالت ۾ راجا پرويز اشرف جي نيب ريفرنس ۾ بريت واري درخواست *رينٽل پاور ڪرپشن ڪيس جي فيصلي جي لاءِ 25 جون جي تاريخ مقرر *
  • *لاڙڪاڻي جي چانڊڪا اسپتال جي آءِ سي يو وارڊ ۾ داخل 70 ورهين جو مريض فوت *لاڙڪاڻو : گذريل ٽن ڏينهن کان سيد گلزار شاھ آءِ سي يو وارڊ ۾ وينٽيليٽر تي هو*
  • *سکر: سنڌ بار ڪائونسل جي سڏ تي هاءِ ڪورٽ، سيشن ڪورٽ ۽ ماتحت عدالتن ۾ عدالتي ڪارروائين جو بائيڪاٽ *ميرپور ماٿيلو ۾ وڪيل گل فيروز ڪلوڙ کي گرفتار ڪرڻ خلاف وڪيل برادري طرفان مظاهرا *
  • *ڪراچي جهاز سانحو: سڙي زخمي ٿيل نينگري سول اسپتال ۾ زخمن جا تاب نه سهندي فوت، 84 لاش سڃاڻپ بعد وارثن حوالي*

پنهنجن جي چٺي

هڪ اڳ ئي غربت مٿان آباديءَ ۾ واڌ!
اسان جي ملڪ جي ھر حصي ۾ ستن کان پندرهن سالن تائين جي عمر جا ٻار مختلف دڪانن تي ڪم ڪندي نظر ايندا آهن. يا اھي ھوٽلن تي بيراگيري ڪندا آهن انهن مان اڪثر ٻارن جو تعداد غربت جي لڪير کان به ھيٺ تعلق رکندڙ خاندانن سان آھي. دنيا جو عيش ۽ آرام ته پنھنجي جاءِ تي آهي پر انھن جي والدين وٽ نه اسڪول، نه مسجد ۽ نه ئي وري ڪو ٻيو ذريعو ھوندو آھي، جنھن وسيلي اھي پنھنجي ٻار جي تربيت ڪري سماج ۾ ٻين ٻارن وانگر ڪارائتو ٻار بڻائي سگھن. جن خاندانن وٽ کڻي دنيا جون سڀ خوشيون، عيش ۽ آرام ته نه آهي پر انھن جي زندگي پوءِ به آرام ۽ سڪون سان گذري ٿي. جيئن اسان وٽ مڊل ڪلاس جا ماڻهو آھن ته انھن جا ٻار تعليم ۽ تربيت وٺي ھڪ ڏينھن ضرور اعليٰ مقام تي پھچن ٿا، جنھن سان انھن جو بقايا خاندان به سڌري ۽ سنوارجي پوي ٿو. اسان جي سماج ۾ جيڪي مختلف غير انساني پھلو آهن انھن کان بچڻ جو واحد حل ٻار جي اخلاقي ۽ سماجي تربيت آهي. ھر مذهب جو اهو درس آهي ته ٻار جي مڪمل تربيت، کاڌي پيتي ۽ ان جي سڀني ضرورتن کي نظر ۾ رکي پوءِ ٻار کي پيدا ڪرڻ جو خيال ڪيو وڃي. هڪ اسان وٽ اڳ ئي غربت آهي، مٿان آبادي وڌائڻ تي زور آهي ته گهٽ ۾ گهٽ سوڙ آهر پير ڊگهيرڻ گهرجن.
ذيشان بنگلاڻي/ ڀنگوبھڻ
کير پياڪ نينگر جي موت جا ذميوار، جرڳائي ڀوتار!
ڪالهه معمول موجب اخبار پڙهندي هڪ اهڙي خبر تي نظر پئي جنهن لڱ ڪانڊاري ڇڏيا. خبر ڪجھ ھن طرح ھئي ته تعلقي وارھ جي يونين ڪائونسل حمل جي ڳوٺ دڙي ماڇي ۾ نوجوان ٽوھ عرف انب ماڇي  نالي ھمراھ پنھنجي گھرواري ٽن ٻارڙن جي ماءُ ثمينا ماڇي مٿان ڪارنھن جو ڪوڙو بھتان مڙھي گھران ڪڍي ڇڏيو جڏھن ته 3 ٻار به کسي ورتا. اھڙو جرڳو شھدادڪوٽ جي بااثر ڀوتار ڪيو ۽ الزام ھيٺ آيل ڌر تي 5 لک چٽي مقرر ڪري معاملي کي لئه مٽي ڪري ڇڏيو. ٻارڙن مان ٽن ورھين جو معصوم ٻارڙو عبدالمطلب ماءُ لاءِ ٻاڪاريندي ٻاڪاريندي فوت ٿي ويو. اھڙي سُڌ جڏھن عبدالمطلب جي ماءُ کي پئي ته ھوءَ پنھنجي معصوم جگر جو مڙھ وٺڻ بي رحم ساھرن وٽ پھتي ته ھن کي دنيا جون ملامتون ھڻي خالي موٽائي ڇڏيو. آخرڪار ثمينا وارھ شھر جي پوليس ٿاڻي تي پنھنجي درد ڪٿا بيان ڪئي. ٿاڻي وارن به جرڳائي سياسي ڀوتار جي ونگار وھندي دردوندي ماءُ لاءِ قانون جا دروازا بند ڪري ڇڏيا. ڳالهه رڳو هڪ ثمينا جي ناهي پر ڪيتريون ئي ثمينائون آهن جيڪي ڪارنهن الزامن تحت ڪٺيون ويون. سنڌ جي بدنصيبي اها آهي ته اهڙي رسم گذريل پنجاھ سالن کان جرڳائي وڏيرن جي گذر سفر جو وسيلو ٿي پئي آهي. سوال اهو آهي ته ڇا ثمينا جي معصوم عبدالمطلب جي فوت ٿيڻ جو ڪيس داخل ٿيندو، ڇا جرڳائي ڀوتار ۽ نينگر جي ڪٺور پيءُ کي قانون جي ڪٽهڙي ۾ آندو ويندو؟ جواب آهي، نه، ڇاڪاڻ ته هي پورو نظام ئي اهڙن ظلمن تي ٻڌل آهي.
پيار علي چانڊيو / گھوگھارو
ايسوسيئيٽ ڊگري ڪرائڻ جي واضع پاليسي ته ٻڌايو!
شاھ عبداللطيف يونيورسٽي خيرپور مسلسل مسئلن جو شڪار آھي. تازو يونيورسٽي سان لاڳاپيل ڪاليجن ۾ ليٽر جاري ڪيا ويا آھن ته ھاڻي شاگردن کي ڪاليجن ۾ ايسوسيئيٽ ڊگري ڪرايو، جڏھن ته پھريائين B.A گريجـوئيـٽ ريــگيــولــر ٿينــدي ھئـي جـيـڪا ٻه سـال جـي ھونــدي هئــي، ان ڊگـري تـي شاگـردن کـي نـوڪـريـون به ملنديون ھيــون ڪاليجن ۾ B.A ڊگري ڪرائڻ جو مقصد يا سبب اھو ھو ته يونيورسٽي ۾ محدود سيٽون ھونديون آھن. يونيورسٽي ۾ سڀ شاگرد ڪن سبب جيڪري ريگيولر نٿا پڙھي سگھن. اھي شاگرد جيڪي ڪاليجن مان گريجوئيشن ڪري CSS ۽ SPSC جو امتحان ڏيندا آھن ڇا اھي ھن Associate degree تي CSS ۽ SPSC جو امتحان ڏئي سگھندا يا نه؟ ڇا ھن ڊگري تي شاگرد M.A يا M.sc ڪري سگھندا يا نه؟ شاگرد به پريشان آھن ته اسان ھن Associate degree لاءِ في ڪيئن ادا ڪيون، جيڪا في انتظاميا هن سال چئوڻ تي وڌائي ڇڏي آھي. پھريائين بي اي جي في 7500 ھوندي ھئي، ھاڻي اھا 17300 ٿي وئي آھي. جڏھن ته ايم اي جي پھريان في 8300 ھئي ھاڻي اھا وڌائي 19300 ڪري ڇڏي اٿن. جڏھن ته مارڪس شيٽ جي 250 روپيا في ھئي اها 700 روپيا، ڊگري سرٽيفڪٽ جي في 1500 مان وڌائي 3000 رپيا ڪئي وئي آھي. ٻيو ته ڪجھ سال اڳ يونيورسٽي پاران ڊگريون ڪاليجن ڏانهن موڪليون وينديون هيون، هاڻ اهو سلسلو بند آهي ۽ شاگردن کي ڊگري وٺڻ لاءِ يونيورسٽي جا چڪر لڳائڻا پون ٿا. ھاڻي ھن ڊگري ڪرائڻ جي واضع پاليسي نه آھي، شاھ عبداللطيف يونيورسٽي جي وي سي ۽ وڏي وزير کي عرض آھي ته شاگردن سان نا انصافي نه ڪيو ۽ ھن ڊگري ڪرائڻ جو مقصد ڇا آھي، ڪا واضع پاليسي ته ٻڌايو.
شفيق حسين وساڻ / ڳوٺ جھنگو وساڻ

Bookmark the permalink.

Leave a Reply

Your email address will not be published. Required fields are marked *